89b7ddd5d81e23c648a5301d9f88d267

      ກອງ​ປະຊຸມ​ຄົບ​ຄະນະ​ບໍລິຫານ​ງານ​ພັກ ນະຄອນຫຼວງ​ວຽງ​ຈັນ (ນວ) ຄັ້ງ​ທີ 20 ສະໄໝ​ທີ VI ຈັດ​ຂຶ້ນ​ວັນ​ທີ 25-26 ພະຈິກ 2019 ທີ່​ຫ້ອງ​ວ່າການ ນວເປັນ​ປະທານ​ຂອງ​ສະຫາຍ ສິນ​ລະ​ວົງ ຄຸດ​ໄພທູນກຳມະການ​ກົມ​ການເມືອງ​ສູນ​ກາງ​ພັກ ເລຂາ​ຄະນະ​ພັກ​ເຈົ້າ​ຄອງ ນວມີ​ບັນດາ​ຮອງ​ເລຂາ​ຄະນະ​ພັກ ຄະນະ​ປະຈຳ​ພັກ ຄະນະ​ພັກ ນວ ເລຂາ​ພັກ​ເມືອງເຈົ້າເມືອງ ເລຂາ​ຄະນະ​ພັກ​ຮາກ​ຖານ ຫົວໜ້າ​ພະແນກການ ແລະອົງການ​ທຽບ​ເທົ່າ​ເຂົ້າ​ຮ່ວມ.

   ກອງ​ປະຊຸມ​ໄດ້​ຮັບ​ຟັງ​ເຜີຍແຜ່​ເຊື່ອມ​ຊຶມ​ເອກະສານມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ສູນ​ກາງ​ພັກ ຄັ້ງ​ທີ 9 ສະໄໝ​ທີ X ເອກະສານ​ຄຳ​ສັ່ງ​ຄຳ​ແນະນຳ​ໃໝ່​ຂອງ​ສູນ​ກາງ​ພັກເອກະສານ​ແນະນຳ​ການ​ປະ​ເມີນ​ພະນັກງານ​ນຳພາ-ຄຸ້ມ​ຄອງ​ຂອງ​ພັກ-ລັດ ປະຈຳ​ປີ 2019 ຕາມ​ກົດໝາຍ ແລະ ຄຳ​ສັ່ງ​ແນະນຳ​ຂອງ​ຄະນະ​ເລຂາທິການ​ສູນ​ກາງ​ພັກຮັບ​ຟັງ​ການ​ລາຍ​ງານ ແລະໃຫ້​ທິດ​ຊີ້​ນຳ​ກ່ຽວ​ກັບ​ຄວາມ​ຄືບ​ໜ້າ​ໃນ​ການ​ດຳເນີນ​ກອງ​ປະຊຸມ​ໃຫຍ່ 3 ຂັ້ນ​ຂອງ​ພັກ​ຢູ່ ນວ ມາ​ຮອດ​ປັດຈຸບັນ ແລະແຜນ​ສືບຕໍ່​ໄປ​ຮອດ​ກອງ​ປະຊຸມ​ໃຫຍ່​ຄັ້ງ​ທີ VII ຂອງ​ອົງຄະ​ນະ​ພັກ ນວຮັບ​ຟັງ​ການ​ລາຍ​ງານ ແລະ ໃຫ້​ທິດ​ຊີ້​ນຳ​ຕໍ່​ບົດ​ລາຍ​ງານການ​ນຳພາ​ວຽກ​ງານ​ຮອບດ້ານ​ຂອງ​ຄະນະ​ບໍລິຫານ​ງານ​ພັກ ນວ ໃນ​ໄລຍະ 10 ປີຜ່ານ​ມາ ແລະ ທິດ​ທາງ​ແຜນ​ຈຸດ​ສຸມ ໃນ​ທ້າຍ​ປີ 2019 ສະພາບ​ການຈັດຕັ້ງ​ຊີ້​ນຳ-ນຳພາ​ຂະ​ບວນ​ການ​ຂອງ​ກຳມະກອນ ແລະຊາວ​ຜູ້​ອອກແຮງ​ງານ​ທີ່​ພົ້ນ​ເດັ່ນ ປີ 2019 ແລະ ແຜນການ​ຈຸດ​ສຸມ ປີ 2020 ຂອງ​ສະຫະພັນ​ກຳມະບານ ນວ ກວດກາ​ຄືນ ແລະ ໃຫ້​ທິດ​ຊີ້​ນຳ​ເພີ່ມ​ເຕີມ​ກ່ຽວ​ກັບ 6 ນິຕິ​ກຳ​ທີ່​ຈະ​ນຳ​ເຂົ້າ​ຜ່ານ ກອງ​ປະຊຸມ​ສະໄໝ​ສາມັນ ເທື່ອ​ທີ 8 ຂອງ​ສະພາ​ປະຊາຊົນ ນວ ຊຸດ​ທີ I ພິຈາລະນາ​ຮັບຮອງ​ເອົາ ຄື: ຮ່າງ​ຂໍ້​ຕົກລົງວ່າ​ດ້ວຍ​ການ​ປະ​ເມີນ​ຫົວໜ່ວຍ​ລາຄາ​ທີ່​ດິນ​ທົ່ວ ນວຂໍ້​ຕົກລົງ​ວ່າ​ດ້ວຍ​ການ​ແກ້​ໄຂ​ຂໍ້​ຂັດ​ແຍ່ງ​ທີ່​ດິນ​ທົ່ວ ນວຂໍ້​ຕົກລົງ​ວ່າ​ດ້ວຍ ໂຄງການ​ສ້າງ ນວ ສະຫວ່າງ (ສ ສະຫວ່າງ)  ຂໍ້​ຕົກລົງ​ວ່າ​ດ້ວຍ​ການ​ພັດທະນາ ນວ ໃຫ້​ເປັນ​ເມືອງ​ສີຂຽວ (ສ ສີຂຽວ) ແລະຂໍ້​ຕົກລົງ​ວ່າ​ດ້ວຍ​ການ​ຄວບ​ຄຸມ​ສຽງ​ເນືອງ​ນັນ​ທີ່​ກະທົບ​ໃສ່​ຊຸມ​ຊົນ​ໃນ​ຕົວ​ເມືອງແລະ ຊານເມືອງ​ຢູ່ ນວ ແລະ ຮ່າງ​ຂໍ້​ຕົກລົງ​ວ່າ​ດ້ວຍ​ການ​ແກ້​ໄຂ​ໜີ້​ສິນ​ຂອງນວ ພິຈາລະນາ​ຮັບຮອງ​ເອົາ​ຮ່າງ​ປະ​ເມີນ​ຜົນ​ການ​ປະຕິບັດ​ໜ້າທີ່ຂອງ​ບຸ​ຄະລາ​ກອນ​ດຳລົງ​ຕຳແໜ່ງ​ທີ່​ສະພາ​ປະຊາຊົນ ນວ ເລືອກ​ຕັ້ງ ແລະຮັບຮອງ​ເອົາ​ການ​ແຕ່ງຕັ້ງ​ຕາມ​ຄຳ​ສັ່ງ​ແນະນຳຂອງ​ຄະນະ​ເລຂາທິການ​ສູນ​ກາງ​ພັກ ຮັບ​ຟັງ​ລາຍ​ງານ ແລະໃຫ້​ທິດ​ຊີ້​ນຳ​ກ່ຽວ​ກັບ​ການ​ກະກຽມ​ເນື້ອ​ໃນ​ກອງ​ປະຊຸມ​ຄະນະ​ກຳມະການ​ຮັກສາ​ຄວາມ​ສະຫງົບຄວາມ​ເປັນ​ລະບຽບ​ຮຽບ​ຮ້ອຍ​ຢູ່​ຕາມ​ຊາຍ​ແດນ ລະຫວ່າງ ນວ ແລະ ແຂວງ​ໜອງ​ຄາຍຄັ້ງ​ທີ 12 ເອກະສານ​ກ່ຽວ​ກັບ​ຄວາມ​ຄືບ​ໜ້າ​ໃນ​ການ​ສ້າງ​ບ້ານ​ປ້ອງ​ກັນ​ຊາດ​ເຂັ້ມແຂງ ແລະການ​ສ້າງ​ບ້ານ​ປ້ອງ​ກັນ​ຄວາມ​ສະຫງົບ​ດີ (ບ້ານ​ປ້ອງ​ກັນ​ຄວາມ​ສະຫງົບ​ສຸກ)ໃນ​ໄລຍະ​ຜ່ານ​ມາ ແລະ ແຜນ​ສືບຕໍ່​ໃນຕໍ່ໜ້າ ຮັບ​ຟັງ ແລະໃຫ້​ທິດ​ຊີ້​ນຳ​ກ່ຽວ​ກັບ​ການ​ແກ້​ໄຂ 3 ຫຼຸດ ຄື: ຫຼຸດ​ຢາ​ເສບ​ຕິດຫຼຸດ​ອຸບັດເຫດ ແລະ ຫຼຸດ​ປາກົດການ​ຫຍໍ້ທໍ້​ອື່ນໆ ໂດຍ​ສະເພາະບັນຫາ​ໂສເພນີ​ລາມົກ​ອານາ​ຈານ ສຽງ​ເນືອງ​ນັນ​ລົບ​ກວນ​ສັງຄົມ ແລະການ​ຕິດ​ຕັ້ງ​ປ້າຍ​ຊື່ປ້າຍ​ໂຄສະນາ​ເປັນ​ພາສາ​ຕ່າງປະເທດ​ຂອງ​ຜູ້​ປະກອບ​ການ​ທີ່​ບໍ່​ຖືກ​ລະບຽບບາງ​ບັນຫາ​ພົ້ນ​ເດັ່ນ ໃນ​ການ​ປະຕິບັດ​ບົດ​ບັນທຶກ ການ​ຕົກລົງ ແລະໂຄງການ​ຮ່ວມ​ມື​ກັບ​ຕ່າງປະເທດ​ຂອງ ນວ ໃນ​ປີ 2019 ແລະ ແຜນ​ສືບຕໍ່​ປີ 2020 ແລະ ບັນຫາ​ອື່ນໆ​ທີ່​ກອງ​ປະຊຸມ​ໄດ້​ພ້ອມ​ກັນ​ຄົ້ນຄວ້າ​ປຶກສາ​ຫາລື​ພິຈາລະນາເພື່ອ​ເສີມ​ຂະຫຍາຍ​ດ້ານ​ດີ ແກ້​ໄຂ​ຂໍ້​ບົກ​ຜ່ອງ ແລະຖອດ​ຖອນ​ບົດຮຽນ​ອັນ​ທີ່​ຄົງ​ຄ້າງ​ໃນ​ຜ່ານ​ມາ ພ້ອມ​ທັງ​ວາງ​ແຜນ​ໃນຕໍ່ໜ້າເພື່ອ​ເຮັດ​ໃຫ້​ວຽກ​ງານ​ໄດ້​ຮັບ​ການຈັດຕັ້ງ​ປະຕິບັດ​ທີ່​ມີ​ຜົນສຳເລັດ​ເປັນ​ກ້າວໆ.  

ຄົ້ນຫາ

ປະຕິທິນ

December 2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 15

ຈຳນວນຜູ້ເຂົ້າຊົມວານນີ້ 189

ຈຳນວນຜູ້ເຂົ້າຊົມອາທິດນີ້ 204

ຈຳນວນຜູ້ເຂົ້າຊົມເດືອນນີ້ 867

ຈຳນວນຜູ້ເຂົ້າຊົມທັງໝົດ 54804

Currently are 139 guests and no members online