7f7eaf61ae0e7b3af30c02061d60fe44

     ວັນ​ທີ 14 ກຸມ­ພາ 2020 ທີ່​ຫ້ອງ​ວ່າ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນໄດ້​ຕ້ອນ­ຮັບ​ການ​ເຂົ້າ​ຢ້ຽມ​ຄຳ­ນັບ​ຄະ­ນະ​ຜູ້​ແທນ​ຂອງ​ປະ­ເທດ​ຍີ່­ປຸ່ນນຳ​ໂດຍ​ທ່ານ ຮິ​ຊາ​ຊິ ທາ​ກາ​ຮາ​ຊິ ຜູ້​ອອກ​ແບບ​ພູ­ມີ​ປະ­ເທດປະ­ທານ​ຜູ້​ບໍ­ລິ­ຫານ​ບໍ­ລິ­ສັດ Lascal ໂອ ກາດ​ທີ່​ເດີນ­ທາງ​ມາ​ຢ້ຽມ­ຢາມແລະ ເຮັດ​ວຽກ​ຢູ່​ນະ­ຄອນ­ຫຼວງ​ວຽງ​ຈັນ.

   ທ່ານ ສິນ​ລະ​ວົງ ຄຸດ​ໄພ­ທູນ ໄດ້​ຕີ​ລາ­ຄາ​ສູງ​ຕໍ່​ການ​ມາ​ຢ້ຽມ­ຢາມແລະ ເຮັດ​ວຽກ​ຂອງ​ຄະ­ນະ​ຜູ້​ແທນ​ປະ­ເທດ​ຍີ່­ປຸ່ນເຊິ່ງ​ເປັນ​ການ​ປະ­ກອບ­ສ່ວນ​ສຳ­ຄັນ​ໃນ​ການ​ໃຫ້­ການ​ສະ­ໜັບ­ສະ­ໜູນ​ຊ່ວຍ­ເຫຼືອ​ພັດ­ທະ­ນາ​ປະ­ເທດ​ລາວກໍ​ຄື ນະ­ຄອນ­ຫຼວງ​ວຽງ​ຈັນ ພ້ອມ​ນັ້ນໄດ້​ລາຍ​ງານ​ກ່ຽວ​ກັບ​ສະ­ພາບ​ການ​ລົງ­ທຶນ​ການ​ຄ້າ ແລະການ​ຜະ­ລິດ​ກະ­ສິ­ກຳ​ຢູ່​ນະ­ຄອນ­ຫຼວງ​ວຽງ​ຈັນ​ໃຫ້​ຊາບ ແລະໄດ້​ແນະ­ນຳ​ໃຫ້​ຄະ­ນະ​ຜູ້​ແທນ​ດັ່ງ­ກ່າວ​ຊອກ​ການ​ລົງ­ທຶນ​ໃນ​ຂະ­ແໜງ­ການ​ຕ່າງໆ​ຢູ່​ນະ­ຄອນ­ຫຼວງ​ວຽງ​ຈັນທີ່​ຕົນ​ເຫັນ​ວ່າ​ມີ​ຄວາມ​ເໝາະ​ສົມເຊິ່ງ​ໃນ​ປັດ­ຈຸ­ບັນ​ນະ­ຄອນ­ຫຼວງ​ວຽງ​ຈັນ ຍັງ​ຂາດ​ສິນ­ຄ້າ​ເຄື່ອງ­ໃຊ້​ສອຍສະ­ບຽງ​ອາ­ຫານ​ທີ່​ມີ​ຄຸນ​ນະ​ພາບຂາດ​ເຕັກ​ໂນ​ໂລ​ຊີ​ທີ່​ໃຊ້​ເຂົ້າ​ໃນ​ການ​ຜະ­ລິດ​ກະ­ສິ­ກຳ ແລະ ອື່ນໆ.

   ໂອ­ກາດ​ນີ້ ທ່ານ ຮິ​ຊາ​ຊິ ທາ​ກາ​ຮາ​ຊິໄດ້​ສະ­ແດງ​ຄວາມ​ຂອບ­ໃຈ​ຕໍ່​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນທີ່​ໄດ້​ໃຫ້­ການ​ຕ້ອນ­ຮັບ​ຢ່າງ​ອົບ​ອຸ່ນ ເຊິ່ງ​ການ​ມາ​ຢ້ຽມ­ຢາມ​ຄັ້ງ​ນີ້ມີ​ຈຸດ­ປະ­ສົງ ເພື່ອ​ແນະ­ນຳ​ການ​ຜະ­ລິດ​ກະ­ສິ­ກຳ​ຢູ່​ປະ­ເທດ​ຍີ່­ປຸ່ນແນ­ໃສ່​ເປັນ​ການ​ແລກ­ປ່ຽນ​ບົດ­ຮຽນ​ເຊິ່ງ​ກັນ ແລະ ກັນ ພ້ອມ​ນັ້ນເພື່ອ​ປຶກ­ສາ​ຫາ­ລື​ກ່ຽວ​ກັບ​ການ​ຄົ້ນ­ຄວ້າ​ດິນ​ກະ­ສິ­ກຳ​ຢູ່​ປະ­ເທດ​ລາວກໍ​ຄື ນະ­ຄອນ­ຫຼວງ​ວຽງ​ຈັນ ແລະ ຢາກ​ຮູ້​ຄວາມ​ຕ້ອງ­ການ​ດ້ານ​ກະ­ສິ­ກຳຢູ່​ນະ­ຄອນ­ຫຼວງ​ວຽງ​ຈັນເພື່ອ​ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ປະ­ເທດ​ລາວ ນອກ​ນີ້ຍັງ​ໃຫ້​ຄຳ​ໝັ້ນ​ສັນ­ຍາ​ວ່າ​ຈະ​ນຳ​ນັກ​ລົງ­ທຶນ​ທາງ​ດ້ານ​ກະ­ສິ­ກຳ​ຢູ່​ຍີ່­ປຸ່ນມາ​ລົງ­ທຶນ​ດ້ານ​ກະ­ສິ­ກຳ​ຢູ່​ນະ­ຄອນ­ຫຼວງ​ວຽງ​ຈັນ ແບບ​ຄົບ​ວົງ​ຈອນ.

ໜັງສືພິມວຽງຈັນໃໝ່

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 29 guests and no members online