ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

d93092840e8ac75a80f63c2f75a2b0ae

       ວັນ​ທີ 3 ພະຈິກ 2016 ພະ​ແນກ​ກະສິກຳ ແລະ ປ່າໄມ້ ນະຄອນຫຼວງ​ວຽງ​ຈັນ ຮ່ວມ​ກັບຫ້ອງການ​ກະສິກຳ ແລະ ປ່າໄມ້ ເມືອງ​ໄຊ​ທານີ ໄດ້​ສ້າງ​ຂະ​ບວນການ​ອະນາໄມ​ລວງ​ຄອງເໝືອງ ແລະ ເລີ່ມ​ເປີດ​ນ້ຳ​ຊົນລະປະທານ ຮັບ​ໃຊ້​ການ​ຜະລິດ​ລະດູແລ້ງ ສົກປີ 2016-2017 ຂຶ້ນ​ທີ່​ສະຖານີເວີນ​ຄຳ 1 ເມືອງ​ໄຊ​ທານີ ມີ​ທ່ານ ແກ້ວ​ພິລາ​ວັນ ອາ​ໄພ​ລາດ ຮອງເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ ທອງ​ພັດ ວົງ​ມະນີ ຮອງລັດຖະມົນຕີ​ກະຊວງ​ກະສິກຳ ແລະ ປ່າໄມ້ ທ່ານ​ຮອງ​ເຈົ້າເມືອງ ບັນດາ​ຫົວໜ້າ​ຫ້ອງການ​ກະສິກຳ ແລະ ປ່າໄມ້ 9 ຕົວ​ເມືອງ ຫົວໜ້າຂະແໜງ ພະນັກງານ ກຸ່ມ​ຜູ້ນຳໃຊ້​ນ້ຳ ແລະ ຊາວ​ກະສິກອນ​ເຂົ້າຮ່ວມ.

      ທ່ານ ລິນ​ຄຳ ດວງ​ສະຫວັນ ຫົວໜ້າ​ພະ​ແນກ​ກະສິກຳ ແລະ ປ່າໄມ້ ນະຄອນຫຼວງ​ວຽງ​ຈັນ ໄດ້ກ່າວ​ວ່າ: ທົ່ວ​ນະຄອນຫຼວງ ມີ​ລະບົບ​ຊົນລະປະທານທັງ​ໝົດ 89 ແຫ່ງ ໄດ້​ມອບ​ໂອນ​ແລ້ວ 51 ແຫ່ງ ມີ​ກຸ່ມ​ນຳ​ໃຊ້​ນ້ຳ​ທັງ​ໝົດ 135 ກຸ່ມ ໃນ​ນັ້ນ ມີ​ອ່າງເກັບນ້ຳ 9 ແຫ່ງ ປະຕູ​ນ້ຳ 3 ແຫ່ງ ມີ​ລະບົບ​ຊົນລະປະທານ​ຝົນຝອຍ​ທີ່​ທັນສະໄໝ 1 ແຫ່ງ ແລະ ປະກອບດ້ວຍ​ລະບົບ​ຄອງເໝືອງ​ຂັ້ນ​ຕ່າງໆ ມີ​ຄວາມ​ຍາວ​ທັງ​ໝົດ 657.529 ແມັດ ໃນ​ນັ້ນ ຄອງເໝືອງ​ດິນ 582.663 ແມັດ ຄອງເໝືອງ​ເບຕົງ 62.958 ແມັດ ຄອງເໝືອງດິນຈີ່ 18.047 ແມັດ ລະບົບ​ຊົນລະ​ປະທານ​ສາມາດ​ສະໜອງ​ນ້ຳ ຮັບ​ໃຊ້​ການ​ຜະລິດ​ລະດູຝົນໄດ້ 53.400 ເຮັກຕາ ແລະ ສະໜອງນ້ຳ​ເຂດ​ຊົນລະປະທານ 25.000 ເຮັກຕາ ສຳລັບ​ແຜນ​ສະໜອງ​ນ້ຳ ສົກ​ປີ 2016-2017 ໄດ້ 19.804 ເຮັກຕາ ໃນ​ນັ້ນ ປູກ​ພືດ 2.308 ເຮັກຕາ ປູກ​ເຂົ້າ 17.496 ເຮັກຕາ ການ​ນຳ​ໃຊ້​ແຫຼ່ງ​ນ້ຳ​ເຂົ້າ​ໃນການ​ຜະລິດ ນຳ​ໃຊ້​ແມ່ນ້ຳ​ຂອງ 193.846.000 ແມັດ​ກ້ອນ​ຕໍ່​ລະດູ ນ້ຳ​ງື່ມ 122.356.000 ແມັດ ກ້ອນ​ຕໍ່​ລະດູນ້ຳ​ຫ້ວຍ​ໝາກ​ຮຽວ 2.225.000 ແມັດ​ກ້ອນ​ຕໍ່​ລະດູ ແລະ ນຳ​ໃຊ້​ນ້ຳ​ຈາກ​ອ່າງເກັບນ້ຳ 190.000.000 ແມັດ​ກ້ອນ​ຕໍ່​ລະດູ ລວມ​ທັງ​ໝົດ 508.427.000 ແມັດ​ກ້ອນ​ຕໍ່​ລະດູ.

      ສຳລັບ​ການ​ສ້າງ​ຂະ​ບວນການ​ອະນາໄມ​ລວງ​ຄອງເໝືອງ ແລະ ເລີ່ມ​ເປີດ​ນ້ຳ​ຊົນລະປະທານຮັບ​ໃຊ້​ການ​ຜະລິດ​ລະດູແລ້ງ ​ສົກ​ປີ 2016-2017 ຢູ່​ເວີນ​ຄຳ 1 ຄັ້ງ​ນີ້ ເປັນ​ປີ​ທີ 5 ເຊິ່ງ​ສາມາດ​ສະໜອງ​ນ້ຳ​ໃຫ້ການ​ຜະລິດ​ລະດູແລ້ງ​ ສະເພາະ​ເຂົ້າ​ໄດ້ 5.170 ເຮັກຕາ ພືດ​ຜັກ​ປະມານ 3.000 ເຮັກຕາ ດັ່ງນັ້ນ ຈຶ່ງ​ຮຽກຮ້ອງ​ມາຍັງ​ປະຊາຊົນ​ບັນດາເຜົ່າ ໂດຍ​ສະເພາະ ຊາວ​ນະຄອນຫຼວງ​ວຽງຈັນ ກໍ່​ຄືຊາວ​ເມືອງ​ໄຊ​ທານີ​ໃຫ້ຖື​ເອົາ​ວັນ​ທີ 3 ພະຈິກ​ຂອງ​ທຸກໆ​ປີ ເປັນ​ວັນ​ສ້າງ​ຂະ​ບວນ​ການ​ອະ​ນາໄມ​ລວງ​ຄອງເໝືອງ ແລະ ເລີ່ມເປີດ​ນ້ຳ​ຊົນລະປະທານໃຫ້​ເປັນປະເພນີ ແລະ ນຳໄປ​ຈັດ​ຕັ້ງ​ປະຕິບັດ​ຢູ່​ຂັ້ນ​ເມືອງ ຂັ້ນ​ບ້ານ ເພື່ອເປັນ​ການ​ຜັນ​ຂະຫຍາຍ​ເນື້ອ​ໃນຈິດໃຈ​ມະຕິ​ກອງ​ປະຊຸມ​ໃຫຍ່ ຄັ້ງທີ X ຂອງ​ພັກ ແລະ ສືບຕໍ່​ການສ້າງ​ຂະ​ບວນ​ການ​ຮັກ​ຊາດ ແລະ ພັດທະນາ ຕິດ​ພັນ​ກັບ​ວຽກ​ງານ 3 ສ້າງ​ໃຫ້​ປາກົດ​ຜົນ​ເປັນ​ຈິງ.

 

ໜັງສືພິມວຽງຈັນໃໝ່ 2016

ຄົ້ນຫາ

ປະຕິທິນ

March 2021
S M T W T F S
28 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 38

ຈຳນວນຜູ້ເຂົ້າຊົມວານນີ້ 47

ຈຳນວນຜູ້ເຂົ້າຊົມອາທິດນີ້ 142

ຈຳນວນຜູ້ເຂົ້າຊົມເດືອນນີ້ 142

ຈຳນວນຜູ້ເຂົ້າຊົມທັງໝົດ 77205

Currently are 14 guests and no members online