Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

 22491992 483178842062079 4030521983126460073 n

    ຕອນບ່າຍຂອງວັນທີ 12 ຕຸລາ ທີ່ຜ່ານມາ, ທີ່ຫ້ອງປະຊຸມໃຫຍ່ຂອງສຳນັກງານປົກຄອງ ນວ ໄດ້ຈັດກອງປະຊຸມເປີດບັ້ນ" ແຂ່ງຂັນຮັກຊາດ-ພັດທະນາ ຕິດພັນກັບຮັກນະຄອນຫຼວງເພື່ອກະກຽມຕ້ອນຮັບ ເປີດປີທ່ອງທ່ຽວລາວ 2018"ເປັນກຽດເຂົ້າຮ່ວມກອງປະຊຸມດັ່ງກ່າວໂດຍທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ບັນດາທ່ານຮອງເຈົ້າຄອງ ນວ, ຄະນະປະຈຳພັກ, ບັນດາເມືອງ 09 ຕົວເມືອງ, ບັນດາພະແນກການ ແລະ ອົງການທຽບເທົ່າ, ພ້ອມທັງພາກສ່ວນກ່ຽວຂ້ອງເຂົ້າຮ່ວມ.

   ພາຍຫຼັງຮັບຟັງການລາຍງານຂອງພະແນກພາຍໃນ ນວ ກ່ຽວກັບແຜນການຈັດຕັ້ງປະຕິບັດ ຂໍ້ແຂ່ງຂັນຮັກຊາດ-ພັດທະນາ ຕິດພັນກັບຮັກນະຄອນຫຼວງ ແລະ ບັນດາພາກສ່ວນໄດ້ຈັບມືກັນ ເພື່ອເປີດການແຂ່ງຂັນດັ່ງກ່າວນັ້ນແລ້ວ. ທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ ເຈົ້າຄອງນະຄອນຫຼວງວຽງຈັນ ກໍໄດ້ຂື້ນກ່າວຄຳເຫັນ ຕໍ່ກອງປະຊຸມດັ່ງກ່າວເຊີ່ງມີເນື້ອໃນບາງຕອນວ່າ:

ການເປີດບັ້ນແຂ່ງຂັນຮັກຊາດ-ພັດທະນາຂອງພວກເຮົາໃນຄັ້ງນີ້ ແມ່ນຄວາມໝາຍສໍາຄັນຍິ່ງ ເພາະເປັນປີທີ 2 ທີທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ ພ້ອມກັນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ, ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII, ພ້ອມດຽວກັນນັ້ນກໍຢູ່ໃນບັນຍາກາດແຫ່ງຜົນສໍາເຫຼັດຂອງບັ້ນປັບປຸງປົວແປງພັກທົ່ວປະເທດ ໂດຍສະເພາະແມ່ນກົງກັບວັນປະກາດເອກະລາດ 12 ຕຸລາ ຄົບຮອບ 72 ປີ, ວັນການທູດລາວ ແລະ ວັນຕ້ານຢາເສບຕິດແຫ່ງຊາດ ອີກດ້ວຍ.

1. ສໍາລັບຈຸດປະສົງຄາດໝາຍສໍາຄັນຂອງການແຂ່ງຂັນຄັ້ງນີ້:
- ເພື່ອແກ້ໄຂປະກົດການຫຍໍ້ທໍ້ໃນສັງຄົມໃຫ້ຫຼຸດລົງ;
- ຈັດຕັ້ງແຜນພັດທະນາເສດຖະກິດ-ສັງຄົມ ໃຫ້ສໍາເລັດຜົນຢ່າງມີໄຊ ເປັນຕົ້ນແມ່ນການຈັດເກັບລາຍຮັບໃຫ້ໄດ້
- ເຮັດໃຫ້ປີທ່ອງທ່ຽວ 2018 ເປັນປີທີ່ນຳເອົາຄຸນປະໂຫຍດ ໃນລະດັບສູງມາໃຫ້ ນວ, ທັງໃນການພັດທະນາເສດຖະກິດ-ສັງຄົມ, ທັງໃນດ້ານການເຜີຍແຜ່ວັດທະນະທຳ ແລະ ບົດບາດຂອງປະເທດເຮົາ ຕໍ່ສາກົນ;
- ເຮັດໃຫ້ມະຕິກອງປະຊຸມໃຫຍ່ຄັ້ງທີ VI ເປັນຕົ້ນ: 18 ຄາດໝາຍໃຫຍ່, 6 ໂຄງການບຸກທະລຸ, 22 ໂຄງການໃຫຍ່ລະດັບຊາດ ຖືກຈັດຕັ້ງປະຕິບັດປະກົດຜົນເປັນຈິງ.

2. ສໍາລັບແຜນວຽກ ແລະ ເນື້ອໃນຂອງການແຂ່ງຂັນຄາດໝາຍລວມຂອງການແຂ່ງຂັນນີ້ ພວກເຮົາມີໃນລັດຖະບັນຍັດແລ້ວ ແມ່ນປະຕິບັດພາລະບົດບາດ, ສິດໜ້າທີ່ຂອງຕົນໃຫ້ສໍາເລັດ ໃນນັ້ນ:

- ສ້າງພະແນກໃຫ້ເປັນພະແນກການ 5 ດີ:
ເປັນຫົວໜ່ວຍຄຸ້ມຄອງ - ບໍລິການດີ:
- ເປັນຫົວໜ່ວຍຄຸ້ມຄອງ
- ເປັນພະແນກການທີ່ມີພະນັກງານບໍລິການຮັບໃຊ້ປະຊາຊົນດີ
ປະຕິບັດລາຍຮັບວິຊາການດີ.
ລົງຮາກຖານດີ.
ລັດຖະກອນດີ.
ພະແນກປະຢັດດີ.

- ສ້າງພະນັກງານ-ລັດຖະກອນ, ບັນດາເມືອງ, ພະແນກການ, ຫ້ອງການທຽບເທົ່າອ້ອມຂ້າງນວ ຕ້ອງສູ້ຊົນສ້າງພະນັກງານ-ລັດຖະກອນ ທີ່ຢູ່ໃນຖັນແຖວຂອງຕົນໃຫ້ປະຕິບັດໃຫ້ໄດ້ຕາມ 4 ຄາດໝາຍຄື:
ເຮັດໃຫ້ໄວ,
ເຮັດໃຫ້ມີຄຸນນະພາບ,
ເຮັດໄດ້ ຫຼື ລື່ນຄາດໝາຍ
ເຮັດໃຫ້ຖືກກົດໝາຍ.

3. ສຳລັບແຜນວຽກຈຸດສຸມແຕ່ນີ້ຫາທ້າຍປີ 2017:
- ສຸມໃສ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2017 ທີ່ໄດ້ກໍານົດໄວ້ ໃນຂໍ້ຕົກລົງ ເຈົ້າຄອງ ນວ ເລກທີ 0159 ໂດຍໄດ້ມອບໃຫ້ ແຕ່ລະເມືອງ, ພະແນກການແລ້ວ (ມາດຕາທີ 15ຫາ ມາດຕາ 36) ໃນນັ້ນ, ເລັ່ງໃສ່ການປະຕິບັດລາຍຮັບວິຊາການຂອງແຕ່ລະຂະແໜງການທີ່ໄດ້ມອບໝາຍໃຫ້; ສຳລັບເມືອງແມ່ນປະຕິບັດໂຕເລກທີ່ມອບໃຫ້ເມືອງນັ້ນໃຫ້ສໍາເລັດເພື່ອເປັນກົນໄກ, ເພື່ອເປັນວິທີການໃນການປຸກລະດົມການແຂ່ງຂັນຮັກຊາດ-ພັດທະນາ, ຮັກນະຄອນຫຼວງ ກອງປະຊຸມຄະນະພັກຮ່ວມອົງການປົກຄອງ ໄດ້ຕົກລົງ ສຸມໃສ່ແກ້ໄຂ ບັນຫາຈຳນວນໜື່ງທີ່ເຄັ່ງຮ້ອນພົ້ນເດັ່ນ ນັ້ນແມ່ນຈະສຸມໃສ່ 3 ຫຼຸດ, 3 ເພີ່ມ, 3 ຂະບວນການຄື:

- 3 ຫລຸດ: ບັນຫາຢາເສບຕິດ, ຄວາມແອອັດ ແລະ ອຸບັດຕິເຫດ ຕາມທ້ອງຖະຫນົນ ແລະ ຫລຸດຜ່ອນບັນຫາອັກຄີໄພ;

- 3 ເພີ່ມ: ເພີ່ມຄວາມຮັບຜິດຊອບທາງດ້ານການເມືອງ ຂອງສະມາຊິກພັກພະນັກງານ-ລັດຖະກອນ, ເພີ່ມການເກັບລາຍຮັບເຂົ້າງົບປະມານ, ເພີ່ມຄວາມສາມັກຄີກັນ ຮ່ວມກັນປະຕິບັດຄໍາຂັວນ 5 ຮ່ວມ ຂອງນະຄອນຫລວງວຽງຈັນ;

- 3 ຂະບວນການ: ຂະບວນການຕ້ານ ແລະ ແກ້ໄຂບັນຫາຢາເສບຕິດ, ຂະບວນການຈັດສັນຄວາມເປັນລະບຽບຮຽບຮ້ອຍ ແລະ ແກ້ໄຂອຸປະຕິ ເຫດຕາມທ້ອງຖະຫນົນ, ຂະບວນການເກັບລາຍຮັບ), ແຕ່ວ່າເວລາລົງໄປປະຕິບັດຢູ່ຂັ້ນເມືອງ ແລະ ບ້ານ ອາດມີການເພີ່ມຕື່ມຄວາມຈຳເປັນ.

4. ສຳລັບເນື້ອໃນແຂ່ງຂັນ ແລະ ບາດກ້າວໃນປີ 2018:
- ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2018 ເຊີ່ງຈະໄດ້ປະກາດໃນສະພາ ນວ ໃນທ້າຍປີນີ້, ຖືອັນນີ້ເປັນຄາດໝາຍ, ເປັນຂໍ້ແຂ່ງຂັນ ຈື່ງຈະມອບວຽກ ໃຫ້ແຕ່ລະພະແນກການ ແລະ ເມືອງ ໃນນັ້ນ, ພິເສດ ປະຕິບັດຂໍ້ແຂ່ງຂັນເປັນເຈົ້າພາບທີ່ດີ ຕ້ອນຮັບປີ ທ່ອງທ່ຽວລາວ. ຊື່ງຄາດໝາຍ ແລະ ແຜນວຽກມີດັ່ງນີ້:

+ ຄາດໝາຍສໍາຄັນ:
• ເຜີຍແຜ່ນະໂຍບາຍຂອງພັກ ແລະ ລັດເຮົາ, ກໍຄືຜົນສຳເລັດໃນການສ້າງສາພັດທະນາ ປະເທດ; ລວມທັງບັນດາທ່າແຮງ ແລະ ຄວາມອາດສາມາດໃນການພັກທະນາປະເທດໃຫ້ຫຼຸດພົ້ນອອກຈາກຄວາມດ້ອຍພັດທະນາໃນປີ 2020.
• ຊຸກຍູ້ປຸກລະດົມຂະບວນການພັດທະນາ ແລະ ສົ່ງເສີມການທ່ອງທ່ຽວໃນ ສປ ປ ລາວ
• ພັດທະນາການທ່ອງທ່ຽວໃຫ້ເປັນອຸດສາຫະກຳການທ່ອງທ່ຽວທີ່ເຂັ້ມແຂງ, ມີຄວາມສາມາດໃນ ການແຂ່ງຂັນ ຢູ່ໃນຂົງເຂດ ແລະ ພາກພື້ນ ດ້ວຍການຍົກສູງຄຸນນະພາບຂອງການບໍລິການ ການທ່ອງທ່ຽວທີ່ດີ ແລະ ສ້າງຄວາມພໍໃຈໃຫ້ແກ່ຜູ້ມາຢ້ຽມຢາມ ແລະ ທ່ອງທ່ຽວ.
• ໂຄສະນາດຶງດູດນັກທ່ອງທ່ຽວຈາກຕ່າງປະເທດ, ໂດຍສະເພາະນັກທ່ອງທ່ຽວທີມີລາຍຈ່າຍຫຼາຍ ໃຫ້ກວມເອົາອັດຕາສ່ວນເພີ່ມຂື້ນໃນແຕ່ລະປີ; ຊຸກຍູ້ສົ່ງເສີມການທ່ອງທ່ຽວພາຍໃນ ເຮັດໃຫ້ການທ່ອງທ່ຽວເປັນຂະແໜງການສ້າງລາຍຮັບດ້ານເງິນຕາຕ່າງປະເທດໃຫ້ນັບມື້ນັບຫຼາຍ, ດຶງດູດການລົງທຶນຈາກພາຍໃນ ແລະ ຕ່າງປະທດ ເຂົ້າໃນການພັດທະນາການທ່ອງທ່ຽວ ແລະ ຂະແໜງການທີ່ຕິດພັນ.
• ພັດທະນາ ແລະ ສົ່ງເສີມການທ່ອງທ່ຽວໄປຄຽງຄູ່ກັບ ການພັດທະນາຂະແໜງການອື່ນໆ.
• ສົ່ງເສີມການຜະລິດ, ການປຸງແຕ່ງ ທັງເປັນການສົ່ງອອກກັບທີ່.

+ ແຜນວຽກສໍາຄັນ:
• ສືບຕໍ່ປັບປຸງຄຸນນະພາບການບໍລິການດ້ານການທ່ອງທ່ຽວໃຫ້ມີການປ່ຽນແປງດີຂື້ນກ່ວາເກົ່າ.
• ຈັດກິດຈະກຳສົ່ງເສີມການທ່ອງທ່ຽວເປັນຕົ້ນ: ບຸນປະເພນີ, ງານມະຫະກຳວັດທະນະທຳຊົນເຜົ່າ, ງານເທດສະການເພື່ອການທ່ອງທ່ຽວ, ງານວາງສະແດງຜະລິດຕະພັນເຄື່ອງຫັດຖະກຳ-ເຄື່ອງທີ່ລະນຶກ, ງານວາງສະແດງຮູບແຕ້ມ, ຮູບຖ່າຍ, ງານສັບປະດາທ່ອງທ່ຽວລາວ ແລະ ກິດຈະກຳອື່ນໆ.
• ຈັດຕັ້ງການສະເຫຼີມສະຫຼອງປີທ່ອງທ່ຽວ 2018 ຢູ່ບັນດາແຂວງທີ່ເປັນຈຸດປາຍທາງການທ່ອງທ່ຽວ: ແຂວງຫຼວງພະບາງ, ແຂວງຈຳປາສັກ, ແຂວງສະຫວັນນະເຂດ ແລະ ແຂວງຊຽງຂວາງ ແລະ ອື່ນໆ.
• ຈັດພິທີສະເຫຼີມສະຫຼອງປີທ່ອງທ່ຽວລາວ 2018 ທີ່ນະຄອນຫຼວງວຽງຈັນ ໄລຍະເວລາງານບຸນນະມັດສະການພະທາດຫຼວງ.
..................................................
#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 28 guests and no members online

ແຜນທີ່ນະຄອນຫຼວງວຽງຈັນ