67d63174fde4bc6217c6e03fd6f7007e

      ທ່ານ​ນາງ ບົວ​ວອນ ສຸກ​ລາ​ແສງ ຮອງ​ຫົວ­ໜ້າ​ຫ້ອງ​ວ່າ­ການໂຄ­ສົກ​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ (ນວ)ໄດ້​ຖະ­ແຫຼງ​ຂ່າວ​ກ່ຽວ​ກັບ​ຜົນ​ກອງ​ປະ­ຊຸມ​ອົງ­ການ​ປົກ­ຄອງ ນວ ຄັ້ງ​ທີ 28 ຈັດ​ຂຶ້ນ​ວັນ​ທີ 28-29 ມັງ­ກອນ 2020 ເປັນ​ປະ­ທານ​ຂອງ​ທ່ານ ສິນ​ລະ​ວົງຄຸດ​ໄພ­ທູນ ເຈົ້າ​ຄອງ ນວ ມີ​ບັນ­ດາ​ສະ­ມາ­ຊິກ​ອົງ­ການ​ປົກ­ຄອງ ແລະຜູ້­ຕາງ­ໜ້າ​ບັນ­ດາ​ກົມ​ກ່ຽວ­ຂ້ອງ​ຈາກ​ກະ­ຊວງ ເຂົ້າ​ຮ່ວມ.

   ກອງ​ປະ­ຊຸມ​ໄດ້​ພ້ອມ​ກັນ​ປຶກ­ສາ​ຫາ­ລື ແລະ ພິ­ຈາ­ລະ­ນາ 11 ບັນ­ຫາ​ພື້ນ­ຖານ ຄື:ຮັບ­ຮອງ​ເອົາ​ຮ່າງ​ຂໍ້​ຕົກ­ລົງ​ວ່າ​ດ້ວຍ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມແລະ ແຜນ​ງົບ­ປະ­ມານ​ປະ­ຈຳ​ປີ 2020 ຂອງ ນວຮັບ­ຮອງ​ເອົາ​ແຜນ​ປະ­ດັບ​ປະ­ດາ​ຕົວ​ເມືອງ ແລະປ້ອງ​ກັນ​ສຸ­ຂະ­ພາບ​ໃນ​ຕົວ​ເມືອງ ຊານ­ເມືອງ ເພື່ອ​ຮັບ​ຕ້ອນ​ວັນ​ບຸນ​ປີ  ໃໝ່​ຂອງ​ຊາດ​ຮອດ​ປີ 2020 ຮັບ­ປະ­ກັນ​ຄວາມ​ສະ­ອາດ​ຂອງ​ຕົວ​ເມືອງ ແລະຊານ­ເມືອງ​ໃຫ້​ສະ­ຫວ່າງ ຮັບ­ປະ­ກັນ​ຄວາມ​ເປັນ​ລະ­ບຽບ​ຮຽບ​ຮ້ອຍ​ໃນ​ສັງ­ຄົມໄປ​ພ້ອມ​ກັບ​ຄວາມ​ປອດ​ໄພ​ໃຫ້​ແກ່​ການ​ນຳ ແລະ ນັກ​ທ່ອງ​ທ່ຽວເປັນ​ປີ​ໜຶ່ງ​ໄລ­ຍະ​ເວ­ລາ​ໜຶ່ງ​ທີ່​ມີ​ຄວາມ​ສາ­ມັກ­ຄີ​ປອງ​ດອງ​ເປັນ​ນ້ຳ​ໜຶ່ງ​ໃຈ​ດຽວ​ກັນ​ຂອງ​ພັກ-ລັດແລະ ປະ­ຊາ­ຊົນ ເຊິ່ງ​ມີ​ແຜນ​ວຽກ​ຄື:ອຳ­ນວຍ​ການ​ສ້ອມ­ແປງ​ເສັ້ນ­ທາງທາ­ສີ​ບັນ­ດາ​ເສັ້ນ­ທາງ​ຢູ່ ນວ ໂດຍ​ຈ້ອນ​ເອົາ​ເສັ້ນ­ທາງ​ໃຈ­ກາງ​ທີ່​ສຳ­ຄັນແລະ ຫຍຸ້ງ­ຍາກ​ກວ່າ​ໝູ່​ຢູ່​ກາງ​ເມືອງ ກຳ­ຈັດ​ຂີ້​ເຫຍື້ອປະ­ດັບ​ປະ­ດາ​ໄຟ­ຟ້າ ທຸງ ຄຳ​ຂວັນ ທາ­ສີ​ສຳ­ນັກ­ງານ​ອົງ­ການ ແລະ ເຮືອນ​ຊານກອງ​ປະ­ຊຸມ​ເຫັນ​ດີ​ໃຫ້​ສ້ອມ­ແປງ​ທາງ​ແຕ່​ຫຼັກ 21 ຫາ​ເຂດ​ກວມ​ລວມ​ໄຊ​ເສດ​ຖາ-ເສັ້ນ­ທາງ 450 ປີ ແລະໃຫ້​ປະ­ຕິ­ບັດ​ຜັງ​ເສັ້ນ­ທາງ​ແຕ່​ທາງ​ເລກ​ທີ 13 ໃຕ້-ບ້ານ​ປາກ​ກວາງ-ນາ​ບົງເມືອງ​ປາກ​ງື່ມ​ຕາມ​ທີ່​ໄດ້​ຮັບ­ຮອງຮັບ­ຮອງ​ເອົາ​ການ​ສະ­ເໜີ​ສັບ​ຊ້ອນ​ພື້ນ​ທີ່​ນຳ​ໃຊ້​ທີ່​ດິນ​ເດີ່ນ​ພະ​ທາດ­ຫຼວງ​ວຽງ​ຈັນແລະ ສະ­ໜາມ​ຫຼວງ ສະ­ບັບ​ປີ 2020 ແຕ່​ໃຫ້​ນຳ­ໄປ​ສຳ​ມະ​ນາ​ກັບ​ນັກ​ອອກ​ແບບເຖົ້າ​ແກ່​ແນວ​ໂຮມ​ໃນ​ບາງ​ກິດ­ຈະ­ການ ເຊັ່ນ: ການ​ກຳ­ນົດ​ປະ­ຕູ​ເຂົ້າ-ອອກການ​ຈັດ​ກິດ­ຈະ­ກຳ​ບຸນ​ສົງ­ການ​ປີ​ໃໝ່​ລາວການ​ປຸກ​ສ້າງ​ຫ້ອງ­ການ​ຄຸ້ມ​ຄອງ​ມໍ­ລະ­ດົກ ຈາກ​ນັ້ນຈຶ່ງ​ລາຍ​ງານ​ລັດ­ຖະ­ບານ​ເພື່ອ​ຂໍ​ທິດ​ຊີ້​ນຳ​ຕື່ມ.

   ຮັບ­ຮອງ​ເອົາ​ການ​ສະ­ເໜີ​ປັບ​ລາ­ຄາ​ຊີ້ນ​ໝູ​ຕາມ​ການ​ຄົ້ນ­ຄວ້າ​ຂອງ​ພະ​ແນກ​ອຸດ­ສາ­ຫະ­ກຳແລະ ການ​ຄ້າ ນວ ຄື: ຊີ້ນ​ໝູ​ໜ້າ​ໂຮງ­ງານ​ຈາກ 20.500 ກີບ ເປັນ 23.500 ກີບ​ຕໍ່​ກິ​ໂລ ແລະ ລາ­ຄາ​ຊີ້ນ​ໝູ​ໜ້າ​ຂຽງ​ຈາກ 36.000 ກີບ ເປັນ 40.000 ກີບ​ຕໍ່​ກິ​ໂລ ໃນ​ນີ້ ໃຫ້​ພະ​ແນກ​ກະ­ສິ­ກຳ ແລະ ປ່າ­ໄມ້ເອົາ­ໃຈ­ໃສ່​ປຸກ­ລະ­ດົມ​ໃຫ້​ຟາມ​ລ້ຽງ​ໝູ 74 ຟາມທີ່​ໄດ້​ປິດ​ໄປ​ໃຫ້​ຟື້ນ​ຄືນ ຫຼືຖ້າ​ຟາມ​ໃດ​ຈະ​ສ້າງ​ຂຶ້ນ​ໃໝ່​ກໍ​ຄວນ​ສົ່ງ­ເສີມພິ­ຈາ­ລະ­ນາ​ກ່ຽວ​ກັບ​ການ​ຈັດ​ສັນ​ງົບ­ປະ­ມານ​ເພື່ອ​ຮັບ​ໃຊ້​ໃຫ້​ແກ່​ການ​ສົ່ງ​ນັກ­ກີ­ລາ​ເຂົ້າ​ຮ່ວມ​ແຂ່ງ­ຂັນ​ກີ­ລາ​ແຫ່ງ​ຊາດ​ທີ່​ແຂວງ​ຊຽງ​ຂວາງ​ເປັນ​ເຈົ້າ­ພາບຮັບ­ຮອງ​ເອົາ​ຂໍ້​ຕົກ­ລົງ​ວ່າ​ດ້ວຍ​ການ​ກຳ­ນົດ 300 ບ້ານ​ເປັນ​ບ້ານ​ສະ­ອາດແລະ ຈຳ­ກັດ​ຂີ້​ເຫຍື້ອ​ໃນ ນວເພື່ອ​ເປັນ​ພື້ນ­ຖານ​ໃຫ້​ແກ່​ການ​ຄົ້ນ­ຄວ້າ​ສ້າງ­ຕັ້ງ​ເທ­ສະ​ບານ​ໃນ​ອະ­ນາ­ຄົດພິ­ຈາ­ລະ­ນາ​ກ່ຽວ​ກັບ​ຜົນ​ກວດ­ກາ​ການ​ຕໍ່​ເຕີມ​ແທ໋ງ​ນ້ຳ­ມັນ​ຂອງ​ບໍ­ລິ­ສັດ​ດາ­ລາ​ຈະ­ເລີນສະ​ຕາ​ອອຍ ທີ່​ເມືອງ​ນາ​ຊາຍ​ທອງຮັບ­ຮອງ​ເອົາ​ບົດ​ລາຍ​ງານ​ຂອງ​ພະ​ແນກ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະການ​ສື່­ສານ ກ່ຽວ​ກັບ​ການ​ຄຸ້ມ​ຄອງ​ອອກ​ອະ­ນຸ­ຍາດກວດ­ກາ​ແກ້​ໄຂ​ບັນ­ຫາ​ຫຍໍ້­ທໍ້​ໃນ​ຮ້ານ​ອິນ​ເຕີ​ເນັດ ເຊິ່ງ​ເຫັນ​ໄດ້​ອັນ​ດີແລະ ຂໍ້­ຄົງ­ຄ້າງ ໃນ​ນັ້ນ ເຮັດ​ໃຫ້​ນັກ­ຮຽນ​ປະ­ລະ​ການ​ຮຽນຫຼິ້ນ​ເກມ​ພະ­ນັນ ຊື້-ຂາຍ​ຢາ​ເສບ​ຕິດ ໂຈລະ​ກຳ​ທາງ​ດ້ານ​ການ​ເງິນຮັບ­ຮອງ​ເອົາ​ຮ່າງ​ຂໍ້​ຕົກ­ລົງ​ວ່າ​ດ້ວຍ​ການ​ປະ­ສານ​ງານ​ລະ­ຫວ່າງ​ບັນ­ດາ​ພະ­ແນກ­ການອົງ­ການ​ທຽບ​ເທົ່າ ອົງ­ການ​ປົກ­ຄອງ​ເມືອງ​ກັບ​ຫ້ອງ​ວ່າ­ການ ນວທີ່​ສະ­ເໜີ​ໂດຍ​ທ່ານ​ຫົວ­ໜ້າ​ຫ້ອງ​ວ່າ­ການ ນວ ແລະຮັບ​ຟັງ​ບົດ​ລາຍ​ງານ​ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ພົ້ນ​ເດັ່ນ​ປະ­ຈຳ​ເດືອນ​ມັງ­ກອນແລະ ແຜນ​ວຽກ​ຈຸດ​ສຸມ​ປະ­ຈຳ​ເດືອນ​ກຸມ­ພາ 2020 ຂອງ​ອົງ­ການ​ປົກ­ຄອງ ນວໂດຍ​ພື້ນ­ຖານ​ກອງ​ປະ­ຊຸມ​ເຫັນ​ດີ​ຮັບ­ຮອງ​ຕາມ​ການ​ລາຍ​ງານ​ຂອງ​ຫ້ອງ​ວ່າ­ການນວ ແລະ ໃຫ້​ເອົາ­ໃຈ­ໃສ່​ຕື່ມ​ບາງ​ວຽກ​ຈຸດ​ສຸມ​ດັ່ງ­ນີ້:ຕ້ອງ​ເລັ່ງ​ຈັດ​ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະແຜນ​ງົບ­ປະ­ມານ​ປີ 2020 ຕາມ​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 8 ຂອງ​ສະ­ພາ​ປະ­ຊາ­ຊົນ ຊຸດ​ທີ 1 ນວໄດ້​ຮັບ­ຮອງ​ເອົາ­ໃຈ­ໃສ່​ຍູ້​ແຮງ​ການ​ຜະ­ລິດ​ໃຫ້​ແຂງ­ແຮງປຸກ­ລະ­ດົມ​ຂະ​ບວນ​ການ 3 ຫຼຸດ​ໃຫ້​ພົ້ນ​ເດັ່ນ ອະ­ນາ­ໄມ ແລະປະ­ດັບ​ປະ­ດາ​ຕົວ​ເມືອງເພື່ອ​ຮັບ​ຕ້ອນ​ບຸນ​ໃຫຍ່​ຂອງ​ພັກ​ຂອງ​ຊາດ​ໃຫ້​ເປັນ​ຂະ​ບວນ​ຟົດ­ຟື້ນຮ່ວມ​ໃຈ​ກັນ​ແກ້​ໄຂ​ຮັບ​ມື​ການ​ລະ­ບາດ​ຂອງ​ໄວ​ຣັດ​ໂຄ​ໂຣ​ນາ ຕາມ 5 ມາດ​ຕະ­ການ ເພີ່ມ​ທະ­ວີ​ຄວາມ​ຮັບ­ຜິດ­ຊອບ​ໃນ​ການ​ຄຸ້ມ​ຄອງ​ລັດຄຸ້ມ​ຄອງ​ສັງ­ຄົມ ດ້ວຍ​ກົດ­ໝາຍເອົາ­ໃຈ­ໃສ່​ລົງ​ຮາກ​ຖານ​ສ້າງ​ບ້ານ​ພັດ­ທະ­ນາພ້ອມ​ກັນ​ເຂົ້າ​ຮ່ວມ​ກະ­ກຽມ​ກອງ​ປະ­ຊຸມ​ໃຫຍ່ 3 ຂັ້ນດຳ­ເນີນ​ຊີ­ວິດ​ການ­ເມືອງ ແລະກຽມ­ພ້ອມ​ເຂົ້າ​ຮ່ວມ​ກອງ​ປະ­ຊຸມ​ວິ­ສາ­ມັນ​ສະ​ປະ­ຊາ­ຊົນ ນວພ້ອມ​ທັງ​ຮີບ​ຮ້ອນ​ອອກ​ຂໍ້​ຕົກ­ລົງ​ວ່າ​ດ້ວຍ​ການ​ແຕ່ງ­ຕັ້ງ​ຫົວ­ໜ້າ​ພະ­ແນກ­ການ​ເງິນພະ​ແນກ​ໂຍ­ທາ​ທິ​ການ ແລະ ຂົນ­ສົ່ງ ແລະ ພະ​ແນກ​ອຸດ­ສາ­ຫະ­ກຳ ແລະ ການ​ຄ້າ ນວຕາມ​ການ​ຕົກ­ລົງ​ຂອງ​ສະ­ພາ​ແຫ່ງ​ຊາດ.

ຄົ້ນຫາ

ປະຕິທິນ

April 2020
S M T W T F S
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 41

ຈຳນວນຜູ້ເຂົ້າຊົມວານນີ້ 51

ຈຳນວນຜູ້ເຂົ້າຊົມອາທິດນີ້ 180

ຈຳນວນຜູ້ເຂົ້າຊົມເດືອນນີ້ 41

ຈຳນວນຜູ້ເຂົ້າຊົມທັງໝົດ 62600

Currently are 19 guests and no members online