ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

151e50a768bb72d8677b1ed3f6b700fdcc2cfd1b7a4db2dc33a76c339571737e

      ພິທີ​ອັງ​ເຊີນ​ຍອດ​ຄຳ​ໃສ່​ຍອດ​ດວງປີ ພະທາດ​ປາລະມີ 30 ທາດ ແລະ ທາດສີ​ທຳ​ມະ​ຫາຍ​ໂສກ ພະ​ທາດຫຼວງ​ວຽງຈັນ ຈັດ​ຂຶ້ນ​ລະຫວ່າງ​ວັນ​ທີ 7 ເມສາ 2017 ມີ​ພະ​ອາຈານ ມະຫາ​ງອນ ດຳຣົງ​ບຸນ ປະທານ​ອົງການ​ພຸດ​ທະ​ສາ​ສະໜາ​ສຳພັນ​ລາວ ພ້ອມ​ດ້ວຍ​ພະ​ເຖ​ລານຸ​ເຖລະ ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ປະທານ​ຄະນະ​ກຳມະການ​ປະຕິສັງ​ຂອນ​ລະດັບ​ຊາດ ພິ​ພິ​ທະ​ພັນພະ​ທາດຫຼວງ​ວຽງ​ຈັນ ພ້ອມ​ດ້ວຍຄອບຄົວ​ການ​ນຳ​ຂັ້ນ​ສູງ ການ​ນຳນະຄອນຫຼວງ ອະດີດ​ການ​ນຳ​ຜູ້​ຊົງ​ຄຸນ​ວຸດ​ທິ ຕະຫຼອດ​ຮອດ​ຊາວ​ນະຄອນຫຼວງວຽງ​ຈັນ ​ເຂົ້າ​ຮ່ວມ.

 1e770cf65d65d4065883e75ac91141aa86129dc6802e07783266b6c370146591

4effa3e113a96239917c2d57e1a3cdd2

      ທ່ານ ສີ​ຫຸນ ສິດທິ​ລື​ໄຊ ຮອງເຈົ້າ​ຄອງ​ນະຄອນຫຼວງ​ວຽງ​ຈັນ ທັງ​ເປັນ​ຮອງ​ປະທານ​ຄະນະ​ກຳມະ​ການ​ປະຕິສັງຂອນ ພິ​ພິ​ທະ​ພັນພະ​ທາດຫຼວງ​ວຽງ​ຈັນ ໄດ້​ຂຶ້ນລາຍ​ງານ​ກ່ຽວ​ກັບ​ການຈັດຕັ້ງປະຕິບັດ​ໂຄງການ​ປະຕິສັງຂອນ ພິ​ພິ​ທະ​ພັນ​ພະ​ທາດຫຼວງ ຄັ້ງ​ທີ IV ວ່າ: ການ​ດຳເນີນ​ໂຄງການ​ປະກອບ​ດ້ວຍ 8 ກິດຈະກຳ ລວມ​ມູນຄ່າ​ປະມານ 15 ຕື້​ກີບ (ບໍ່​ລວມມູນ​ຄ່າ​ຄຳ) ໄດ້​ເປີດ​ໂຄງການ​ຢ່າງເປັນ​ທາງ​ການ ວັນ​ທີ 4 ມີນາ 2016 ພິທີ​ຫຼອມ​ຄຳ​ໄດ້​ດຳເນີນວັນ​ທີ 2 ຕຸລາ 2016 ແລະ ປັດ​ຈຸບັນ ການ​ດຳເນີນ​ໂຄງການ​ມີຄວາມ​ຄືບ​ໜ້າ ແລະ ສຳເລັດຫຼາຍ​ດ້ານ ເປັນຕົ້ນ ວຽກ​ລາພອນສີຄຳ​ອົງ​ພະທາດ​ໃຫຍ່ ພະທາດປາລະມີ 30 ທາດ ພ້ອມ​ທັງ​ຍົກຍອດ​ຊໍ່​ຄຳ​ນ້ຳໜັກ 9 ກິ​ໂລ 9 ບາດ ຂຶ້ນ​ປະດິດສະຖານ​ສູ່​ຍອດພະ​ທາດຫຼວງ ແລະ ຍົກ​ຍອດ​ຄຳ 4 ກິ​ໂລ 16,33 ບາດ ແລະ ພະທາດ​ສີ​ທຳ​ມະ​ຫາຍ​ໂສກ ລວມທັງ​ໝົດ 13 ກິ​ໂລກັບ 25,33 ບາດ ປັດຈຸບັນ ຍັງ​ເຫຼືອ​ຢູ່​ທະ​ນາຄານ 8,5 ກິ​ໂລ 30,37 ບາດ 3,8 ຫູນ 2,72 ກຼາມ ສ່ວນ​ເງິນທີ່​ລະດົມ​ໃນ​ຄັ້ງ​ຜ່ານ​ມາ​ມີ​ຈຳນວນ 5.978.159.479 ກີບ ໃຊ້ຈ່າຍ​ໃນ​ກິດຈະກຳ​ຜ່ານ​ມາ 2.996.965.780 ກີບ ຍັງ​ເຫຼືອ 2.981.193.699 ກີບ ພາຍຫຼັງທີ່​ສຳເລັດ​ພິທີ​ຄັ້ງ​ນີ້ ຄະນະ​ຮັບ​ຜິດຊອບ​ໂຄງການ ​ຈະ​ໄດ້​ສືບຕໍ່​ຊີ້​ນຳການ​ດຳເນີນ​ກິດຈະກຳ​ການ​ປະຕິສັງ​ຂອນ​ໄລຍະ 2 ທີ່​ຍັງ​ບໍ່​ສຳເລັດ ພ້ອມ​ທັງ​ສືບຕໍ່​ໃສ່​ວຽກ​ໄລຍະ​ທີ 3 ແລະ ທີ 4 ເຊັ່ນ: ວຽກ​ມຸງ​ຫຼັງຄາ ທາສີ​ຝາ​ກົມ​ມະ​ລຽນ ສ້ອມແປງຫໍ​ໄຫວ້ ຊຸມ​ປະຕູ​ໃຫຍ່​ທິດ​ຕາເວັນຕົກ ຮ່ອງ​ລະບາຍ​ນ້ຳ ໄຟຟ້າ ສະໜາມ​ຫຍ້າ ຈັດ​ວາງສະແດງ​ວັດຖຸ​ພັນ ແລະ ລະບົບ​ປ້ອງ​ກັນ ການ​ຕິດ​ຕັ້ງ​ກ້ອງວົງ​ຈອນ​ປິດ​ດ້ານ​ໃນ-ນອກ​ກົມ​ມະລຽນ ຍົກ​ຄຳ​ປະດິດ​ໃສ່​ຍອດ​ດວງປີ​ພະ​ທາດຫຼວງ ແລະ ຈັດ​ພິທີ​ສົມໂພດ ​ໃນ​ໂອກາດ​ບຸນ​ນະ​ມັດ​ສະການ​ພະ​ທາດຫຼວງ ໃນ​ທ້າຍ​ປີ 2017.

 

#www.vientianemai.net

#vientiane new day/ວຽງຈັນວັນໃໝ່

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 18 guests and no members online