b8d586946bbab2487bc1965c384c38ac

     ພິ­ທີ​ເປີດ​ຕະ­ຫຼາດ​ສົມ​ຫວັງ ທີ່​ຕັ້ງ​ຢູ່​ຫຼັກ 8 ຖະ­ໜົນ​ທ່າ​ເດື່ອບ້ານ​ຫາດ​ຊາຍ​ຂາວ ເມືອງ​ຫາດ​ຊາຍ​ຟອງ ນະ­ຄອນ­ຫຼວງ​ວຽງ​ຈັນ KM8 ຈັດ​ຂຶ້ນ​ວັນ​ທີ 7 ມັງ­ກອນ 2020 ມີ​ທ່ານ ອາດ​ສະ­ພັງ​ທອງ ສີ​ພັນ​ດອນຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ທ່ານ ພົນ​ຕີ ຄຳ​ຫຼ້າ ພະ​ໄຊ​ຍະ​ສຸກອຳ­ນວຍ​ການ​ວິ­ທະ­ຍາ­ຄານ​ໄກ­ສອນ ພົມ­ວິ­ຫານ ທ່ານ ວົງ​ເດືອນ ບຸນ​ຍະ​ແສງເຈົ້າ­ເມືອງ​ຫາດ​ຊາຍ​ຟອງ ບັນ­ດາ​ພະ­ແນກ­ການ ຫ້ອງ­ການ​ກ່ຽວ­ຂ້ອງອຳ­ນາດ​ການ​ປົກ­ຄອງ​ບ້ານ ແລະ ຊາວ​ຄ້າ­ຂາຍ​ເຂົ້າ​ຮ່ວມ.

   ທ່ານ ສົມ​ຫວັງ ມາ​ລິ​ຍາ ປະ­ທານ​ບໍ­ລິ­ສັດສົມ​ຫວັງ​ຈະ­ເລີນ​ກໍ່­ສ້າງ-ຂົວ​ທາງ ຈຳ­ກັດ ທັງ​ເປັນ​ເຈົ້າ​ຂອງຕະ­ຫຼາດ​ສົມ​ຫວັງ ກ່າວ​ວ່າ: ຕະ­ຫຼາດ​ສົມ​ຫວັງ​ຫຼັກ 8 ເປັນ​ຕະ­ຫຼາດ​ແຫ່ງ​ໜຶ່ງ​ຂອງ​ເມືອງ​ຫາດ​ຊາຍ​ຟອງ ທີ່​ອອກ​ແບບ ແລະກໍ່­ສ້າງ​ໃຫ້​ໄດ້​ຕາມ​ຄຳ​ຂວັນ 6 ສ ຂອງ​ນະ­ຄອນ­ຫຼວງ​ວຽງ​ຈັນ​ວາງ​ອອກເປັນ​ຕະ­ຫຼາດ​ທີ່​ປອດ​ໄພ ສະ­ຫວ່າງ ເປັນ​ລະ­ບຽບ ສະ​ເໜ່ ສີ­ວິ­ໄລ ແລະທັນ​ສະ­ໄໝເຊິ່ງ​ຕະ­ຫຼາດ​ແຫ່ງ​ນີ້​ມີ​ຄວາມ​ສຳ­ຄັນ​ເພາະ­ວ່າ​ເປັນ​ຕະ­ຫຼາດ​ຢູ່​ຊານ­ເມືອງໃນ​ອະ­ນາ­ຄົດ​ຈະ​ເປັນ​ຕົວ​ເມືອງທັງ​ນີ້​ເພື່ອ​ຊຸກ­ຍູ້​ສົ່ງ­ເສີມ​ໃຫ້​ຊາວ​ກະ​ສິກອນຜູ້​ຜະ­ລິດ​ສິນ­ຄ້າ​ໂອ​ດ໋ອບ ກຸ່ມ​ການ​ຜະ­ລິດ​ພືດ​ຜັກ​ກະ­ສິ­ກຳ​ອິນ​ຊີ ແລະກຸ່ມ​ຜະ­ລິດ​ສິນ­ຄ້າ​ອື່ນໆ ພາຍ​ໃນ​ເມືອງ​ຫາດ​ຊາຍ​ຟອງກໍ​ຄື​ບັນ­ດາ​ເມືອງ​ອ້ອມ​ຂ້າງ​ນະ­ຄອນ­ຫຼວງ​ວຽງ​ຈັນ ຕ່າງ​ແຂວງ ແລະຕ່າງ­ປະ­ເທດ ເພື່ອ​ເປັນ​ຈຸດ​ແລກ­ປ່ຽນ​ສິນ­ຄ້າ​ກະ­ສິ­ກຳ ແລະຫັດ­ຖະ­ກຳ​ທຸກ​ປະ­ເພດ ແນ­ໃສ່​ຮັບ​ໃຊ້​ບັນ­ດາ​ກົມ​ກອງ ໂຮງ­ງານປະ­ຊາ­ຊົນ​ໃຫ້​ໄດ້​ຮັບ​ການ​ບໍ­ລິ­ໂພກ​ຫຼາຍ​ຂຶ້ນເຊິ່ງ​ຕະ­ຫຼາດ​ສົມ​ຫວັງ​ແຫ່ງ​ໃໝ່​ນີ້​ເລີ່ມ​ກໍ່­ສ້າງ​ມາ​ແຕ່​ຕົ້ນ​ປີ 2018 ແລະ ສຳ­ເລັດ​ທ້າຍ​ເດືອນ​ທັນ­ວາ​ປີ 2019 ເປັນ​ການ​ລົງ­ທຶນ​ຂອງ​ນັກ­ທຸ­ລະ­ກິດ​ພາຍ​ໃນ ກໍ​ຄື​ບໍ­ລິ­ສັດສົມ​ຫວັງ​ຈະ­ເລີນ​ກໍ່­ສ້າງ-ຂົວ​ທາງ ຈຳ­ກັດ ມູນ​ຄ່າ 44 ຕື້​ກີບແຕ່​ໄດ້​ສ້າງ​ຕົວ​ຈິງ​ໄລ­ຍະ​ທີ 1 ມູນ​ຄ່າ 29 ຕື້​ກີບ.

   ສຳ­ລັບ​ຕະ­ຫຼາດ​ແຫ່ງ​ນີ້​ມີ​ເນື້ອ­ທີ່​ທັງ​ໝົດ 17.520 ຕາ​ແມັດໃນ​ນັ້ນ ເນື້ອ­ທີ່​ອາ­ຄານ 14.481 ຕາ​ແມັດ ມີ​ບ່ອນ​ຈອດ​ລົດ ແລະສິ່ງ​ອຳ­ນວຍ​ຄວາມ​ສະ­ດວກ​ຕ່າງໆ ເຊິ່ງ​ການ​ຈັດ​ສັນ​ຈຸດ​ຂາຍ​ແບ່ງ​ອອກ​ເປັນ 8 ໂຊນ ໃຫຍ່ ມີ 448 ຈຸດ​ຂາຍ ຄື:ໂຊນ A1 ລວມ 45 ຫ້ອງ (ຂາຍ­ເຄື່ອງ​ທົ່ວ​ໄປ) ໂຊນ B ລວມ 78 ຫ້ອງ (ຂາຍ​ເສື້ອ​ຜ້າ​ເຄື່ອງ­ໃຊ້​ຕ່າງໆ) ໂຊນ C1 ລວມ 83 ໂຕະ (ຂາຍ­ເຄື່ອງ​ແຫ້ງ) ໂຊນ C2 ລວມ 50 ໂຕະ (ຂາຍ​ໝາກ​ໄມ້) ໂຊນ C3 ລວມ 10 ໂຕະ (ຂາຍ­ຂອງ​ກິນ​ສຸກ) ໂຊນ D1 ລວມ 60 ໂຕະ (ຂາຍ​ຊີ້ນ) ໂຊນ D2 ລວມ 72 ໂຕະ (ຂາຍ​ຜັກ) ໂຊນ D3 ລວມ 50 ໂຕະ (ຂາຍ​ປາ ໄກ່ ແລະ ເຄື່ອງ​ທະ­ເລ).

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 54

ຈຳນວນຜູ້ເຂົ້າຊົມວານນີ້ 23

ຈຳນວນຜູ້ເຂົ້າຊົມອາທິດນີ້ 54

ຈຳນວນຜູ້ເຂົ້າຊົມເດືອນນີ້ 1438

ຈຳນວນຜູ້ເຂົ້າຊົມທັງໝົດ 58291

Currently are 15 guests and no members online