PicsArt 04 29 02.28.50 2048x1251

     ບໍລິສັດສີມັງຄອນຈ໌ ໄດ້ນຳເອົາອຸປະກອນການແພດ ປະກອບມີ ຢາກວດຫາເຊື້ອພະຍາດ Covid-19 ຈຳນວນ 2.016 ຫຼອດ ມູນຄ່າ 195.000.000 ກີບ ເຄື່ອງກວດອຸນຫະພູມ ຈຳນວນ 20 ອັນ ມູນຄ່າ 10 ລ້ານກີບ ນຳມາມອບໃຫ້ອົງການປົກຄອງນະຄອນຫຼວງວຽງຈັນ ເພື່ອຕ້ານການແຜ່ລະບາດຂອງພະຍາດCovid-19 ຢູ່ ສປປ ລາວ ບໍ່ໃຫ້ເພີ່ມຂຶ້ນ ແລະ ຫຼຸດລົງໂດຍໄວ.

     ພິທີມອບ-ຮັບເຄື່ອງດັ່ງກ່າວ ໄດ້ຈັດຂຶ້ນວັນທີ 29 ເມສາ 2020 ທີ່ຫ້ອງວ່າການປົກຄອງນະຄອນຫຼວງວຽງຈັນ ຕາງໜ້າມອບຂອງທ່ານ ນາງ ອໍລະໄທ ສັນຕິຄົງຄາ ຮອງປະທານບໍລິສັດສີມັງຄອນຈ໌ ຕາງໜ້າຮັບຂອງທ່ານ ພູໂຂງ ບັນນາວົງ ຮອງເຈົ້າຄອງ ຫົວໜ້າພະແນກແຜນການ ແລະ ການລົງທຶນນະຄອນຫຼວງວຽງຈັນ ມີທ່ານປະທານບໍລິສັດສີມັງຄອນຈ໌ ພ້ອມດ້ວຍຄະນະເຂົ້າຮ່ວມ.

ທ່ານ ນາງ ອໍລະໄທ ສັນຕິຄົງຄາ ໄດ້ກ່າວວ່າ: ເພື່ອເປັນການຮ່ວມຕ້ານການລະບາດຂອງພະຍາດນີ້ ທາງບໍລິສັດຈຶ່ງໄດ້ເປັນຫ່ວງເປັນໄຍຕໍ່ສຸຂະພາບຂອງປະຊາຊົນລາວ ກໍຄືນະຄອນຫຼວງວຽງຈັນ ໂດຍສະເພາະແມ່ນຕ້ອງການແບ່ງເບົາຊ່ວຍພັກ-ລັດ ຈຶ່ງໄດ້ນໍາເອົາອຸປະກອນການແພດມາມອບປະກອບສ່ວນໃນຄັ້ງນີ້ ເຊີ່ງໄລຍະຜ່ານມາ ບໍລິສັດຂອງພວກເຮົາຍັງໄດ້ມອບອຸປະກອນການແພດຂັ້ນພື້ນຖານມອບໃຫ້ທາງອຳນາດການປົກຄອງບ້ານທີ່ຕັ້ງຢູ່ໃກ້ຄຽງກັບໂຮງງານຜະລິດຂອງພວກເຮົາຢູ່ແຂວງວຽງຈັນ ແລະ ຫຼວງພະບາງ ແລະ ມອບງົບປະມານຈຳນວນໜຶ່ງປະກອບສ່ວນຊ່ວຍເຫຼືອແພດໝໍ ແລະ ໃຫ້ຕໍ່ໜ້າ ກໍຍັງຈະສືບຕໍ່ໃຫ້ການຊ່ວຍເຫຼືອເພີ່ມຕື່ມ.

PicsArt 04 29 02.28.05

    ໃນໂອກາດນີ້ ທ່ານ ພູໂຂງ ບັນນາວົງ ໄດ້ສະແດງຄວາມຂອບໃຈຕໍ່ບັນດາບໍລິສັດດັ່ງກ່າວ ທີ່ເຫັນຄວາມສຳຄັນ ແລະ ສະໜັບສະໜູນໃນການຕ້ານການແຜ່ລະບາດຂອງເຊື້ອໄວຣັສໂຄວິດ-19 ຢູ່ ສປປ ລາວ ກໍຄື ນວ ພ້ອມທັງຢືນຢັນວ່າ ຈະນໍາເອົາອຸປະກອນການແພດດັ່ງກ່າວໄປນໍາໃຊ້ເຂົ້າໃນວຽກງານດັ່ງກ່າວໃຫ້ເກີດຜົນປະໂຫຍດສູງສຸດ.

ຂ່າວ & ພາບ: ເພັດສະໝອນ

ໜັງສືພິມວຽງຈັນໃໝ່.

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 134

ຈຳນວນຜູ້ເຂົ້າຊົມເດືອນນີ້ 134

ຈຳນວນຜູ້ເຂົ້າຊົມທັງໝົດ 64621

Currently are 10 guests and no members online