ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

4c5422b9cdca925e37f2565ced4eae82

ວັນ​ທີ 5 ພະຈິກ 2016 ທີ່​ຜ່ານມາ ທ່ານ ໄຊ​ສົມ​ພອນ ພົມ​ວິຫານ ປະທານ​ສູນ​ກາງ​ແນວ​ລາວສ້າງ​ຊາດ ພ້ອມ​ດ້ວຍ​ຄະນະ ໄດ້ລົງ​ເຄື່ອນ​ໄຫວ​ຢ້ຽມຢາມ ແລະ ຊຸກຍູ້​ການຈັດຕັ້ງ​ປະຕິບັດ​ແຜນພັດທະນາ​ເສດຖະກິດ-ສັງຄົມ ແລະ ການ​ຜະລິດ​ເປັນ​ສິນຄ້າ​ຢູ່ເມືອງ​ຫາດ​ຊາຍ​ຟອງ ນະຄອນຫຼວງ​ວຽງ​ຈັນ ໂດຍ​ມີທ່ານ ແກ່ນ ວໍລະ​ສານ ຮອງ​ເຈົ້າເມືອງ​ຫາດຊາຍ​ຟອງ ພ້ອມ​ດ້ວຍ​ຄະນະການ​ນຳ​ຂອງ​ເມືອງ ​ໄດ້​ໃຫ້ການຕ້ອນຮັບ.

ທ່ານ​ຮອງ​ເຈົ້າເມືອງ​ໄດ້​ລາຍງານ​ຫຍໍ້ ຕໍ່​ກັບ​ການຈັດຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ ປະຈຳ​ສົກ​ປີ 2015-2016 ແລະ ທິດ​ທາງ​ແຜນການ​ປະຈຳສົກ​ປີ 2017 ຂອງ​ເມືອງ​ຫາດຊາຍ​ຟອງ ໃຫ້​ກັບ​ປະທານ​ສູນກາງ​ແນວ​ລາວ​ສ້າງ​ຊາດ ພ້ອມດ້ວຍ​ຄະນະ ໄດ້​ຮັບ​ຊາບ​ວ່າ: ເມືອງ​ຫາດ​ຊາຍ​ຟອງ ຕັ້ງ​ຢູ່​ລຽບແມ່ນ້ຳ​ຂອງ ຍາວ 50 ກິໂລແມັດ ມີ 60 ບ້ານ ແລະ 36 ບ້ານ ​ຕັ້ງຢູ່​ລຽບ​ແມ່ນ້ຳ​ຂອງ ມີ​ພົນ​ລະເມືອງ 97.600 ຄົນ ຍິງ 49.800 ຄົນ ມີ 21.100 ຄົວເຮືອນ ເນື້ອທີ່ 25.800 ເຮັກຕາ ມີ​ເນື້ອທີ່​ທຳ​ການ​ຜະລິດ​ປູກຝັງລ້ຽງສັດ 10.000 ເຮັກຕາ ເປັນເມືອງ​ທີ່​ມີ​ເນື້ອທີ່​ກະສິກຳ​ຫຼາຍສົມຄວນ ປະ​ເມີນເສດຖະກິດ​ມະຫາ​ພາກ​ມີ​ການເຕີບ​ໂຕ​ໃນ​ລະດັບ 11% ສ້າງ​ມູນຄ່າ​ເພີ່ມ​ລວມ​ຍອດ​ຜະລິດ​ຕະ​ພັນພາຍ​ໃນ​ໄດ້ 1.727 ຕື້​ກີບ ສະເລ່ຍລາຍ​ຮັບ​ຕໍ່​ຫົວ​ຄົນໄດ້ 2.170 ໂດລາ​ສະຫະລັດ/ຄົນ/ປີ ການ​ຈັດເກັບ​ລາຍ​ຮັບ​ໄດ້ 88% ຂອງ​ຕົວເລກ​ຄາດໝາຍ​ຂັ້ນ​ເທິງ​ມອບ​ໃຫ້ 18.522 ຕື້​ກີບ.

ພ້ອມ​ນີ້ ທ່ານ ໄຊ​ສົມ​ພອນ ພົມວິຫານ ຍັງ​ໄດ້​ສະແດງ​ຄວາມຍ້ອງຍໍ​ຊົມເຊີຍ​ຕໍ່​ຜົນສຳເລັດ ​ທີ່ການ​ນຳ​ເມືອງ​ຍາດ​ມາ​ໄດ້ ແລະ ກໍ່​ໄດ້​ຍົກ​ໃຫ້​ເຫັນ​ເຖິງ​ບັນຫາ​ສະພາບ​ວິ​ກິດ​ການ ສິ່ງ​ທ້າ​ທາຍຕ່າງໆ​ທີ່​ເກີດ​ຂຶ້ນ ເປັນຕົ້ນ ໃຫ້ເມືອງ​ເອົາໃຈໃສ່​ສືບຕໍ່​ສຸມ​ໃສ່​ຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ພັກ ໃຫ້​ປາກົດ​ຜົນເປັນ​ຈິງ ສືບຕໍ່​ສຶກ​ສາ​ອົບ​ການເມືອງ​ແນວ​ຄິດ​ໃຫ້​ພໍ່​ແມ່​ປະຊາຊົນ ແລະ ປັບປຸງ​ໃຫ້​ມີ​ແບບແຜນການ​ນຳພາ​ທີ່​ດີ ເອົາໃຈໃສ່​ຊຸກຍູ້ສົ່ງເສີມ​ການ​ຜະລິດ​ກະສິກຳ​ສະອາດ​ເປັນ​ສິນຄ້າ ປາສະຈາກການ​ໃຊ້​ສານ​ເຄ​ມີ​ຕ່າງໆ ແລະ ສູ້​ຊົນ​ໃຫ້​ແຕ່​ລະ​ບ້ານ​ຈັດ​ຕັ້ງ​ກອງທຶນ​ເພື່ອ​ຊ່ວຍເຫຼືອ​ເຊິ່ງ​ກັນ ແລະ ກັນ ແລະ ຮັບປະກັນ​ໃນ​ເລື່ອງຄວາມ​ສະຫງົບ​ປອດ​ໄພ​ຕ່າງໆ.

ຄົ້ນຫາ

ປະຕິທິນ

March 2021
S M T W T F S
28 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 41

ຈຳນວນຜູ້ເຂົ້າຊົມວານນີ້ 47

ຈຳນວນຜູ້ເຂົ້າຊົມອາທິດນີ້ 145

ຈຳນວນຜູ້ເຂົ້າຊົມເດືອນນີ້ 145

ຈຳນວນຜູ້ເຂົ້າຊົມທັງໝົດ 77208

Currently are 14 guests and no members online