78602332 954866658226626 9023956267214831616 n

ໃນລະຫວ່າງວັນທີ 1-4/12/2019 ຄະນະຜູ້ແທນຂັ້ນສູງ ນວ ນໍາໂດຍທ່ານ ປອ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນ ພ້ອມຄະນະໄດ້ເຂົ້າຮ່ວມກອງປະຊຸມສະມັດຊາໃຫຍ່ຂອງສະມາຄົມບັນດານະຄອນທີ່ນໍາໃຊ້ພາສາຝະລັ່ງ (AIMF) ຄັ້ງທີ 40 ແລະ ຢ້ຽມຢາມທາງການຢູ່ນະຄອນຫຼວງພະນົມເປັນ, ຣາຊາອານາຈັກກໍາປູເຈຍ.

78435206 954862334893725 2424338219152703488 o

ໃນກອງປະຊຸມ AIMF ຄັ້ງນີ້ມີ 120 ກວ່ານະຄອນຈາກທົ່ວໂລກເຂົ້າຮ່ວມ, ຊື່ງຫົວຂໍ້ທີ່ກອງປະຊຸມໄດ້ຍົກຂຶ້ນມາປຶກສາຫາລື ແລກປ່ຽນບົດຮຽນນໍາກັນປະກອບມີ 7 ຫົວຂໍ້ສົນທະນາ:
1.
ການສ້າງຕົວເມືອງທີ່ຍືນຍົງ, ທົນທານ ແລະ ອັດສະລິຍະ - ອະນາຄົດຂອງບັນດານະຄອນໃນອາຊີຕາເວັນອອກສຽງໃຕ້.
2.
ບົດບາດ ຂອງ ບັນດາເຈົ້າຄອງນະຄອນ ຕໍ່ກັບການຫັນເປັນຕົວເມືອງໃນປະຈຸບັນ ແລະ ອະນາຄົດ.
3.
ຄວາມທົນທານຂອງ ຕົວເມືອງ ແລະ ຄວາມທ້າທາຍໃນການຟື້ນຟູຕົວເມືອງ.
4.
ຄວາມສາມາດໃນການຟື້ນຟູຕົວເມືອງ ພາຍຫຼັງໄພພິບັດ.
5.
ການສ້າງຖານຂໍ້ມູນດີຈີຕອນ ໃນການຄຸ້ມຄອງຕົວເມືອງ.
6.
ການສ້າງນະໂຍບາຍດ້ານເສດຖະກິດ ແລະ ການເມືອງ.
7.
ການປ່ຽນແປງທາງດ້ານດິນຟ້າອາກາດ ແລະ ນະວັດຕະກໍາ.

ໃນນັ້ນ ຕາງໜ້າຈາກ ນວ ໄດ້ຂຶ້ນປະກອບຄໍາເຫັນໃນຫົວຂໍ້ ຄວາມທ້າທາຍໃນການພັດທະນາ ຂອງ ນະຄອນຫຼວງວຽງຈັນ ນອກຈາກນັ້ນ, ຍັງໄດ້ເຂົ້າຢ້ຽມຂໍ່ານັບນາຍຍົກລັດຖະມົນຕີຂອງກໍາປູເຈຍອີກດ້ວຍ.

78888928 954862878227004 1772788609447886848 o

ໃນການພົບປະເປັນທາງການລະຫວ່າງ ນວ ກັບ ນະຄອນຫຼວງພະນົມເປັນ ໃນຖານະທີ່ເປັນນະຄອນແຮກສ່ຽວນໍາກັນມາແຕ່ດົນນານແລ້ວນັ້ນ, ທັງສອງຝ່າຍໄດ້ທົບທວນຄືນການພົວພັນຮ່ວມມືລະຫວ່າງສອງນະຄອນໃນໄລຍະຜ່ານມາ ແລະ ປຶກສາຫາລື ກ່ຽວກັບແຜນການຮ່ວມມືໃນຕໍ່ໜ້າ. ການຢ້ຽມຢາມຄັ້ງນີ້ ຍັງເປັນການຈັດຕັ້ງປະຕິບັດ ຖະແຫຼງການຮ່ວມລະຫວ່າງ 2 ລັດຖະບານ ລາວ-ກໍາປູເຈັຍ ທີ່ໄດ້ລົງນາມຮ່ວມກັນລະຫວ່າງສອງນາຍຍົກລັດຖະມົນຕີຂອງສອງປະເທດ ໂດຍສະເພາະແມ່ນຂໍ້ທີ 11 ກ່ຽວກັບການຊຸກຍູ້ການຮ່ວມມືຂອງແຂວງແຮກສ່ຽວ ລະຫວ່າງນະຄອນຫຼວງວຽງຈັນ ແລະ ນະຄອນຫຼວງພະນົມເປັນ ແລະ ລະຫວ່າງ ແຂວງຈຳປາສັກ ແລະ ແຂວງສຽມຣຽບ ເພື່ອສົ່ງເສີມການຮ່ວມມືຢ່າງໃກ້ຊິດ ແລະ ຊ່ວຍເຫຼືອເຊີ່ງກັນ ແລະ ກັນ ເພື່ອຜົນປະໂຫຍດຮ່ວມກັນ. ໃນໂອກາດນີ້, ທ່ານເຈົ້າຄອງ ນວ ໄດ້ຕີລາຄາສູງ ແລະ ຊົມເຊີຍຕໍ່ຜົນສຳເລັດອັນໃຫຍ່ຫຼວງຫຼາຍດ້ານ ທີ່ປະຊາຊົນນະຄອນຫຼວງພະນົມເປັນ ກໍຄືປະຊາຊົນກໍາປູເຈຍ ຍາດມາໄດ້ໃນໄລຍະຜ່ານມາ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາ ຊົນໄດ້ຮັບການປັບປຸງດີຂື້ນເປັນກ້າວໆ, ຊື່ສຽງຂອງພະນົມເປັນ ນັບມື້ນັບໄດ້ຮັບການຍົກສູງຂື້ນ ແລະ ເປັນນະ ຄອນໜຶ່ງທີ່ດຶງດູດການທ່ອງທ່ຽວໄດ້ດີຫຼາຍ.

79814547 954862998226992 4526182775866261504 o

ສໍາລັບການຮ່ວມມືກັນໃນຕໍ່ໜ້ານັ້ນສອງນະຄອນຫຼວງ ຈະສືບຕໍ່ໃຫ້ມີການແລກປ່ຽນລະຫວ່າງຄະນະຜູ້ແທນຂັ້ນສູງ ລວມທັງຂັ້ນຂະແໜງການຕ່າງໆນໍາກັນຢ່າງເປັນປົກກະຕິ ແລະ ຈະຊຸກຍູ້ສົ່ງເສີມການຮ່ວມມືດ້ານການຄ້າ, ການລົງທຶນ, ການທ່ອງທ່ຽວ, ການຮ່ວມມືດ້ານວັດທະນະທໍາ ແລະ ການສຶກສາ ສືບຕໍ່ຮັກສາສາຍພົວມິດຕະພາບໃຫ້ເປັນມູນເຊື້ອ ເປັນບ້ານໃກ້ເຮືອນຄຽງ ບ້ານແກ້ວເຮືອນດອງ ໃຫ້ຫຼາຍຂຶ້ນ.

ນອກຈາກນັ້ນ, ໃນການຢ້ຽມຢາມຄັ້ງນີ້ ຍັງໄດ້ຈັດໃຫ້ມີກອງປະຊຸມພົບປະລະຫວ່າງນັກທຸລະກິດຂອງສອງນະຄອນ: ວຽງຈັນ ແລະ ພະນົມເປັນ ແລະ ໄດ້ໄປຢ້ຽມຢາມໂຄງການພັດທະນາເສດຖະກິດ ແລະ ແຫຼ່ງທ່ອງທ່ຽວທາງວັດທະນະທໍາ ຈໍານວນໜຶ່ງອີກດ້ວຍ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 47

ຈຳນວນຜູ້ເຂົ້າຊົມວານນີ້ 23

ຈຳນວນຜູ້ເຂົ້າຊົມອາທິດນີ້ 47

ຈຳນວນຜູ້ເຂົ້າຊົມເດືອນນີ້ 1431

ຈຳນວນຜູ້ເຂົ້າຊົມທັງໝົດ 58284

Currently are 14 guests and no members online