81885c7383b5368a09f52a484aad10ec

     ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ (ນວ)ໄດ້​ລາຍ​ງານ​ກ່ຽວ​ກັບ​ຜົນ​ການ­ຈັດ­ຕັ້ງ​ປະ­ຕິ­ບັດ​ຄາດ­ໝາຍ​ໃຫຍ່ຂອງ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແຜນ​ງົບ­ປະ­ມານ ປະ­ຈຳ​ປີ 2019 ແລະທິດ​ທາງ​ປີ 2020 ຕໍ່​ກອງ​ປະ­ຊຸມ​ສະ­ໄໝ​ສາ­ມັນ ເທື່ອ 8 ຂອງ​ສະ­ພາ​ປະ­ຊາ­ຊົນນະ­ຄອນ­ຫຼວງ​ວຽງ​ຈັນ (ສປ ນວ) ຊຸດ​ທີ I ວັນ​ທີ 20 ມັງ­ກອນ 2020 ວ່າ:ກອງ​ປະ­ຊຸມ​ຂອງ ສປ ນວ ເທື່ອ​ທີ 6 ໄດ້​ອອກ​ມະ­ຕິ​ສະ­ບັບ​ເລກ​ທີ 002/ສປ ນວກ່ຽວ​ກັບ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ປີ 2019 ປະ­ກອບ​ມີ 5 ຄາດ­ໝາຍ​ໃຫຍ່ ແລະ ກອງ​ປະ­ຊຸມ​ຂອງ ສປ ນວ ເທື່ອ​ທີ 7 ໄດ້​ອອກ​ມະ­ຕິ 019/ສປ ນວໂດຍ​ເນັ້ນ​ໜັກ​ມາດ​ຕະ­ການ​ເພີ່ມ​ເຕີມເພື່ອ​ສືບ­ຕໍ່​ຈັດ​ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະແຜນ​ງົບ­ປະ­ມານ​ປີ 2019 ໂດຍ​ອີງ­ໃສ່​ຄາດ­ໝາຍ​ດັ່ງ­ກ່າວ ອົງ­ການ​ປົກ­ຄອງ ນວໄດ້​ຖື​ເປັນ​ນິ­ຕິ​ກຳ ເປັນ​ພັນ­ທະ​ຂອງ​ຕົນ ແລະໄດ້​ຈັດ​ຕັ້ງ​ຜັນ​ຂະ­ຫຍາຍ​ເຂົ້າ​ໃນ​ຂົງ­ເຂດ​ຂະ­ແໜງ­ການ ແລະທ້ອງ­ຖິ່ນ​ຢ່າງ​ຕັ້ງ­ໜ້າເຊິ່ງ​ໝາກ­ຜົນ​ຕົວ​ຈິງ​ໄດ້​ສະ­ແດງ​ອອກ​ດ້ານ​ເສດ­ຖະ­ກິດ​ມະ­ຫາ​ພາກ ປີ 2019 ລວມ​ຍອດ​ຜະ­ລິດ​ຕະ​ພັນ​ພາຍ​ໃນ (GDP) ນວ ບັນ­ລຸ 48.895 ຕື້​ກວ່າ​ກີບເພີ່ມ​ຂຶ້ນ 9,58% ລື່ນ​ແຜນ­ການ 0,08% ສະ­ເລ່ຍ​ລາຍ​ຮັບ 5.699 ໂດ​ລາ​ສະ­ຫະ­ລັດ ຫຼື ປະ­ມານ 50,63 ລ້ານ​ກີບ​ຕໍ່​ຄົນ​ຕໍ່​ປີ ໃນ​ນີ້ດ້ານ​ໂຄງ​ປະ­ກອບ​ເສດ­ຖະ­ກິດ​ໄດ້​ບັນ­ລຸ​ຕາມ​ຄາດ​ຄະ­ເນ​ໂດຍ​ພື້ນ­ຖານ ເຊັ່ນ:ຂະ­ແໜງ​ກະ­ສິ­ກຳ-ປ່າ­ໄມ້ ເພີ່ມ​ຂຶ້ນ 3,54% ກວມ​ເອົາ 13,87% ຂອງ GDP ອຸດ­ສາ­ຫະ­ກຳ ເພີ່ມ​ຂຶ້ນ 12,79% ກວມ​ເອົາ 50,28% ແລະຂະ­ແໜງ​ບໍ­ລິ­ການ​ເພີ່ມ​ຂຶ້ນ 9,3% ກວມ​ເອົາ 34,43%.

   ການ​ບໍ­ລິ­ຫານ​ຂອງ​ອົງ­ການ​ປົກ­ຄອງ ນວ ໃນ​ຂົງ­ເຂດ​ເສດ­ຖະ­ກິດໄດ້​ເອົາ­ໃຈ­ໃສ່​ວຽກ​ງານ​ເພີ່ມ​ລາຍ​ຮັບ ຍົກ​ສູງ​ຖາ­ນະ​ການ​ເງິນຕັ້ງ­ໜ້າ​ປະ­ກອບ­ສ່ວນ​ຈັດ​ຕັ້ງ​ປະ­ຕິ­ບັດ​ມະ­ຕິ 7 ຂອງ​ສູນ​ກາງ​ພັກກ່ຽວ​ກັບ​ການ​ແກ້​ໄຂ​ຄວາມ​ຫຍຸ້ງ­ຍາກ​ດ້ານ​ເສດ­ຖະ­ກິດ-ການ​ເງິນໂດຍ​ໄດ້​ເລັ່ງ​ໃສ່​ການ​ແກ້​ໄຂ​ໜີ້​ສິນ​ໃຫ້​ຫຼຸດ​ລົງ​ຫຼາຍ​ພໍ​ສົມ­ຄວນໄດ້​ປຸກ­ລະ­ດົມ​ພາກ­ສ່ວນ​ທຸ­ລະ​ກິດ​ຫັນ​ລົງ​ສູ່​ເມືອງ ໃນ​ເຂດ​ຊົນ­ນະ­ບົດຈັດ​ຕັ້ງ​ການ​ສຳ​ມະ​ນາ 10 ໂຄງ­ການຜະ­ລິດ​ເປັນ​ສິນ­ຄ້າ​ປາຍ​ແຫຼມ​ທີ່​ວາງ​ໄວ້ ໃນ​ນີ້ໄດ້​ກຳ­ນົດ​ມາດ­ຖານ​ຂອງ​ແຕ່​ລະ​ປະ­ເພດ ແລະຈັດ​ແບ່ງ​ຄວາມ​ຮັບ­ຜິດ­ຊອບ​ໃຫ້​ພາກ​ທຸ­ລະ​ກິດໄດ້​ຮ່ວມ​ກັບ​ຄະ­ນະ​ສະ­ເພາະ​ກິດ​ຂອງ​ສູນ​ກາງຈັດ​ຕັ້ງ​ປະ­ຕິ­ບັດ​ຄຳ​ສັ່ງ​ຂອງ​ນາ­ຍົກ­ລັດ­ຖະ­ມົນ­ຕີ ວ່າ​ດ້ວຍ​ການ​ດຳ­ເນີນການ​ກວດ­ກາ 81 ໂຄງ­ການ ເຊົ່າ-ສຳ​ປະ­ທານ​ທີ່​ດິນ​ລັດຜ່ານ​ການ​ກວດ­ກາ​ສາ­ມາດ​ຮູ້​ໄດ້​ໂຄງ­ການ​ທີ່​ໝົດ​ອາ­ຍຸ ແລະຢຸດ​ເຊົາ​ການ­ເຄື່ອນ­ໄຫວໂຄງ­ການ​ທີ່​ໄດ້​ຮັບ​ອະ­ນຸ­ຍາດ​ບໍ່​ສອດ­ຄ່ອງ​ຕາມ​ກົດ­ໝາຍໂຄງ­ການ​ທີ່​ຖືກ​ແຈ້ງ​ຍົກ­ເລີກ 23 ໂຄງ­ການໄດ້​ຈັດ​ຕັ້ງ​ປະ­ຕິ­ບັດ​ຂໍ້​ຕົກ­ລົງ ວ່າ​ດ້ວຍ​ການ​ສົ່ງ­ເສີມ​ການ​ຜະ­ລິດຊົມ­ໃຊ້​ຜະ­ລິດ​ຕະ​ພັນ​ພາຍ​ໃນ ແລະ ຄຸ້ມ​ຄອງ​ການ​ນຳ​ເຂົ້າ​ສິນ­ຄ້າອຸ­ປະ­ໂພກ-ບໍ­ລິ­ໂພກ ຜ່ານ​ການ­ເຄື່ອນ­ໄຫວ​ເບື້ອງ​ຕົ້ນ ນວມີ​ພື້ນ­ຖານ​ການ​ຜະ­ລິດ​ສະ­ບຽງ​ອາ­ຫານ ສາ­ມາດ​ກຸ້ມ ແລະ ເພິ່ງ​ຕົນ​ເອງ​ໄດ້ຍົກ­ເວັ້ນ​ບາງ​ປະ­ເພດ ເຊັ່ນ: ໝາກ​ໄມ້ ຊີ້ນ​ງົວ ຄວາຍ ທີ່​ໄດ້​ມາດ­ຕະ­ຖານແຕ່​ການ​ດຸນ​ດ່ຽງ​ບາງ​ປະ­ເພດ​ບໍ່​ທັນ​ຮັບ­ປະ­ກັນ.

   ສຳ­ລັບ​ປີ 2020 ເປັນ​ປີ​ສຸດ​ທ້າຍ​ຂອງ​ການ­ຈັດ­ຕັ້ງ​ປະ­ຕິ­ບັດມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ VI ຂອງ​ອົງ­ຄະ​ນະ​ພັກ ແລະແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ຊາດ 5 ປີ ຄັ້ງ​ທີ 8 ໃນ​ເງື່ອນ­ໄຂ​ດັ່ງ­ກ່າວ ອົງ­ການ​ປົກ­ຄອງ ນວ ສະ­ເໜີ​ຕໍ່​ກອງ​ປະ­ຊຸມ ສປ ນວພິ­ຈາ­ລະ­ນາ​ຄາດ­ໝາຍ​ໃຫຍ່​ຂອງ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະແຜນ​ວຽກ​ຈຸດ​ສຸມ ຄື: ນວສືບ­ຕໍ່​ພາ­ລະ­ກິດ​ຂະ­ຫຍາຍ​ເສດ­ຖະ­ກິດ​ເປັນ​ໜ້າ­ທີ່​ໃຈ­ກາງ ແລະເປັນ​ຄາດ­ໝາຍ​ສຳ­ຄັນເຊິ່ງ​ຕ້ອງ​ນຳ​ໃຊ້​ມາດ​ຕະ­ການ​ທີ່​ລັດ­ຖະ­ບານ​ຕົກ­ລົງ​ໃຫ້​ເກີດ​ໝາກ­ຜົນ ຄື:ຕ້ອງ​ຊຸກ­ຍູ້​ການ​ເຕີບ​ໃຫຍ່​ຂອງ​ເສດ­ຖະ­ກິດຍົກ​ລະ­ດັບ​ລາຍ​ຮັບ​ໃຫ້​ສູງ​ຂຶ້ນເຮັດ​ໃຫ້­ການ​ເພີ່ມ​ຂຶ້ນ​ຂອງ​ລາຍ​ຮັບ​ພາຍ​ໃຕ້​ການ​ເຕີບ​ໂຕ ລື່ນ​ປີ 2019 ບໍ່​ຫຼຸດ 9,5% ເຊິ່ງ​ມີ​ມູນ​ຄ່າ​ຂອງ GDP ບັນ­ລຸ 54.080 ຕື້​ກີບ ສະ­ເລ່ຍ 6.120 ໂດ​ລາ​ສະ­ຫະ­ລັດ ຫຼື ປະ­ມານ 54,4 ລ້ານ​ກີບ​ຕໍ່​ຄົນ​ຕໍ່​ປີ ໃນ​ນີ້ພະ­ຍາ­ຍາມ​ປັບ­ປຸງ​ໂຄງ​ສ້າງ​ເສດ­ຖະ­ກິດ​ພາຍ​ໃນ ຄື: ກະ­ສິ­ກຳ-ປ່າ­ໄມ້ເພີ່ມ​ຂຶ້ນ 4,5% ກວມ 14% ຂອງ GDP ອຸດ­ສາ­ຫະ­ກຳ ເພີ່ມ​ຂຶ້ນ 12,5% ກວມ 49% ການ​ບໍ­ລິ­ການ​ເພີ່ມ​ຂຶ້ນ 10% ກວມ 37% ສ່ວນ​ຄາດ­ໝາຍ​ດ້ານ​ລາຍ​ຮັບ ແລະລາຍ​ຈ່າຍ​ງົບ­ປະ­ມານ​ຂອງ​ລັດ ພູດ​ສູນ​ກາງ​ຈັດ​ເກັບ​ຢູ່ ນວ ພາ­ສີ​ນຳ​ເຂົ້າ 3.730,40 ຕື້​ກີບ ອາ­ກອນ​ທີ່​ກະ­ຊວງ​ຈັດ​ເກັບ 6.916 ຕື້​ກີບພູດ​ທ້ອງ­ຖິ່ນ​ຈັດ​ເກັບ​ໃຫ້​ບັນ­ລຸ​ຂາດຕົວ 1.450 ຕື້​ກີບ ແລະສູ້​ຊົນ​ປະ­ຕິ­ບັດ​ຕາມ​ລະ­ບຽບ​ສູນ​ກາງ​ມອບ​ໝາຍ 1.511,38 ຕື້​ກີບຄາດ​ຄະ­ເນ​ລາຍ​ຈ່າຍ 626,27 ຕື້​ກີບ ແລະຈະ​ສູ້​ຊົນ​ລະ­ດົມ​ການ​ລົງ­ທຶນ​ທົ່ວ​ສັງ­ຄົມ 16.700 ຕື້​ກີບ.

ໜັງສືພິໃວຽງຈັນໃໝ່

ຄົ້ນຫາ

ປະຕິທິນ

February 2020
S M T W T F S
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 71

ຈຳນວນຜູ້ເຂົ້າຊົມວານນີ້ 62

ຈຳນວນຜູ້ເຂົ້າຊົມອາທິດນີ້ 268

ຈຳນວນຜູ້ເຂົ້າຊົມເດືອນນີ້ 1354

ຈຳນວນຜູ້ເຂົ້າຊົມທັງໝົດ 60346

Currently are 12 guests and no members online