1d70e5ec35f97ec9169bae6565fbe98e

      ວັນ​ທີ 12 ກຸມ­ພາ 2020 ທີ່​ຫ້ອງ​ວ່າ­ການ​ປົກ­ຄອງ ນະ­ຄອນ­ຫຼວງ​ວຽງ​ຈັນ (ນວ) ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນໄດ້​ຕ້ອນ­ຮັບ​ການ​ເຂົ້າ​ພົບ​ປະ​ຂອງ​ທ່ານ ອິດສ໌​ວານ ຈູ  ຮອງ​ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ແລະ ການ​ຄ້າ ຮົງ​ກາ­ລີພ້ອມ​ຄະ­ນະ ໃນ​ໂອ­ກາດ​ທີ່​ເດີນ­ທາງ​ມາ​ຢ້ຽມ­ຢາມ ແລະ ເຮັດ​ວຽກ​ຢູ່​ລາວ.

   ໂອ­ກາດ​ນີ້ ທ່ານ​ເຈົ້າ​ຄອງ ນວ ໄດ້​ຕີ​ລາ­ຄາ​ສູງ​ຕໍ່​ການ​ມາ​ຢ້ຽມ­ຢາມແລະ ເຮັດ​ວຽກ​ຢູ່​ລາວ ກໍ​ຄື ນວ ຄັ້ງ​ນີ້​ຂອງ​ທ່ານ ອິດສ໌​ວານ ຈູ ພ້ອມ​ຄະ­ນະເປັນ​ການ​ປະ­ກອບ­ສ່ວນ​ເສີມ​ສ້າງ​ສາຍ​ພົວ­ພັນ​ມິດ­ຕະ­ພາບ ແລະການ​ຮ່ວມ​ມື​ຊ່ວຍ­ເຫຼືອ​ເຊິ່ງ​ກັນ ແລະ ກັນ ລະ­ຫວ່າງ ລາວ ກໍ​ຄື ນວ ແລະຮົງ​ກາ­ລີ ໃຫ້​ມີ​ບາດ­ກ້າວ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ ໃນ​ໄລ­ຍະ​ຜ່ານ​ມາຮົງ​ກາ­ລີ​ໄດ້​ໃຫ້­ການ​ຊ່ວຍ­ເຫຼືອ​ລາວ​ຫຼາຍ​ໂຄງ­ການ ໂດຍ​ສະ­ເພາະຂະ­ແໜງ​ກະ­ສິ­ກຳ ນອກ​ນັ້ນ ຍັງ​ມີ​ໂຄງ­ການ​ບຳ­ບັດ​ນ້ຳ​ເປື້ອນ​ໃນ ນວໃນ​ໂຄງ­ການ​ນີ້​ສະ­ເໜີ​ໃຫ້​ຊ່ວຍ​ແກ້​ໄຂ​ບັນ­ຫາ​ຂອດ​ທີ່​ມີ​ຄວາມ​ຫຍຸ້ງ­ຍາກເປັນ­ຕົ້ນ ການ​ສຶກ​ສາ​ສຳ​ຫຼວດ​ໂຄງ­ການ​ຍັງ​ບໍ່​ທັນ​ສຳ­ເລັດບໍ່​ມີ​ຄວາມ​ລະ­ອຽດ​ເທື່ອ ແຜນ​ຮອງ​ຮັບ​ການ​ກໍ່­ສ້າງ​ທໍ່ກໍ່­ສ້າງ​ອ່າງ​ບຳ­ບັດ​ນ້ຳ​ເປື້ອນ​ຍັງ​ບໍ່​ທັນ​ມີ ພ້ອມ​ນັ້ນການ​ສຳ​ຫຼວດ​ຕິດ­ຕາມ​ການ​ນຳ​ໃຊ້​ຂໍ້​ມູນ​ຂອງ​ວິ­ຊາ​ການ ນວ-ຮົງ​ກາ­ລີແມ່ນ​ບໍ່​ທັນ​ມີ​ຫຼາຍ ແລະສ່ວນ​ຫຼາຍ​ແມ່ນ​ອີງ­ໃສ່​ຂໍ້​ມູນ​ຂອງ​ອົງ­ການ​ອື່ນ​ທີ່​ມີ​ຢູ່​ແລ້ວສະ­ເໜີ​ໃຫ້​ຊ່ຽວ­ຊານ​ຮົງ​ກາ­ລີ​ມາ​ປະ­ຈຳ­ການ​ຢູ່ ນວ ໃນ​ໄລ­ຍະ​ເວ­ລາ​ຍາວ​ນານເພື່ອ​ສຳ​ຫຼວດ​ວຽກ​ງານ​ຕົວ​ຈິງ​ໃຫ້​ໄດ້​ຫຼາຍ ແລະບັນ­ຫາ​ອື່ນໆ​ທີ່​ສອງ​ຝ່າຍ​ມີ​ຄວາມ​ສົນ­ໃຈ.

   ທ່ານ ອິດສ໌ ວານ ຈູໄດ້​ສະ­ແດງ​ຄວາມ​ຂອບ­ໃຈ​ຕໍ່​ການ​ຕ້ອນ­ຮັບ​ອັນ​ອົບ​ອຸ່ນ​ຂອງ​ທ່ານ​ເຈົ້າ​ຄອງນວ ເຊິ່ງ​ການ​ມາ​ພົບ​ປະ​ຄັ້ງ​ນີ້ເພື່ອ​ປຶກ­ສາ​ຫາ­ລື​ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ຕ່າງໆພາຍ​ໃຕ້​ຂອບ​ເງິນ​ກູ້​ຢືມ​ໄລ­ຍະ 3 ແລະ ໂຄງ­ການ​ບຳ­ບັດ​ນ້ຳ​ເປື້ອນການ​ຄຸ້ມ​ຄອງ​ນ້ຳ ສົ່ງ­ເສີມ​ຄຸນ​ນະ​ພາບ​ການ​ບໍ­ລິ­ການ​ດ້ານ​ສາ­ທາ­ລະ­ນະ​ສຸກການ​ພັດ­ທະ­ນາ ແລະ ການ​ບໍ­ລິ­ຫານ​ປ່າ­ໄມ້ ຄວາມ​ປອດ​ໄພ​ດ້ານ​ສະ­ບຽງ​ອາ­ຫານພ້ອມ​ນັ້ນ ຍັງ​ນຳ​ເອົາ​ຂໍ້​ສະ­ເໜີ​ຂອງ​ທ່ານ​ເຈົ້າ​ຄອງ ນວໄປ​ປຶກ­ສາ​ຫາ­ລື​ກັບ​ພາກ­ສ່ວນ​ທີ່​ກ່ຽວ­ຂ້ອງ​ຂອງ​ຮົງ​ກາ­ລີເພື່ອ​ເຮັດ​ໃຫ້​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ດັ່ງ­ກ່າວ​ມີ​ຜົນ­ສຳ­ເລັດ​ຕາມ​ແຜນ­ການ​ທີ່​ວາງ​ໄວ້.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 77

ຈຳນວນຜູ້ເຂົ້າຊົມວານນີ້ 84

ຈຳນວນຜູ້ເຂົ້າຊົມອາທິດນີ້ 77

ຈຳນວນຜູ້ເຂົ້າຊົມເດືອນນີ້ 2060

ຈຳນວນຜູ້ເຂົ້າຊົມທັງໝົດ 62497

Currently are 17 guests and no members online