eryrytu544346

      ໃນທ້າຍອາທິດຜ່ານມາ;ທ່ານອາດສະທອງສີພັນດອນຮອງເຈົ້າຄອງນະຄອນຫຼວງວຽງຈັນ(ນວ)ໄດ້ລົງຊີ້ນຳວຽກງານຢູ່ເມືອງສັງທອງໂດຍການພາທາງຂອງທ່ານບົວຄຳສີສົງຄາມຮອງເຈົ້າເມືອງໆດັ່ງກ່າວພ້ອມດ້ວຍພາກສ່ວນກ່ຽວຂ້ອງ;ໃນທັນທີທີ່ຄະນະຂອງທ່ານຮອງເຈົ້າຄອງໄປເຖິງກໍ່ໄດ້ເດີນທາງຂຶ້ນສູ່ສາຍພູພະນັງເພື່ອລົງກວດສະພາບຄວາມເສຍຫາຍໄຟໄໝ້ລາມປ່າຢູ່ພູພະນັງໃນໄລຍະຕົ້ນເດືອນກຸມພາ2020ຜ່ານມາທີ່ສ້າງຄວາມເສຍຫາຍຕໍ່ລະບົບນິເວດວິທະຍາຢູ່ບໍລິເວນນັ້ນເປັນຕົ້ນເຮັດໃຫ້ສະພາບປ່າໄມ້ແລະສັດສານາໆພັນຈຳນວນບໍ່ໜ້ອຍເສຍຫາຍ.

       ສະພາບເຫດໄຟໄໝ້ລາມປ່າຢູ່ເມືອງສັງທອງໄດ້ເກີດຂຶ້ນໃນໄລຍະແຕ່ວັນທີ6ກຸມພາຫາວັນທີ18ເມສາ2020ມີທັງໝົດ19ຈຸດໃນ14ບ້ານແລະມີເນື້ອທີ່ໆຖືກໄຟໄໝ້ທັງໝົດ205ເຮັກຕາ,ມີເນື້ອທີ່ເສຍຫາຍ82ເຮັກຕາໃນນີ້ມີຂອບເຂດປ່າສະຫງວນແຫ່ງຊາດພູພະນັງເສຍຫາຍ44ເຮັກຕາແລະເຫຼືອນັ້ນແມ່ນປ່າປ້ອງກັນທີ່ມີຄວາມເສຍຫາຍຊຶ່ງສາເຫດທີ່ພາໃຫ້ເກີດໄຟລາມປ່າໂດຍສະເພາະປ່າປ້ອງກັນພູຜາເດືອນແລະຈຸດອື່ນໆແມ່ນເກີດມາຈາກຄົນບໍ່ດີຈຳນວນໜຶ່ງຊອກຢູ່ຫາກິນ,ລັກລອບລ່າສັດ,ຕັດໄມ້ທີ່ຜິດກົດໝາຍໄດ້ກໍ່ເຕົາໄຟປຸງແຕ່ງອາຫານຢູ່ປ່າແລ້ວລືມມອດໄຟເຮັດໃຫ້ເກີດມີໄຟໄໝ້ລາມປ່າເປັນບໍລິເວນກວ້າງທີ່ບໍ່ສາມາດມອດໄຟດ້ວຍຕົນເອງໄດ້.ສະເພາະປ່າສະຫງວນແຫ່ງຊາດພູພະນັງມີ5ຈຸດໄໝ້ໆລາມມາແຕ່ເຂດແຂວງວຽງຈັນແລະເຂດເມືອງນາຊາຍທອງນວແລະໃນໄລຍະດັ່ງກ່າວຄະນະນຳຂອງເມືອງໄດ້ນຳພາປະຊາຊົນເກືອບ1.000ເທື່ອຄົນຂຶ້ນມອດໄຟແຕ່ລະຈຸດແຕ່ກໍ່ຂາດອຸປະກອນມອດໄຟບວກກັບແດດກ້າອາກາດຮ້ອນມີລົມພັດຈຶ່ງເຮັດໃຫ້ໄຟໄໝ້ລາມໄປສູ່ຈຸດອື່ນຢ່າງໄວແລະກໍ່ໄດ້ມອດລົງດ້ວຍການຮ່ວມແຮງຮ່ວມໃຈຂອງຊາວເມືອງສັງທອງ.

     ໃນໂອກາດດັ່ງກ່າວ;ທ່ານຮອງເຈົ້າຄອງນະຄອນຫຼວງວຽງຈັນກໍ່ໄດ້ໄປກວດສະພາບຕົວຈິງຕົວຈິງໃນຫຼາຍຈຸດພ້ອມທັງຊັກຖາມອຳນາດການປົກຄອງເມືອງ,ພະນັກງານແລະພາກສ່ວນທີ່ກ່ຽວຂ້ອງດ້ວຍຕົວຕົນເອງ;ຈາກນັ້ນ,ທ່ານກໍ່ໄດ້ຕີລາຄາສູງໃນການນຳພາຂອງພັກ-ຄະນະປົກຄອງເມືອງ,ຄະນະປົກຄອງບ້ານແລະ ປະຊາຊົນທີ່ສາ ມາດປົກປັກຮັກສາອະນຸລັກທຳມະຊາດ,ຮັກສາສະພາບແວດລ້ອມໄດ້ເປັນຢ່າງດີແລະໄດ້ໃຫ້ທິດຊີ້ນຳຕໍ່ຄະນະນຳຂອງເມືອງມີການຈັດຕັ້ງການສຳມະນາແລະຖອດຖອນບົດຮຽນການຕ້ານໄຟໄໝ້ລາມປ່າພ້ອມທັງວິທີການແກ້ໄຂໃຫ້ແກ່ພະນັກງານ,ທະຫານ,ຕຳຫຼວດແລະປະຊາຊົນຮັບຮູ້,ເຂົ້າໃຈສາມາດຮັບມືກັບບັນຫາດັ່ງກ່າວໂດຍດ່ວນທັນເຫດການ;ພ້ອມນັ້ນກໍ່ໃຫ້ທຸກຄົນຕ້ອງມີສະຕິລະວັງຕົວ,ສະກັດກັ້ນ-ຕ້ານແລະຕິດຕາມບຸກຄົນບໍ່ດີທີ່ລ່ວງລະເມີດເຂົ້າມາທຳລາຍຊັບພະຍາກອນທຳມະຊາດ.ສະເໜີໃຫ້ຄະນະປົກຄອງເມືອງມອບໝາຍໂດຍກົງໃຫ້ອົງການປົກຄອງບ້ານເປັນເຈົ້າການໂດຍໃຫ້ມີການສ້າງຕັ້ງໜ່ວຍງານຄຸ້ມຄອງປ່າສະຫງວນຂັ້ນບ້ານ.ສ້າງແນວປ້ອງກັນໃນນີ້ຕ້ອງສ້າງປະຕູອັດທາງຂຶ້ນປ່າສະຫງວນພ້ອມທັງດຳເນີນການຕິດຕາມຊອກຫາບຸກຄົນທີ່ບໍ່ດີເພື່ອບໍ່ໃຫ້ຄົນດັ່ງກ່າວຂຶ້ນໄປລັກລອບຕັດໄມ້ທຳລາຍປ່າ,ຊອກຫາສັດປ່າແລະອື່ນໆໃນຂອບເຂດນັ້ນແລະມອບໃຫ້ຄະນະນຳຂອງເມືອງ-ຂະແໜງການກ່ຽວຂ້ອງຂຽນໂຄງການຂໍງົບປະມານປົກປັກຮັກສາສິ່ງແວດລ້ອມຈາກອົງການNGO.

     ໃນມື້ດຽວກັນນັ້ນ;ທ່ານດາວເພັດອາລຸນເຈົ້າເມືອງໆສັງທອງກໍ່ໄດ້ນຳພາແລະລາຍງານສະພາບການຈັດຕັ້ງປະຕິບັດໃນການແກ້ໄຂບັນຫາດັ່ງກ່າວໃຫ້ແກ່ທ່ານຮອງລັດຖະມົນຕີກະຊວງຊັບພະຍາກອນທໍາມະຊາດແລະສິ່ງແວດລ້ອມຮັບຊາບແລະໄດ້ຮັບການຊີ້ນຳຈາກທ່ານຮອງລັດຖະມົນຕີກະຊວງດັ່ງກ່າວເຊັ່ນດຽວກັນ.

 

ພາບ ແລະຂ່າວຈາກ:ໜັງສືພິມເສດຖະກິດ-ສັງຄົມ

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 48

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 132

ຈຳນວນຜູ້ເຂົ້າຊົມເດືອນນີ້ 132

ຈຳນວນຜູ້ເຂົ້າຊົມທັງໝົດ 64619

Currently are 17 guests and no members online