ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

    21728246 472637943116169 5767410486552361568 n

     ດັ່ງພວກເຮົາຮູ້ກັນແລ້ວວ່າ ໂຄງການປະຕິສັງຂອງພິພິທະພັນພະທາດຫຼວງ ພວກເຮົາໄດ້ດຳເນີນມາຕັ້ງແຕ່ວັນທີ 4 ກັນຍາ 2016 ພາຍຫຼັງໄດ້ເປີດພິທີດຳເນີນໂຄງການຢ່າງເປັນທາງການແລ້ວ ກໍ່ໄດ້ອັງເຊີນຍອດຊໍ່ຄຳ 9 ກິໂລ 9 ບາດ ຂື້ນປະດິດສະຖານ ສູ່ຍອດພະທາດຫຼວງ ໃນວັນທີ 31 ຕຸລາ 2016, ວ່ັນທີ 8 ເມສາ 2017 ໄດ້ຈັດພທີຍົກຍອດຄຳຂື້ນປະດິດສະຖານ ສູ່ຍອດດວງປີພະທາດຫຼວງປາລະມີ 30 ທາດ ແລະ ພະທາດ ສີທຳມະຫາຍໂສກ. ກ່ອນການດຳເນີນພິທີການ ຢ່າງເປັນທາງການ ຄະນະຮັບຜິດ ຊອບໂຄງການປະຕິສັງຂອນກໍໄດ້ມີການຈັດກອງປະຊຸມສຳມະນາລະດົມແນວຄວາມຄິດ, ວິທີການໃນຫຼອມ ແລະ ຍົກຍອກຊໍ່ຄຳ ອັນໄດ້ເຮັດໃຫ້ການຈັດພິທີຢ່າງເປັນທາງການ ປະສົບຜັນສຳເລັດຢ່າງຈົບງາມ ແລະ ໄດ້ຮັບການຊົມເຊີຍ ຢ່າງກ້ວາງຂວາງ ທັ່ງນີ້ກໍຍ້ອນ ໄດ້ຮັບການສະໜັບສະໜູນ ຈາກທຸກພາກສ່ວນ ໃນສັງຄົມ.

ສະນັ້ນ ໂດຍປະຕິບັດຕາມ ແຜນການຂອງໂຄງການທີ່ໄດ້ວາງໄວ້ ຕອນເຊົ້າຂອງວັນທີ 15 ກັນຍາ 2017 ນີ້, ທີ່ ຫໍທຳມະສະພາໄດ້ຈັດກອງປະຊຸມສຳມະນາລະດົມແນວຄວາມຄິດຕໍ່ແຜນການສະເໜີສະຫຼອງຜົນສຳເລັດໂຄງການປະຕິສັງຂອນ  ພິພິທະພັນພະທາດຫຼວງ ຄັ້ງທີ IV ໂດຍພາຍໃຕ້ການເປັນປະທານຂອງ ທ່ານ ສີຫຸນສິດທິລືໄຊ ຮອງເຈົ້າຄອງນະຄອນຫຼວງວຽງຈັນໃນນາມຄະນະຮັບຜິດຊອບໂຄງການປະຕິສັງຂອນພິພິທະພັນພະທາດຫຼວງ ຄັ້ງທີ IV ແລະປະທານຮ່ວມໂດຍ ພຣະອາຈານ ເວດ ມະເສໄນ ຮອງປະທານ ອພສ ຂັ້ນສູງກາງ.ເຊີ່ງຈຸດປະສົງຂອງການສຳມະນາໃນຄັ້ງນີ້ກໍແມ່ນເພື່ອການກະກຽມດຳເນີນແຜນການສະເຫຼີມສະຫຼອງຜົນສຳເລັດຂອງການປະຕິສັງຂອນແລະ ສຶບຕໍ່ແຜນການດຳເນິນການປະຕິສັງຂອນ ພ້ອມດ່ຽວກັນນັ້ນ ກໍຂໍການປະກອບຄຳເຫັນຂອງພາກສ່ວນທີ່ກ່ຽວຂ້ອງ ພ້ອມທັງ ພໍ່ແມ່ປະຊາຊົນໃນການສືບຕໍ່ນຳໃຊ້ ຄຳ ແລະ ງົບປະມານ ຈາກການລະດົມ ແລະ ປະກອບສ່ວນທີ່ຫຍັງເຫຼືອຈາກການດຳເນີນງານໃນຂັ້ນຕອນຜ່ານມາ ເຊີ່ງໃນການປະຕິສັງຂອງໃນຄັ້ງນີ້ລວມມີ ຄຳ 23 ກິໂລ ແລະ ເປັນ ເງິນ 6 ຕື້ກ່ວາກີບ.ເພື່ອຄວາມເປັນເອກະພາບຄະນະຮັບຜິດຊອບຈື່ງຂໍການປະກອບຄຳເຫັນຈາກບັນດາທ່ານດັ່ງນີ້:

1. ສືບຕໍ່ນຳໃຊ້ຄຳໂອບຍອດພະທາດ ຖານທີ່ທັດລົງມາ.
2.
ນຳໃຊ້ ຫຼໍ່ເປັນພະພຸດທະຮູບ ທອງຄຳ ມິ່ງບ້ານມິ່ງເມືອງ.
3.
ສ້າງແທ່ນ ອັດສະຈັນ ເພື່ອນຳໃຊ້ຊົມພິທີແຮ່ຜາສາດເຜີ້ງ.
4.
ສ້າງຫ້ອງນ້ຳສາທາລະນະຢູ່ເດີນຕິດກັບຫ້ອງນ້ຳວັດທາດຫຼວງເໜືອ.
5.
ການຈັດ ພິທີ ສົມໂພດພະທາດຫຼວງ ແມ່ນ: ຈັດກ່ອນ ຫຼື ຈັດພ້ອມກັນກັບບຸນນະມັດສະການພະທາດຫຼວງ.

(ທ່ານສາມາດປະກອບຄຳເຫັນໄດ້ ໂດຍເລືອຫົວຂໍ້ 1-4 ແລະ ຂຽນວ່າເຫັນດີ ຫຼື ບໍ່ເຫັນດີ, ພ້ອມທັງຂຽນການປະກອບຄຳເຫັນອື່ນໄດ້ຕື່ມ)

ທັງນີ້ ໃນການດຳເນີນກິດຈະກຳດັ່ງກ່າວ ກໍແມ່ນເພື່ອກຽມຮັບຕ້ອນຄະນະຜູ້ແທນ ກໍຄືນັກທ່ອງທ່ຽວ ທີ່ຈະເດີນທາງມາ ສປປ ລາວ ເນື່ອງໃນປີ ທ່ອງທ່ຽວລາວ 2018 ນີ້ ແລະບຸນະມັດສະການພະທາດຫຼວງ ປະຈຳປີ
2017.
ເຊີ່ງຄາດກະວ່າ ໃນການດຳເນີນໂຄງການປະຕິສັງຂອງຄັ້ງທີ IV
ນີ້ ຈະມີ 8 ກິດຈະກຳ ລວມເປັນມູນຄ່າ 12.824.900.000 ກີບ, ຄະນະຮັບຜິດຊອບຈື່ງຖືໂອກາດນີ້ ຂໍການອຸປະຖຳ, ຂໍການປະກອບສ່ວນ ຈາກ ບຸກຄົນ, ນິຕິບຸກຄົນ, ພາກສ່ວນຜູ້ປະກອບການທຸລະກິດ ທັງພາຍໃນ ແລະ ຕ່າງປະເທດທີ່ມີແຮງສັດທາ ຊ່ວຍປະກອບສ່ວນທາງດ້ານວັດຖຸປັດໃຈ ແລະ ເງິນຄຳເພື່ອສົມທົບເປັນທຶນ ໃນການປະຕິສັງຂອນ ຄັ້ງນີ້ ໃຫ້ສຳເລັດດ້ວຍ.

ຂໍອະລັດຕະນາ ຄຸນພະສີພະຣັດຕະນະໄຕ, ພະເຖລານຸເຖຣະ ຈົ່ງຊ່ວຍຄຸ້ມຄອງ ແລະຂໍອວຍໄຊໃຫ້ພອນແດ່ບັນດາທ່ານ ຈົ່ງມີແຕ່ຄວາມສຸກກາຍ ສຸກໃຈ ແລະ ປະສົບຜົນສຳເລັດສົມດັ່ງປາຖະໜາ ທຸກປະການ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 56 guests and no members online