658d9f0690cd5aba32ce9c5817a4c0f3

     ຄະນະ​ຜູ້​ແທນ​ຂັ້ນ​ສູງ​ນະຄອນໂຮ່​ຈີ​ມິງ ​ສສ ຫວຽດນາມ ນຳໂດຍ​ທ່ານ ເຕິດ ແທງ ກາງ ກຳມະ​ການ​ສູນ​ກາງ​ພັກ ຮອງ​ເລຂາຄະນະ​ພັກ​ນະຄອນ​ໂຮ່​ຈີ​ມິງ ຜູ້​ປະຈຳ​ການ ເດີນທາງ​ມາ​ຢ້ຽມຢາມ ແລະ ເປີດ​ງານ​ສັບປະດາ​ນະຄອນໂຮ່​ຈີ​ມິງ ຢູ່​ນະຄອນຫຼວງ​ວຽງ​ຈັນ ເພື່ອ​ສະເຫຼີມສະຫຼອງ​ປີ​ສາມັກຄີລາວ-ຫວຽດນາມ 2017 ຄື: ວັນເຊັນ​ສົນທິສັນຍາ​ມິດຕະພາບ ແລະ ການ​ຮ່ວມ​ມື ຄົບຮອບ 40 ປີ ແລະ ວັນ​ສ້າງຕັ້ງ​ສາຍ​ພົວພັນການ​ທູດ ຄົບຮອບ 55 ປີ ເປັນ​ເວລາ 5 ວັນ​ໄດ້​ສຳເລັດພິທີ​ສົ່ງ​ໄດ້ຈັດ​ຂຶ້ນ​ວັນ​ທີ 1 ສິງຫາ 2017 ທີ່ໂຮງແຮມ​ເມືອງ​ແທງ ໃຫ້​ກຽດອອກ​ສົ່ງ​ໂດຍທ່ານ ສີ​ຫຸນ ສິດທິ​ລືໄຊ ຮອງ​ເລຂາ​ຄະນະ​ພັກ ຮອງເຈົ້າ​ຄອງ ນະຄອນຫຼວງ​ວຽງ​ຈັນ ພ້ອມ​ດ້ວຍ​ການ​ນຳ​ນະຄອນຫຼວງ.

272763d627183914fe94d29ae5029077

      ໃນ​ໂອກາດ​ສະເຫຼີມສະຫຼອງສອງ​ວັນ​ປະຫວັດສາດ ລາວ-ຫວຽດນາມ ນະຄອນຫຼວງ​ໂຮ່​ຈີມິງ ​ສສ ຫວຽດນາມ ໄດ້​ມອບງົວ​ພັນ​ຊີ້ນ ຈຳນວນ 50 ໂຕ ໃນ​ນີ້ ມີ​ງົວ​ແມ່​ພັນ 45 ໂຕ ແລະ ງົວ​ພໍ່ພັນ 5 ໂຕ ພ້ອມ​ນ້ຳ​ເຊື້ອ 10.000 ຫຼອດ ແລະ ອຸປະກອນ​ຮັບ​ໃຊ້​ຈຳນວນ​ໜຶ່ງ​ເປັນ​ຂອງຂວັນ​ໃຫ້​ແກ່ນະຄອນຫຼວງ​ວຽງ​ຈັນ (ນວ) ເພື່ອພັດທະນາ​ງົວ​ຊີ້ນ​ໃນ ນວ ໃຫ້​ຂະຫຍາຍ​ຕົວ​ໃນຕໍ່ໜ້າ ເຊິ່ງ ນວ ມີແຜນ​ຈະ​ສືບຕໍ່​ຮ່ວມ​ມື​ກັບ​ນະຄອນໂຮ່​ຈີ​ມິງ ໂດຍ​ສະເພາະແມ່ນ ການ​ຂະຫຍາຍ​ແນວ​ພັນ​ງົວ​ຊີ້ນ ແລະ ການ​ນຳ​ໃຊ້​ນ້ຳ​ເຊື້ອ ແນໃສ່ຂະຫຍາຍ​ແນວ​ພັນ​ງົວ​ຊີ້ນ​ໃຫ້​ມີປະ​ສິດທິ​ຜົນ​ສູງ ພ້ອມ​ທັງ​ຈະ​ຊຸກຍູ້​ສົ່ງເສີມ​ຢ່າງ​ແຂງແຮງ​ວຽກງານ​ບຳລຸງ​ລ້ຽງ ການ​ປະສົມ​ພັນງົວ ແລະ ລົງ​ເລິກ​ກ່ຽວ​ກັບ​ມາດຖານ​ການ​ລ້ຽງ​ງົວ​ໃຫ້​ບັນດາ​ຟາມຕ່າງໆ ເພື່ອ​ເພີ່ມ​ຜົນ​ຜະລິດ​ຕະພັນ​ຊີ້ນ​ງົວ​ອອກ​ສູ່​ສັງຄົມ ແລະ ປະກອບສ່ວນ​ໃນ​ການ​ຄ້ຳປະກັນທາງ​ດ້ານ​ສະບຽງ​ອາຫານໃນ ນວ ແລະ ພັດທະນາ​ໃຫ້​ເປັນ​ສິນຄ້າ​ສົ່ງ​ອອກ​ຕ່າງປະເທດ​ໃນ​ອະນາ​ຄົດ​ຂ້າງ​ໜ້າ.

6d4b321ebfde2743dbde16d525f5cb46

    ການ​ພົບ​ປະ​ສອງ​ຝ່າຍ ລະຫວ່າງ​ການ​ນຳ​ຂັ້ນ​ສູງ​ນະຄອນຫຼວງ​ວຽງ​ຈັນ (ນວ)ນຳ​ໂດຍທ່ານ ອານຸພາບ ຕຸ​ນາ​ລົມ ກຳ​ມະການ​ສູນ​ກາງ​ພັກ ຮອງ​ເລຂາ​ຄະນະ​ພັກປະທານ​ສະພາ​ປະຊາຊົນ ນວ ແລະ ຄະນະ​ຜູ້​ແທນ​ຂັ້ນ​ສູງ ນະຄອນ​ໂຮ່​ຈີ​ມິນ ​ສສຫວຽດນາມ ນຳ​ໂດຍ​ທ່ານ ເຕິດ ແທງ ກາງ ກຳມະການ​ສູນ​ກາງ​ພັກຮອງ​ເລຂາ​ຄະນະ​ພັກ​ນະຄອນ​ໂຮ່ຈີ​ມິນ ຜູ້​ປະຈຳການ ຈັດ​ຂຶ້ນ​ວັນ​ທີ 29 ກໍລະກົດ 2017 ທີ່​ຫ້ອງ​ວ່າການ ນວ ໃນ​ໂອກາດ​ທີ່​ຄະນະຜູ້ແທນ​ດັ່ງກ່າວ​ເດີ່ນ​ທາງ​ມາ​ຢ້ຽມຢາມ ແລະ ຈັດ​ກິດຈະກຳ​ງານສັບປະດາ​ນະຄອນ​ໂຮ່​ຈີ​ມິນຢູ່ ນວລະຫວ່າງ​ວັນ​ທີ 29 ກໍລະກົດ-1 ສິງຫາ 2017.

     aa30c352117011a6fa806775bd6dbd5d

     ນະຄອນຫຼວງ​ໂຮ່​ຈີ​ມິນ ​ສສ ຫວຽດນາມ ຮ່ວມ​ກັບ​ນະຄອນຫຼວງ​ວຽງ​ຈັນຈັດ​ງານ​ສັບປະດານະຄອນ​ໂຮ່​ຈີ​ມິນ ຢູ່​ນະຄອນຫຼວງວຽງ​ຈັນ ລະຫວ່າງ​ວັນ​ທີ 29-30 ກໍລະກົດ 2017 ທີ່​ຫໍ​ວັດທະນະທຳແຫ່ງ​ຊາດ ໃຫ້​ກຽດ​ເຂົ້າ​ຮ່ວມ​ຂອງທ່ານສິນ​ລະ​ວົງ ຄຸດ​ໄພທູນ ກຳມະ​ການ​ກົມ​ການເມືອງ​ສູນ​ກາງພັກ ເລຂາ​ຄະນະ​ພັກເຈົ້າ​ຄອງນະຄອນຫຼວງ​ວຽງ​ຈັນ ທ່ານ ເຕິດ ແທງ ກາງ ກຳມະການ​ສູນ​ກາງພັກຮອງ​ເລຂາ​ຄະນະ​ພັກ​ນະຄອນ​ໂຮ່​ຈີ​ມິນ ຜູ້​ປະຈຳການພ້ອມດ້ວຍ​ບັນດາ​ການ​ນຳ​ຂັ້ນ​ສູງ​ສອງນະຄອນ ພະນັກງານ ແລະຊາວນະຄອນຫຼວງ​ວຽງ​ຈັນ.

 WhatsApp Image 2017 07 31 at 10.36.04 AMWhatsApp Image 2017 07 31 at 10.36.05 AM

       ຕອນເຊົ້າຂອງວັນທີ່ 29/7/2017 ໄດ້ມີພິທີເປີດງານສັບປະດານະຄອນໂຮ່ຈິມິນ ທີ່ ນວ. ເນື່ອງໃນໂອກາດທີ່ເປັນປີມິດຕະພາບລະຫວ່າງ ລາວ-ຫວຽດນາມ ນັ້ນກໍຄື ຄົບຮອບ 55 ປີ ວັນສ້າງຕັ້ງສາຍພົວພັນການທູດ (05/09/1962 – 05/09/2017) ແລະ 40 ປີ ແຫ່ງ ວັນລົງນາມໃນສົນທິສັນຍາມິດຕະພາບ ແລະ ການຮ່ວມມື ລະຫວ່າງ ຫວຽດນາມ ແລະ ລາວ (18/07/1977-18/07/2017).

       ພິທີດັ່ງກ່າວເປັນກຽດເຂົ້າຮ່ວມງານໂດຍ: ຝ່າຍຫວຽດນາມນຳໂດຍສະຫາຍ ເຕີດ ແທງ ກາງ ກຳມະການສູນກາງພັກ, ຮອງເລຂາຄະນະພັກໂຮ່ຈີມິນ ຜູ້ປະຈຳການ ພ້ອມດ້ວຍຄະນະນຳ ສ.ສ ຫວຽດນາມ. ແລະ ຝ່າຍ ນວ ນຳໂດຍ ສະຫາຍ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ເລຂາຄະນະພັກ-ເຈົ້າຄອງ ນວ ພ້ອມດ້ວຍຄະນະ.

ຄົ້ນຫາ

ປະຕິທິນ

May 2021
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 4

ຈຳນວນຜູ້ເຂົ້າຊົມວານນີ້ 37

ຈຳນວນຜູ້ເຂົ້າຊົມອາທິດນີ້ 180

ຈຳນວນຜູ້ເຂົ້າຊົມເດືອນນີ້ 220

ຈຳນວນຜູ້ເຂົ້າຊົມທັງໝົດ 79929

Currently are 13 guests and no members online