ກອງປະຊຸມເຊື່ອມຊຶມມະຕິກອງປະຊຸມໃຫຍ່ຄົບຄະນະ ຄັ້ງທີ 7 ຂອງຄະນະບໍລິຫານງານສູນກາງພັກ ສະໄໝທີ 10 ຂອງອົງຄະນະພັກ ນະຄອນຫຼວງວຽງຈັນ (ນວ) ແຂວງວຽງຈັນ ແລະ ແຂວງໄຊສົມບູນ ຈັດຂຶ້ນວັນທີ 14-15 ມັງກອນ 2019 ທີ່ຫ້ອງວ່າການປົກຄອງ ນວ ໂດຍເປັນປະທານຂອງສະຫາຍ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ເລຂາຄະນະພັກ ເຈົ້າຄອງນະຄອນຫຼວງວຽງຈັນ ມີບັນດາສະຫາຍກຳມະການສູນກາງພັກ ຄະນະປະຈຳພັກ ຄະນະພັກ ຄະນະນຳ ແລະ ພະນັກງານຫຼັກແຫຼ່ງຈາກ ນວ ແຂວງວຽງຈັນ ແລະ ແຂວງໄຊສົມບູນເຂົ້າຮ່ວມ.
ພິທີໄຂນຳໃຊ້ໂຮງງານຜະລິດນ້ຳປະປາໂຄກແຮ່ ເມືອງສັງທອງ ນະຄອນຫຼວງວຽງຈັນ (ນວ) ຈັດຂຶ້ນວັນທີ 11 ມັງກອນ 2019 ຢູ່ບ້ານດັ່ງກ່າວ ໂດຍມີທ່ານ ແກ້ວພິລາວັນ ອາໄພລາດ ຮອງເຈົ້າຄອງ ນວ ທ່ານ ຄຳເຜີຍ ວົງສາຄຳຜຸຍ ຜູ້ອຳນວຍການໃຫຍ່ລັດວິສາຫະກິດນ້ຳປະປາ ນວ ທ່ານ ດາວເພັດ ອາລຸນ ເຈົ້າເມືອງສັງທອງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ພິທີມອບ-ຮັບເງິນຄ່າຊົດເຊີຍສິ່ງກີດຂວາງໂຄງການກໍ່ສ້າງເສັ້ນທາງລົດໄຟ ລາວ-ຈີນ ໃຫ້ປະຊາຊົນບ້ານແຈ້ງສະຫວ່າງ ແລະ ບ້ານຫ້ວຍນ້ຳເຢັນ ເມືອງນາຊາຍທອງ ນະຄອນຫຼວງວຽງຈັນ (ນວ) ຈັດຂຶ້ນວັນທີ 11 ມັງກອນ 2019 ທີ່ຫ້ອງການປົກຄອງບ້ານແຈ້ງສະຫວ່າງ ເຊິ່ງມອບໂດຍທ່ານ ແກ້ວພິລາວັນ ອາໄພລາດ ຮອງເຈົ້າຄອງ ນວ ຫົວໜ້າຄະນະໄກ່ເກ່ຍສິ່ງກີດຂວາງໂຄງການກໍ່ສ້າງທາງລົດໄຟ ລາວ-ຈີນ ນວ ແລະ ຮັບໂດຍຜູ້ໄດ້ຮັບຜົນກະທົບ ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ຈູມມາລີ ໄຊຍະສອນ ອະດີດເລຂາທິການໃຫຍ່ ປະທານປະເທດ ລົງຢ້ຽມຢາມ ແລະ ພົບປະພະນັກງານຫຼັກແຫຼ່ງ ນະຄອນຫຼວງວຽງຈັນ (ນວ) ວັນທີ 10 ມັງກອນ 2018 ຢູ່ຫ້ອງວ່າການປົກຄອງ ນວ ໂດຍໄດ້ຮັບການຕ້ອນຮັບຈາກທ່ານ ສິນລະວົງ ຄຸດໄພທູນ ເຈົ້າຄອງ ນວ ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ (ນວ)ພ້ອມຄະນະລົງພົບປະພະນັກງານກະສິກຳ ແລະ ປ່າໄມ້ຜູ້ປະກອບການທຸລະກິດ ອຳນາດການປົກຄອງບ້ານ ກຸ່ມຜູ້ນຳໃຊ້ນ້ຳຊາວນາບ້ານໂຊກນ້ອຍ ແລະ ບ້ານດຸງ ເມືອງໄຊເຊດຖາ ວັນທີ 12 ທັນວາ 2018 ຢູ່ຫ້ອງການປົກຄອງບ້ານໂຊກນ້ອຍເພື່ອຊຸກຍູ້ເຮັດການຜະລິດລະດູແລ້ງ ໂດຍສະເພາະການຜະລິດເຂົ້ານາແຊງ ສົກປີ 2018-2019 ໃຫ້ບັນລຸຕົວເລກຕາມຄາດໝາຍ.
ຄົ້ນຫາ
ປະຕິທິນ
ສະຖານທີ່ທ່ອງທ່ຽວ
ຜູ້ເຂົ້າຢ້ຽມຊົມ
ຈຳນວນຜູ້ເຂົ້າຊົມມື້ນີ 34
ຈຳນວນຜູ້ເຂົ້າຊົມວານນີ້ 33
ຈຳນວນຜູ້ເຂົ້າຊົມອາທິດນີ້ 316
ຈຳນວນຜູ້ເຂົ້າຊົມເດືອນນີ້ 807
ຈຳນວນຜູ້ເຂົ້າຊົມທັງໝົດ 50721
Currently are 23 guests and no members online