IMG 4307

   

  ໃນໂອກາດທີ່ທ່ານ ຮວງຈ້ຽນ ໜີງ ຮອງເຈົ້າເມືອງ ຫົວໜ້າໂຄສະນານະຄອນປາຍເຊີ ສປ ຈີນ ພ້ອມຄະນະເດີນທາງມາຢ້ຽມ ແລະເຮັດວຽກກັບພະແນກສຶກສາທີການ ແລະ ກີລາ ນ.ວ ເພື່ອປືກສາຫາລືການສົ່ງເສີມວຽກງານການສຶກສາ ລະຫວ່າງສອງປະເທດ ກໍ່ຄື ສອງນະຄອນໃຫ້ນັບມື້ນັບຫຼາຍຂື້ນ ໃນວັນທີ 12 ພຶດສະພາ 2017 ຄະນະຜູ້ແທນນະຄອນ ປາຍເຊີ ໄດ້ເຂົ້າຢ້ຽມຄຳນັບພົບປະກັບທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ ທີ່ສຳນັກງານປົກຄອງ ນວ.

           3

     ຄະນະຜູ້ແທນ ນວ ນຳໂດຍທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ, ເຈົ້າຄອງ ນວ ໄດ້ເດີນທາງໄປເຄື່ອນໄຫວຢ້ຽມຢາມ ແລະ ເຮັດວຽກຢູ່ລາຊະອານາຈັກອັງກິດ ແລະ ສ.ຣົງກາຣີ ຢ່າງເປັນທາງການ. ໃນໄລຍະເຄື່ອນໄຫວຢູ່ລາດຊະອານາຈັກອັງກິດ ຄະນະໄດ້ພົບປະເຮັດວຽກຮ່ວມກັບທ່ານເຈົ້າຄອງ ເຂດນະຄອນລອນດອນຊຶ່ງທັງສອງຝ່າຍໄດ້ປຶກສາຫາລື ກ່ຽວກັບແຜນການຮ່ວມມືລະຫວ່າງສອງນະຄອນ ພ້ອມດຽວກັນນັ້ນກໍ ໄດ້ແລກປ່ຽນບົດຮຽນນຳກັນຫລາຍບັນຫາ ເປັນຕົ້ນ: ການພັດທະນາຕົວເມືອງ, ການສຶກສາ,​ ການພັກທະນາການທ່ອງທ່ຽວ,​ ການຈັດເກັບລາຍຮັບ;ໄດ້ພົບປະ ກັບຫ້ອງການ ຜູ້ຕາງໜ້ພາກທຸລະກິດຂອງສູນເອເຊັຍຮ້າວສ; ໄດ້ພົບປະກັບ ຄະນະອຳນວຍການ ບ/ສ ເອັຟແອັມຄອນເວ ຊຶ່ງເປັນ ບ/ສ ຮັບເໝົາການກໍ່ສ້າງ; ຢ້ຽມຊົມມະຫາວິທະຍາໄລແຄມບຣິດ ທີ່ເມືອງແຄັມບຣິດ ; ພົບປະກັບຜູ້ບໍລິຫານເມືອງເບີມີ້ງແຮັມ ແລະ ມະຫາວິທະຍາໄລແອັສຕັ້ນນອກຈາກນີ້ຍັງໄດ້ພົບປະກັບນັກສຶກສາລາວ ທີ່ຮຽນຢູ່ອັງກິດ ແລະ ຄົນເຊື້ອຊາດລາວ ທີ່ດຳລົງຊີວິດຢູ່ອັງກິດ ອີກດ້ວຍ.

18119015 410145136032117 8083445037737436139 n

     ທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ (ນວ )ຜູ້ຊີ້ນໍາວຽກງານເສດຖະກິດ ພ້ອມດ້ວຍບັນດາພະແນກການອ້ອມຂ້າງລົງເຄື່ອນໄຫວຢ້ຽມຢາມ ເມືອງສີໂຄດຕະບອງ ແລະ ເມືອງສັງທອງ ວັນທີ 20 ເມສາ 2017 ເພື່ອຕິດຕາມ-ຊຸກຍູ້ການຜະລິດ ແລະ ການພັດທະນາກະສິກໍາຢູ່ 2 ເມືອງດັ່ງກ່າວໂດຍໄດ້ຮັບການຕ້ອນຮັບຈາກທ່ານ ຄໍາແຫງ ດວງສິລິ ຮອງເຈົ້າເມືອງສີໂຄດຕະບອງ ທ່ານຄໍາໝູນ ຕຽງທະລາດ ເຈົ້າເມືອງສັງທອງ ພ້ອມດ້ວຍພາກສ່ວນກ່ຽວຂ້ອງ.

     ໃບມອບສິດເລກທີ 139/ຈນວ ນະຄອນຫຼວງວຽງຈັນ, ວັນທີ 18 ເມສາ 2017 ທ່ານ ດຣ. ສິນລະວົງ ຄຸດໄພທູນ ເລຂາຄະນະພັກ, ເຈົ້າຄອງນະຄອນຫຼວງວຽງຈັນ ຈະໄດ້ນຳພາຄະນະຜູ້ແທນນະຄອນຫຼວງວຽງຈັນ ເດີນທາງຢ້ຽມຢາມ ແລະ ເຮັດວຽກ ຢູ່ນະຄອນລອນດອນ ປະເທດອັງກິດ ແລະ ນະຄອນຫຼວງບູດາແປັດ ປະເທດຮົງກາລີ ຢ່າງເປັນທາງການລະຫວ່າງ ວັນທີ 19 – 30 ເມສາ ປີ 2017, ຈະໄດ້ມອບສິດໃຫ້ ທ່ານ ດຣ.ອານຸພາບ ຕຸນາລົມ ກຳມະການສູນກາງພັກ, ຮອງເລຂາຄະນະພັກ, ປະທານສະພາປະຊາຊົນ ນວ ຮັກສາການແທນເລຂາຄະນະພັກ ແລະ ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ ຮັກສາການແທນເຈົ້າຄອງ ແລະ ປະທານ ປກຊ-ປກສ. ຈື່ງແຈ້ງມາຍັງບັນດາທ່ານເຈົ້າເມືອງ, ຫົວໜ້າພະແນກ ແລະ ທຸກພາກສ່ວນອ້ອມຂ້າງ ນວ ຮັບເພື່ອຊາບ.

 

  17499227 398535900526374 1104938441366158532 n17757388 398535963859701 7675445722265584168 n4

   ໄລຍະທ້າຍເດືອນມີນາທີ່ຜ່ານມາ ລະຫວ່າງວັນທີ 26-30 ມີນາ 2017 ທ່ານ ປອສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນພ້ອມດ້ວຍຄະນະການນຳຂັ້ນສູງຂອງນະຄອນຫຼວງວຽງຈັນ ໄດ້ເດີນທາງຢ້ຽມຢາມ ແລະເຮັດວຽກຢ່າງເປັນທາງການ ທີ່ ນະຄອນຫຼວງຮ່າໂນ້ຍ ແລະ ນະຄອນໂຮ່ຈີມິນ ສ.ສຫວຽດນາມ. ເຊີ່ງໃນການເດີນທາງຢ້ຽມຢາມ ແລະ ເຮັດວຽກໃນຄັ້ງນີ້ໂດຍພື້ນຖານກໍແມ່ນເພື່ອຮັດແໜ້ນສາຍພົວພັນມິດຕະພາບພິເສດລະຫວ່າງສອງຊາດລາວ-ຫວຽດນາມ, ການແລກປ່ຽນ ແລະ ຖອດຖອນບົດຮຽນທາງການຄຸ້ມຄອງ-ການບໍລິການລັດ, ລະບອບການເມືອງ, ເສດຖະກິດ-ສົງຄົມ, ການຜະລິດສິນຄ້າ-ການຄ້າລະຫວ່າງປະເທດ, ວຽກງານກະສິກຳປູກຝັງ-ລ້ຽງສັດ ແລະ ວຽກງານການທ່ອງທ່ຽວ ເປັນຕົ້ນ.ບັນຫາອັນສຳຄັນໃນການເຮັດວຽກຄັ້ງນີ້ ກໍແມ່ນສຸມໃສ່ວຽກງານການກະກຽມ ແລະດໍາເນີນກິດຈະກໍາເພື່ອສະເຫຼີມ ສະຫຼອງ 55 ປີຂອງການສ້າງຕັ້ງສາຍພົວພັນທາງການທູດຫວຽດນາມ - ລາວ (5/9/1962 – 5/9/2017) ແລະ 40 ປີ ວັນສົນທິສັນຍາມິດຕະພາບການຮ່ວມມືຫວຽດນາມ - ລາວ (18/7/1977-18/7/2017).

ຄົ້ນຫາ

ປະຕິທິນ

February 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 43

ຈຳນວນຜູ້ເຂົ້າຊົມວານນີ້ 47

ຈຳນວນຜູ້ເຂົ້າຊົມອາທິດນີ້ 337

ຈຳນວນຜູ້ເຂົ້າຊົມເດືອນນີ້ 1052

ຈຳນວນຜູ້ເຂົ້າຊົມທັງໝົດ 60044

Currently are 18 guests and no members online