ສະ­ຖາ­ນີ​ໂທລະ­ພາບ ນະ­ຄອນ­ຫຼວງ​ວຽງ​ຈັນ (ນວ) ເປັນ​ສື່​ເອ​ເລັກ​ໂຕຣ​ນິກ­ຂະ​ແໜງ​ໜຶ່ງ ພາຍ­ຫຼັງ​ທີ່ ນວ ໄດ້​ສ້າງ­ຕັ້ງ​ສະ­ຖາ­ນີ​ວິ­ທະ­ຍຸ​ກະ­ຈາຍ­ສຽງ​ແຫ່ງ​ທຳ​ອິດ ວັນ​ທີ 10 ພະ­ຈິກ 1980 ເປັນ​ລະ­ບົບ AM ຄວາມ​ຖີ່ 1.200 KHZ ປີ 2002 ນວ ກໍ​ໄດ້​ສ້າງ­ຕັ້ງ​ວິ­ທະ­ຍຸ​ລະ­ບົບ FM ຄວາມ​ຖີ່ 105,5 MHz ປີ 2009 ກໍ​ໄດ້​ສ້າງ­ຕັ້ງ​ວິ­ທະ­ຍຸ FM ຄວາມ​ຖີ່ 98,80 MHz ຂຶ້ນ​ຕື່ມ ຂະ­ນະ​ດຽວ​ກັນ ປີ 1993 ນວ ສ້າງ­ຕັ້ງ​ໜ່ວຍ​ງານ​ໂທລະ­ພາບ​ຂຶ້ນ ໂດຍ​ເບື້ອງ​ຕົ້ນ​ໄດ້​ຜະ­ລິດ​ລາຍ­ການ​ລາຍ​ສັບ­ປະ­ດາ ຄວາມ​ຍາວ 30 ນາ­ທີ ຊື່​ລາຍ­ການ ວຽງ​ຈັນ​ວັນ​ນີ້ ອອກ​ອາ­ກາດ​ທາງ​ໂທລະ­ພາບ​ແຫ່ງ​ຊາດ​ທຸກ​ວັນ​ພະ­ຫັດ ຍ້ອນ​ເສດ­ຖະ­ກິດ-ສັງ­ຄົມ​ຂະ­ຫຍາຍ­ຕົວ ຄວາມ​ຕ້ອງ­ການ​ໃນ​ການ​ບໍ­ລິ­ໂພກ​ສື່​ຂອງ​ສັງ­ຄົມ​ເພີ່ມ​ຂຶ້ນ ແລະ ເຫັນ​ໄດ້​ຄວາມ​ສຳ­ຄັນ​ຂອງ​ວຽກ​ງານ​ໂຄ­ສະ­ນາ​ຖະ­ແຫຼງ​ຂ່າວ ນວ ຈຶ່ງ​ໄດ້​ອະ­ນຸ­ມັດ​ໃຫ້​ສ້າງ­ຕັ້ງ​ເປັນ​ສະ­ຖາ­ນີ​ໂທລະ­ພາບ ນວ ໂດຍ​ໄດ້​ເຊັນ​ສັນ­ຍາ​ການ​ກໍ່­ສ້າງ ແລະ ສະ­ໜອງ​ອຸ­ປະ­ກອນ ຂຶ້ນ​ວັນ​ທີ 8 ກໍ­ລະ­ກົດ 2013 ມູນ​ຄ່າ​ເກືອບ 40 ຕື້​ກີບ ເພື່ອ​ແນ­ໃສ່​ໃຫ້​ສັງ­ຄົມ​ໄດ້​ຮັບ​ຂໍ້​ມູນ​ຂ່າວ­ສານ​ທີ່​ວ່ອງ­ໄວ​ດ້ວຍ​ລະ­ບົບ​ທີ່​ທັນ​ສະ­ໄໝ.

5fda24c48e12af337397d25e2d9d5ad7

   ພິທີ​ເຊັນ​ບົດ​ບັນທຶກ​ລະຫວ່າງ​ອົງການ​ປົກຄອງ​ນະຄອນຫຼວງ​ວຽງ​ຈັນ (ນວ) ກັບ​ສະຖານທູດ​ຈີນ ປະຈຳ​ລາວ ກ່ຽວ​ກັບ​ໂຄງການ​ຍົກ​ລະດັບ​ໄຟຟ້າ ນວ ຈັດ​ຂຶ້ນ​ວັນ​ທີ 6 ທັນວາ 2019 ທີ່​ປົກຄອງ ນວ ຮ່ວມ​ລົງ​ນາມ​ລະຫວ່າງ​ທ່ານ ອາດ​ສະພັງ​ທອງ ສີ​ພັນ​ດອນ ຮອງ​ເຈົ້າ​ຄອງ ນວ ແລະ ທ່ານ ຫວາງ ຊີ​ຮຸຍ ທີ່​ປຶກສາ​ເສດຖະກິດ​ການ​ຄ້າ ສະຖານທູດ​ຈີນ ປະຈຳ​ລາວ ມີ​ບັນດາ​ຮອງ​ເຈົ້າເມືອງ ຮອງ​ຫົວໜ້າ​ພະແນກການ ແລະ ຂະແໜງການ​ກ່ຽວຂ້ອງ ເຂົ້າ​ຮ່ວມ.

c806a289fa431d3580a3b07573c89a14

     ພິທີ​ມອບ-ຮັບ​ຄ່າ​ຊົດ​ເຊີຍ ແລະ ທົດ​ແທນ​ຄ່າ​ເສຍ​ຫາຍ​ຄັ້ງ​ທີ 2 ໃຫ້​ແກ່​ຜູ້​ທີ​ມີ​ສ່ວນ​ຮ່ວມ​ໂຄງການ​ທາງ​ດ່ວນ​ໝາຍ​ເລກ 1 ຂຶ້ນ​ວັນ​ທີ 5 ທັນວາ 2019 ທີ່​ສະໂມສອນ​ເມືອງ​ໄຊ​ທານີ ນະຄອນຫຼວງ​ວຽງ​ຈັນ ເປັນ​ປະທານ​ຂອງ ທ່ານ ພູ​ຂົງ ບັນ​ນາ​ວົງ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ຫົວໜ້າ​ພະ​ແນກ​ແຜນການ ແລະ ການ​ລົງທຶນ​ນະຄອນຫຼວງ​ວຽງ​ຈັນ ມີ ທ່ານ ບຸນ​ທາມ ພຸດ​ທະ​ວົງສາ ຫົວໜ້າ​ພະ​ແນກ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ນວ ທັງ​ເປັນ​ຫົວໜ້າ​ຄະນະ​ຮັບຜິດຊອບ​ຄ່າ​ຊົດ​ເຊີຍ ທ່ານ ບຸນ​ປີງ ປັນຍາ​ຈິດ ຮອງ​ເຈົ້າເມືອງ​ໄຊ​ເສດ​ຖາ ທ່ານ ບຸນ​ວັນ ຈະ​ສົວ​ເກົ້າ ຮອງ​ເຈົ້າເມືອງ​ໄຊ​ທານີ ພ້ອມ​ດ້ວຍ ປະຊາຊົນ​ຜູ້​ທີ່​ໄດ້​ຮັບ​ຄ່າ​ຊົດ​ເຊີຍ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

 78602332 954866658226626 9023956267214831616 n

ໃນລະຫວ່າງວັນທີ 1-4/12/2019 ຄະນະຜູ້ແທນຂັ້ນສູງ ນວ ນໍາໂດຍທ່ານ ປອ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນ ພ້ອມຄະນະໄດ້ເຂົ້າຮ່ວມກອງປະຊຸມສະມັດຊາໃຫຍ່ຂອງສະມາຄົມບັນດານະຄອນທີ່ນໍາໃຊ້ພາສາຝະລັ່ງ (AIMF) ຄັ້ງທີ 40 ແລະ ຢ້ຽມຢາມທາງການຢູ່ນະຄອນຫຼວງພະນົມເປັນ, ຣາຊາອານາຈັກກໍາປູເຈຍ.

417134c4e15a40fe174f07acb0bbcc47

     ກອງ​ປະ­ຊຸມ​ຊຸກ­ຍູ້​ຂະ​ບວນ​ການ​ຮັກ​ຊາດ ແລະ ພັດ­ທະ­ນາ​ຂອງ​ພາກ​ທຸ­ລະ​ກິດ ເຂົ້າ​ສູ່​ເມືອງ​ນາ​ຊາຍ​ທອງ ແລະ ເມືອງ​ຫາດ​ຊາຍ​ຟອງ ຈັດ​ຂຶ້ນ​ວັນ​ທີ 29 ພະ­ຈິກ 2019 ຢູ່​ສວນ​ພຶກ­ສາ ເມືອງ​ນາ​ຊາຍ​ທອງ ນະ­ຄອນ­ຫຼວງ​ວຽງ​ຈັນ (ນວ) ໂດຍ​ເປັນ​ປະ­ທານ​ຂອງ​ທ່ານ ວິ­ລະ​ສັກ ນາມ​ມຸນ­ຕີ ເຈົ້າ­ເມືອງ​ນາ​ຊາຍ​ທອງ ແລະ ທ່ານ ວົງ​ເດືອນ ບຸນ​ຍະ​ແສງ ເຈົ້າ­ເມືອງ​ຫາດ​ຊາຍ​ຟອງ ມີ​ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ເຈົ້າ​ຄອງ ນວ ພ້ອມ​ດ້ວຍ​ບັນ­ດາ​ພະ­ແນກ­ການ​ເມືອງ ນັກ­ທຸ­ລະ­ກິດ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 44

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 128

ຈຳນວນຜູ້ເຂົ້າຊົມເດືອນນີ້ 128

ຈຳນວນຜູ້ເຂົ້າຊົມທັງໝົດ 64615

Currently are 17 guests and no members online