ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

26167154 515405705506059 5711546098053178742 n

     ໃນ​ໂອກາດ​ທີ່​ນະຄອນຫຼວງວຽງ​ຈັນ ເປີດ​ປີ​ທ່ອງ​ທ່ຽວ 2018 ຢ່າງ​ເປັນ​ທາງ​ການໃນ​ວັນ​ທີ 31 ທັນວາ 2017 ທ່ານ ສິນ​ລະ​ວົງ ຄຸດ​ໄພທູນເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ການ​ນຳນະຄອນຫຼວງ ແລະນັກທຸລະກິດໄດ້​ຊີມ​ອາຫານ ແລະ ກາເຟ​ສຳເລັດ​ຮູບ​ທີ່​ປອດ​ສານພິດ​ຂອງ​ບໍ​ລິສັດແກ້ວ​ທະວີຄູນເພີ່ມ​ພູນ​ຊັບຂາ​ເຂົ້າ-ຂາ​ອອກ ຈຳກັດທີ່​ທາງບໍລິສັດ​ໄດ້​ມາ​ຈັດ​ຢູ່​ສວນ​ສະພັງເລັນ​ທີ່​ເປັນ​ສະຖານທີ່​ທ່ອງ​ທ່ຽວແຫ່ງ​ໜຶ່ງ​ຂອງ​ນະຄອນຫຼວງ​ວຽງຈັນພັດທະນາ​ໂດຍ​ບໍລິສັດ ເພັດບັນດິດ​ກໍ່ສ້າງ​ ຈຳກັດ.

 

     26168514 515406578839305 1935193351966949402 n

    ສວນ​ສາທາລະນະ​ໜອງ​ສະພັງ​ເລນ (ສວນ​ພະຍາ​ນາກ)ທີ່​ຕັ້ງຢູ່​ໃກ້​ກັບ​ເດີ່ນ​ສະໜາມ​ຫຼວງ ເມືອງໄຊ​ເຊດ​ຖາ ນະຄອນຫຼວງ​ວຽງ​ຈັນເປັນ​ສະຖານທີ່​ມີ​ປະຫວັດສາດ​ມາແຕ່​ດົນ​ນານ ແລະມີ​ຄວາມ​ສັກສິດ​ທີ່​ປະຊາຊົນ​ລາວ ໂດຍ​ສະເພາະ ຊາວ​ນະຄອນຫຼວງ​ວຽງ​ຈັນໄດ້​ໃຫ້ການ​ກາບ​ໄຫວ້​ສັກກາລະ​ບູຊາປັດຈຸບັນ​ໜອງ​ດັ່ງກ່າວ​ໄດ້ຮັບ​ການ​ພັດທະນາ​ໃຫ້​ເປັນ​ສະຖານ​ທີ່​ທ່ອງ​ທ່ຽວ​ທາງ​ປະຫວັດສາດ​ທີ່​ມີ​ສີສັນ​ສວຍ​ງາມ ອ້ອມຮອບ​ໜອງ​ມີ​ສາລາ​ພັກ​ເຊົາ ຮ້ານອາຫານ ແລະເຄື່ອງ​ດື່ມ​ໄວ້​ໃຫ້ບໍລິການ​ນັກ​ທ່ອງ​ທ່ຽວ​ທີ່​ເຂົ້າ​ມາທ່ຽວ​ຊົມ.

     ທ່ານ​ນາງ ບົວ​ວຽງ ເພັດ​ທະລານ​ຄຳ ປະທານ​ບໍລິສັດ ເພັດ​ບັນດິດ​ກໍ່ສ້າງ ຈຳກັດທັງ​ເປັນ​ຜູ້​ສຳປະທານ​ສວນ​ສາທາລະນະ​ໜອງສະພັງ​ເລນໄດ້​ໃຫ້​ສຳພາດ​ໃນໂອກາດ​ເປີດ​ປີ​ທ່ອງ​ທ່ຽວ​ນະຄອນຫຼວງ​ວຽງ​ຈັນ ໃນ​ວັນ​ທີ 31 ທັນວາ 2017 ວ່າ: ຂ້າພະເຈົ້າ​ມີຄວາມ​ພາກພູມ​ໃຈ ທີ່​ທ່ານ ສິນ​ລະວົງ ຄຸດ​ໄພທູນເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ການນຳ​ນະຄອນຫຼວງ ແລະພະ​ແນກການ​ທີ່​ກ່ຽວຂ້ອງ ​ໄດ້​ໃຫ້​ຄວາມ​ສຳຄັນ ແລະ ນຳພາ​ຄະນະ​ເກືອບ 200 ທ່ານເຂົ້າ​ມາ​ທ່ຽວ​ຊົມ​ສວນສາທາລະນະ​ໜອງ​ສະພັງ​ເລນເພື່ອ​ສຳຜັດ​ກັບ​ໜອງ​ນ້ຳ​ພະຍານາກ​ທີ່​ມີ​ຈຸດ​ພິເສດ​ເປັນ​ໜອງເກົ່າ​ແກ່​ທາງ​ປະຫວັດສາດ​ທີ່​ບັນພະ​ບູ​ລຸດ​ໄດ້​ສ້າງ​ໄວ້ເປັນ​ໜອງ​ທີ່ມີ​ຄວາມ​ສັກສິດ​ໃນ​ເມື່ອ​ກ່ອນ ເປັນ​ໜອງ​ຄັນແທ​ເຊື້ອ​ນ້ຳ​ພູເຂົາເຊິ່ງ​ເປັນ​ສະຖານທີ່​ສັກສິດ​ທີ່​ຫຼາຍຄົນ​ຍັງ​ບໍ່​ຮູ້ ປັດຈຸບັນ​ສະຖານທີ່ແຫ່ງ​ນີ້​ໄດ້​ຮັບ​ການ​ພັດທະນາ​ເພື່ອເພີ່ມ​ເປັນ​ສະຖານທີ່​ທ່ອງ​ທ່ຽວຂອງ​ນະຄອນຫຼວງ​ວຽງ​ຈັນ​ອີກແຫ່ງ​ໜຶ່ງ​ທີ່​ຕັ້ງ​ຢູ່​ຈຸດ​ໃຈກາງ​ນະຄອນ​ຫຼວງ​ວຽງ​ຈັນ ແລະ ໃກ້​ກັບພະ​ທາດຫຼວງ​ວຽງ​ຈັນເພື່ອ​ຕ້ອນຮັບ​ປີ​ທ່ອງ​ທ່ຽວ​ລາວ 2018 ໜອງພະຍາ​ນາກ​ໄດ້​ມີ​ການ​ປັບປຸງ​ຂຶ້ນໃໝ່ໂດຍ​ປັ້ນ​ຮູບ​ພະຍາ​ນາກ​ສະຖິດ​ໄວ້​ຢູ່​ກາງ​ໜອງເພື່ອ​ຮັກສາຮ່ອງຮອຍ​ປະຫວັດສາດ​ຂອງ​ຊາດລາວ​ເຮົາ​ໄວ້​ໃຫ້​ລູກ​ຫຼານ​ໄດ້​ສຶກສາ​ຄົ້ນຄວ້າ ແລະສືບ​ທອດ​ມູນເຊື້ອ​ອັນ​ດີງາມ​ຕາມ​ຕຳນານ​ບູຮານ​ລາວ​ກ່າວ​ໄວ້ ແລະ ອື່ນໆ.

    ທ່ານ ແກ້ວ​ລຳ​ພອນ ແສງ​ສຸລິ​ເດດ ປະທານ ແລະ ທ່ານ​ນາງ ຂັນ​ທະ​ລີແສງ​ສຸ​ລິ​ເດດ ຜູ້​ຮັບ​ຜິດຊອບ​ການ​ຕະຫຼາດ​ຂອງ​ບໍລິສັດແກ້ວ​ທະວີຄູນ​ເພີ່ມ​ພູນ​ຊັບຂາເຂົ້າ-ຂາ​ອອກ ຈຳກັດ ໄດ້​ກ່າວວ່າ:ຮູ້ສຶກ​ດີໃຈ​ທີ່​ໄດ້​ປະກອບສ່ວນກິດຈະກຳ​ເປີດ​ປີ​ທ່ອງ​ທ່ຽວ​ນະຄອນ​ຫຼວງ​ວຽງ​ຈັນ 2018 ທີ່​ການນຳ ແລະ ປະຊາຊົນ ນະຄອນຫຼວງ​ວຽງ​ຈັນ ໄດ້​ມາ​ຊີມ​ອາຫານເປັນຕົ້ນແມ່ນ​ຍຳ​ສະຫຼັດ​ທີ່​ເປັນຜັກ​ປອດ​ສານພິດ ແລະດື່ມ​ກາເຟ​ທີ່​ປູກ​ຢູ່​ປາກ​ຊ່ອງ ແຂວງ​ຈຳປາ​ສັກເຊິ່ງ​ຜ່ານ​ການ​ຊີມ​ເຫັນວ່າຜູ້​ເຂົ້າ​ຮ່ວມ​ກິດຈະກຳ​ໄດ້​ຍ້ອງຍໍ​ຊົມເຊີຍ​ທີ່​ບໍລິສັດ​ມີ​ຄວາມ​ຕັ້ງໃຈ​ສູງ​ໃນ​ການ​ປູກ​ພືດ​ຜັກ​ປອດສານພິດ​ສະໜອງ​ໃຫ້​ຕະຫຼາດພາຍ​ໃນເພື່ອ​ເຮັດ​ໃຫ້​ຜູ້​ບໍລິໂພກທີ່​ເປັນ​ຄົນ​ລາວ ແລະຄົນ​ຕ່າງ​ປະເທດ​ທີ່​ຢ້ຽມຢາມ ແລະ ມາ​ທ່ອງທ່ຽວ ​ສປປ ລາວກໍ່​ຄືນະຄອນຫຼວງ​ວຽງ​ຈັນໄດ້​ຮັບ​ປະທານ​ອາຫານ​ປະເພດ​ພືດ​ຜັກ​ທີ່​ປອດ​ສານພິດ​ຂອງ​ບໍລິສັດ​ທີ່​ລູກ​ຄ້າ​ໂຮງແຮມຮ້ານ​ອາຫານ ແລະ ຮ້ານຄ້າ​ຊຸບ​ເປີ​ມາ​ເກັດ​ຊື້​ນຳ​ບໍລິສັດເພື່ອ​ໄປ​ປຸງ​ແຕ່ງ​ເປັນ​ອາຫານ.

     ປັດຈຸບັນບໍລິສັດ​ໄດ້​ສຳ​ປະທານເນື້ອທີ່​ດິນ​ລັດ​ຢູ່​ເມືອງ​ປາກ​ຊ່ອງ 500 ເຮັກຕາແຕ່​ໄດ້​ບຸກເບີກ​ເຮັດຕົວ​ຈິງ​ແລ້ວ ປະມານ 200 ເຮັກຕາເພື່ອ​ປູກ​ພືດ​ຜັກ​ກະສິກຳ​ປອດສານພິດ ແລະ ປູກ​ກາເຟນອກ​ນີ້ຍັງ​ມີ​ເນື້ອທີ່​ດິນ​ສວນ 2 ເຮັກຕາ ຢູ່ບ້ານ​ໂນນ​ຫວາຍ ເມືອງ​ໄຊ​ເຊດຖາເພື່ອ​ເຮັດ​ສວນ​ກະສິກຳ​ປູກພືດ​ຜັກ​ປອດ​ສານພິດ​ແບບ​ໄຮ​ໂຣໂປ​ນິກ ແລະກະສິກຳ​ອິນ​ຊີ ແລະ ສວນ​ປູກ​ໄມ້​ໃຫ້​ໝາກ​ເນື້ອທີ່ 68 ເຮັກຕາ​ຢູ່​ບ້ານ​ແສນ​ດິນ ເມືອງນາ​ຊາຍ​ທອງ ນະຄອນຫຼວງ​ວຽງຈັນ ​ຕື່ມ​ອີກ​ເພື່ອ​ສະໜອງ​ໃຫ້​ຕະຫຼາດ ນະຄອນຫຼວງ​ວຽງ​ຈັນ.

ຂໍຂອບໃຈ: ພາບ ແລະ ເນື້ອໃນ ຈາກ ໜັງສືພິມວຽງຈັນໃໝ່.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 26 guests and no members online