ພິ­ທີ​ວາງ​ສີ​ລາ​ລຶກ​ກໍ່­ສ້າງ​ໂຮງ­ງານ​ຜະ­ລິດ​ແຜ່ນ​ເມັມ​ໂມ​ຣີ​ດິ​ສ ສຳ­ລັບ Hard Disk Drive ຂອງ​ບໍ­ລິ­ສັດ ໂຮ​ຢາ​ລາວ ຈຳ­ກັດ ຈັດ​ຂຶ້ນ​ວັນ​ທີ 8 ກຸມ­ພາ ຢູ່​ເຂດ​ເສດ­ຖະ­ກິດ​ພິ­ເສດ​ກວມ​ລວມ​ໄຊ​ເສດ​ຖາ ໂດຍ​ມີ​ທ່ານ ສຸ­ພັນ ແກ້ວ​ມີ​ໄຊ ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ທ່ານ Takeshi Hikihara ເອກ​ອັກ­ຄະ­ລາ­ຊະ­ທູດ​ຍີ່­ປຸ່ນ ປະ­ຈຳ​ລາວ ທ່ານ ແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ທ່ານ Eiichiro Ikeda ປະ­ທານ​ເຈົ້າ​ໜ້າ­ທີ່​ຝ່າຍ​ປະ­ຕິ­ບັດ​ການ​ບໍ­ລິ­ສັດ HOYA Corporation ພ້ອມ​ດ້ວຍ​ແຂກ​ຖືກ​ເຊີນ​ທັງ​ພາຍ​ໃນ ແລະ ຕ່າງ­ປະ­ເທດ​ເຂົ້າ​ຮ່ວມ.

ກອງ​ປະ­ຊຸມ​ປັບ­ປຸງ​ຄວາມ​ສະ­ດວກ​ໃນ​ການ​ດຳ­ເນີນ​ທຸ­ລະ​ກິດ ແລະ ການ​ລົງ­ທຶນ ຈັດ​ຂຶ້ນ​ວັນ​ທີ 12 ກຸມ­ພາ 2019 ທີ່​ພະ​ແນກ​ແຜນ­ການ ແລະ ການ​ລົງ­ທຶນ ນະ­ຄອນ­ຫຼວງ​ວຽງ​ຈັນ (ນວ) ໂດຍ​ເປັນ​ປະ­ທານ​ຮ່ວມ​ຂອງ​ທ່ານ ສຸ­ພັນ ແກ້ວ​ມີ​ໄຊ ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ທ່ານ​ຮອງ​ລັດ­ຖະ­ມົນ­ຕີ ຮອງ​ເຈົ້າ​ຄອງ ນວ ຮອງ​ເຈົ້າ­ແຂວງ​ວຽງ​ຈັນ ຫົວ­ໜ້າ​ພະ​ແນກ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

      ວັນທີ 16 ມັງກອນ 2019 ທີ່ພະແນກພະລັງງານ ແລະ ບໍ່ແຮ່ ນວ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານຕິດພັນກັບຂໍ້ແຂ່ງຂັນ “ຮັກຊາດ ແລະ ພັດທະນາ” ແລະ ຮັກນະຄອນຫຼວງວຽງຈັນ, ແຜນວຽກ 3 ຫຼຸດ 3 ເພີ້ມ 3 ຂະບວນການ ປະຈຳປີ 2018 ແລະ ທິດທາງແຜນການ ປະຈຳປີ 2019. ເຂົ້າຮ່ວມເປັນປະທານຮ່ວມໂດຍທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ຊົງເລົາ ນົງຢູ ຫົວໜ້າພະແນກພະລັງງານ ແລະ ບໍ່ແຮ່ ນວ ພ້ອມດ້ວຍບັນດາພະແນກການ, ເມືອງອ້ອມຂ້າງ, ແຂກທີ່ຖືກເຊີນ, ບັນດາພະນັກງານຫຼັກແຫຼ່ງ-ພະນັກງານວິຊາການ ພາຍໃນພະແນກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

     ກອງ​ປະ­ຊຸມ​ເຊື່ອມ​ຊຶມ​ມະ­ຕິ​ກອງ​ປະ­ຊຸມ​ໃຫຍ່​ຄົບ​ຄະ­ນະ ຄັ້ງ​ທີ 7 ຂອງ​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ສະ­ໄໝ​ທີ 10 ຂອງ​ອົງ­ຄະ​ນະ​ພັກ ນະ­ຄອນ­ຫຼວງ​ວຽງ​ຈັນ (ນວ) ແຂວງ​ວຽງ​ຈັນ ແລະ ແຂວງ​ໄຊ​ສົມ­ບູນ ຈັດ​ຂຶ້ນ​ວັນ​ທີ 14-15 ມັງ­ກອນ 2019 ທີ່​ຫ້ອງ​ວ່າ­ການ​ປົກ­ຄອງ ນວ ໂດຍ​ເປັນ​ປະ­ທານ​ຂອງ​ສະ­ຫາຍ ສິນ​ລະ​ວົງ ຄຸດ​ໄພ­ທູນ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ເລ­ຂາ​ຄະ­ນະ​ພັກ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ບັນ­ດາ​ສະ­ຫາຍ​ກຳ­ມະ­ການ​ສູນ​ກາງ​ພັກ ຄະ­ນະ​ປະ­ຈຳ​ພັກ ຄະ­ນະ​ພັກ ຄະ­ນະ​ນຳ ແລະ ພະ­ນັກ­ງານ​ຫຼັກ​ແຫຼ່ງ​ຈາກ ນວ ແຂວງ​ວຽງ​ຈັນ ແລະ ແຂວງ​ໄຊ​ສົມ­ບູນ​ເຂົ້າ​ຮ່ວມ.

 

    ພິ­ທີ​ໄຂ​ນຳ​ໃຊ້​ໂຮງ­ງານ​ຜະ­ລິດ​ນ້ຳ​ປະ­ປາ​ໂຄກ​ແຮ່ ເມືອງ​ສັງ​ທອງ ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 11 ມັງ­ກອນ 2019 ຢູ່​ບ້ານ​ດັ່ງ­ກ່າວ ໂດຍ​ມີ​ທ່ານ ແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ ນວ ທ່ານ ຄຳ​ເຜີຍ ວົງ­ສາ​ຄຳ​ຜຸຍ ຜູ້­ອຳ­ນວຍ­ການ​ໃຫຍ່​ລັດ​ວິ​ສາ​ຫະ​ກິດ​ນ້ຳ​ປະ­ປາ ນວ ທ່ານ ດາວ​ເພັດ ອາ​ລຸນ ເຈົ້າ­ເມືອງ​ສັງ​ທອງ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 28

ຈຳນວນຜູ້ເຂົ້າຊົມວານນີ້ 55

ຈຳນວນຜູ້ເຂົ້າຊົມອາທິດນີ້ 154

ຈຳນວນຜູ້ເຂົ້າຊົມເດືອນນີ້ 1037

ຈຳນວນຜູ້ເຂົ້າຊົມທັງໝົດ 53417

Currently are 21 guests and no members online