ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

DSC00172DSC00198cxx

ໃນ​ວັນ​ທີ 11 ເມສາ 2016 ທີ່ຫ້ອງ​ວ່າການ​ປົກຄອງ​ນະຄອນຫຼວງ​ວຽງ​ຈັນ ໄດ້​ຈັດ​ພິທີ​ບາສີ ແລະ ອວຍພອນ​ເຊິ່ງ​ກັນ ແລະ ກັນ​ຂຶ້ນ​ເນື່ອງ​ໃນ​ໂອກາດ​ສົ່ງ​ທ້າຍປີ​ເກົ່າ​ຕ້ອນຮັບ​ປີ​ໃໝ່​ລາວ ​ພສ 2559 ໂດຍ​ເປັນ​ປະທານ​ຂອງທ່ານ ​ດຣ. ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ເປັນ​ກຽດ​ເຂົ້າ​ຮ່ວມ​ຂອງ​ທ່ານ ບຸນ​ຍັງ ວໍລະ​ຈິດ ຮອງ​ປະທານປະເທດ ມີບັນດາ​ການ​ນຳ​ນະຄອນຫຼວງ ພ້ອມ​ດ້ວຍ​ພັນ​ລະ​ຍາ ອະດີດ​ການ​ນຳນະຄອນຫຼວງວຽງຈັນ ພະນັກງານ​ອາວຸໂສ ບຳນານ ພະນັກງານ​ຫຼັກ​ແຫຼ່ງ ນັກທຸລະກິດ ແລະ ນາງ​ສາວ​ນະຄອນ​ຫຼວງ​ເຂົ້າ​ຮ່ວມ.

fd   ໃນ​ພິທີ​ອັນ​ມີ​ຄວາມ​ໝາຍຄວາມ​ສຳຄັນ​ນີ້ ​ທ່ານ​ເຈົ້າ​ຄອງ​ນະຄອນ​ຫຼວງ​ວຽງ​ຈັນ​ ຕາງໜ້າ​ໃຫ້ການ​ນຳ​ນະຄອນຫຼວງ​ໄດ້​ຂຶ້ນ​ກ່າວອວຍພອນ​ປີ​ໃໝ່ ​ພສ 2559 ໃຫ້​ທຸກ​ທ່ານ​ນັບ​ທັງ​ການ​ນຳ ພະນັກ​ງານ ທະຫານ ຕຳຫຼວດ ນັກທຸລະ​ກິດ ແລະ ຕະຫຼອດ​ຮອດຊາວ​ນະຄອນຫຼວງ​ວຽງ​ຈັນ ຈົ່ງ​ມີສຸຂະພາບ​ແຂງແຮງ ພ້ອມ​ກັນ​ສຸມໃສ່​ຈັດ​ຕັ້ງ​ປະຕິບັດ​ໜ້າທີ່​ວຽກງານ​ທີ່​ຂັ້ນ​ເທິງ​ມອບ​ໝາຍ​ໃຫ້ ​ນັ້ນ ມີ​ຜົນສຳເລັດຍາດ​ໄດ້​ໄຊຊະນະຍິງ​ໃຫຍ່​ກວ່າ​ເກົ່າ ໂດຍ​ສະເພາະ ການຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ​ຄັ້ງທີ VI ຂອງ​ອົງຄະ​ນະພັກ​ນະຄອນຫຼວງ​ວຽງ​ຈັນ ແລະ ແຜນ​ພັດທະນາ​ເສດຖະກິດ-ສັງຄົມ ໃຫ້​ບັນລຸ​ໄດ້​ຕາມ​ແຜນການ​ທີ່​ວາງໄວ້ ເພື່ອ​ພ້ອມ​ກັນ​ປົກ​ປັກ​ຮັກສາ ແລະ ສ້າງສາ​ພັດທະນາ​ນະຄອນຫຼວງ​ວຽງ​ຈັນ ​ໃຫ້​ຈະເລີນ​ຮຸ່ງເຮືອງສີວິໄລ​ເປັນ​ກ້າວໆ ພ້ອມ​ກັນ​ປະຕິບັດ​ວຽກ​ງານ​ສາມ​ສ້າງ​ໃຫ້​ບັນລຸຜົນ​ເປັນ​ຈິງ ຈາກ​ນັ້ນ ໃນ​ພິທີ​ກໍ່​ໄດ້ມີ​ການ​ບາສີສູ່ຂວັນ​ມັດ​ຂໍ່​ຕໍ່​ແຂນອວຍພອນ​ໄຊ​ເຊິ່ງ​ກັນ ແລະ ກັນ ດ້ວຍ​ຄຳ​ເວົ້າ​ທີ່​ເປັນ​ສີ​ລິ​ມຸງຄຸນ ​ໃຫ້ໂຊກ​ໃຫ້​ໄຊ​ກັນ​ຕາມ​ຮີດຄອງ​ປະເພນີ​ຂອງ​ລາວ​ເຮົາ ​ທີ່​ໄດ້​ປະຕິບັດສືບຕໍ່​ກັນ​ມາ​ແຕ່​ດົນ​ນານ, ພິເສດແມ່ນຫຍັງໄດ້ຕ້ອນຮັບພະນະ ທ່ານຈູມມະລີ ໄຊຍະສອນ ປະທານປະເທດ ສປປ ລາວ ພ້ອມດ້ວຍການນຳຂອງພັກ - ລັດລົງມາຢຽມຢາມ ແລະ ຊົມກິດຈະກຳຕ່າງໆທີ່ນະຄອນຫຼວງວຽງຈັນໄດ້ຈັດຂື້ນເປັນຕົ້ນ ງານປະຕິມະກຳຊາຍ ແລະ ພິທີແຫ ພະພຸດທະຮູບ ຄູ່ບ້ານຄູ່ເມືອງ ນວ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 43

ຈຳນວນຜູ້ເຂົ້າຊົມວານນີ້ 30

ຈຳນວນຜູ້ເຂົ້າຊົມອາທິດນີ້ 43

ຈຳນວນຜູ້ເຂົ້າຊົມເດືອນນີ້ 534

ຈຳນວນຜູ້ເຂົ້າຊົມທັງໝົດ 50448

Currently are 10 guests and no members online