Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

34034775 580522455661050 2311190578504663040 n

     ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ ສົມທົບ​ກັບ​ເມືອງ​ນາ​ຊາຍ​ທອງ ຈັດ​ຂະ​ບວນ​ລົດ​ທ່ອງ​ທ່ຽວ​ສູ່​ສະຖານທີ່​ທ່ອງ​ທ່ຽວ​ທຳ​ມະ​ຊາດ​ຕາດ​ຊອນ ສາຍພູ​ພະນັງ ໄດ​ຈັດ​ຂຶ້ນ​ວັນ​ທີ 30 ພຶດສະພາ2018 ມີ​ທ່ານ ອຸດອນ ໄຊ​ມຸນຕີ ຮອງ​ປະທານ​ສະພາ​ປະຊາຊົນ​ນະຄອນຫຼວງ​ວຽງ​ຈັນ ຫົວໜ້າໂຮງຮຽນການເມືອງ​ການ​ປົກຄອງ​ນະຄອນຫຼວງ ທ່ານ ຄຳ​ປະດິດ ເຂັມ​ມານິດ ຫົວໜ້າ​ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ​ພະນັກງານ ແລະ ນັກທຸລະກິດ ພ້ອມ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ ເຊິ່ງ​ຂະ​ບວນ​ໄດ້​ເລີ່ມ​ແຕ່​ຫ້ອງ​ວ່າການ​ປົກຄອງ​ເມືອງ​ນາ​ຊາຍ​ທອງ ​ໄປ​ສູ່​ສະຖານທີ່​ທ່ອງ​ທ່ຽວ​ທຳ​ມະ​ຊາດ​ຕາດ​ຊອນ.

      ທ່ານ ວິລະ​ສັກ ນາມ​ມຸນຕີ ເຈົ້າເມືອງ​ນາ​ຊາຍ​ທອງ ໄດ້​ກ່າວ​ວ່າ: ຂະ​ບວນ​ລົດ​ທ່ອງ​ທ່ຽວ​ຈາກ​ນະຄອນຫຼວງ​ວຽງ​ຈັນ ຖື​ວ່າ​ເປັນ​ກິດຈະກຳ​ຫຼັກ​ໃນ​ການ​ເປີດ​ປີ​ທ່ອງ​ທ່ຽວ​ລາວ 2018 ຂອງ​ເມືອງ​ນາ​ຊາຍ​ທອງ ກໍ່​ຄື​ນະຄອນຫຼວງ​ວຽງ​ຈັນ ມີ​ລົດ​ເຂົ້າ​ຮ່ວມ​ທັງ​ໝົດ 70 ຄັນ ໃນ​ນັ້ນ ຈາກ​ເມືອງ​ນາ​ຊາຍ​ທອງ 40 ຄັນ ນອກຈາກ​ຂະ​ບວນ​ລົດ​ແລ້ວ ຍັງ​ມີ​ກິດຈະກຳ​ຕ່າງໆ​ປິ່ນ​ອ້ອມ ເຊັ່ນ: ແລ່ນ​ມິ​ນິ​ມາລາ​ທອນ 5 ກິໂລແມັດ ຈາກ​ບ້ານ​ນາ​ຍາງ​ຫາ​ສະຖານທີ່​ທ່ອງ​ທ່ຽວ​ຕາດ​ຊອນ ມີ​ຜູ້​ເຂົ້າ​ຮ່ວມ 150 ຄົນ ກິດຈະກຳ​ປູກ​ໄມ້​ອຸດສາຫະກຳ ແລະ ໄມ້​ໃຫ້​ໝາກ 1 ແສນ​ຕົ້ນ ກິດຈະກຳ​ທ່ຽວ​ຊົມ​ສວນ​ໄມ້​ປູກ ໄມ້​ທຳ​ມະ​ຊາດ ຊົມ​ຖານ​ຄູຫາ ຊົມ​ຖ້ຳ​ພັກ​ສະເດັດ​ເຈົ້າ​ສຸ​ພານຸ​ວົງ ແລະ ອື່ນໆ.

      ການ​ຈັດ​ກິດຈະກຳ​ຄັ້ງ​ນີ້​ແມ່ນ​ໄດ້​ຮັບ​ການ​ສະໜັບສະໜູນ​ຈາກ​ທາງ​ສະຕິ​ປັນຍາ​ເຫື່ອແຮງ ແລະ ອຸປະຖຳ​ທາງ​ດ້ານ​ວັດຖຸ​ເງິນ​ທອງ​ຈາກ​ບັນດາ​ນັກທຸລະກິດ​ຂົງເຂດ​ທ່ອງ​ທ່ຽວ ທັງ​ໃນ​ນະຄອນຫຼວງ​ວຽງ​ຈັນ ກໍ່​ຄື ເມືອງ​ນາ​ຊາຍ​ທອງ ໂດຍ​ສະເພາະ​ແມ່ນທ່ານ ຄຳ​ໄພ​ ສົມ​ຊະນະ ຜູ້ອຳນວຍການ​ສະຖານທີ່​ທ່ອງ​ທ່ຽວ​ຕາດ​ຊອນ ທີ່​ໄດ້​ໃຫ້​ອຸປະຖຳ​ທາງ​ດ້ານ​ສະຖານທີ່ ແລະ ວັດຖຸ​ເງິນ​ທອງ ລວມ​ເປັນ​ເງິນ​ທັງ​ໝົດ 50 ລ້ານ​ກີບ.

      ທ່ານ​ເຈົ້າເມືອງ​ນາ​ຊາຍ​ທອງ ຍັງ​ກ່າວ​ຕື່ມ​ວ່າ: ປັດຈຸບັນ ​ການ​ພັດທະນາ​ການທ່ອງທ່ຽວ​ຢູ່​ເມືອງ​ນາ​ຊາຍ​ທອງ ​ໄດ້​ມີ​ການ​ຂະຫຍາຍຕົວ​ຂຶ້ນ​ເປັນ​ກ້າວໆ ໂດຍ​ສະເພາະແມ່ນ​ການ​ລົງທຶນ​ຂອງ​ພາກ​ເອກະ​ຊົນ ​ເຂົ້າ​ໃນ​ການ​ພັດທະນາ​ສະຖານທີ່​ທ່ອງ​ທ່ຽວ​ທຳ​ມະ​ຊາດ​ແບບ​ປະສົມ​ປະສານ ເປັນຕົ້ນ ສະຖານທີ່​ທ່ອງ​ທ່ຽວ​ທຳ​ມະ​ຊາດ​ຕາດ​ຊອນ ສະຖານທີ່​ທ່ອງ​ທ່ຽວ​ທຳ​ມະ​ຊາດ​ສວນ​ພຶກສາ ນ້ຳຕົກຕາດ​ຫີນ​ຄັນນາ ຟາມ​ນາ​ເດຍ ແລະ ອື່ນໆ ນອກຈາກ​ນີ້ຍັງ​ມີ​ການ​ລົງທຶນ​ໃສ່​ໂຮງແຮມ ຣີ​ສອດ ຮ້ານ​ອາຫານ​ປະເພດ​ຕ່າງໆ​ຫຼາຍ​ຂຶ້ນ ປັດຈຸບັນ​ທົ່ວ​ເມືອງ​ມີ​ສະຖານທີ່​ທ່ອງ​ທ່ຽວ​ທຳ​ມະ​ຊາດ 7 ແຫ່ງ ໂຮງແຮມ 6 ແຫ່ງ ຣີ​ສອດ 10 ແຫ່ງ ເຮືອນ​ພັກ 9 ແຫ່ງ ແລະ ຮ້ານ​ອາຫານ-ກິນ​ດື່ມ 55 ແຫ່ງ ມີ​ສະຖານທີ່​ທ່ອງ​ທ່ຽວ​ທຳ​ມະ​ຊາດ​ທີ່​ກຳລັງ​ສຳ​ຫຼວດ ແລະ ພັດທະນາ ຄື: ອ່າງ​ນ້ຳ​ຫຸມ ອ່າງ​ນ້ຳ​ຊ່ວງ ແລະ ຕາດ​ຊ່ວງ ມີ​ສະຖານທີ່​ທ່ອງ​ທ່ຽວ​ທີ່​ໄດ້​ຂຽນ​ໂຄງການ ​ເພື່ອ​ດຶງ​ດູດ​ທຶນ​ຈາກ​ນັກທຸລະກິດ​ພາຍ​ໃນ 3 ແຫ່ງ ຄື: ສວນ​ສາທາລະນະ​ໜອງ​ທອງ ຢູ່​ບ້ານ​ນາ​ຊາຍ​ທອງ​ໃຕ້ ສະຖານທີ່​ທ່ອງ​ທ່ຽວ​ທຳ​ມະ​ຊາດ-ວັດທະນະທຳ ວັດ​ພະ​ບາດ​ໂພນ​ຄ້ອງ ຢູ່​ບ້ານ​ນາ​ຂ່າ ແລະ ສະຖານທີ່​ທ່ອງ​ທ່ຽວ​ປະຫວັດສາດ​ທຳ​ມະ​ຊາດ​ໜອງ​ຂະ​ໜຽງ ຢູ່​ບ້ານ​ແສນ​ດິນ ນອກ​ນັ້ນຍັງ​ມີ​ສະຖານທີ່​ທ່ອງ​ທ່ຽວ​ທີ່​ໜອງເຕິະ​ເຫຼິະ ທີ່​ເມືອງ​ກຳລັງ​ສຳ​ຫຼວດ​ວັດແທກ-ປັກ​ຫຼັກ​ໝາຍ​ເຂດ​ແດນ ເພື່ອ​ຮອງ​ຮັບ​ການ​ພັດທະນາ​ໃຫ້​ເປັນ​ສະຖານທີ່​ທ່ອງ​ທ່ຽວ​ທຳ​ມະ​ຊາດ​ອີກ​ແຫ່ງ​ໜຶ່ງ​ໃນ​ອະນາຄົດ.

ຂໍຂອບໃຈ: ນສພ ວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 87

ຈຳນວນຜູ້ເຂົ້າຊົມວານນີ້ 101

ຈຳນວນຜູ້ເຂົ້າຊົມອາທິດນີ້ 589

ຈຳນວນຜູ້ເຂົ້າຊົມເດືອນນີ້ 1469

ຈຳນວນຜູ້ເຂົ້າຊົມທັງໝົດ 34457

Currently are 52 guests and no members online

ແຜນທີ່ນະຄອນຫຼວງວຽງຈັນ