Get Adobe Flash player

ຂ່າວເດັ່ນ

ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018
ດໍາລັດ 177 ວ່າດ້ວຍການປະສານງານ ລະຫວ່າງກະຊວງ, ອົງການລັດທຽບເທົ່າກະຊວງ, ແຂວງ, ນະຄອນຫຼວງ ກັບສໍານັກງານນາຍົກລັດຖະມົນຕີ
3 ຫຼຸດ 3 ເພີ່ມ 3 ຂະບວນການ
ຂໍ້ຕົກລົງ ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ

DSC00528DSC00559DSC00535

   ໃນຕອນເຊົ້າຂອງວັນທີ 14 ພຶດສະພາ 2016 ພະນາທ່ານ ທອງລຸນ ສີສຸລິດ, ນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍຄະນະຕິດຕາມໂດຍມີ ບັນດາທ່ານລັດຖະມົນຕີ ຫົວໜ້າ ສຳນັກງານນາຍົກ, ກະຊວງກະສິກຳ-ປ່າໄມ້, ພະລັງງານ ແລະ ບໍ່ແຮ່,​ ອຸດສາຫະກຳ-ການຄ້າ, ທ່ານ ເຈົ້າຄອງນະຄອນຫຼວງວຽງຈັນ, ທ່ານເຈົ້າເມືອງໄຊເສດຖາ, ເມືອງໄຊທານີ ແລະ ພາກສ່ວນ ກ່ຽວຂ້ອງ ໄດ້ເດີນທາງ ແລະ ຊີ້ນຳວຽກງານບາງບັນຫາໃນໂອກາດທີ່ລົງຢ້ຽມຢາມຄັ້ງນີ້ຄື:

  ໃນເວລາ 8:30 ທີ່ຟາມໝູບໍລິສັດ CP ລາວຜ່ານການຮັບລາຍງານຟັງການລາຍງານ ແລະ ຂໍ້ສະເໜີຂອງບໍລິສັດ, ທ່ານ ນາຍົກລັດຖະມົນຕີ ພ້ອມດ້ວຍຄະນະກໍເຫັຜນດີ ພິຈາລະນາໃນການຈັດສັນພື້ນທີ່ໃດໜຶ່ງໃນເຂດ ນະຄອນຫຼວງວຽງຈັນ ເພື່ອເປັນເຂດປູກສາລີ, ມັນຕົ້ນ... ເພື່ອຫຼຸດຜ່ອນຕົ້ນທຶນ, ທຶນໃນການນຳເຂົ້າ, ວັດຖຸດິບ ເພື່ອມາຜະລິດ ອາຫານສັດ ແລະ ເປັນການສົ່ງເສີມໃຫ້ປະຊາຊົນສາມາດມີລາຍຮັບອີກດ້ວຍ. ທັງນີ້ ຍັງເຫັນດີໃນການພິຈາລະນາການຂະຫຍາຍ ຟາມໄປຍັງບັນດາແຂວງ ຕິດກັບຊາຍແດນຂອງ ສປ.ຈີນ ເຊັ່ນ: ແຂວງອຸດົມໄຊ, ໄຊຍະບູລີ ເພື່ອເປັນການຂະຫຍາຍການຜະລິດ ແລະ ຕະຫຼາດໃຫ້ສາມາດສະໜອງສະບຽງອາຫານໃນຂອບເຂດທົ່ວປະເທດ ແລະ ຂອບເຂດ ຊາຍແດນໃກ້ຄຽງໄດ້ຢ່າງພຽງພໍ.

  ພາຍຫຼັງສຳເລັດການລົງຢ້ຽມຢາມຟາມໝູ CP ໃນວັນດຽວກັນ ເວລາ 10:00 ທ່ານ ນາຍົກພ້ອມດ້ວຍຄະນະກໍໄດ້ລົງຢ້ຽມຢາມເຂດພັດທະນາກວມລວມໄຊເສດຖາ, ໂອກາດນີ້ ແມ່ນໄດ້ຮັບຟັງການລາຍງານ ໂດຍຫຍໍ້ຈາກ ຄະນະບໍລິຫານ ແລະ ບໍລິສັດຮ່ວມທຶນ ລາວ-ຈີນ ຈຳກັດ ທີ່ເປັນຜູ້ພັດທະນາກ່ຽວກັບຄວາມຄືບໜ້າຂອງການພັດທະນາເຂດພັດທະນາ ກວມລວມໄຊເສດຖາ ແລະ ບາງບັນຫາຂໍ້ຫຍຸ້ງຍາກທີ່ຍັງຕ້ອງໄດ້ດຳເນີນການແກ້ໄຂ, ເຊິ່ງໃນປັດຈຸບັນວຽກງານການຊົດເຊີຍເວດຄືນທີ່ວຽກງານ ການຊົດເຊີຍເວດຄືນທີ່ດິນ ຍັງເຫຼືອ 570 ເຮັກຕາ ຍັງບໍ່ທັນສຳເລັດການຊົດເຊີຍເວນຄືນ, ເຊິ່ງທາງບໍລິສັດຢາກຂໍໃຫ້ລັດຖະບານລາວຊ່ວຍປະສານງານ ນຳພາກສ່ວນກ່ຽວຂ້ອງ ຊ່ວຍເລັ່ງຜັກດັນວຽກງານ ການຊົດເຊີຍ ເວນຄືນທີ່ດິນໃຫ້ໄວກວ່າເກົ່າ ແລະ ບາດກ້າວຕໍ່ໄປພວກເຮົາຈະເພີ່ມການລົງທຶນຢູ່ພາຍໃນເຂດຕື່ມອີກ, ເພື່ອຮັບປະກັນຄຸນະພາບໃນການກໍ່ສ້າງ ແລະ ການດຶງດູດນັກລົງທຶນ, ເພີ່ມທະວີການກໍ່ສ້າງ, ຈະຕັ້ງໜ້າເອົາໃຈໃສ່ ພາຍໃນ 5 ຫາ 10ປີ, ບໍລິສັດ ກໍ່ສ້າງ ແລະ ລົງທຶນຈະພັດທະນາເຂດດັ່ງກ່າວ ໃຫ້ເປັນໃຈກາງເມືອງສຳຮອງຂອງ ນະຄອນຫຼວງວຽງຈັນ, ສ້າງໃຫ້ກາຍເປັນຕົວເມືອງໃໝ່ທີ່ສົມບູນ, ກາຍເປັນຈຸດໃໝ່ໃນການເປີດກ້ວາງການຮ່ວມມືທາງດ້ານພະລັງງານການຜະລິດ ແລະ ການລົງທຶນຕ່າງປະເທດ ຂອງ ສປປ ລາວ, ເປັນເວທີ ທີ່ສາມາດດຶງດູດການລົງທຶນຕ່າງປະເທດທີ່ດີທີ່ສຸດ, ກາຍເປັນຈຸດເຕີບໂຕທາງດ້ານເສດຖະກິດແຫ່ງໃໝ່ຂອງ ສປປ ລາວ.

 

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 38

ຈຳນວນຜູ້ເຂົ້າຊົມວານນີ້ 48

ຈຳນວນຜູ້ເຂົ້າຊົມອາທິດນີ້ 165

ຈຳນວນຜູ້ເຂົ້າຊົມເດືອນນີ້ 641

ຈຳນວນຜູ້ເຂົ້າຊົມທັງໝົດ 49636

Currently are 26 guests and no members online

ແຜນທີ່ນະຄອນຫຼວງວຽງຈັນ