c511d8218c992335e5d5615b1b3401f4

ວັນ​ທີ 11  ກັນຍາ 2019 ທ່ານ ບຸນ​ຍັງ ວໍລະ​ຈິດ ປະທານ​ປະເທດໄດ້​ລົງ​ຢ້ຽມຢາມ​ພົບ​ປະ​ໂອ້​ລົມ ແລະ ເຮັດ​ວຽກ​ກັບ​ການ​ນຳ ແລະພະນັກງານ​ຫຼັກ​ແຫຼ່ງ​ເມືອງ​ນາ​ຊາຍ​ທອງ ຢູ່​ທີ່​ສະໂມສອນ​ປົກຄອງ​ເມືອງຖືກ​ຕ້ອນຮັບ​ໂດຍ​ທ່ານ ວິລະ​ສັກ ນາມ​ມູນ​ຕີ ເຈົ້າເມືອງ​ນາ​ຊາຍ​ທອງ ມີ​ທ່ານສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ (ນວ) ທ່ານ​ລັດຖະມົນຕີຮອງ​ລັດຖະມົນຕີ ແລະ ຂະແໜງການ​ກ່ຽວຂ້ອງ​ເຂົ້າ​ຮ່ວມ.

    ທ່ານ ວິລະ​ສັກ ນາມ​ມູນ​ຕີໄດ້​ລາຍ​ງານ​ສະພາບ​ລວມ​ການ​ພັດທະນາ​ຂອງ​ເມືອງ​ນາ​ຊາຍ​ທອງ​ໃນ​ແຕ່​ລະ​ດ້ານ​ຜ່ານ​ມາເປັນຕົ້ນ ດ້ານ​ການເມືອງ​ຍັງ​ສືບຕໍ່​ມີ​ສະຖຽນ​ລະ​ພາບ​ຢ່າງ​ໜັກ​ແໜ້ນສັງຄົມ​ມີ​ຄວາມ​ສະຫງົບ ເປັນ​ລະ ບຽບ​ຮຽບ​ຮ້ອຍ​ໂດຍ​ພື້ນຖານ ແລະດ້ານ​ເສດຖະກິດ​ມີ​ການ​ຂະຫຍາຍຕົວ​ຢ່າງ​ຕໍ່​ເນື່ອງ ໃນ​ສົກ​ປີ 2017-2018 ລວມ​ຍອດ​ຜະລິດ​ຕະ​ພັນ​ພາຍ​ໃນ​ປະຕິບັດ​ໄດ້ 1.290,8 ຕື້​ກີບສະເລ່ຍ​ລາຍ​ຮັບ​ໃສ່​ຫົວ​ຄົນ 16 ລ້ານ​ກວ່າ​ກີບ​ຕໍ່​ຄົນ​ຕໍ່​ປີຈັດ​ເກັບ​ລາຍ​ຮັບ​ເຂົ້າ​ງົບປະມານ​ໄດ້ 14,7 ຕື້​ກີບ ເທົ່າ​ກັບ 94,33% ສົກ​ປີ 2018-2019 ມາ​ຮອດ​ປັດຈຸບັນ​ສາມາດ​ປະຕິບັດ​ໄດ້ 11,4 ຕື້​ກີບທຽບໃສ່​ຕົວ​ເລກ​ແຜນການ 16,9 ຕື້​ກີບ ເທົ່າ​ກັບ 67,69% ການ​ຊຸກຍູ້​ການ​ສົ່ງເສີມ​ການ​ຜະລິດ ແລະ ການ​ປູກຝັງ-ລ້ຽງສັດ​ເປັນ​ສິນຄ້າໄດ້​ສຸມ​ໃສ່​ຂະຫຍາຍ​ການ​ຜະລິດ​ສິນຄ້າ​ກະສິກຳ​ໃຫ້​ມີ​ຄຸນ​ນະ​ພາບ ແລະການ​ຜະລິດ​ສະບຽງ​ອາຫານ​ປອດ​ສານພິດຊຸກຍູ້​ການ​ນຳ​ໃຊ້​ເຕັກນິກ​ໃໝ່​ເຂົ້າ​ໃນ​ການ​ຜະລິດ​ຢ່າງ​ມີ​ຈຸດ​ສຸມດ້ວຍ​ການ​ສ້າງ​ຄອບຄົວ​ຕົວ​ແບບ ແລະຈັດ​ຕັ້ງ​ເປັນ​ກຸ່ມ​ປູກຝັງ-ລ້ຽງສັດ​ແບບ​ເປັນ​ຟາມເພື່ອ​ກ້າວ​ໄປ​ສູ່​ການ​ສ້າງ​ເປັນ​ສະຫະກອນແນໃສ່​ການ​ຫຼຸດຜ່ອນ​ແຮງ​ງານ​ຜະລິດ​ເຂົ້າ​ດ້ວຍ​ມື​ໃຫ້​ໄດ້ 10% ຕໍ່​ປີປັດຈຸບັນ​ປະຕິບັດ​ໄດ້ 80-85% ແລະສູ້​ຊົນ​ປະຕິບັດ​ສ່ວນ​ທີ່​ຍັງ​ເຫຼືອ​ໃຫ້​ສຳເລັດ​ປີ 2020  ທົ່ວ​ເມືອງ​ມີ​ຄອບຄົວ​ຕົວ​ແບບ 212 ຄອບຄົວ ມີ​ກຸ່ມ​ການ​ຜະລິດ 7 ກຸ່ມມີ​ຟາມ​ລ້ຽງສັດ 257 ແຫ່ງ ຟາມ​ໝູ 90 ແຫ່ງ ຟາມ​ໄກ່​ພັນ​ໄຂ່ 94 ແຫ່ງຟາມ​ໄກ່​ພັນ​ຊີ້ນ 25  ແຫ່ງ ຟາມ​ເປັດ​ໄຂ່ 23 ແຫ່ງ ຟາມ​ງົວ 12 ແຫ່ງ ຟາມ​ແບ້ 5 ແຫ່ງ ສາມາດ​ສະໜອງ​ຊີ້ນ​ໄດ້ 14.206 ໂຕນ​ຕໍ່​ປີ ຜະລິດ​ພືດ​ຜັກ​ໄດ້ 9.681 ໂຕນ​ຕໍ່​ປີ ຜະລິດ​ເຂົ້າ​ໄດ້ 53 ພັນ​ໂຕນ​ຕໍ່​ປີ ແລະສາມາດ​ສ້າງຕັ້ງ​ສະຫະກອນ​ໄດ້ 1 ຫົວໜ່ວຍ ມີ​ສະມາຊິກ​ທັງ​ໝົດ 30 ຄອບຄົວ.

    ໂອກາດ​ນີ້ ທ່ານ ບຸນ​ຍັງ ວໍລະ​ຈິດ ໄດ້​ໃຫ້​ກຽດ​ໂອ້​ລົມກ່ອນ​ອື່ນ​ທ່ານ​ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຜົນສຳເລັດ​ທີ່​ເມືອງ​ນາ​ຊາຍ​ທອງ​ຍາດ​ມາ​ໄດ້​ໃນ​ຜ່ານ​ມາພ້ອມ​ທັງ​ໄດ້​ເນັ້ນ​ໃຫ້​ອຳນາດ​ການ​ປົກຄອງ​ເມືອງ​ເອົາໃຈໃສ່​ສືບຕໍ່​ການຈັດຕັ້ງ​ປະຕິບັດ​ວຽກ​ງານ​ການ​ສຶກ​ສາ​ອົບຮົມ​ການເມືອງ-ແນວ​ຄິດ​ໃຫ້​ພະນັກງານ​ຫຼັກ​ແຫຼ່ງ​ຢ່າງ​ໜັກ​ແໜ້ນ​ເຂັ້ມແຂງ​ເຊິ່ງ​ບັນຫາ​ດັ່ງກ່າວ​ເປັນ​ບັນຫາ​ທີ່​ຕັດສິນ​ໃນ​ການ​ພັດທະນາ​ໃນ​ແຕ່​ລະ​ດ້ານໂດຍ​ເລີ່ມ​ຈາກ​ພະນັກງານ​ການ​ນຳ​ໃນ​ແຕ່​ລະ​ຂັ້ນແກ້​ໄຂ​ຢ່າງ​ເດັດຂາດ​ຕໍ່​ໜໍ່​ແໜງ​ຄວາມ​ບໍ່​ສະຫງົບ ໂດຍ​ສະເພາະປາກົດການ​ຫຍໍ້ທໍ້​ໃນ​ສັງຄົມ ເຊັ່ນ: ບັນຫາ​ຢາ​ເສບ​ຕິດ ອຸບັດເຫດ​ຕາມ​ຖະໜົນຂີ້ລັກ ຂັດ​ແງະ ປຸ້ນ​ຈີ້ ຊີງ​ຊັບ ແລະ ອື່ນໆ​ໃຫ້​ນັບ​ມື້​ຫຼຸດ​ລົງເອົາໃຈໃສ່​ຫັນ​ລົງ​ກໍ່ສ້າງ​ການເມືອງ​ກັບ​ທີ່ປັບປຸງ​ລະບົບ​ການເມືອງ​ໃຫ້​ມີ​ຄວາມ​ໜັກ​ແໜ້ນ​ເຂັ້ມແຂງສືບຕໍ່​ຍູ້​ແຮງ​ການ​ຜະລິດ​ສິນຄ້າ​ຂອງ​ເມືອງ​ໃຫ້​ຫຼາຍ​ຂຶ້ນ ໂດຍ​ສະເພາະກະສິກຳ​ປອດ​ສານພິດ ການ​ສົ່ງເສີມ​ຄອບຄົວ​ຕົວ​ແບບຫັນ​ເອົາ​ເຕັກນິກ​ລົງ​ສູ່​ຮາກ​ຖານ​ບ້ານ ກຸ່ມ ເຊັ່ນ:ຕັກ​ເນິກ​ການ​ປູກ-ການ​ລ້ຽງ​ໃຫ້​ມີ​ຜົນ​ຜະລິດ​ສູງສ້າງ​ສິນຄ້າ​ໃຫ້​ມີ​ຄຸນ​ນະ​ພາບ ເພື່ອ​ຕອບ​ສະ   ໜອງ​ຄວາມ​ຮຽກຮ້ອງ​ຕ້ອງການໂດຍ​ອີງໃສ່​ທ່າແຮງ​ບົ່ມ​ຊ້ອນ​ຕ່າງໆ​ຂອງ​ເມືອງ  ສົ່ງເສີມ​ການ​ປັບປຸງ​ວິ​ສາ​ຫະ​ກິດ​ຂະໜາດ​ໜ້ອຍ ແລະ ກາງ​ໃຫ້​ເປັນ​ລະບົບສ້າງ​ຫົວໜ່ວຍ​ວິ​ສາ​ຫະ​ກິດ​ໃຫ້​ເຂົ້າ​ເຖິງ​ແຫຼ່ງ​ທຶນ  ວຽກ​ງານ​ການ​ກະກຽມ​ກອງ​ປະຊຸມ​ໃຫຍ່ 3 ຂັ້ນໃຫ້​ພ້ອມ​ກັນ​ຍູ້​ແຮງ​ສ້າງ​ຂະ​ບວນ​ການ​ຕ່າງໆ​ໃຫ້​ພົ້ນ​ເດັ່ນ ແລະຮູບ​ປະ​ທຳ​ຄາດໝາຍ​ໃດ​ຍັງ​ບໍ່​ທັນ​ບັນລຸ​ກໍ​ໃຫ້​ສູ້​ຊົນ​ໃຫ້​ສຳເລັດ​ທັນ​ຕາມ​ກຳນົດການ​ກຽມ​ເນື້ອ​ໃນ​ຮ່າງ​ລາຍ​ງານ​ການເມືອງ​ຕ້ອງ​ໃຫ້​ສອດຄ່ອງ​ກັບ​ຄວາມ​ເປັນ​ຈິງມີ​ຈຸດ​ສຸມ ແລະ ມີ​ທິດ​ທາງ​ແຜນການ​ໃນຕໍ່ໜ້າ​ຢ່າງ​ຊັດ​ເຈນຫຼີກ​ລ່ຽງ​ເລື່ອງ​ທີ່​ເກີນ​ຄວາມ​ຈິງພ້ອມ​ກັນ​ຍູ້​ແຮງ​ການທ່ອງທ່ຽວ​ຫ້ວຍ​ຊອນ-ຫ້ວຍ​ຊົ້ວປັບປຸງ​ໃຫ້​ມີ​ຄວາມ​ສວຍ​ງາມ ໃຫ້​ມີ​ອັນ​ໃໝ່​ໃນ​ການ​ປູກ ການ​ລ້ຽງ ແລະສ້າງ​ເມືອງ​ໃຫ້​ມີ​ຄວາມ​ສວຍ​ງາມ​ຮັ່ງມີ ປະຊາຊົນ​ມີ​ຄວາມ​ຜາ​ສຸກສຳລັບ​ຂໍ້​ສະເໜີ​ຂອງ​ທ່ານ​ເຈົ້າເມືອງ​ກ່ຽວ​ກັບ​ການ​ຊຸກຍູ້​ຈັດ​ຕັ້ງ​ປະຕິບັດ​ໂຄງການ​ກໍ່ສ້າງ​ຄູ​ກັນ​ນ້ຳ​ລຽບ​ສາຍ​ນ້ຳ​ງື່ມ​ໄຊ​ທານີ-ນາ​ຊາຍ​ທອງມີ​ຄວາມ​ຍາວ 24 ກິໂລແມັດ ເປັນ​ດິນ​ແດງ ມູນ​ຄ່າ 19 ຕື້​ກີບ ແລະການ​ຊ່ວຍ​ແກ້​ໄຂ​ງົບປະມານ​ກໍ່ສ້າງ​ຕຶກ​ຫ້ອງການ​ເສດຖະກິດ​ຂອງ​ເມືອງ  ລວມ​ທັງ​ການ​ຍົກ​ລະດັບ​ການ​ແກ້​ໄຂ​ບັນຫາ​ການ​ບຸກລຸກ​ເຂດ​ສະຫງວນ​ໜອງ​ບຶງອ່າງ​ໂຕ່ງ ແລະ ປ່າ​ສະຫງວນ​ພູ​ພະນັງ ຊີ້​ນຳ​ໃຫ້​ພາກສ່ວນ​ກ່ຽວຂ້ອງ​ສົມທົບ​ກັນນວ ເພື່ອ​ສະເໜີ​ກົມ​ການເມືອງ​ຊີ້​ນຳ​ລົງ​ຕິດຕາມ​ຕົວ​ຈິງເພື່ອ​ຫາ​ວິທີ​ແກ້​ໄຂ​ຢ່າງ​ຖືກ ຕ້ອງ.

    ຈາກ​ນັ້ນ ທ່ານ​ປະທານ​ປະເທດ ຍັງ​ໄດ້​ລົງ​ຢ້ຽມຢາມ ແລະຊີ້​ນຳ​ວຽກ​ງານ​ການ​ຜະລິດ​ຢູ່​ສະຖານີ​ຜະລິດ​ແນວ​ພັນ​ປາ​ນ້ຳ​ຫຸມເຊິ່ງ​ເປັນ​ໂຄງການ​ຮ່ວມ​ມື​ລະຫວ່າງ​ບໍລິສັດ ເອ​ດີ​ຊີ​ພັດທະນາ​ການ​ປະມົງຮ່ວມ​ທຶນ​ກັບ​ນັກ​ລົງທຶນ​ລາວ ແລະ ນັກ​ລົງທຶນ​ຮົງ​ກາລີເປັນ​ສະຖານີ​ຜະລິດ​ປາ​ນ້ອຍ (ປາ​ນິນ​ແປງ​ເພດ) ສະໜອງ​ໃຫ້ ນວ ແລະ ແຂວງ​ໃກ້​ຄຽງປັດຈຸບັນ​ໃນ​ສະຖານີ​ມີ​ພໍ່-ແມ່​ພັນ​ປາ​ປະມານ 2.000 ກິ​ໂລເກັບ​ໄຂ່​ໄດ້​ສະເລ່ຍ 14 ກິ​ໂລ​ຕໍ່​ເດືອນ ຜະລິດ​ປາ​ແປງ ເພດ (ປາ​ແຕກ​ໃໝ່) 1.120.000 ໂຕ​ຕໍ່​ເດືອນ ປາ​ນ້ອຍ​ແປງ​ເພດ​ແລ້ວ​ພ້ອມ​ຂາຍ 784.000 ໂຕ​ຕໍ່​ເດືອນ ສະເລ່ຍ​ສາມາດ​ຜະລິດ​ປາ​ນ້ອຍ​ໄດ້ ປະມານ 9,3 ລ້ານ​ໂຕ​ຕໍ່​ເດືອນ  ນອກ​ນັ້ນ ທ່ານ​ຍັງ​ໄດ້​ໄປ​ຢ້ຽມຢາມ​ສວນ​ພຶກສາ​ຂອງ​ທ່ານ ພູ​ວົງ ພະ​ມີ​ສິດທີ່​ຕັ້ງ​ຢູ່​ເຂດ​ບ້ານ​ດ່ານ​ຊີ ຕື່ມ​ອີກ.

 

ໜັງສືພິມວຽງຈັນໃໝ່

 

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 47

ຈຳນວນຜູ້ເຂົ້າຊົມວານນີ້ 69

ຈຳນວນຜູ້ເຂົ້າຊົມອາທິດນີ້ 212

ຈຳນວນຜູ້ເຂົ້າຊົມເດືອນນີ້ 747

ຈຳນວນຜູ້ເຂົ້າຊົມທັງໝົດ 53127

Currently are 10 guests and no members online