Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

WhatsApp Image 2017 10 04 at 2.48.17 PM

     ການ​ດຳເນີນ​ໂຄງການ​ປະຕິສັງ​ຂອນ​ພະ​ທາດຫຼວງ ຄັ້ງ​ທີ IV ປະກອບ​ມີ 2 ໜ້າ​ວຽກ​ໃຫຍ່​ຄື ວຽກ​ອົງ​ພະທາດ ແລະ ວຽກ​ກົມມະ​ລຽນ ໃນ​ນີ້ ປະກອບ​ມີ: ວຽກອະນາໄມ ສ້ອມແປງ​ອົງ​ພະທາດ ແລະ ຫໍ​ໄຫວ້​ທັງ​ສີ່​ດ້ານ ວຽກ​ລາພອນ​ອົງ​ພະທາດ ທາດ​ປາ​ລະ​ມະນີ 30 ທາດ ວຽກ​ຕິດ​ຕັ້ງ​ກັນ​ຟ້າ ຜ່າວຽກ​ສ້ອມແປງ​ຫໍ​ກວມ ພະທາດ​ທຳ​ມະ​ຫາຍ​ໂສກ ວຽກ​ອະນາ​ໄມ ສ້ອມແປງ​ຫຼັງຄາ​ກົມ​ມະລຽນ ຮື້​ຝາ​ກົມ​ມະ​ລຽນ ໂບກ​ຝາຄືນໃໝ່​ດ້ານ​ໃນ-ດ້ານ​ນອກເສົາ ແລະ ລະບຽງວຽກ​ຝາ​ປິດ​ຮ່ອງລະບາຍ​ນ້ຳ​ເສຍ​ອ້ອມ​ກົມ​ມະ​ລຽນ ຮື້​ສ້ອມແປງ​ໃໝ່​ໄມ້​ໜອນ​ຮອງແຂນນາງ ແລະ ໄມ້​ແຂນນາງ ໃຫ້​ເຂົ້າ​ສະພາບ​ດີ ວຽກ​ສ້ອມ​ຊຸ້ມປະຕູ ສ້ອມແປງ​ບານ​ປະຕູ​ໃຫຍ່ທັງ 4 ດ້ານວຽກ​ຫຸ້ມ​ຫໍ່​ວັດຖຸ​ພັນ ແລະ ວຽກ​ປິ່ນ​ອ້ອມ​ອື່ນໆ ປັດ​ຈຸບັນ ບັນດາ​ໜ້າ​ວຽກ​ດັ່ງກ່າວ​ໄດ້ສຳເລັດ 90 ກວ່າ​ເປີເຊັນ.

    ວັນ​ທີ 3 ຕຸລາ 2017 ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງນະຄອນຫຼວງ​ວຽງ​ຈັນ ທັງ​ເປັນປະທານ​ຄະນະ​ກຳມະການ​ຮັບ​ຜິດຊອບ​ລະດັບ​ຊາດ ​ການ​ປະຕິ​ສັງຂອນ​ພິ​ພິ​ທະ​ພັນ​ພະ​ທາດຫຼວງວຽງ​ຈັນ ຄັ້ງ​ທີ IV ພ້ອມ​ດ້ວຍ​ຄະນະ​ ໄດ້​ເຄື່ອນ​ໄຫວ​ກວດກາ​ຄວາມຄືບ​ໜ້າ​ຂອງ​ໂຄງການ​ປະຕິ​ສັງຂອນ​ພະ​ທາດຫຼວງ​ວຽງ​ຈັນ ຄັ້ງ​ທີ IV ມີ​ທ່ານ ຄຳ​ປະດິດ ເຂັມ​ມານິດ ຫົວໜ້າ​ພະ​ແນກ​ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງ​ວຽງ​ຈັນ ພ້ອມ​ດ້ວຍ​ຂະແໜງການ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

    ເພື່ອ​ຕິດຕາມ​ກວດກາ​ເບິ່ງຄວາມ​ຄືບ​ໜ້າ​ຂອງ​ໂຄງການ ​ປະຕິ​ສັງ​ຂອນ​ພະ​ທາດຫຼວງ​ວຽງ​ຈັນ ໃຫ້​ສຳເລັດ​ຕາມ​ແຜນການ​ທີ່​ວາງໄວ້ ໃຫ້​ທັນ​ກັບ​ງານ​ສົມໂພດ​ອົງພະ​ທາດຫຼວງ​ວັນ​ທີ 27 ຕຸລາ 2017 ພ້ອມ​ທັງ​ເປັນ​ການ​ກຽມຄວາມ​ພ້ອມ​ໃຫ້​ແກ່​ການ​ສະເຫຼີມສະຫຼອງ ​ຜົນສຳເລັດ​ຂອງ​ການ​ປະຕິ​ສັງ​ຂອນ​ພິ​ພິ​ທະ​ພັນ​ພະທາດຫຼວງ​ວຽງ​ຈັນ ຄັ້ງ​ທີ IV ໃຫ້​ເປັນຂະ​ບວນ​ຟົດຟື້ນ ທີ່​ຈະ​ຈັດ​ຂຶ້ນ​ໃນວັນ​ທີ 28 ຕຸລາ ແລະ ເປີດ​ປີທ່ອງ​ທ່ຽວ​ລາວ 2018 ຢ່າງ​ເປັນທາງ​ການ ​ໃນ​ງານ​ບຸນ​ນະ​ມັດ​ສະການ​ພະ​ທາດຫຼວງ​ວຽງ​ຈັນ 2017 ພ້ອມ​ນັ້ນ​ຍັງ​ໄດ້​ປຶກສາ​ຫາລື​ກ່ຽວກັບ​ການ​ປັບປຸງ ແລະ ຕິດ​ຕັ້ງ​ລະບົບ​ໄຟຟ້າ​ຢູ່​ໃນ​ອົງ​ພະ​ທາດຫຼວງ ຈຳນວນ 72 ຊຸດ ມູນ​ຄ່າ​ປະມານ 250 ລ້ານ​ກວ່າ​ກີບ ທີ່​ໄດ້​ຮັບ​ການອຸປະຖຳ​ຈາກ​ບໍລິສັດ​ລາວ​ສະແຕນ​ເລສ ນອກ​ນີ້ ເພື່ອ​ຕິດຕາມກວດກາ​ຄືນ​ຄວາມ​ເປັນ​ລະບຽບຮຽບ​ຮ້ອຍ​ຂອງ​ຄວາມ​ພ້ອມ​ ແຕ່ລະ​ພາກສ່ວນ​ໃນ​ການ​ຈັດ​ງານບຸນ​ນະມັດສະການ​ພະ​ທາດຫຼວງ ໂດຍ​ສະເພາະລະບົບ​ໄຟຟ້າ ການອະນາໄມສ້ອມແປງ​ຮ່ອງ​ລະບາຍ​ນ້ຳ​ອ້ອມ​ຮອບ​ບໍລິເວນ​ເດີ່ນທາດຫຼວງ​ກາງ ແລະ ທາດຫຼວງໃຕ້ ການ​ປະດັບ​ປະດາ​ບ້ານ​ບູຮານລາວ ແລະ ນ້ຳສ້າງ​ພະຍາ​ນາກ 450 ປີ ແນໃສ່​ເຮັດ​ໃຫ້​ງານ​ບຸນພະ​ທາດຫຼວງ​ປີ​ນີ້​ມີ​ຄວາມ​ສວຍສົດ​ງົດ​ງາມ ໂດດ​ເດັ່ນ​ທາງ​ດ້ານແສງ​ສະຫວ່າງ ແລະ ຮັກສາ​ໄດ້ຮີດຄອງ​ປະເພນີ​ອັນ​ດີງາມ​ຂອງຊາດ​ລາວ​ເຮົາ.

    ສະນັ້ນ ຂໍ​ເຊີນຊວນ​ບັນດາ​ອົງການຈັດຕັ້ງ​ພັກ-ລັດ ຫົວໜ່ວຍ​ທຸລະ​ກິດ​ຕະຫຼອດ​ຮອດ​ພໍ່ຄ້າ​ຊາວຂາຍ ແລະ ປະຊາຊົນ​ລາວ​ບັນດາ​ເຜົ່າ ​ຜູ້​ທີ່​ມີ​ຈິດໃຈັ​ໃສ​ສັດທາ​ໃຫ້ເຂົ້າ​ຮ່ວມ​ງານ​ດັ່ງກ່າວ ເຊິ່ງ​ພາຍໃນ​ງານ​ຈະ​ໄດ້​ມີ​ການ​ລະດົມ​ທຶນຈາກ​ມວນ​ຊົນ ເພື່ອ​ນຳໄປ​ຊຳລະມູນ​ຄ່າ​ຂອງ​ການ​ປະຕິສັງຂອນ​ທີ່ຍັງ​ບໍ່​ພຽງພໍ

 

 

ທີ່ມາຂໍ້ມູນ: ໜັງສືພິມວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 50 guests and no members online

ແຜນທີ່ນະຄອນຫຼວງວຽງຈັນ