ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

12567e519ab1c2c966b24e829467fdc1

ນະຄອນຫຼວງ​ວຽງ​ຈັນ ຈັດກອງ​ປະຊຸມ​ຖອດ​ຖອນ​ບົດຮຽນ ໂຄງການ​ປະຕິສັງຂອນ​ພິ​ພິ​ທະ​ພັນພະ​ທາດຫຼວງ​ຂຶ້ນ ວັນ​ທີ 5 ທັນວາ 2016 ທີ່​ຫ້ອງ​ວ່າການ​ປົກຄອງ​ນະຄອນ​ຫຼວງ​ວຽງ​ຈັນ ໂດຍ​ເປັນ​ປະທານ​ຂອງ​ທ່ານ ສິນ​ລະ​ວົງ ຄຸດໄພທູນ ເຈົ້າ​ຄອງ​ນະຄອນຫຼວງວຽງ​ຈັນ ມີ​ຫົວໜ້າ​ພະ​ແນກ ຮອງພະ​ແນກ ເຈົ້າເມືອງ ຫ້ອງການອ້ອມ​ຂ້າງ​ພາກສ່ວນ​ກ່ຽວຂ້ອງ ເຂົ້າ​ຮ່ວມ.

ທ່ານ ຄຳ​ປະດິດ ເຂັມ​ມານິດ ຫົວໜ້າ​ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ ຂຶ້ນ​ລາຍງານ​ວຽກ​ງານ​ປະຕິສັງຂອນ​ທີ່ຜ່ານ​ມາ ແລະ ສະເໜີ​ແຜນ​ວຽກໃນຕໍ່ໜ້າ ໃຫ້​ຮູ້​ວ່າ: ຜົນສຳເລັດໂຄງການ​ປະຕິສັງຂອນ​ຢ່າງ​ເປັນທາງ​ການ ວັນ​ທີ 2 ຕຸລາ 2016 ໄດ້​ຈັດ​ພິທີ​ຫຼອມ​ຄຳ ເພື່ອ​ກະກຽມໂອບ​ຍອດ​ພະ​ທາດຫຼວງ ວັນ​ທີ 8 ຕຸລາ 2016 ໄດ້​ສະຫຼຸບ​ພິທີ​ໂຄງການ​ປະຕິສັງຂອນ​ຫໍ​ພິ​ພິ​ທະ​ພັນ​ຫໍພະແກ້ວ ຄັ້ງ​ທີ III ໄລຍະ​ທີ I ພິທີ​ສົມໂພດ​ໂຮງ​ຜາສາດ​ພະແກ້ວມໍ​ລະ​ກົດ ແລະ ວັນ​ທີ 9 ຕຸລາ 2016 ເວລາ 7:00 ໂມງ ພິທີຕັກບາດ​ຖວາຍ​ສັງ​ຂະ​ທານ ວັນ​ທີ 31 ຕຸລາ 2016 ໄດ້​ຈັດ​ພິທີ​ອັນເຊີນ​ຊໍ່​ຄຳ​ຂຶ້ນ​ໂອບ​ຍອດ​ພະທາດຫຼວງ ແລະ ວັນ​ທີ 12-14 ພະຈິກ 2016 ໄດ້​ຈັດ​ພິທີ​ສະເຫຼີມສະຫຼອງດ້ວຍ​​ຜົນ​ສຳເລັດ​ຕາມ​ຈຸດປະສົງ ແລະ ລະດັບ​ຄາດໝາຍ​ເປັນ​ຢ່າງດີ.

ສຳລັບ​ແຜນ​ຈຸດ​ສຸມ​ໃນຕໍ່ໜ້າກຽມ​ທຸກ​ແຜນ​ວຽກ ເພື່ອ​ຈັດ​ງານສົມໂພດ​ຍອດ​ຊໍ່​ພະ​ທາດຫຼວງ ພະທາດ​ປັນຍາ​ປາລະມີ 30 ລູກ ແລະ ຍອດ​ພະທາດ​ດຳ​ສີ​ທຳ​ມະຫາຍ​ໂສກໃຫ້​ສຳເລັດ​ຕາມ​ຈຸດປະສົງ ແລະ ລະດັບ​ຄາມ​ໝາຍຕາມວາລະ ແລະ ໜ້າ​ວຽກ​ທີ່ວາງ​ໄວ້ ເຊັ່ນ: ພິທີການ ວຽກ​ງົບປະມານ ວຽກ​ປ້ອງ​ກັນ ວຽກ​ວາງສະແດງ ວຽກ​ປະເພນີ ແລະ ສາສະໜາ ແລະ ວຽກ​ອື່ນໆ ສືບຕໍ່ວຽກ​ງານ​ປະຊາສຳພັນ ເພື່ອ​ລະດົມ​ວັດຖຸ​ປັດ​ໄຈ​ໃນ​ການ​ສົມທົບ​ປະຕິ​ສັງ​ຂອນ ເພື່ອ​ຄວາມ​ສະດວກທາງ​ດ້ານ​ການ​ເງິນ ຫຼີກເວັ້ນ​ບັນຫາ​ໜີ້​ສິນ ສືບຕໍ່​ແຜນ​ວຽກ​ປະຕິສັງ​ຂອນ​ຢ່າງ​ຕັ້ງໜ້າ ເພື່ອ​ຮັບ​ປະກັນ​ຜົນສຳເລັດ​ຕາມ​ຈຸດປະສົງ ແລະ ແຜນການ​ທີ່​ວາງ​ໄວ້.

 

www.vientianemai.net

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 40

ຈຳນວນຜູ້ເຂົ້າຊົມວານນີ້ 30

ຈຳນວນຜູ້ເຂົ້າຊົມອາທິດນີ້ 40

ຈຳນວນຜູ້ເຂົ້າຊົມເດືອນນີ້ 531

ຈຳນວນຜູ້ເຂົ້າຊົມທັງໝົດ 50445

Currently are 9 guests and no members online