ຕອນເຊົ້າ ວັນທີ 19 ມີນາ 2019 ທີ່ກອງບັນຊາການ ປກສ ນະຄອນຫຼວງວຽງຈັນ ໄດ້ຈັດກອງປະຊຸມເຜີຍແຜ່ເຊື່ອມຊືມ ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ ພາຍໃຕ້ການເປັນປະທານ ຂອງ ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ເຂົ້າຮ່ວມມີ ທ່ານ ພົຈວ. ບຸບຜາ ສີພົມມາ ຫົວໜ້າກອງບັນຊາການ ປກສ ນວ, ພູວົງ ວົງຄຳຊາວ ຫົວໜ້າຫ້ອງວ່າການນະຄອນຫຼວງວຽງຈັນ, ທ່ານ ເດດສົງຄາມ ທຳມະວົງ ຫົວໜ້າພະແນກໂຍທາທິການ-ຂົນສົ່ງ ນວ ແລະ ບັນດາພະນັກງານ-ຕຳຫຼວດ, ກຳລັງກອງບັນຊາການ ປກສ ນວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ຕອນເຊົ້າ ຂອງວັນທີ 15 ມີນາ 2019 ທີ່ສຳນັກງານປົກຄອງນະຄອນ ຫຼວງວຽງຈັນ ໄດ້ຕ້ອນຮັບ ຄະນະຜູ້ແທນຂັ້ນສູງ ນະຄອນ ເກີ່ນເທີ ສ.ສ ຫວຽດນາມ ທີ່ເດີນທາງມາຢ້ຽມຢາມ ແລະ ເຮັດວຽກຮ່ວມກັບ ສະມາຄົມມິດຕະພາບ ລາວ-ຫວຽດນາມ ຢູ່ 3 ແຂວງ ຄື ນະຄອນຫຼວງວຽງຈັນ, ແຂວງຄຳມ່ວນ ແລະ ແຂວງຈຳປາສັກ ໃນລະຫວ່າງວັນທີ 11-16 ມີນາ 2019. ຝ່າຍນະຄອນຫຼວງວຽງຈັນ ຕ້ອນຮັບໂດຍ ສະຫາຍ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ. ຝ່າຍຫວຽດນາມ ນຳໂດຍ ສະຫາຍ ເຈີ່ນ ກັວກ ຈຸງ, ກຳມະການສູນກາງພັກ, ເລຂາຄະນະພັກ ນະຄອນເກີ່ນເທີ ສ.ສ ຫວຽດນາມ ພ້ອມດ້ວຍຄະນະ. ສຳລັບການພົບປະ ຂອງ ທັງ 2 ຝ່າຍຄັ້ງນີ້ ແມ່ນໄດ້ແລກປ່ຽນກ່ຽວກັບວຽກງານການຮ່ວມມື, ສາຍພົວພັນມິດຕະພາບ ລະຫວ່າງ ສອງນະຄອນ ແລະ ວຽກສະມາຄົມມິດຕະພາບ ລາວ-ຫວຽດນາມ ແລະ ບັນຫາສຳຄັນອື່ນໆອີກ.
ພິທີວາງສີລາລຶກກໍ່ສ້າງໂຮງງານຜະລິດແຜ່ນເມັມໂມຣີດິສ ສຳລັບ Hard Disk Drive ຂອງບໍລິສັດ ໂຮຢາລາວ ຈຳກັດ ຈັດຂຶ້ນວັນທີ 8 ກຸມພາ ຢູ່ເຂດເສດຖະກິດພິເສດກວມລວມໄຊເສດຖາ ໂດຍມີທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ທ່ານ Takeshi Hikihara ເອກອັກຄະລາຊະທູດຍີ່ປຸ່ນ ປະຈຳລາວ ທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ ທ່ານ Eiichiro Ikeda ປະທານເຈົ້າໜ້າທີ່ຝ່າຍປະຕິບັດການບໍລິສັດ HOYA Corporation ພ້ອມດ້ວຍແຂກຖືກເຊີນທັງພາຍໃນ ແລະ ຕ່າງປະເທດເຂົ້າຮ່ວມ.
ກອງປະຊຸມປັບປຸງຄວາມສະດວກໃນການດຳເນີນທຸລະກິດ ແລະ ການລົງທຶນ ຈັດຂຶ້ນວັນທີ 12 ກຸມພາ 2019 ທີ່ພະແນກແຜນການ ແລະ ການລົງທຶນ ນະຄອນຫຼວງວຽງຈັນ (ນວ) ໂດຍເປັນປະທານຮ່ວມຂອງທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ມີທ່ານຮອງລັດຖະມົນຕີ ຮອງເຈົ້າຄອງ ນວ ຮອງເຈົ້າແຂວງວຽງຈັນ ຫົວໜ້າພະແນກ ແລະ ພາກສ່ວນກ່ຽວຂ້ອງເຂົ້າຮ່ວມ.
ວັນທີ 16 ມັງກອນ 2019 ທີ່ພະແນກພະລັງງານ ແລະ ບໍ່ແຮ່ ນວ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານຕິດພັນກັບຂໍ້ແຂ່ງຂັນ “ຮັກຊາດ ແລະ ພັດທະນາ” ແລະ ຮັກນະຄອນຫຼວງວຽງຈັນ, ແຜນວຽກ 3 ຫຼຸດ 3 ເພີ້ມ 3 ຂະບວນການ ປະຈຳປີ 2018 ແລະ ທິດທາງແຜນການ ປະຈຳປີ 2019. ເຂົ້າຮ່ວມເປັນປະທານຮ່ວມໂດຍທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ຊົງເລົາ ນົງຢູ ຫົວໜ້າພະແນກພະລັງງານ ແລະ ບໍ່ແຮ່ ນວ ພ້ອມດ້ວຍບັນດາພະແນກການ, ເມືອງອ້ອມຂ້າງ, ແຂກທີ່ຖືກເຊີນ, ບັນດາພະນັກງານຫຼັກແຫຼ່ງ-ພະນັກງານວິຊາການ ພາຍໃນພະແນກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ຄົ້ນຫາ
ປະຕິທິນ
ສະຖານທີ່ທ່ອງທ່ຽວ
ຜູ້ເຂົ້າຢ້ຽມຊົມ
ຈຳນວນຜູ້ເຂົ້າຊົມມື້ນີ 34
ຈຳນວນຜູ້ເຂົ້າຊົມວານນີ້ 33
ຈຳນວນຜູ້ເຂົ້າຊົມອາທິດນີ້ 316
ຈຳນວນຜູ້ເຂົ້າຊົມເດືອນນີ້ 807
ຈຳນວນຜູ້ເຂົ້າຊົມທັງໝົດ 50721
Currently are 20 guests and no members online