WhatsApp Image 2020 05 21 at 7.24.47 PM

ວັນທີ 21 ພຶດສະພາ 2020 ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຍງຈັນ ພ້ອມດ້ວຍຄະນະ ໄດ້ລົງຕິດຕາມຄວາມຄືບໜ້າຂອງໂຄງການກໍ່ສ້າງທາງດ່ວນນະຄອນຫຼວງວຽງຈັນໝາຍເລກ 1 ເຂດເສດຖະກິດສະເພາະບຶງທາດຫຼວງ ຫາເສັ້ນທາງເລກທີ 13 ໃຕ້ ໄລຍະທີ 1 ຖືກຕ້ອນຮັບຈາກທ່ານ ພຶດສະພາ ພູມມະສັກ ປະທານບໍລິສັດ ທາງດ່ວນວຽງຈັນໝາຍເລກ 1 ຈໍາກັດ ຜູ້ດຽວ ມີທ່ານ ພູຂົງ ບັນນະວົງ ຮອງເຈົ້າຄອງນະຄອນຫຼວງວຽງຈັນ ຫົວໜ້າພະແນກແຜນການ ແລະ ການລົງທຶນນະຄອນຫຼວງວຽງຈັນ ພ້ອມດ້ວຍບັນດາຫົວໜ້າພະແນກການກ່ຽວຂ້ອງ ເຈົ້າເມືອງ ຮອງເຈົ້າເມືອງໄຊເສດຖາ ແລະ ເມືອງໄຊທານີເຂົ້າຮ່ວມ.

      ທ່ານ ພຶດສະພາ ພູມມະສັກ ໄດ້ລາຍງານໃຫ້ຮູ້ວ່າ:ໂຄງການກໍ່ສ້າງທາງດ່ວນນະຄອນຫຼວງວຽງຈັນໝາຍເລກ 1 ເຂດເສດຖະກິດສະເພາະບຶງທາດຫຼວງ ຫາ ເສັ້ນທາງເລກທີ 13 ໃຕ້ ໄລຍະທີ 1 ມີຄວາມຍາວທັງໝົດ 13.130 ກິໂລ ໂດຍແມ່ນພະແນກແຜນການ ແລະ ການລົງທຶນນະຄອນຫຼວງວຽງຈັນເປັນເຈົ້າຂອງໂຄງການ ແລະ ບໍລິສັດທາງດ່ວນວຽຈັນໝາຍເລກ 1 ຈໍາກັດຜູ້ດຽວເປັນຜູ້ຮັບເໝົາ ເຊິ່ງມີໄລຍະການກໍ່ສ້າງ 36 ເດືອນ ໃນນີ້ໄດ້ເລີ່ມລົງມືກໍ່ສ້າງແຕ່ວັນທີ 20 ກຸມພາ 2020 ເປັນຕົ້ນມາ ແລະ ຈະໃຫ້ສໍາເລັດໃນວັນທີ 20 ກຸ່ມພາ 2023 ປັດຈຸບັນໂຄງການດັ່ງກ່າວໄດ້ຈັດຕັ້ງປະຕິບັດວຽກຊົດເຊີຍສໍາເລັດເປັນຈໍານວນຫຼາຍ ແລະ ວຽກກໍ່ສ້າງບຸກເບີກແລວທາງໄດ້ສໍາເລັດ 7% ພ້ອມນັ້ນກໍ່ຍັງໄດ້ສະເໜີວຽກຫຍຸ້ງຍາກບໍ່ສາມາດຈັດຕັ້ງປະຕິບັດໄດ້ ໂດຍສະເພາະການໄກ່ເກ່ຍຈ່າຍຄ່າຊົດເຊີຍໃຫ້ກັບປະຊາຊົນຈໍານວນໜຶ່ງທີ່ບໍ່ຍອມຮັບຄ່າຊົດເຊີຍທີ່ຄິດໄລ່ໃຫ້.

      ໂອກາດນີ້ທ່ານເຈົ້າຄອງນະຄອນຫຼວງວຽງຈັນໄດ້ມີຄໍາເຫັນ ເຊິ່ງທ່ານໄດ້ຍ້ອງຍໍຊົມເຊີຍຕໍ່ກັບບໍລິສັດທີ່ໄດ້ມີຄວາມບຸກບືນສູ້ຊົນປະຕິບັດການກໍ່ສ້າງຕາມສັນຍາ ພ້ອມນັ້ນຍັງໄດ້ໃຫ້ທິດຊີ້ນໍາກ່ຽວກັບການແກ້ໄຂຂໍ້ຫຍຸ້ງຍາກທີ່ບໍ່ສາມາດຈັດຕັ້ງປະຕິບັດການກໍ່ສ້າງໄດ້ ໂດຍໃຫ້ຄົ້ນຄວ້າປະຕິບັດຕາມທິດຊີ້ນໍາຂອງລັດຖະບານເຊັ່ນ: ທີ່ດິນເປັນຂອງວົງສາຄະນາຍາດຂອງຊາດລາວ ມອບໃຫ້ບຸກຄົນ ນິຕິບຸກຄົນ ແລະ ພໍ່ແມ່ປະຊາຊົນມີສິດນໍາໃຊ້ ແລ້ວເມື່ອມີການພັດທະນາຕ້ອງໄດ້ຊົດເຊີຍ ດິນຕ້ອງໄດ້ຮັບການພັດທະນາເປັນແຫຼ່ງລາຍຮັບນັກພັດທະນາຕ້ອງຕີລາຄາ ແລະ ວິໄຈລາຍງານໃຫ້ລັດຖະບານຄົ້ນຄວ້າ ແລະ ການຊົດເຊີຍຕ້ອງໄດ້ເອົາແນວທາງຕາມຄວາມຄິດເບື້ອງຕົ້ນໃຫ້ຖືເອົາການຊົດເຊີຍມາກ່ອນ ຖ້າຊົດເຊີຍບໍ່ແລ້ວ ຕ້ອງໄດ້ແກ້ໄຂ ເພື່ອບໍ່ໃຫ້ມີການປະທ້ວງ ໝາຍຄວາມວ່າຈຸດໃດທີ່ບໍ່ສາມາດໄກ່ເກ່ຍໄດ້ບໍ່ໃຫ້ມີການກໍ່ສ້າງ ຈົນກວ່າຈະໄກ່ເກັ່ຍຈ່າຍຄ່າຊົດເຊີຍສໍາເລັດ ເຊິ່ງການໄກ່ເກ່ຍໃຫ້ເພີ່ມທະວີກັບປະຊາຊົນ ຫຼື ຄອບຄົວທີ່ມີຄວາມຂັດຂ້ອງໃນຫຼາຍລະດັບ ໃຫ້ແກ້ໄຂແຕ່ນ້ອຍຫາໃຫຍ່ ໃຫ້ຫັນເອົາເອົາມະຕິກົມການເມືອງໄລຍະໃໝ່ ມະຕິຂອງສູນກາງກ່ຽວກັບການຄຸ້ມຄອງລັດຄຸ້ມຄອງເສດຖະກິດ ແລະ ສັງຄົມດ້ວຍກົດໝາຍ ພ້ອມນັ້ນເອົາເຈດຕະນາຂອງໂຄງການທີ່ໄດ້ເຊັນກັນ ໄປເຊື່ອມຊຶມປະຊາຊົນໄດ້ຮັບຮູ້ ແລະ ເຂົ້າໃຈ ເຊັ່ນ: ການສ້າງສ້າງດ່ວນແມ່ນມີຈຸດປະສົງເພື່ອຫຼຸດຜ່ອນຄວາມແອອັດການສັນຈອນໃນນະຄອນຫຼວງວຽງຈັນ ແລະ ໃຫ້ປະຊາຊົນມີເສັ້ນທາງໄປມາທີ່ສະດວກສະບາຍ ແລະ ອື່ນໆ.

ຄົ້ນຫາ

ປະຕິທິນ

August 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 84

ຈຳນວນຜູ້ເຂົ້າຊົມວານນີ້ 81

ຈຳນວນຜູ້ເຂົ້າຊົມອາທິດນີ້ 335

ຈຳນວນຜູ້ເຂົ້າຊົມເດືອນນີ້ 1021

ຈຳນວນຜູ້ເຂົ້າຊົມທັງໝົດ 69153

Currently are 14 guests and no members online