Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

23244566 490717157974914 4904904750269168241 n

     ໃນຕອນເຊົ້າ ຂອງວັນທີ 3 ພະຈິກ 2017 ໃນມື້ສຸດທ້າຍຂອງງານບຸນນະມັດສະການພະທາດຫລວງວຽງຈັນ ປະຈໍາປີ 2017 ແລະເປີດປີທ່ອງທ່ຽວລາວ 2018 ໄດ້ມີການນໍາພັກ-ລັດ, ແຂກຕ່າງປະເທດ ແລະມວນຊົນທົ່ວປະເທດ ເຂົ້າຮ່ວມງານດັ່ງກ່າວ ຢ່າງຄັບຄາຫນາແຫນ້ນ, ຜ່ານການຄາດຄະເນເບື້ອງຕົ້ນ ມີປະຊາຊົນເຂົ້າຮ່ວມກວ່າ 320.000 ຄົນ ແລະມີພະສົງສໍາມະເນນ 5.600 ກວ່າອົງ, ຈາກການສໍາຫລວດເຫັນວ່າ ພະສົງສໍາມະເນນໄດ້ເລີ່ມຈັດວາງບາດ ແຕ່ເວລາ 12.00 ໂມງຂອງວັນທີ 2 ພະຈິກ 2017

23131651 490721577974472 1884563261918688185 n23130664 490717187974911 587964479376267024 n

    ຈາກນັ້ນ ເວລ 3.00 ໂມງເຊົ້າ ຂອງວັນທີ 3 ມວນຊົນກໍ່ເລີມເຂົ້າມາຈັບຈອງບ່ອນນັ່ງຂອງຕົນເພື່ອໃສ່ບາດ ແລະ ເມື່ອເຖິງເວລາ 6.00 ໂມງເຊົ້າ ເດີ່ນສະຫນາມຫລວງ ແລະເດີ່ນພະທາດຫລວງ ກໍ່ເຕັມໄປດ້ວຍມວນຊົນ, ແຕ່ຢ່າງໃດກໍ່ຕາມກໍ່ຍັງມີມວນຊົນບາງຈໍານວນ ແມ່ນບໍ່ສາມາດ ເຂົ້າມາຮ່ວມໃນງານດັ່ງກ່າວໄດ້ເນື່ອງຈາກຈໍານວນ ມວນຊົນຫລາຍຈົນບໍ່ສາມາດເຂົ້າມາໃນງານໄດ້; ຖືວ່າປີນີ້ອາດແມ່ນການສະເຫລີມສະຫລອງບຸນນະມັດສະການພະທາດຫລວງວຽງຈັນທີ່ມີມວນຊົນເຂົ້າຮ່ວມຫລາຍທີ່ສຸດ ທີ່ເຄີຍມີມາ, ຕີລາຄາວ່າ ການທີ່ມີມວນຊົນເຂົ້າມາຮ່ວມບຸນຄັ້ງນີ້ ຫລາຍຂຶ້ນກວ່າຫລາຍປີຜ່ານມາ ແມ່ນໃນງານມີອັນໃຫມ່ຫລາຍອັນ ທີ່ດຶງດູດໃຫ້ມວນຊົນເຂົ້າມາທ່ຽວຊົມ ເປັນຕົ້ນແມ່ນຜົນສໍາເລັດຂອງໂຄງການປະຕິສັງຂອນພະທາດຫລວງ ຄັ້ງທີ 4 ໂດຍສະເພາະແມ່ນການເຂົ້າມາຊົມຄວາມງົດງາມ ຂອງພະທາດຫລວງ ທີ່ໄດ້ໂອບຄໍາໃສ່ຍອດພະທາດຫລວງ, ພະທາດສີທໍາມະຫາຍໂສກ ແລະ ພະທາດປັນຍາບາລະມີ 30 ທັດ, ລວມທັງພະຄໍາທີ່ຄະນະປະຕິສັງຂອນໄດ້ຫລໍ່ຂຶ້ນ ຈາກຄໍາທີ່ປະຊາຊົນນໍາມາໂມທະນາໃນການປະຕິສັງຂອນ, ນອກນັ້ນ ທິວທັດອ້ອມຂ້າງ ພະທາດຫລວງກໍ່ໄດ້ຮັບການປັບປຸງໃຫມ່ ຊຶ່ງອໍານວຍຄວາມສະດວກໃຫ້ປະຊາຊົນທີ່ມາຮ່ວມງານເປັນຕົ້ນ ປັບປຸງໄຟຟ້າ ໃນສວນອ້ອມຮອບ ໃຫ້ຮຸ່ງແຈ້ງ, ປັນປຸງສວນດອກໄມ້ ແລະສ້າງອັດສະຈັນ ໄວ້ນັ່ງຊົມໃນມື້ແຫ່ຜະສາດເຜິ້ງ ແລະ ມີເຮືອນລາວຈໍາລອງເພື່ອໃຫ້ປະຊາຊົນ ໄດ້ເຂົ້າມາທ່ຽວຊົມ ແລະຖ່າຍຮູບ; ແຕ່ຢ່າງໃດກໍ່ຕາມຕິດພັນກັນນັ້ນ ກໍ່ຍັງມີຈຸດອ່ອນ ແລະປະກົດການຫຍໍ້ທໍ້ເຊັ່ນ:ຍັງມີເຫດການລັກເຄື່ອງ, ລັກຈົກກະເປົາ, ຄົນຫລົງ, ການຖິ້ມຂີ້ເຫຍື່ອຊະຊາຍ-ບ່ອນຖິ້ມຂີ້ເຫຍື່ອບໍ່ພຽງພໍ (ທຸກພາກສ່ວນ ກໍ່ຄືລັດ ແລະມວນຊົນ ຍັງບໍ່ເປັນເຈົ້າການຮ່ວມກັນ), ການຈັດສັນພື້ນທີ່ຂາຍສິນຄ້າບໍ່ເປັນຕາມແຜນຜັງ, ບາງຈໍານວນກໍ່ລັກລອບ ເຂົ້າມາຂາຍ, ນໍ້າປະປາ ແລະ ໄຟຟ້າກໍ່ຍັງບໍ່ພຽງພໍ ຕໍ່ການຮັບໃຊ້ໃນງານ.

23130975 490721601307803 47066288773157190 n
ໃນຕອນບ່າຍ ແລະຕອນຄ່ຳຂອງວັນດຽວກັນ ກໍໄດ້ມີພິທີ ແຮ່ຜາສາດເຜີ້ງ, ກິລາຕີຄີ ແລະຂະບວນແຮ່ທຽນວຽນຮອບພະທາດຫຼວງ ເພື່ອເປັນການສັກກະລະບູຊາອົງພະທາດ ຕາມຂະນົບທຳນຽມແລະ ຮີດຄອງປະເພນີສືບມາ.


#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 60

ຈຳນວນຜູ້ເຂົ້າຊົມວານນີ້ 64

ຈຳນວນຜູ້ເຂົ້າຊົມອາທິດນີ້ 214

ຈຳນວນຜູ້ເຂົ້າຊົມເດືອນນີ້ 652

ຈຳນວນຜູ້ເຂົ້າຊົມທັງໝົດ 37881

Currently are 33 guests and no members online

ແຜນທີ່ນະຄອນຫຼວງວຽງຈັນ