WhatsApp Image 2020 02 20 at 10.55.49 AM

      ນະ­ຄອນ­ຫຼວງ​ວຽງ​ຈັນ (ນວ) ຮ່ວມ​ກັບ​ກະ­ຊວງ​ກະ­ສິ­ກຳ ແລະ ປ່າ­ໄມ້ຈັດ​ກອງ​ປະ­ຊຸມ​ລາຍ​ງານ​ຜົນ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ກຳ­ນົດ ແລະປັກ​ຫຼັກ​ໝາຍ​ເຂດ​ສະ­ຫງວນ​ທີ່​ດິນ​ກະ­ສິ­ກຳ ເມືອງ​ຫາດ​ຊາຍ​ຟອງ ແລະເມືອງ​ໄຊ​ທາ­ນີ ຂຶ້ນ​ວັນ​ທີ 20 ກຸມ­ພາ 2020 ຢູ່​ພະ​ແນກ​ແຮງ​ງານ ແລະສະ­ຫວັດ­ດີ​ການ​ສັງ­ຄົມ ນວ ໂດຍ​ເປັນ​ປະ­ທານ​ຂອງ​ທ່ານ ບຸນ​ຂວາງ ຄຳ​ບຸນ​ເຮືອງຮອງ​ລັດ­ຖະ­ມົນ­ຕີ​ກະ­ຊວງ​ກະ ສິ​ກຳ ແລະ ປ່າ­ໄມ້ ແລະ ທ່ານ ອາດ​ສະ­ພັງ​ທອງສີ​ພັນ​ດອນ ຮອງ​ເຈົ້າ​ຄອງ ນວ ມີ​ທ່ານ ຫຼ້າ​ສາຍ ນວນ​ທາ​ສິງຫົວ­ໜ້າ​ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງເຂົ້າ​ຮ່ວມ.

    ທ່ານ ບົວ​ວົນ ເບ້ຍ​ຈຳ­ປາຫົວ­ໜ້າ​ໜ່ວຍ​ງານ​ສຳ​ຫຼວດ​ການ​ນຳ​ໃຊ້​ເນື້ອ­ທີ່​ດິນ​ກະ­ສິ­ກຳ ພະ​ແນກ​ກະສິ​ກຳ ແລະ ປ່າ­ໄມ້ ນວ ກ່າວ​ວ່າ: ໂຄງ­ການ​ກຳ­ນົດ ແລະປັກ​ຫຼັກ​ໝາຍ​ເຂດ​ສະ­ຫງວນ​ເນື້ອ­ທີ່​ການ​ຜະ ລິດ​ກະ­ສິ­ກຳ ເມືອງ​ຫາດ​ຊາຍ​ຟອງແລະ ເມືອງ​ໄຊ​ທາ­ນີເປັນ​ໂຄງ­ການ​ໜຶ່ງ​ທີ່​ເກີດ​ຂຶ້ນ​ພາຍ​ໃຕ້​ການ​ເຫັນ​ດີ​ຂອງ​ທ່ານ​ເຈົ້າ​ຄອງນວ ແລະ ລັດ­ຖະ­ມົນ­ຕີ​ກະ­ຊວງ​ກະ­ສິ­ກຳ ແລະ ປ່າ­ໄມ້ ເພື່ອ​ກຳ­ນົດ ແລະປັກ​ຫຼັກ​ໝາຍ​ເຂດ​ສະ­ຫງວນ​ທີ່​ດິນ​ກະ­ສິ­ກຳ​ຂອງ​ເມືອງ​ດັ່ງ­ກ່າວເພື່ອ​ສ້າງ​ເປັນ​ແຜນ­ທີ່ ບົດ​ບັນ­ທຶກ​ການ​ປັກ​ຫຼັກ​ໝາຍ​ເຂດ​ສະ­ຫງວນ ແລະເປັນ​ນິ­ຕິ​ກຳ ລະ­ບຽບ​ຂັ້ນ​ເມືອງເພື່ອ​ຄຸ້ມ​ຄອງ​ທີ່​ດິນ​ກະ­ສິ­ກຳ​ເຂດ​ສະ­ຫງວນ​ໄວ້​ໃນ​ເນື້ອ­ທີ່ 6.496 ເຮັກ­ຕາ ໃນ​ນີ້ ເມືອງ​ຫາດ​ຊາຍ​ຟອງ 5.419 ເຮັກ­ຕາ ເມືອງ​ໄຊ​ທາ­ນີ 1.050 ເຮັກ­ຕາເພື່ອ​ຮັບ­ປະ­ກັນ​ໃຫ້​ມີ​ເນື້ອ­ທີ່​ກະ­ສິ­ກຳ​ສະ­ໜອງ​ໄວ້​ໃຫ້­ການ​ຜະ­ລິດ​ໃນ­ຕໍ່­ໜ້າ.

    ຜ່ານ​ການ​ສຳ​ຫຼວດ​ຈັດ​ສັນ​ຕົວ​ຈິງ​ຂອງ​ຄະ­ນະ​ກຳ­ມະ­ການ​ຂັ້ນ​ສູນ​ກາງເມືອງ ແລະ ຂັ້ນ​ບ້ານສາ­ມາດ​ປະ­ຕິ­ບັດ​ການ​ປັກ​ຫຼັກ​ໝາຍ​ເຂດ​ສະ­ຫງວນ​ທີ່​ດິນ​ກະ­ສິ­ກຳ (ຫຼັກ​ເບ​ຕົງ) ໃນ​ຂອບ​ເຂດ 51 ບ້ານ​ຂອງ 2 ເມືອງ ໄດ້ 847 ຫຼັກ​ໝາຍກວມ​ເອົາ​ເນື້ອ­ທີ່ 11.965,24 ເຮັກ­ຕາ ໃນ​ນີ້ ມີ​ເນື້ອ­ທີ່​ດິນ​ກະ­ສິ­ກຳ 8.888,5 ເຮັກ­ຕາ ເນື້ອ­ທີ່​ດິນ​ປ່າ­ໄມ້ 2.400,16 ເຮັກ­ຕາເນື້ອ­ທີ່​ດິນ​ປະ­ເພດ​ອື່ນໆ 676,58 ເຮັກ­ຕາ ແລະສາ­ມາດ​ສ້າງ​ບົດ​ບັນ­ທຶກ​ການ​ປັກ​ຫຼັກ​ໝາຍ​ເຂດ​ສະ­ຫງວນ​ຜະ­ລິດ​ກະ­ສິ­ກຳ​ໄດ້ 51 ສະ­ບັບຂໍ້​ຕົກ­ລົງ​ວ່າ​ດ້ວຍ​ການ​ຄຸ້ມ​ຄອງ​ທີ່​ດິນ​ກະ­ສິ­ກຳ​ໃນ​ເຂດ​ສະ­ຫງວນ 2 ສະ­ບັບ (ເມືອງ​ລະ 1 ສະ­ບັບ) ແລະສ້າງ​ແຜນ­ທີ່​ເຂດ​ສະ­ຫງວນ​ທີ່​ດິນ​ກະ­ສິ­ກຳ​ຂະ­ໜາດ A0 10 ຊຸດ ແລະ  A3 51 ຊຸດ ສຳ­ລັບ​ແຜນ­ການ​ຕໍ່­ໜ້າ​ຈະ​ສືບ­ຕໍ່​ດຳ­ເນີນ​ການ​ສຳ​ຫຼວດ ແລະປັກ​ຫຼັກ​ໝາຍ ເພື່ອ​ເຮັດ​ເນື້ອ­ທີ່​ສຳ­ລັບ​ການ​ຜະ­ລິດ​ກະ­ສິ­ກຳ​ຢູ່ ນວບໍ່​ໃຫ້​ຫຼຸດ 73.000 ເຮັກ­ຕາ ຫຼື ປະ­ມານ 19% ຂອງ​ເນື້ອ­ທີ່ ນວ ໃນ​ນີ້ເມືອງ​ໄຊ​ທາ­ນີ 5.259 ເຮັກ­ຕາ ນາ​ຊາຍ​ທອງ 6.770 ເຮັກ­ຕາ ສັງ​ທອງ 28.517 ເຮັກ­ຕາ ປາກ​ງື່ມ 17.484 ເຮັກ­ຕາ ສີ​ໂຄດ​ຕະ­ບອງ 582 ເຮັກ­ຕາ.

    ກອງ​ປະ­ຊຸມ​ຄັ້ງ​ນີ້ຍັງ​ໄດ້​ແລກ­ປ່ຽນ​ບົດ­ຮຽນ​ກັບ​ຂະ­ແໜງ­ການ​ທີ່​ກ່ຽວ­ຂ້ອງກ່ຽວ​ກັບ​ການ​ກຳ­ນົດ​ແຜນ​ວຽກ​ພາກ​ສະ­ໜາມເພື່ອ​ໃຫ້​ສອດ­ຄ່ອງ​ກັບ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ຕົວ​ຈິງ​ຫຼາຍ​ຂຶ້ນໂດຍ​ສະ­ເພາະ​ແຜນ​ວຽກ​ຈຸດ​ສຸມ​ການ​ສືບ­ຕໍ່​ດຳ­ເນີນ​ສຳ​ຫຼວດ​ຢູ່​ເຂດ​ທົ່ງ​ຮາບເມືອງ​ໄຊ​ທາ­ນີ ໃຫ້​ສຳ­ເລັດ​ຕາມ​ແຜນ­ການ.

 

ໜັງສືພິມວຽງຈັນໃໝ່

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 21 guests and no members online