ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

44e2edc43de6f54d894b84e880361a30

     ໂຄງການ​ປະຕິສັງຂອນ​ພິ​ພິ​ທະພັນ​ພະ​ທາດຫຼວງ​ວຽງ​ຈັນ ຄັ້ງ​ທີ IV ແມ່ນ​ບໍລິສັດ ມີ​ພູນ​ຊັບ​ກໍ່ສ້າງ ຈຳກັດ​ຜູ້​ດຽວ ເປັນ​ຜູ້​ຮັບ​ເໝົາເຊິ່ງ​ໄດ້​ລົງມື​ບູລະນະ​ມາ​ແຕ່​ວັນ​ທີ 20 ກັນຍາ 2016 ເປັນຕົ້ນ​ມາປະກອບ​ມີໜ້າ​ວຽກ​ອົງ​ພະທາດ ແລະ ວຽກ​ອະນາໄມໃນ​ນີ້​ໄດ້​ອະນາ​ໄມສ້ອມແປງ​ອົງ​ພະທາດ ແລະປ່ຽນ​ຖ່າຍ​ສິ່ງ​ເປ່​ເພ​ຫໍ​ໄຫວ້ທັງ​ສີ່​ດ້ານ ວຽກ​ທາສີ​ອົງ​ພະທາດທາ​ນ້ຳ​ຢາ​ຂ້າ​ເຊື້ອ​ລາ ທາສີ​ປະສານ​ສີ​ຮອງ​ພື້ນ​ທາສີ​ຄຳວຽກຕິດ​ຕັ້ງ​ກັນ​ຟ້າຜ່າ ວຽກ​ຫໍ​ສີ​ທຳ​ມະຫາຍ​ໂສກ (ອະນາໄມ​ຫໍ​ກວມ ສ້ອມແປງ​ຄືນຕິດ​ຄຳປິວ​ໃຫ້​ຢູ່ໃນ​ສະພາບ​ເດີມ) ແລະ ວຽກ​ກົມມະ​ລຽນນອກ​ນັ້ນຍັງ​ມີ​ວຽກ​ທີ່​ບໍ່ໄດ້​ຢູ່​ໃນ​ສັນຍາ​ເຊັ່ນ: ວຽກ​ປູກຫຍ້າ​ໃສ່​ເດີ່ນ 400 ແມັດ ສ້ອມແປງ​ບານ​ປະຕູ​ເຫຼັກ​ທາງ​ຂຶ້ນ​ອົງພະທາດ​ຊັ້ນ 1-2 ຈຳນວນ 6 ປ່ອງແລະ ວຽກ​ສ້ອມແປງ​ຫຼັງຄາ ບ່ອນ​ໃສ່​ປ້ານ 3 ຈຸດ ປັດຈຸບັນໂຄງການ​ປະຕິສັງຂອນ​ດັ່ງກ່າວສຳເລັດ 100%.

    ວັນ​ທີ 20 ຕຸລາ 2017 ທ່ານ ສີ​ຫຸນ ສິດທິ​ລື​ໄຊຮອງ​ເຈົ້າຄອງ​ນະຄອນຫຼວງ​ວຽງ​ຈັນທັງເປັນ​ຮອງ​ປະທານ​ຄະນະ​ກຳ​ມະການ​ປະຕິສັງຂອນ​ພິ​ພິ​ທະ​ພັນທາດຫຼວງ ແລະ ທ່ານຄຳ​ປະດິດ ເຂັມ​ມານິດ ຫົວໜ້າ​ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວນະຄອນຫຼວງ​ວຽງ​ຈັນ ພ້ອມ​ດ້ວຍ​ຄະນະ ແລະ ພາກສ່ວນ​ກ່ຽວຂ້ອງ​ໄດ້​ເຄື່ອນ​ໄຫວ​ຕິດຕາມ​ກວດກາ​ຄວາມ​ເປັນ​ລະບຽບຮຽບ​ຮ້ອຍ​ຂອງ​ການ​ປະຕິສັງຂອນພະ​ທາດຫຼວງ​ວຽງ​ຈັນຄັ້ງ​ທີ IV ເພື່ອ​ກະກຽມ​ຄວາມ​ພ້ອມ​ໃຫ້​ທັນກັບ​ງານ​ສົມໂພດ​ອົງ​ພະ​ທາດຫຼວງແລະ ງານ​ບຸນ​ນະມັດສະການ​ພະທາດຫຼວງ​ປີ 2017 ທີ່​ຈະ​ມາ​ເຖິງໃນ​ມໍ່ໆ​ນີ້.

    ຜ່ານ​ການ​ຕິດຕາມ​ກວດກາ ທ່ານ​ຮອງ​ເຈົ້າ​ຄອງພ້ອມ​ດ້ວຍຂະແໜງການ​ທີ່​ກ່ຽວຂ້ອງ​ ໄດ້​ຍ້ອງຍໍ​ຊົມເຊີຍ ແລະເຫັນ​ດີ​ນຳ​ບໍລິສັດ ມີ​ພູນ​ຊັບ​ກໍ່ສ້າງ ຈຳກັດ​ຜູ້​ດຽວທີ່​ໄດ້​ເອົາໃຈໃສ່​ໃນ​ການ​ປະຕິ​ສັງຂອນ​ພະ​ທາດຫຼວງ​ສຳເລັດ​ຕາມແຜນການ​ທີ່​ວາງ​ໄວ້ພ້ອມ​ນັ້ນ ທ່ານ​ຍັງ​ໄດ້​ແນະນຳ​ໃຫ້​ບໍລິສັດ ແລະ ພະ​ແນກ ຖວທ ນວກໍ່​ຄືພາກສ່ວນ​ກ່ຽວຂ້ອງ​ໃຫ້​ເອົາໃຈໃສ່​ໃນ​ການ​ຫຼໍ່​ພະ​ຄຳພ້ອມ​ທັງເຮັດ​ຕູ້​ນີ​ລະ​ໄພ​ໃສ່​ພະ​ທີ່​ຫຼໍ່​ມາ​ແລ້ວນັ້ນ ແລະ ປັບປຸງ​ຖ້ານ​ພະເພື່ອໃຫ້​ນັກ​ທ່ອງ​ທ່ຽວກໍ່​ຄືມວນ​ຊົນ​ທີ່ມາ​ທ່ຽວ​ຊົມ​ເຫັນ​ໄດ້​ງ່າຍ ແລະຮັບປະກັນ​ໃຫ້​ມີ​ຄວາມ​ປອດ​ໄພໂດຍ​ໃຫ້​ສຳເລັດ​ກ່ອນງານ​ບຸນ​ນະມັດສະການ​ພະທາດຫຼວງ​ວຽງ​ຈັນແນໃສ່​ເຮັດ​ໃຫ້​ພະທາດຫຼວງ​ມີ​ຄວາມ​ສວຍ​ງາມ​ດຶງດູດ​ນັກ​ທ່ອງ​ທ່ຽວ​ທັງ​ພາຍ​ໃນແລະ ຕ່າງປະເທດ​ມາ​ທ່ຽວ​ຊົມ​ໃຫ້ຫຼາຍ​ຂຶ້ນທັງ​ເປັນ​ການ​ຮັກສາ​ໃຫ້ພະ​ທາດຫຼວງ​ມີ​ຄວາມ​ຍືນ​ຍົງ​ຕະຫຼອດ​ໄປ.

 

ຂໍ້ມູນຈາກ: ໜັງສືພີມວຽງຈັນໃໝ່

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 47

ຈຳນວນຜູ້ເຂົ້າຊົມວານນີ້ 69

ຈຳນວນຜູ້ເຂົ້າຊົມອາທິດນີ້ 212

ຈຳນວນຜູ້ເຂົ້າຊົມເດືອນນີ້ 747

ຈຳນວນຜູ້ເຂົ້າຊົມທັງໝົດ 53127

Currently are 11 guests and no members online