hBUBzZCCBdrFC KERrOKN5I0Lu1plyzV

     ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ (ນວ) ພ້ອມ​ຄະ­ນະ ລົງ​ຕິດ­ຕາມ​ກວດ­ກາ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ ການ​ຈັດ​ສັນ​ຄວາມ​ເປັນ​ລະ­ບຽບ​ຮຽບ​ຮ້ອຍ ການ​ປະ­ດັບ​ປະ­ດາ ແລະ ການ​ເຮັດ​ຄວາມ​ສະ­ອາດ​ໃນ ນວ ວັນ​ທີ 16 ມີ­ນາ 2020 ໂດຍ​ໄດ້​ຮັບ​ການ​ຕ້ອນ­ຮັບ​ຈາກ​ທ່ານ ບຸນ​ຈັນ ແກ້ວ​ສີ​ທຳ​ມະ ຫົວ­ໜ້າ​ຫ້ອງ­ການ​ຄຸ້ມ​ຄອງ ແລະ ບໍ­ລິ­ການ​ຕົວ​ເມືອງ​ວຽງ​ຈັນ (ຄບຕ) ແລະ ພາກ­ສ່ວນ​ກ່ຽວ­ຂ້ອງ.

oAMjOU1s9CnRnNvRBR62hCFn6O6H15tm

     ເປົ້າ​ໝາຍ​ຂອງ​ການ​ລົງ​ກວດ­ກາ​ຄັ້ງ​ນີ້ ແມ່ນ​ເພື່ອ​ຕິດ­ຕາມ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ຕົວ​ຈິງ ຂອງ​ຂະ­ແໜງ­ການ​ກ່ຽວ­ຂ້ອງ​ໃນ​ການ​ເຮັດ­ອະ­ນາ­ໄມ ຕິດ​ທຸງ​ປະ­ດັບ​ປະ­ດາ ແລະ ຈັດ​ສັນ​ຄວາມ​ເປັນ​ລະ­ບຽບ​ຮຽບ​ຮ້ອຍ ເພື່ອ​ຄຳ­ນັບ​ຮັບ​ຕ້ອນ​ວັນ​ສຳ­ຄັນ​ຕ່າງໆ​ຂອງ​ພັກ ຂອງ​ຊາດ ກໍ​ຄື​ວັນ​ສ້າງ­ຕັ້ງ​ພັກ​ປະ­ຊາ­ຊົນ​ປະ­ຕິ­ວັດ​ລາວ ຄົບ­ຮອບ 65 ປີ ແລະ ເພື່ອ​ກຽມ​ຄວາມ​ພ້ອມ​ໃຫ້­ການ​ຈັດ​ກອງ​ປະ­ຊຸມ​ໃຫຍ່ ຄັ້ງ​ທີ VII ຂອງ​ອົງ­ຄະ​ນະ​ພັກ ນວ ໃນ​ນີ້​ໄດ້​ລົງ​ກວດ­ກາ​ເລີ່ມ​ຈາກ​ຖະ­ໜົນ​ສຸ​ພາ­ນຸ​ວົງ (ເຂດ​ເມືອງ​ສີ​ໂຄດ​ຕະ­ບອງ) ສຸ­ສານ​ນັກ­ຮົບ​ນິ­ລະ­ນາມ ຫໍ​ພິ​ພິ​ທະ​ພັນ ໄກ­ສອນ ພົມ­ວິ­ຫານ ແລະ ສຸ­ສານ​ນັກ­ຮົບ​ແຫ່ງ​ຊາດ ຜ່ານ​ການ​ຕິດ­ຕາມ​ຕົວ​ຈິງ ໂດຍ​ສະ­ເພາະ​ເສັ້ນ­ທາງ​ທີ່​ຈະ​ໄປ​ຫາ​ຈຸດ​ເປົ້າ​ໝາຍ ຍັງ​ມີ​ບາງ​ຈຸດ​ບໍ່​ທັນ​ໄດ້​ຮັບ​ການ​ປະ­ດັບ​ປະ­ດາ​ທຸງ­ຊາດ ທຸງ​ພັກ ທຸງ​ທິວ ຄຳ​ຂວັນ ແລະ ອື່ນໆ.

VIhNvedGq0AQXT6HIPJbsKzjhaZNKFp6

     ໂອ­ກາດ​ນີ້​ທ່ານ​ເຈົ້າ​ຄອງ ນວ ກໍ​ໄດ້​ເນັ້ນ​ໃຫ້​ປັບ­ປຸງ​ຄືນ​ການ​ຈັດ​ສັນ​ຄວາມ​ບໍ່​ເປັນ​ລະ­ບຽບ​ຮຽບ​ຮ້ອຍ ການ​ອະ­ນາ­ໄມ​ເຮັດ​ຄວາມ​ສະ­ອາດ ໂດຍ​ສະ­ເພາະ​ການ​ຕັດ​ຫຍ້າ ເກັບ​ມ້ຽນ​ຂີ້​ເຫຍື້ອ ລ້າງ​ທາງ ການ​ປະ­ດັບ​ປະ­ດາ ຕິດ​ປ້າຍ​ຄຳ​ຂວັນ ທຸງ​ທິວ ທຸງ­ຊາດ ແລະ ທຸງ​ພັກ ແຕ້ມ​ເສັ້ນ​ແບ່ງ​ທາງ​ຈໍ​ລະ​ຈອນ​ໃຫ້​ມີ​ຄວາມ​ສວຍ​ງາມ ນຳ​ໃຊ້​ໄດ້​ດົນ ນອກ​ນີ້​ກໍ​ໃຫ້​ກວດ­ຄືນ​ດອກ­ໄຟ​ເຍືອງ​ທາງ​ຕາມ​ຈຸດ​ຕ່າງໆ​ໃຫ້​ມີ​ຄວາມ​ສະ­ຫວ່າງ ເອົາ­ໃຈ­ໃສ່​ໂຄ­ສະ­ນາ​ປຸກ­ລະ­ດົມ​ປະ­ຊາ­ຊົນ ອົງ​ການ­ຈັດ­ຕັ້ງ ສຳ­ນັກ­ງານ ບໍ­ລິ­ສັດ ແລະ ຫ້າງ​ຮ້ານ​ທີ່­ຢູ່​ແຄມ​ທາງ​ໃຫ້​ມີ​ສ່ວນ​ຮ່ວມ​ໃນ​ການ​ຮັກ­ສາ​ຄວາມ​ສະ­ອາດ ຕິດ​ທຸງ​ປະ­ດັບ​ປະ­ດາ​ໃຫ້​ມີ​ຄວາມ​ສວຍ​ງາມ ແນ­ໃສ່​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອນ​ວັນ​ສ້າງ­ຕັ້ງ​ພັກ​ປະ­ຊາ­ຊົນ​ປະ­ຕິ­ວັດ​ລາວ ໃຫ້​ເປັນ​ຂະ​ບວນ​ຟົດ­ຟື້ນ.

 

ທີ່ມາຂໍ້ມູນ: ໜັງສືພິມວຽງຈັນໃໝ່

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 2

ຈຳນວນຜູ້ເຂົ້າຊົມວານນີ້ 11

ຈຳນວນຜູ້ເຂົ້າຊົມອາທິດນີ້ 13

ຈຳນວນຜູ້ເຂົ້າຊົມເດືອນນີ້ 968

ຈຳນວນຜູ້ເຂົ້າຊົມທັງໝົດ 64482

Currently are 24 guests and no members online