9a42fdf1faf6c9b52cfb6172bc29f236

    ໃນໂອກາດການມາຢ້ຽມຢາມ ແລະ ເຮັດວຽກຢູ່ນະຄອນຫຼວງວຽງຈັນຂອງພະນະທ່ານ ປອ. ພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ ພ້ອມດ້ວຍຄະນະ . ໃຫ້ກຽດຕ້ອນຮັບໂດຍທ່ານ ປອ ສິນລະວົງ ຄຸດໄພທູນ ເລຂາຄະນະບໍລິຫານງານ ພັກ,ເຈົ້າຄອງນະຄອນ ຫຼວງວຽງຈັນ ພ້ອມດ້ວຍພະນັກງານຫຼັກແຫຼ່ງທົ່ວນະຄອນຫຼວງ ເຂົ້າຮ່ວມຢ່າງພ້ອມພຽງທີ່ຫ້ອງປະຊຸມ ໃຫຍ່ສຳນັກງານ ອົງການປົກຄອງນະຄອນຫຼວງວຽງຈັນ.

 

                                                       WhatsApp Image 2019 12 05 at 15.01.02 

                                          WhatsApp Image 2019 12 05 at 15.01.01WhatsApp Image 2019 12 05 at 15.38.13

                                           WhatsApp Image 2019 11 27 at 8.25.19 AM WhatsApp Image 2019 12 05 at 15.01.03

      

ທ່ານ ເຈົ້າຄອງນະຄອນຫຼວງວຽງຈັນ ກໍ່ໄດ້ຂຶ້ນກ່າວຮັບຕ້ອນ ແລະ ລາຍງານຫຍໍ້ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ກໍຄືບັນດາຄາດໝາຍ ແລະ ວຽກຈຸດສຸມຕ່າງໆ ເລີ່ມແຕ່ຕົ້ນປີ 2019 ຈົນມາເຖິງປະຈຸບັນ ເຊິ່ງເນື້ອໃນຕ່າງໆ ກໍ່ໄດ້ຍົກໃຫ້ເຫັນ ເຖິງສະພາບການ, ບາງບັນຫາ, ສິ່ງທ້າທ້າຍ, ຂໍ້ສະດວກ, ຫຍຸ້ງຍາກ ພ້ອມທັງ ຖອດຖອນໄດ້ ບາງບົດຮຽນທີ່ຈະຕ້ອງ ໄດ້ເພີ່ມທະວີ ການຊຸກຍູ້ສົ່ງເສີມ ແລະ ປັບປຸງແກ້ໄຂໃນຕໍ່ໜ້າ ເພື່ອບັນລຸຄາດໝາຍທີ່ລັດຖະບານ ໄດ້ກຳນົດໄວ້, ສ່ວນວຽກງານການຈັດກອງປະຊຸມໃຫຍ່ 3 ຂັ້ນ ທົ່ວ ນະຄອນຫຼວງວຽງຈັນ ກໍ່ໄດ້ດຳ ເນີນໄປຕາມບາດກ້າວ ແລະ ຂັ້ນຕອນ ຢ່າງເຄັ່ງຂຶມ ຄາດວ່າຈະສຳເລັດຜົນຕາມແຜນການທີ່ກຳນົດໄວ້ ແລະ ວຽກງານຈຸດສຸມອື່ນໆອີກຈຳນວນໜຶ່ງ.

ໂອກາດດຽວກັນນີ້ ທ່ານ ຮອງປະທານປະເທດ ກໍ່ໄດ້ໃຫ້ກຽດໂອ້ລົມຕໍ່ທີ່ປະຊຸມ ໂດຍຍົກໃຫ້ເຫັນເຖິງສະພາບ ການພາຍນອກກໍ່ຄືສາກົນທີ່ມີການຜັນແປຢ່າງສັບສົນ ສະນັ້ນ ນະຄອນຫຼວງວຽງຈັນ ຍິ່ງມີບົດບາດສຳຄັນ ໃນພາລະກິດປົກປັກຮັກສາ ແລະ ພັດທະນາປະເທດ ເພາະເປັນຈຸດສູນ ກາງທາງດ້ານການເມືອງ, ເສດຖະກິດ, ວັດທະນະທຳ-ສັງຄົມ ຂອງ ສປປ ລາວ ເພື່ອປັບຕົວເຂົ້າກັບສະພາບການຕ່າງໆ ໂດຍສະເພາະ ການຍຶດໝັ້ນຕໍ່ແນວທາງຂອງພັກ-ລັດ ທີ່ວາງອອກ ໃນແຕ່ລະໄລຍະ, ສືບຕໍ່ນຳພາແນວຄິດ ການເມືອງ ກໍຄືການມີສະຕິ ເຄົາລົບລະບຽບກົດໝາຍ, ການມີຈັນຍາ ບັນ, ຈັນຍາທຳ ຂອງພະນັກງານ- ລັດຖະກອນ ເພື່ອຮັບໃຊ້ປະຊາຊົນ ຢ່າງຖືກຕ້ອງວ່ອງໄວ ໂດຍເລີ່ມຈາກຂັ້ນພື້ນຖານ ບ້ານ ຂັ້ນເມືອງ ແລະ ນະຄອນຫຼວງວຽງຈັນ ລວມທັງການ ສົ່ງເສີມກະຕຸກຊຸກນຍູ້ ບັນດາໂຄງການພັດ ທະນາຕ່າງໆ ໃຫ້ສາມາດ ດຳເນີນຕາມແຜນການຢ່າງ ມີປະສິດທິພາບ, ນອກນັ້ນກໍ່ໃຫ້ເພີ່ມທະວີ.

ເອົາໃຈໃສ່ແກ້ໄຂບັນຫາຕ່າງໆ ທີ່ຈະສົ່ງຜົນກະທົບດ້ານລົບກໍ່ຄື ປະກົດການຫຍໍ້ທໍ້ຕ່າງໆໃນສັງຄົມໃຫ້ນັບມື້ຫຼຸດລົງ ເພື່ອກ້າວໄປເຖີງການປະຕິບັດຄາດໝາຍສ້າງນະຄອນຫຼວງໃຫ້ເປັນເມືອງທີ່ໜ້າຢູ່ ສໍາລັບ ການຜະລິດໃຫ້ສຸມໃສ່ຊຸກຍູ້ ສົ່ງເສີມ ການຜະລິດ ຢູ່ພາຍໃນໂດຍສະເພາະດ້ານການ ກະສິກຳອິນຊີສະອາດປອດໄພ ເພື່ອສຸຂະພາບພະລານາໄມ ຂອງທຸກຄົນ ທົ່ວສັງຄົມ.

ກ່ຽວກັບການດຳເນີນກອງປະຊຸມສາມຂັ້ນຂອງນະຄອນຫຼວງ ທ່ານກໍ່ໄດ້ຍົກໃຫ້ເຫັນເຖີງຄວາມໝາຍ ແລະ ຄວາມສຳຄັນໃນດ້ານຕ່າງໆ ໂດຍສະເພາະຮ່າງລາຍງານການເມືອງຕ້ອງສ່ອງແສງຈາກພຶດຕິກຳຕົວຈີງ ກໍຄືແຜນພັດທະນາ ໃນແຕ່ລະດ້ານຕ້ອງໃຫ້ຖືກຕ້ອງ, ສອດຄ່ອງກັບຄວາມ ຮຽກຮ້ອງຕ້ອງການໃນແຕ່ລະໄລຍະ ແລະ ສາມາດຈັດຕັ້ງປະຕິບັດໄດ້ ໃຫ້ເກີດຜົນເປັນຈິງ.

ນະໂອກາດນີ້ ທ່ານກໍ່ໄດ້ສະແດງຄວາມຊົມເຊີຍຕໍ່ຜົນສຳເລັດ ໃນແຕ່ລະດ້ານທີ່ອົງການປົກຄອງນະຄອນຫຼວງວຽງຈັນ ໄດ້ສຸມທຸກຄວາມພະຍາຍາມ ເພື່ອສໍາເລັດໜ້າທີ່ການເມືອງທີ່ພັກ-ລັດມອບໝາຍໃຫ້ ພ້ອມດ່ຽວກັນນີ້ ທ່ານກໍ່ໄດ້ສະແດງຄວາມຊົມເຊີຍ ເປັນພິເສດທີ່ອົງການປົກຄອງ ນະຄອນຫຼວງວຽງຈັນໄດ້ມີແນວຄວາມຄິດລີເລີ່ມ ກ່ຽວກັບການຮ່າງແຜນນະໂຍບາຍ ໃນການພັດທະນານະຄອນຫຼວງວຽງຈັນ ໃນ ໄລຍະໃໝ່ ເຫັນວ່າສອດຄ່ອງກັບສະພາບການປະຈຸບັນ ກໍ່ຄືການຮ່າງມະຕິ ຂອງກົມການເມືອງສູນກາງພັກ ວ່າດ້ວຍການພັດທະນານະຄອນຫຼວງວຽງຈັນ ໃນໄລຍະ ໃໝ່ ອັນທີ່ຈະເຮັດໃຫ້ນະຄອນຫຼວງວຽງຈັນ ໄດ້ເປິດໂສມໜ້າໃໝ່ຢ່າງຮອບດ້ານ ເພື່ອກ້າວທັນນາໆປະເທດອ້ອມຂ້າງໃຫ້ສົມກັນໃນຖານະທີ່ເປັນເມືອງເອກຂອງ ສປປລາວ ຈາກນັ້ນທ່ານ ກໍໄດ້ຢ້ຽມຊົມຫ້ອງວາງສະແດງແຜນຜັງພັດທະນາ ນະຄອນຫຼວງວຽງຈັນ. 

        ໃນພາກບ່າຍຂອງວັນດຽວກັນທ່ານຮອງປະທານປະເທດ ແລະ ທ່ານເຈົ້າຄອງ ພ້ອມດ້ວຍຄະນະກໍໄດ້ເດີນທາງ ໄປຢ້ຽມຊົມ ແລະ ຊຸກຍູ້ບັນດາໂຄງການພັດທະນາຕ່າງໆ ໂດຍສະເພາະເຂດ ກວມລວມໄຊເຊດຖາ ຊຶ່ງໃຫ້ກຽດຮັບຕ້ອນໂດຍ ທ່ານ ນາງຄໍາຈັນ ວົງສົມບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ ໂຮ້ວ ຢົ້ງໝິງ ຮອງປະທານກຸ່ມບໍລິສັດກໍ່ສ້າງ ແລະ ລົງທຶນແຂວງຢຸນນານ ຮຸ້ນສ່ວນຈໍາກັດ ໂດຍມີທ່ານ ເອກອັກຄະລະຖະທູດແຫ່ງ ສປ ຈີນ ປະຈໍາ ສປປ ລາວ ເຂົ້າຮ່ວມ ນະໂອກາດນີ້ດ້ວຍ ນອກນີ້ກໍຍັງໄດ້ໄປຢ້ຽມຊົມບັນດາ ບໍລິສັດ ຕ່າງໆ ທີ່ມາລົງທຶນໃນເຂດດັ່ງກ່າວ ເປັນຕົ້ນແມ່ນ ໂຮງງານຕັດຫຍິບນິວໂຮບ ຈໍາກັດ,ບໍລິສັດໂຮຢາລາວຈໍາກັດ,ບໍລິສັດເປໂຕຼເຄມີລາວຈໍາກັດ ລວມທັງກຸ່ມການຜະລິດກະສິກໍາອິນຊີສະອາດ ບ້ານໂນນ ແຕ້ ເມືອງໄຊທານີ ແລະ ຫໍພິພິຕະພັນສິນລະປະຮ່ວມສະໃໝ ກໍຄືການວາງສະແດງ ການຄວດຮູບ ແລະ ແກະສະຫຼັກຮູບພາບຕ່າງໆລົງໃສ່ ໜ້າໄມ້,ປູດໄມ້ ແລະ ຕໍໄມ້ ຫຼາຍຊະນິດ ຢູ່ບ້ານ ສ້າງຄູ້ ເມືອງ ໄຊທານີ ຕື່ມອີກ.

ຄົ້ນຫາ

ປະຕິທິນ

December 2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 17

ຈຳນວນຜູ້ເຂົ້າຊົມວານນີ້ 189

ຈຳນວນຜູ້ເຂົ້າຊົມອາທິດນີ້ 206

ຈຳນວນຜູ້ເຂົ້າຊົມເດືອນນີ້ 869

ຈຳນວນຜູ້ເຂົ້າຊົມທັງໝົດ 54806

Currently are 44 guests and no members online