WhatsApp Image 2019 11 04 at 15.27.08

     ໃນວັນທີ 02 ພະຈິກ 2019, ເວລາ 10:00 ໂມງ ຄະນະສະເພາະກິດ ສົ່ງເສີມການຜະລິດ ແລະ ຊົມໃຊ້ຜະລິດຕະພັນທີ່ຜະລິດໄດ້ຢູ່ພາຍໃນ ແລະ ຄຸ້ມຄອງການນໍາເຂົ້າສິນຄ້າອຸປະໂພກ-ບໍລິໂພກ ຂັ້ນນະຄອນຫຼວງວຽງຈັນ ໄດ້ຈັດກອງປະຊຸມພົບປະປຶກສາກາລືກ່ຽວກັບ ການສົ່ງເສີມການຜະລິດ ແລະ ການຊົມໃຊ້ຜະລິດຕະພັນ ທີ່ຜະລິດໄດ້ຢູ່ພາຍໃນ ຮ່ວມກັບກຸ່ມຜູ້ຜະລິດ ແລະ ກຸ່ມເຈົ້າຂອງຕະຫຼາດຕ່າງໆ ຂອງນະຄອນຫຼວງວຽງຈັນ ຢູ່ພະແນກອຸດສາຫະກໍາ ແລະ ການຄ້ານະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງທ່ານ ປອ. ອາດສະພັງທອງ ສີພັນດອນ, ຮອງເຈົ້າຄອງ ນະຄອນຫຼວງວຽງຈັນ, ທ່ານ ເບີລີນ ເພັດຈັນທະລາດ, ຫົວໜ້າພະແນກອຸດສາຫະກໍາ ແລະ ການຄ້າ ນວ ແລະ ທ່ານ ປອ. ຫຼ້າສາຍ ນວນທາສິງ, ຫົວໜ້າພະແນກກະສິກໍາ ແລະ ປ່າໄມ້ ນວ ພ້ອມທັງມີຂະແໜງການທີ່ກ່ຽວຂ້ອງຂອງສູນກາງ ແລະ ທ້ອງຖິ່ນ, ຕະຫຼອດຮອດປະຊາຊົນຜູ້ທໍາການຜະລິດ ແລະ ບ້ນດາເຈົ້າຂອງຕະຫຼາດ ແລະ ຮ້ານຄ້າຕ່າງໆ ເຂົ້າຮ່ວມຢ່າງພ້ອມໜ້າ.

     WhatsApp Image 2019 11 04 at 15.27.09

      ຈຸດປະສົງຂອງກອງປະຊຸມໃນຄັ້ງນີ້ ເພື່ອຮັບຟັງການລາຍງານກ່ຽວກັບຂໍ້ສະດວກ, ຂໍ້ຫຍູ້ງຍາກ ແລະ ຂໍ້ສະເໜີ ໃນການຈັດຕັ້ງປະຕິບັດວຽກງານດັ່ງກ່າວໃນໄລຍະຜ່ານມາ ຂອງຂະແໜງການກ່ຽວຂ້ອງ ໂດຍສະເພາະແມ່ນການປະກອບຄໍາຄິດຄໍາເຫັນ ຈາກບັນດາກຸ່ມຜູ້ເຮັດການຜະລິດ ແລະ ເຈົ້າຂອງຕະຫຼາດ-ຮ້ານຄ້າຕ່າງໆ ເພື່ອນໍາໄປປັບປຸງກົນໄກ ການຜະລິດ-ການຈໍາໜ່າຍສີນຄ້າ ຢູ່ນະຄອນຫຼວງວຽງຈັນ ເພື່ອສ້າງຄວາມເຂັ້ມແຂງໃນການເພິ່ງຕົນເອງກູ້ມຕົນເອງ ແລະ ຫຼຸດຜ່ອນການນໍາເຂົ້າສິນຄ້າຈາກຕ່າງປະເທດ ກໍ່ຄືການພັດທະນາເສດຖະກິດຊອງຊາດໃຫ້ມີການເຕີບໃຫຍ່ຂະຫຍາຍຕົວ ແລະ ຄວາມຍືນຍົງ. ເຊິ່ງຜ່ານການຮັບຟັງການລາຍງານເຫັນວ່າ:

      - ກົນໄກການປະສານງານລະຫວ່າງຜູ້ຜະລິດ ແລະ ຜູ້ຈໍາໜ່າຍ ຍັງບໍ່ທັນຈອດກັນເທື່ອ, ເຊິ່ງສະແດງອອຈາກຜູ້ຜະລິດຍັງບໍ່ທັນໄດ້ມີການຄົ້ນຄວ້າວິໄຈກ່ຽວກັບກໍາລັງ ແລະ ຄວາມຕ້ອງການຂອງສັງຄົມຢ່າງລະອຽດ ເພື່ອນໍາໄປສ້າງແຜນການຜະລິດຢ່າງມີປະສິດທິພາບ ຕາມຫຼັກການທາງດ້ານເສດຖະສາດ ເຊິ່ງເປັນບັນຫາທີ່ພາໃຫ້ເກີດສິນຄ້າລົ້ນຕະຫຼາດ ແລະ ຂາດຕະຫຼາດ;

      - ເຕັກນິກການຜະລິດ ແລະ ການຫຸ້ມຫໍ່ສິນຄ້າຈໍານວນໜຶ່ງ ກໍ່ຍັງມີລັກສະນະປະຖົມປະຖານ, ຍັງບໍ່ທັນໄດ້ມາດຕະຖານ ແລະ ບໍ່ສາມາດນໍາເຂົ້າໄປວາງຈໍາໜ່າຍຢູ່ຕາມຮ້ານຄ້າຂະໜາດໃຫຍ່ ແລະ ທົດແທນສິນຄ້ານໍາເຂົ້າໄດ້. ເຊິ່ງສີນຄ້າສ່ວນໃຫຍ່ ກໍ່ເປັນສິນຄ້າສົດ ທີ່ມີອາຍຸການເກັບຮັກສາສັ້ນ ແລະ ເນົ່າເສຍໄວ ເຊິ່ງເປັນປັດໃຈໜຶ່ງ ທີ່ພາເຮັດໃຫ້ສິນຄ້າພາຍໃນມີລາຄາສູງ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 47

ຈຳນວນຜູ້ເຂົ້າຊົມວານນີ້ 69

ຈຳນວນຜູ້ເຂົ້າຊົມອາທິດນີ້ 212

ຈຳນວນຜູ້ເຂົ້າຊົມເດືອນນີ້ 747

ຈຳນວນຜູ້ເຂົ້າຊົມທັງໝົດ 53127

Currently are 17 guests and no members online