WhatsApp Image 2019 12 20 at 3.25.47 PM

ພິທີເປີດນໍາໃຊ້ກອງຄຸ້ມຄອງພາຫະນະ ແລະ ການຂັບຂີ່ ນະຄອນຫຼວງວຽງຈັນ ສາຂາເມືອງນາຊາຍທອງ ແລະ ສູນເຝິກອົບຮົມການຂັບຂີ່ປະເພດລົດລາກ (E1) ຈັດຂຶ້ນວັນທີ 20 ທັນວາ 2019 ທີ່ບ້ານສີວິໄລ ເມືອງນາຊາຍທອງ ນະຄອນຫຼວງວຽງຈັນ (ໂຮງຮຽນສອນຂັບລົດນໍ້າຊວງ)ໃຫ້ກຽດເຂົ້າຮ່ວມຂອງທ່ານ ພູຂົງ ບັນນະວົງ ຮອງເຈົ້າຄອງນະຄອນຫຼວງວຽງຈັນ ຫົວໜ້າພະແນກແຜນການ ແລະ ການລົງທຶນ ນະຄອນຫຼວງວຽງຈັນ ທ່ານ ບຸນທອງ ພົມມະຈັນ ຫົວໜ້າຄະນະຈັດຕັ້ງນະຄອນຫຼວງວຽງຈັນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ

ທ່ານ ບຸນປອນ ບຸນສົມຫວັງ ຫົວໜ້າກອງຄຸ້ມຄອງພາຫະນະ ແລະ ການຂັບຂີ່ ນະຄອນຫຼວງວຽງຈັນໄດ້ນໍາສະເໜີຄວາມເປັນມາຂອງກອງຄຸ້ມຄອງພາຫະນະ ແລະ ການຂັບຂີ່ ນະຄອນຫຼວງວຽງຈັນ ສາຂາເມືອງນາຊາຍທອງ ແລະ ສູນເຝິກອົບຮົມການຂັບຂີ່ປະເພດລົດລາກ (E1)ວ່າ:ອີງຕາມການຂະຫຍາຍຕົວທາງດ້ານເສດຖະກິດທີ່ມີທ່າກ້າວຂະຫຍາຍຕົວກ້າວຂຶ້ນຢ່າງຕໍ່ເນື່ອງຕິດພັນກັບການຂະຫຍາຍຕົວ​ຍານພາຫະນະກໍນັບມື້ນັບຫຼາຍຂຶ້ນ ເຮັດໃຫ້ວຽກງານຄຸ້ມຄອງພາຫະນະ ແລະ ​ການຂັບຂີ່ຕ້ອງໄດ້ຂະຫຍາຍເປັນຫຼາຍສາຂາ ອີງຕາມທິດຊີ້ນໍາຂອງກະຊວງໂຍທາທິການ ແລະ​ຂົນສົ່ງໃຫ້ປັບປຸງສ້ອມແປງ​ ​ຍົກລະດັບໂຮງຮຽນສອນຂັບລົດນໍ້າຊວງໃຫ້ເປັນສູນເຝິກອົບຮົມ​ ແລະ ​ສະຖານທີ່ສອບເສັງປະເພດລົດລາກ (E1)​ເພື່ອປະຕິບັດຕາມແນວທາງນະໂຍບາຍຂອງພັກ-ລັດ​ໃນການປະກອບສ່ວນເຮັດໃຫ້ເສດຖະກິດສັງຄົມມີການເຕີບໃຫຍ່ຂະຫຍາຍຕົວ ຈໍາກັດປາກົດການຫຍຊ້ທໍ້ທີ່ຕິດພັນກັບຍານພາຫະນະ​ ​ການຂັບຂີ່ໃຫ້ຫຼຸດໜ້ອຍຖອຍລົງຕ້ອງໄດ້ປັບປຸງການບໍລິການໃຫ້ທັນສະໄໝ​ວ່ອງໄວ​ ປອດໃສ ອໍານວຍຄວາມສະດວກໃຫ້ແກ່ປະຊາຊົນໃນການຂຶ້ນທະບຽນຍານພາຫະນະ-ສອບເສັງການຂັບຂີ່ໄດ້ຢ່າງທົ່ວເຖິງ ດັ່ງນັ້ນ ກອງຄຸ້ມຄອງພາຫະນະ ແລະ​ ການຂັບຂີ່ ຈຶ່ງໄດ້ເລີ່ມຕົ້ນຈັດຕັ້ງປະຕິບັດຂຶ້ນແຜນການກໍ່ສ້າງ ສ້ອມແປງ​ແລະ​ປັບປຸງໂຮງຮຽນສອນຂັບລົດນໍ້າຊວງທີ່ທາງພະແນກໂຍທາທິການ​ ແລະ ​ຂົນສົ່ງ​ນະຄອນຫຼວງ​ ໄດ້ມອບໃຫ້ກອງຄຸ້ມຄອງພາຫະນະ ແລະ​ການຂັບຂີ່ ນະຄອນຫຼວງວຽງຈັນ​ ມາຮອດປັດຈຸບັນນີ້ແມ່ນສໍາເລັດແລ້ວ.

ສະຖານທີ່ດັ່ງກ່າວມີເນື້ອທີ່ທັງໝົດ 4,7ເຮັກຕາ ​ປະກອບມີ​ ຫ້ອງເຝິກອົບຮົມການຂັບຂີ່ລົດລາກ (E1)​ມູນຄ່າ 948ລ້ານກວ່າກີບ ສະໜາມເຝິກອົບຮົມການຂີ່ລົດລາກມູນຄ່າ 1.357.000.000ກີບ ຫ້ອງການສະຖານທີ່ຂຶ້ນທະບຽນ-ກວດກາເຕັກນິກຍານພາຫະນະ ແລະ​ ອອກໃບຂັບຂີ່ມູນຄ່າ​2.418.000.000 ກີບ​ ຫ້ອງນໍ້າເພື່ອຮັບໃຊ້ບໍລິການແຂກ ແລະ ​ນັກຮຽນ ​1ຫຼັງ  ມູນຄ່າ​ 238 ລ້ານກີບ​ ພາຫະນະລົດເບົາ 6 ຄັນ​ ລົດຕູ້ 2ຄັນ ລົດບັນທຸກ 7ໂຕນ 2ຄັນ ລົດຫົວລາກ ​2ຄັນ ລວມມູນຄ່າ​3.434.000.000 ກີບ​  ເຄື່ອງກວດກາເຕັກນິກຈໍານວນ 1ເລນ ຈາກທັງໝົດ 3 ເລນ ມູນຄ່າ 1.985.000.000 ກີບ ເຊິ່ງເຄື່ອງກວດກາເຕັກນິກດັ່ງກ່າວສາມາດໃຫ້ບໍລິການໄດ້ລົດເບົາ ລົດບັນທຸກ ແລະ ລົດໂດຍສານ ເວົ້າລວມແລ້ວສາມາດບໍລິການກວດເຊັກລົດໄດ້ທຸກປະເພດ ໃນນັ້ນປະກອບມີ ເຄື່ອງກວດສຽງ ຄວັນ ລະບົບໄຟ ຊ້ວງລ່າງ ຄັນສົ່ງ ລູກໝາກ ສູນລໍ້ ນໍ້າໜັກ ແລະ ລະບົບເບກ ພ້ອມນີ້ຍັງໄດ້ຮັບການຊ່ວຍເຫຼືອປະເພດລົດຫົວລາກພ້ອມຫາງລາກຈາກະຊວງໂຍທາທິການ ແລະ ​ຂົນສົ່ງ​ 1 ຄັນ.​ 

ພາຍຫຼັງທີ່ເປີດນໍາໃຊ້ແລ້ວ ຈະເລີ່ມໃຫ້ບໍລິການແກ່ປະຊາຊົນຢ່າງເປັນທາງການວັນທີ 6 ມັງກອນ 2020.

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 17

ຈຳນວນຜູ້ເຂົ້າຊົມວານນີ້ 56

ຈຳນວນຜູ້ເຂົ້າຊົມອາທິດນີ້ 157

ຈຳນວນຜູ້ເຂົ້າຊົມເດືອນນີ້ 157

ຈຳນວນຜູ້ເຂົ້າຊົມທັງໝົດ 64644

Currently are 16 guests and no members online