d96def63ed35a8195e7d9739957c4895

      ພິ­ທີ​ວາງ​ສີ​ລາ​ລຶກ​ໂຄງ­ການ​ກໍ່​ສ້າງ­ຕັ້ງ​ໂຮງ­ງານ​ແປ​ຮູບ​ຂີ້​ເຫຍື້ອຜະ­ລິດ​ເປັນ​ພະ­ລັງ­ງານ​ທົດ​ແທນ ຢູ່​ສະ­ໜາມ​ບຳ­ບັດ​ຂີ້​ເຫຍື້ອ ຫຼັກ 32 ບ້ານ​ຜາ​ສຸກ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 9 ມັງ­ກອນ 2020 ໂດຍ​ມີ​ທ່ານ ພູ​ຂົງ ບັນ­ນະ​ວົງ ຮອງ​ເຈົ້າ​ຄອງ ນວຫົວ­ໜ້າ​ພະ​ແນກ​ແຜນ­ການ ແລະ ການ​ລົງ­ທຶນ ນວ ທ່ານ ບຸນ​ຈັນ ແກ້ວ​ສີ​ທຳ​ມະຫົວ­ໜ້າ​ຫ້ອງ­ການ​ຄຸ້ມ​ຄອງ ແລະ ບໍ­ລິ­ການ​ຕົວ​ເມືອງ​ວຽງ​ຈັນ (ຄບຕ) ທ່ານຄຳ​ປະ­ດິດ ເຂັມ​ມາ­ນິດ ເຈົ້າ­ເມືອງ​ໄຊ​ທາ­ນີ ທ່ານ​ນາງ ອຸ​ຣະ​ວະ​ດີສິ​ພິ​ຣົມ ເອກ​ອັກ­ຄະ­ລາ­ຊະ­ທູດ ລາ­ຊະ​ອາ­ນາ­ຈັກ​ໄທ ປະ­ຈຳ ສປປ ລາວ ແລະພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

   ທ່ານ ຄຳ​ຫຼ້າ ນາກ​ຄະ​ວົງປະ­ທານ​ບໍ­ລິ­ສັດ​ຂວັນ​ເມືອງ​ກຣຸບ​ຈຳ­ກັດ​ຜູ້​ດຽວຜູ້­ອຳ­ນວຍ­ການ​ບໍ­ລິ­ສັດ​ວຽງ​ຈັນ​ບໍ­ລິ­ຫານ​ຈັດ­ການ​ຂີ້​ເຫຍື້ອ​ຈຳ­ກັດກ່າວ​ວ່າ: ໂຄງ­ການ​ກໍ່­ສ້າງ​ໂຮງ­ງານ​ແປ​ຮູບ​ຂີ້​ເຫຍື້ອຜະ­ລິດ​ເປັນ​ພະ­ລັງ­ງານ​ທົດ​ແທນໄດ້​ຮັບ​ອະ­ນຸ­ຍາດ​ສຳ​ປະ­ທານ​ທີ່​ດິນ​ເນື້ອ­ທີ່ 50 ເຮັກ­ຕາ ອາ­ຍຸ​ສຳ​ປະ­ທານ 45 ປີ ແລະ ສາ­ມາດ​ຕໍ່​ໄດ້ ໃນ​ນີ້ບໍ­ລິ­ສັດ​ຂວັນ​ເມືອງ​ກຣຸບ​ຈຳ­ກັດ​ຜູ້​ດຽວ ຖື​ຮຸ້ນ 20% ບໍ­ລິ­ສັດ​ຍູ​ເອ​ຊີ​ເອັນ​ເນີ​ເຢີ້​ຈຳ­ກັດ (ໄທ) ຖື​ຮຸ້ນ 50,01% ບໍ­ລິ­ສັດ​ສະ­ແບງ​ຊັດສ໌​ເທນ​ເນ​ເບີ້ນ​ເອັນ​ເນີ​ຢີ້​ຈຳ­ກັດ (ໄທ) ຖື​ຮຸ້ນ 29,99% ມູນ​ຄ່າ​ການ​ລົງ­ທຶນ​ເບື້ອງ​ຕົ້ນ 30 ລ້ານ​ໂດ​ລາ​ສະ​ຫາ​ລັດ ຫຼືປະ­ມານ 266 ຕື້​ກີບ ແລະ ທຶນ​ຈົດ​ທະ­ບຽນ 9 ໂດ​ລາ​ສະ­ຫະ­ລັດ ຫຼື ປະ­ມານ 79,7 ຕື້​ກີບ ໜ້າ​ວຽກ​ຫຼັກ​ປະ­ກອບ​ມີ​ການ​ກໍ່­ສ້າງ​ສຳ­ນັກ­ງານ​ຫ້ອງ­ການໂຮງ­ງານ​ຄັດ​ແຍກ​ຂີ້​ເຫຍື້ອ​ທັນ​ສະ­ໄໝໂຮງ­ງານ​ຜະ­ລິດ​ພະ­ລັງ­ງານ​ທົດ​ແທນ​ຈາກ​ຂີ້​ເຫຍື້ອ ໂຮງ­ງານ​ປຸຍ​ຊີ­ວະ​ພາບແລະ ປຸຍ​ເຄ​ມີ ເຊິ່ງ​ນຳ​ໃຊ້​ນ້ຳ​ຂີ້​ເຫຍື້ອ​ຊີ­ວະ​ພາບ​ເປັນ​ວັດ­ຖຸ​ດິບໂຮງ­ງານ​ເພື່ອ​ນຳ​ເອົາ​ປລາ­ສະ­ຕິກ (ຈາກ​ຂີ້​ເຫຍື້ອ​ພາຍ​ໃນ)ຜະ­ລິດ​ເປັນ​ວັດ­ຖຸ​ນຳ​ໃຊ້​ໃໝ່ ກໍ່­ສ້າງ​ອ່າງ­ເກັບ­ນ້ຳ​ທຳ​ມະ​ຊາດ ແລະອ່າງ­ເກັບ­ນ້ຳ​ເປື້ອນ​ເພື່ອ​ໃຊ້​ໃນ​ໂຄງ­ການ ປູກ​ຕົ້ນ­ໄມ້ ແລະສ້າງ​ສິ່ງ​ອຳ­ນວຍ​ຄວາມ​ສະ­ດວກ​ອື່ນໆ ເຊິ່ງ​ຈະ​ໃຊ້​ເວ­ລາ​ກໍ່­ສ້າງ 30 ເດືອນນັບ​ແຕ່​ມື້​ວາງ​ສີ​ລາ​ລຶກ​ເປັນ­ຕົ້ນ​ໄປ ນອກ​ນີ້ ຍັງ​ຈະ​ຮ່ວມ​ກັບ ນວສ້າງ­ຕັ້ງ​ວິ​ສາ​ຫະ​ກິດ​ຫຸ້ນ​ສ່ວນ​ອະ­ນາ­ໄມ ແລະ ຂົນ­ສົ່ງ​ຂີ້​ເຫຍື້ອໂດຍ​ການ​ລົງ­ທຶນ​ຊື້​ລົດ​ຂີ້​ເຫຍື້ອລົດ​ກົນ​ຈັກ​ກ່ຽວ​ກັບ​ການ​ອະ­ນາ­ໄມ​ປະ­ດັບ​ປະ­ດາ​ຕົວ​ເມືອງ 50 ຄັນ ມູນ​ຄ່າ 9 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 79,7 ຕື້​ກີບ.

   ທ່ານ ກິດ​ຕິ ຊີ­ວະ​ເກດ ປະ­ທານ​ບໍ­ລິ­ສັດ​ຍູ​ເອ​ຊີເອັນ​ເນີ​ເຢີ້​ຈຳ­ກັດ ປະ­ທານ​ກຳ­ມະ­ການ​ບໍ­ລິ­ສັດ​ວຽງ​ຈັນບໍ­ລິ­ຫານ​ຈັດ­ການ​ຂີ້​ເຫຍື້ອ​ຈຳ­ກັດ ກ່າວ​ວ່າ:ໂຄງ­ການ​ນີ້​ມີ​ຈຸດ­ປະ­ສົງ​ເພື່ອ​ກຳ­ຈັດ​ຂີ້​ເຫຍື້ອຜະ­ລິດ​ເປັນ​ພະ­ລັງ­ງານ​ທົດ​ແທນ ແລະແປ​ຮູບ​ເປັນ​ຜະ­ລິດ​ຕະ​ພັນ​ນຳ​ມາ​ໃຊ້​ຄືນ­ໃໝ່ເຊິ່ງ​ຈະ​ຮັບ​ຂີ້​ເຫຍື້ອ​ຈາກ​ຊຸມ​ຊົນ​ໃນ ນວ ປະ­ມານ 400 ໂຕນ​ຕໍ່​ມື້ເພື່ອ​ເປັນ​ວັດ­ຖຸ​ດິບ ໃນ​ນີ້ ຈະ​ສ້າງ​ປະ­ໂຫຍດ ຄື:ຜະ­ລິດ​ເປັນ​ກະ­ແສ​ໄຟ­ຟ້າ​ກຳ­ລັງ ການ​ຜະ­ລິດ​ປະ­ມານ 6 MW ຂາຍ​ໃຫ້​ລັດຂາຍ​ປລາ­ສະ­ຕິກ​ລີ​ໄຊ​ເຄີນ​ໃຫ້​ບໍ­ລິ­ສັດ​ເອ­ກະ​ຊົນ​ທີ່​ຕ້ອງ­ການ​ຮັບ​ຊື້ 13.200 ໂຕນ​ຕໍ່​ປີ ຂາຍ​ປຸຍ​ອິນ​ຊີ-ເຄ​ມີ​ໃຫ້​ຊາວ​ກະ­ສິ­ກອນ​ຂອງ ສປປ ລາວ 30.000 ໂຕນ​ຕໍ່​ປີ.

   ໂອ­ກາດ​ນີ້ ທ່ານ ກິດ​ຕິ ຊີ­ວະ​ເກດຍັງ​ໄດ້​ມອບ​ເງິນ​ຊຸກ­ຍູ້​ໃຫ້​ກອງ​ທຶນ​ພັດ­ທະ­ນາ ນວ 400 ລ້ານ​ກີບເຊິ່ງ​ຮັບ​ໂດຍ​ທ່ານ ພູ​ຂົງ ບັນ­ນະ​ວົງ ແລະ ມອບ​ໃຫ້​ຫ້ອງ­ການ ຄບຕ 100 ລ້ານ​ກີບ ພ້ອມ​ລົດ​ກະ­ບະ 1 ຄັນ ເພື່ອ​ໃຊ້​ເຂົ້າ​ໃນ​ການ​ບໍ­ລິ­ຫານ​ໂຄງ­ການເຊິ່ງ​ຮັບ​ໂດຍ​ທ່ານ ບຸນ​ຈັນ ແກ້ວ​ສີ​ທຳ​ມະ.

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 134

ຈຳນວນຜູ້ເຂົ້າຊົມເດືອນນີ້ 134

ຈຳນວນຜູ້ເຂົ້າຊົມທັງໝົດ 64621

Currently are 13 guests and no members online