ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

IMG 1528

ເນື່ອງ​ໃນ​ໂອກາດ​ວັນ​ມາຄະບູຊາ ເຊິ່ງ​ເປັນ​ວັນ​ສຳຄັນ​ທາງພະ​ພຸດ​ທະ​ສາສະໜາ​ຂອງ​ຊາວພຸດ ໃນ​ວັນ​ທີ 11 ກຸມພາ 2017 ທີ່ເດີ່ນ​ພະ​ທາດຫຼວງ​ວຽງ​ຈັນ ໄດ້​ມີພິທີ​ໃສ່​ບາດ​ພະສົງ 1.500 ອົງ ມີພະ​ເຖລານຸເຖລະ ທ່ານ ສິນ​ລະວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ການ​ນຳພັກ-ລັດ ການ​ນຳ​ນະຄອນຫຼວງ ຄອບຄົວ​ການ​ນຳ ນັກທຸລະກິດ ແລະ ມວນ​ຊົນ​ເຂົ້າ​ຮ່ວມ​ຫຼາຍພັນ​ຄົນ ແລະ ໃນ​ໂອກາດ​ວັນ​ດັ່ງກ່າວ​ນີ້ ​ທ່ານ ອຸດົມ ແຕ້​ພານິດ ນັກສະແດງ​ປະເທດ​ໄທ ທັງ​ເປັນຜູ້ອຳນວຍການບໍລິສັດ ພໍດີ​ພານິດ ຈຳກັດ ພ້ອມ​ດ້ວຍ​ຄະນະ ຍັງໄດ້​ຖວາຍ​ຜ້າປ່າ​ສາມັກຄີ ​ເພື່ອ​ສົມທົບ​ທຶນ​ປະຕິສັງຂອນ​ພະທາດຫຼວງ​ຕື່ມ​ອີກ.

ກິດຈະກຳ​ຄັ້ງ​ນີ້ເປັນ​ຄັ້ງ​ທີ 2 ຂອງ​ບໍລິສັດ ພໍດີ​ພານິດ ຈຳກັດ ເຊິ່ງ​ມີ​ຈຳນວນຄຳ 101 ບາດ ແລະ ເງິນ 96.000 ບາດ ຫຼື ປະມານ 23 ລ້ານ​ກີບ ທັງ​ນີ້ເພື່ອ​ປະກອບ​ສ່ວນ​ທຶນ​ປະຕິສັງຂອນ​ພະທາດຫຼວງ ຄັ້ງ​ທີ IV ທີ່​ເປັນ​ມິ່ງຂວັນ​ຂອງ​ຊາວ​ລາວ​ທັງ​ຊາດ ໄດ້ສັກກາລະ​ບູຊາ​ມາ​ແຕ່​ດົນ​ນານ ໃຫ້​ມີ​ຄວາມ​ສວຍ​ງາມຍືນ​ຍົງ ແລະ ສາມາດ​ດຶງ​ດູດ​ແຂກ​ທັງພາຍ​ໃນ ແລະ ຕ່າງປະເທດ​ໃຫ້ເຂົ້າ​ມາ​ທ່ຽວ​ຊົມ ​ສປປ ລາວ ໂດຍ​ສະເພາະ ນະຄອນຫຼວງ​ວຽງຈັນ ​ໃຫ້​ນັບ​ມື້​ຫຼາຍ​ຂຶ້ນ ພ້ອມ​ນັ້ນຍັງ​ເປັນ​ການ​ເສີມ​ສ້າງ​ຄວາມ​ສາມັກ​ຄີ​ຮັກແພງ ​ໃຫ້ການ​ຊ່ວຍເຫຼືອເຊິ່ງ​ກັນ ແລະ ກັນ ລະຫວ່າງ ລາວ-ໄທ ທີ່​ເປັນ​ປະເທດ​ບ້ານ​ໃກ້ເຮືອນ​ຄຽງ​ໃຫ້​ມີ​ຄວາມ​ແໜ້ນແຟ້ນ​ຍິ່ງ​ຂຶ້ນ ແລະ ປີ 2016 ທ່ານ ອຸດົມ ແຕ້​ພານິດ ກໍ່​ໄດ້​ຈັດກິດ​ຈຳນຳ​ຜ້າປ່າ​ສາມັກຄີ ​ມາຖວາຍ​ສົມທົບ​ທຶນ​ປະຕິສັງຂອນພະ​ທາດຫຼວງຄັ້ງ​ນີ້ ​ໄດ້​ສົມທົບ​ທຶນເປັນ​ຈຳນວນ 2 ລ້ານ​ບາດ ຫຼື ປະມານ 460 ລ້ານ​ກີບ.

ປັດຈຸບັນ ໂຄງການ​ປະຕິ​ສັງຂອນ​ພະ​ທາດຫຼວງ​ວຽງ​ຈັນ ​ໄດ້​ສຳເລັດ​ຫຼາຍ​ໜ້າ​ວຽກ ແລະ ຍັງ​ສືບໄປ​ເລື້ອຍໆ​ຈົນ​ກວ່າ​ຈະ​ສຳເລັດຕາມ​ແຜນການ​ທີ່​ວາງ​ໄວ້ ດັ່ງນັ້ນ ຂໍ​ເຊີນຊວນ​ພໍ່​ແມ່​ພີ່ນ້ອງ​ຜູ້​ທີ່​ມີ​ຈິດໃຈໃສ​ສັດທາ​ທັງຫຼາຍ​ຮ່ວມ​ສົມທົບ​ທຶນ ທັງ​ນີ້ເພື່ອ​ເຮັດ​ໃຫ້​ໂຄງການ​ປະຕິສັງຂອນ​ພະ​ທາດຫຼວງວຽງ​ຈັນ​ ຄັ້ງ​ທີ IV ສຳເລັດ​ຕາມແຜນການ​ທີ່​ວາງ​ໄວ້ ນອກຈາກນັ້ນ ໃນ​ພິທີ​ດັ່ງກ່າວ ​ຄະນະ​ກຳ​ມະການ​ປະຕິສັງຂອນ​ພະ​ທາດຫຼວງ ກໍ່​ຄືພະ​ແນກ​ຖະແຫຼງ​ຂ່າວ ວັດທະນະ​ທຳ ແລະ ທ່ອງ​ທ່ຽວ ນະຄອນ​ຫຼວງ​ວຽງ​ຈັນ ໄດ້​ຕັ້ງ​ຈຸດ​ຮັບບໍລິຈາກ​ສົມທົບ​ທຶນ ເພື່ອ​ໃຫ້​ມວນຊົນ​ທີ່​ເຂົ້າ​ມາ​ຮ່ວມ​ງານ​ຄັ້ງ​ນີ້ ​ໄດ້​ມີໂອກາດ​ປະກອບສ່ວນ​ຕາມ​ແຮງສັດທາ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 42 guests and no members online