db2c103d70a39b324a4f5258541a54be

      ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ(ນວ) ໄດ້​ເຄື່ອນ​ໄຫວ​ຢ້ຽມ­ຢາມ ແລະ ເຮັດ​ວຽກ​ຢູ່​ພະ​ແນກ​ພະ­ລັງ­ງານ ແລະບໍ່​ແຮ່ ນວ ໃນ​ວັນ​ທີ 31 ມັງ­ກອນ 2020 ຖືກ​ຕ້ອນ­ຮັບ​ໂດຍ​ທ່ານ ຊົງ​ເລົາຢົງ​ນູ ຫົວ­ໜ້າ​ພະ​ແນກ​ພະ­ລັງ­ງານ ແລະ ບໍ່​ແຮ່ ນວ ພ້ອມ​ດ້ວຍ​ຄະ­ນະ​ພະ​ແນກຫົວ­ໜ້າ​ຂະ­ແໜງ ແລະ ຫົວ­ໜ້າ​ຫ້ອງ ການ​ພະ­ລັງ­ງານ ແລະ ບໍ່​ແຮ່​ເມືອງ.

   ທ່ານ ຊົງ​ເລົາ ຢົງ​ນູໄດ້​ລາຍ​ງານ​ໂດຍ​ຫຍໍ້​ສະ­ພາບ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ປີ 2019 ແລະແຜນ­ການ​ປີ 2020 ວ່າ:ການ­ຈັດ­ຕັ້ງ​ປະ­ຕິ­ບັດ​ບັນ­ດາ​ໂຄງ­ການ​ລົງ­ທຶນ​ຂອງ​ລັດ​ທີ່​ໄດ້​ຮັບ​ອະ­ນຸ­ມັດ​ຕົວ​ເລກ​ປີ 2019 ມີ​ທັງ​ໝົດ 9 ໂຄງ­ການ ງົບ­ປະ­ມານ​ທີ່​ອະ­ນຸ­ມັດ 1,13 ຕື້​ກີບ ໃນ​ນັ້ນໂຄງ­ການ​ສືບ­ຕໍ່ 2 ໂຄງ­ການ ມູນ​ຄ່າ 154,31 ລ້ານ​ກີບ ສຳ­ເລັດ 100% ສືບ­ຕໍ່​ຊຳ­ລະ​ໜີ້ 4 ໂຄງ­ການ ມູນ​ຄ່າ 940,45 ລ້ານ​ກີບ (ສະ­ເພາະ​ຕົວ​ເລກ​ທີ່​ອະ­ນຸ­ມັດ​ປີ 2019 ສຳ­ເລັດ​ໃນ​ການ​ຊຳ­ລະ 100%) ແລະໂຄງ­ການ​ສົ່ງ­ເສີມ​ວິ­ຊາ​ການ​ມີ​ທັງ​ໝົດ 3 ໂຄງ­ການ ມູນ​ຄ່າ 39,64 ລ້ານ​ກີບການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ໄຟ​ເຍືອງ​ທາງ​ດ້ວຍ​ແສງ​ຕາ­ເວັນ​ເຂດ​ເທ­ສະ​ບານ 4 ຕົວ​ເມືອງ​ໃນ ໄລ­ຍະ 2 ຈຳ­ນວນ 991 ຊຸດ ມູນ​ຄ່າ 25 ຕື້​ກີບຈັດ​ຕັ້ງ​ປະ­ຕິ­ບັດ​ໜ້າ​ວຽກ​ຕົວ​ຈິງ​ສຳ­ເລັດ 600 ຊຸດ ມູນ​ຄ່າ 15,13 ຕື້​ກີບເທົ່າ​ກັບ 60,54% ວຽກ​ງານ​ກວດ­ກາ​ຊົມ­ໃຊ້​ໄຟ­ຟ້າ​ໃຫ້​ປະ­ຊາ­ຊົນ​ຂອບ​ເຂດ 9 ຕົວ​ເມືອງ ເພື່ອ​ຫຼຸດ­ຜ່ອນ​ອັກ­ຄີ​ໄພ​ທີ່​ເກີດ​ຂຶ້ນໄດ້​ເລີ່ມ​ຈັດ​ຕັ້ງ​ປະ­ຕິ­ບັດ​ປີ 2015 ເປັນ­ຕົ້ນ​ມາ ຮອດ​ປີ 2019 ສຳ­ເລັດ 451 ບ້ານ ເທົ່າ​ກັບ 93,7% ຂອງ​ຈຳ­ນວນ​ບ້ານ​ທັງ​ໝົດ ກວດ­ກາ​ໄດ້ 60.971 ຫຼັງ­ຄາ​ເຮືອນ ເທົ່າ​ກັບ 38,1% ທຽບ­ໃສ່​ປີ 2018 ເພີ່ມ​ຂຶ້ນ 8,1% ຂອງ​ຈຳ­ນວນ​ຫຼັງ­ຄາ​ເຮືອນ​ທັງ​ໝົດ ແລະໃນ​ຈຳ­ນວນ​ຫຼັງ­ຄາ​ທີ່​ກວດ​ແລ້ວ​ນັ້ນ​ພົບ​ເຫັນ​ລະ­ບົບ​ໄຟ­ຟ້າ ຫຼືວ່າ​ບໍ່​ມີ​ຄວາມ​ປອດ​ໄພ 30.337 ຫຼັງ­ຄາ​ເຮືອນ ເທົ່າ​ກັບ 49% ຂອງ​ຫຼັງ­ຄາ​ທີ່​ໄດ້​ລົງ​ກວດ­ກາ.

   ສະ­ເພາະ​ປີ 2020 ສືບ­ຕໍ່​ກວດ­ກາ​ບັນ­ດາ​ເປົ້າ​ໝາຍ​ທີ່​ເປັນ­ຄວາມ​ສ່ຽງ​ກັບ​ການ​ຊົມ­ໃຊ້​ໄຟ­ຟ້າ​ຂອງ​ປະ­ຊາ­ຊົນ​ໃຫ້​ທົ່ວ​ເຖິງແລະຊຸກ­ຍູ້​ສົ່ງ­ເສີມ​ບັນ­ດາ​ເປົ້າ​ໝາຍ​ທີ່​ກວດ​ແລ້ວ​ໃຫ້​ມີ​ການ​ແກ້​ໄຂ​ໃຫ້​ໄດ້ 30% ຂຶ້ນ​ໄປສຸມ​ໃສ່​ຈັດ​ຕັ້ງ​ປະ­ຕິ­ບັດ​ໂຄງ­ການ​ປັບ­ປຸງ​ຍົກ​ລະ­ດັບ​ໄຟ­ຟ້າ​ໃນ ນວທີ່​ໄດ້​ຮັບ​ທຶນ​ຊ່ວຍ­ເຫຼືອ​ລ້າ​ຈາກ​ຈີນ 300 ລ້ານ​ຢວນສົມ­ທົບ​ພາກ­ສ່ວນ​ກ່ຽວ­ຂ້ອງ​ລົງ​ແກ້​ໄຂ ແລະຊົດ​ເຊີຍ​ຜົນ​ກະ­ທົບ​ຂອງ​ໂຄງ­ການ​ກໍ່­ສ້າງ​ສາຍ​ສົ່ງ​ແຮງ​ສູງ 5 ໂຄງ­ການ​ໃຫ້​ສອດ­ຄ່ອງ​ຕາມ​ລະ­ບຽບ​ກົດ­ໝາຍຄຸ້ມ​ຄອງ​ກິດ­ຈະ­ການ​ຂຸດ​ຄົ້ນ-ປຸງ​ແຕ່ງ​ແຮ່​ທາດ​ໃນ ນວໃຫ້​ເຄື່ອນ​ໄຫວ​ສອດ­ຄ່ອງ​ຕາມ​ລະ­ບຽບ​ກົດ  ໝາຍ ທັງ​ຮັບ­ປະ­ກັນ​ປະ­ສິດ­ທິ­ພາບແລະ ປະ​ສິດ­ທິ​ຜົນສະ­ໜອງ​ຜະ­ລິດ​ຕະ​ພັນ​ແຮ່​ທາດ​ໃຫ້​ພຽງ­ພໍ​ກັບ​ຄວາມ​ຕ້ອງ­ການ​ຂອງ​ສັງ­ຄົມເປັນ­ຕົ້ນ ຖ່ານ​ຫີນ​ແອນ​ຕຣາ​ໄຊ 250.000 ໂຕນ​ຕໍ່​ປີ ເກືອ​ກິນ 10.000 ໂຕນ​ຕໍ່​ປີ ຫີນ​ພູ 2 ແສນ​ແມັດ​ກ້ອນ​ຕໍ່​ປີ ຫີນ​ດານ 15.000 ແມັດ​ກ້ອນ​ຕໍ່​ປີດິນ​ແດງ 3 ແສນ​ແມັດ​ກ້ອນ​ຕໍ່​ປີ ນອກ​ນີ້ຍັງ​ສະ­ເໜີ​ບາງ​ຂໍ້​ຫຍຸ້ງ­ຍາກ​ໃຫ້​ຮອງ​ເຈົ້າ​ຄອງ ນວ ຮັບ​ຊາບ ແລະຊ່ວຍ​ໃຫ້​ທິດ​ຊີ້​ນຳ​ໃນ​ການ​ແກ້​ໄຂ ເປັນ­ຕົ້ນ ດ້ານ​ບຸ​ຄະ­ລາ​ກອນ​ໜ້ອຍສ່ວນ​ຫຼາຍ​ຍັງ​ໜຸ່ມ​ນ້ອຍ​ປະ­ສົບ​ການ​ຍັງ​ບໍ່​ຫຼາຍບໍ່​ທັນ​ສາ­ມາດ​ຕອບ​ສະ­ໜອງ​ໄດ້​ຕາມ​ຄວາມ​ຕ້ອງ­ການ​ຂອງ​ວຽກ​ງານມີ​ບາງ​ວຽກ​ຍັງ​ຄຸມ​ເຄືອ​ກັບ​ຂະ­ແໜງ­ການ​ອື່ນ.

   ໂອ­ກາດ​ນີ້ ທ່ານ ອາດ​ສະ­ພັງ​ທອງ ສີ​ພັນ​ດອນ ໃຫ້​ກຽດ​ໂອ້​ລົມພ້ອມ​ໃຫ້​ທິດ​ຊີ້​ນຳໂດຍ​ໄດ້​ເນັ້ນ​ໃຫ້​ເອົາ­ໃຈ­ໃສ່​ສຶກ​ສາ​ອົບ­ຮົມ​ການ­ເມືອງ-ແນວ​ຄິດ​ໃຫ້​ສະ­ມາ­ຊິກ​ພັກພະ­ນັກ­ງານ-ລັດ­ຖະ­ກອນ ຕະ­ຫຼອດ​ຮອດ​ຜູ້​ປະ­ກອບ​ການ​ທີ່​ຂຶ້ນ​ກັບແນ­ໃສ່​ໃຫ້​ກຳ​ແໜ້ນ ມີ​ຄວາມ​ເຊື່ອ​ໝັ້ນ ແລະຕື່ນ​ຕົວ​ເປັນ​ເຈົ້າ​ການ​ປະ­ຕິ­ບັດ​ແນວ­ທາງ​ຂອງ​ພັກແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ ນວ ພ້ອມ​ນັ້ນຄະ­ນະ​ນຳ​ຕ້ອງ​ມີ​ຄວາມ​ສະ­ດຸ້ງ​ຕໍ່​ກັບ​ສະ­ພາບ​ການ​ປ່ຽນ­ແປງຍົກ​ສູງ​ລະ­ດັບ​ຄວາມ​ຮູ້​ຄວາມ​ສາ­ມາດ​ໃນ​ທຸກ​ດ້ານ​ດ້ວຍ​ວິ­ທີ​ຕ່າງໆ​ຢ່າງ​ບໍ່​ຢຸດ​ຢັ້ງເອົາ­ໃຈ­ໃສ່​ປະ­ຕິ­ບັດ​ສິດ​ພາ­ລະ​ບົດ­ບາດດ້ານ​ວິ­ຊາ​ສະ­ເພາະ​ຕາມ​ການ​ມອບ​ໝາຍ​ຂອງ​ສາຍ​ຕັ້ງ ໂດຍ​ສະ­ເພາະຄວາມ​ເປັນ​ເຈົ້າ​ການ​ໃນ​ການ​ບັງ­ຄັບ​ໃຊ້​ບັນ­ດາ​ກົດ­ໝາຍນິ­ຕິ​ກຳ​ກ່ຽວ­ຂ້ອງ​ໃຫ້​ເຂັ້ມ​ງວດ ເພື່ອ​ຮັບ­ປະ­ກັນ​ທາງ​ດ້ານ​ປະ­ສິດ­ທິ­ພາບກຳ­ນົດ​ວິ­ໄສ​ທັດ ແລະ ມີ​ຄາດ­ໝາຍ​ຈຸດ​ສຸມ​ລະ­ອຽດ ເປັນ­ຕົ້ນສືບ­ຕໍ່​ຈັດ​ຕັ້ງ​ປະ­ຕິ­ບັດ​ວຽກ​ງານ​ກວດ­ກາ​ການ​ຊົມ­ໃຊ້​ໄຟ­ຟ້າ​ຂອງ​ສັງ­ຄົມ​ໃຫ້​ທົ່ວ​ເຖິງ  ຊຸກ­ຍູ້​ບັນ­ດາ​ໂຄງ­ການ​ພັດ­ທະ­ນາ​ພະ­ລັງ­ງານ​ໄຟ­ຟ້າ​ຕ່າງໆ​ທີ່​ເປັນ​ທ່າ­ແຮງ​ໃນ​ການ​ພັດ­ທະ­ນານວເອົາ­ໃຈ­ໃສ່​ກວດ­ກາ​ການ​ຂຸດ​ຄົ້ນ​ແຮ່​ທາດ​ຕ່າງໆ​ທີ່​ບໍ່​ໄດ້​ຮັບ​ອະ­ນຸ­ຍາດ​ໃຫ້​ເຂົ້າ​ສູ່​ລະ­ບຽບ​ກົດ­ໝາຍ​ຢ່າງ​ເຂັ້ມ​ງວດແລະ ເອົາ­ໃຈ­ໃສ່​ຄຸ້ມ​ຄອງ​ບັນ­ດາ​ໂຮງ​ຈັກ​ໂຮງ­ງານ ເສີມ​ຄຸນ­ຄ່າ ແລະແຮ່​ທາດ​ໃຫ້​ເຄື່ອນ​ໄຫວ​ຖືກ­ຕ້ອງ​ຕາມ​ມາດ­ຕະ­ຖານ​ສິ່ງ­ແວ­ດລ້ອມ​ກຳ­ນົດ ແລະເຄື່ອນ​ໄຫວ​ຖືກ­ຕ້ອງ​ຕາມ​ລະ­ບຽບ​ກົດ­ໝາຍ.

ຄົ້ນຫາ

ປະຕິທິນ

April 2020
S M T W T F S
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 41

ຈຳນວນຜູ້ເຂົ້າຊົມວານນີ້ 51

ຈຳນວນຜູ້ເຂົ້າຊົມອາທິດນີ້ 180

ຈຳນວນຜູ້ເຂົ້າຊົມເດືອນນີ້ 41

ຈຳນວນຜູ້ເຂົ້າຊົມທັງໝົດ 62600

Currently are 20 guests and no members online