WhatsApp Image 2019 12 19 at 8.25.46 PM

ພິທີເຊັນສັນຍາໂຄງການສ້າງສະຖານີລົດເມນະຄອນຫຼວງວຽງຈັນທີ່ສູນການຄ້າລາວ-ໄອເຕັກ ໄດ້ຈັດຂຶ້ນວັນທີ 19 ທັນວາ 2019 ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ໂດຍການລົງນາມຂອງທ່ານ ສີບຸນທໍາ ສີບຸນມີ ອໍານວຍການບໍລິສັດ ລາວເວີນ ມະຫາຊົນ ແລະ ທ່ານ ແກ້ວວັນພອນ ວອນທິວົງສີ ຜູ້ອໍານວຍການລັດວິສາຫະກິດລົດເມນະຄອນຫຼວງວຽງຈັນ ມີທ່ານ ພູຂົງ ບັນນະວົງ ຮອງເຈົ້າຄອງນະຄອນຫຼວງວຽງຈັນ ຫົວໜ້າພະແນກແຜນການ ແລະ ການລົງທຶນ ນະຄອນຫຼວງວຽງຈັນ ແລະ ທ່ານ ບຸນຕາ ອ່ອນນະວົງ ຫົວໜ້າກົມຂົນສົ່ງ ກະຊວງໂຍທາທິການ ແລະ ຂົນສົ່ງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

      ທ່ານ ຄໍາເຟືອງ ດວງບຸດດີ ຮອງຜູ້ອໍານວຍການໃຫຍ່ບັນຊີ ແລະ ການເງິນ ໄດ້ລາຍງານປະຫວັດຄວາມເປັນມາຂອງໂຄງການສ້າງສະຖານີລົດເມນະຄອນຫຼວງວຽງຈັນທີ່ສູນການຄ້າລາວ-ໄອເຕັກວ່າ:ເນື່ອງຈາກການເພີ່ມຂຶ້ນຂອງປະຊາກອນ ແລະ ຍານພາຫະນະຂອງປະເທດລາວເວົ້າລວມ ເວົ້າສະເພາະ          ໃນນະຄອນຫຼວງວຽງຈັນ ອັນເປັນສາເຫດເຮັດໃຫ້ຄວາມແອອັດຂອງການສັນຈອນບົນທ້ອງຖະໜົນເພີ່ມຂຶ້ນ ພ້ອມນັ້ນໃນໂອກາດທີ່ນະຄອນກຽວໂຕ (ປະເທດຍີ່ປຸນ) ໄດ້ສະເໜີໃຫ້ການຊ່ວຍເຫຼືອລ້າລົດເມຈຳນວນ 25 ຄັນໃຫ້ແກ່ລັດວິສາຫະກິດລົດເມນະຄອນຫຼວງວຽງຈັນ ໃນຄະນະດຽວກັນບໍລິສັດ ລາວເວີນ ມະຫາຊົນ ກໍ່ໄດ້ມີແຜນຢາກໃຫ້ລົດເມແລ່ນເຂົ້າຜ່ານສູນການຄ້າລາວ-ໄອເຕັກ ສະນັ້ນ ຈຶ່ງໄດ້ໃຫ້ການຊ່ວຍເຫຼືອດ້ານງົບປະມານ ໃນການນຳເຂົ້າລົດເມຈຳນວນດັ່ງກ່າວ ແລະ ຕໍ່ມາກໍ່ໄດ້ໃຫ້ການຊ່ວຍເຫຼືອດ້ານງົບປະມານໃນການປັບປ່ຽນປະຕູລົດເມຈາກດ້ານຊ້າຍມາເປັນດ້ານຂວາເປັນລະບົບໄຮໂດຣລິກ.

ຕໍ່ມາ ບໍລິສັດ ລາວເວີນ ມະຫາຊົນ ເຫັນດີໃຫ້ຄວາມຊ່ວຍເຫຼືອດ້ານສະຖານທີເພື່ອເປັນສະຖານີລົດເມຊົ່ວຄາວ ບາງສາຍທາງທີ່ມີຈຸດເລີ່ມຕົ້ນຈາກສູນການຄ້າລາວ-ໄອເຕັກເຊັ່ນ:ສາຍທາງໄອເຕັກ-ຕະຫຼາດເຊົ້າ-ສະໜາມບິນວັດໄຕ ສາຍທາງໄອເຕັກ-ຕະຫຼາດໄຮ່ຄຳ ສາຍທາງໄອເຕັກ-ດົງໂດກ ແລະ ສາຍທາງອື່ນອີກຈຳນວນໜຶ່ງ.

ເມື່ອເຫັນໄດ້ວ່າມີປະສິດທິຜົນ ແລະ ມີຄວາມພ້ອມໃນການໃຫ້ບໍລິການເຕັມຮູບແບບ ບໍລິສັດ ລາວເວີນ ມະຫາຊົນ ຈຶ່ງໄດ້ສະເໜີຂໍສ້າງສະຖານີລົດເມນະຄອນຫຼວງວຽງຈັນທີ່ສູນການຄ້າລາວ-ໄອເຕັກ ເພື່ອຊ່ວຍຫຼຸດຜ່ອນຄວາມແອອັດຂອງການສັນຈອນຍານພະຫະນະບົນທ້ອງຖະໜົນ ຮອງຮັບສາຍທາງລົດເມທີ່ຈະເພີ່ມຂຶ້ນໃນຕໍ່ໜ້າ ແລະ ດຶງດູດເອົາມ່ວນຊົນເຂົ້າມາສູນການຄ້າລາວ-ໄອເຕັກຫຼັງຈາກການຕົກລົງເຫັນດີຈາກຂັ້ນເທິງ ແລະ ທຸກພາກສ່ວນທີ່ກ່ຽວຂ້ອງແລ້ວລັດວິສາຫະກິດລົດເມ ນະຄອນຫຼວງວຽງຈັນ ແລະ ບໍລິສັດ ລາວເວີນ ມະຫາຊົນ ຈຶ່ງໄດ້ແຕ່ງຕັ້ງຄະນະຮັບຜິດຊອບວຽກງານຮ່ວມກັນຢ່າງໃກ້ຊິດ ເພື່ອໃຫ້ການກະກຽມ ແລະ ການຈັດຕັ້ງປະຕິບັດການສ້າງສະຖານີລົດເມນະຄອນຫຼວງວຽງຈັນ ທີ່ສູນການຄ້າລາວ-ໄອເຕັກ ໃຫ້ເປັນໄປຕາມແຜນທີ່ກຳນົດນົດໄວ້ ເຊິ່ງໂຄງການດັ່ງກ່າວຄາດວ່າຈະສຳເລັດການກໍ່ສ້າງ ແລະ ສາມາດເປີດນຳໃຊ້ໄດ້ພາຍໃນເວລາ 18 ເດືອນ.

ເພື່ອເຮັດໃຫ້ໂຄງການສ້າງສະຖານີລົດເມນະຄອນຫຼວງວຽງຈັນ ທີ່ສູນການຄ້າລາວ-ໄອເຕັກ ໄດ້ຮັບການຈັດຕັ້ງປະຕິບັດຢ່າງເປັນທາງການ ລັດວິສາຫະກິດລົດເມນະຄອນຫຼວງວຽງຈັນ ແລະ ບໍລິສັດ ລາວເວີນ ມະຫາຊົນ ຈຶ່ງໄດ້ຈັດຕັ້ງພິທີສັນຍາໂຄງການດັ່ງກ່າວນີ້ຂຶ້ນ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 46

ຈຳນວນຜູ້ເຂົ້າຊົມວານນີ້ 23

ຈຳນວນຜູ້ເຂົ້າຊົມອາທິດນີ້ 46

ຈຳນວນຜູ້ເຂົ້າຊົມເດືອນນີ້ 1430

ຈຳນວນຜູ້ເຂົ້າຊົມທັງໝົດ 58283

Currently are 28 guests and no members online