WhatsApp Image 2019 10 11 at 10.43.04WhatsApp Image 2019 10 11 at 10.43.05                        

        ທ່ານ ປອ. ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ໃຫ້ກຽດເຂົ້າຮ່ວມ ການຈັດງານເວທີສົນທະນາ ເນື່ອງໃນໂອກາດວັນສັບປະດາເຄຫາສະຖານໂລກ ປະຈຳປີ 2019 ພາຍໃຕ້ຫົວຂໍ້ “ນັກຮຽນ, ນັກສຶກສາ ກັບການພັດທະນາຕົວເມືອງ ໃນວັນສັບປະດາເຄຫາສະຖານໂລກ 2019” ຂອງສູນກາງຊາວໜຸ່ມປະຊາຊົນປະຕິວັດລາວ ໄດ້ຈັດ ຂຶ້ນວັນທີ 10 ຕຸລາ 2019 ທີ່ມະຫາວິທະຍາໄລແຫ່ງຊາດ (ມຊ) ໂດຍມີ ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ແລະ ທ່ານ ສົມສີ ຍໍພັນໄຊ ອະທິການບໍດີ ມຊ ພ້ອມດ້ວຍ ບັນດາພະແນກການ ນວ, ອົງການຈັດຕັ້ງສາກົນ, ບັນດາຄູອາຈານ ແລະ ສະມາຊິກຊາວໜຸ່ມອ້ອມຂ້າງສູນກາງ ຈຳນວນ 850 ກ່ວາສະຫາຍເຂົ້າຮ່ວມ.

 

        55555

 

       

         ໂອກາດນີ້ ທ່ານ ເຈົ້າຄອງນະຄອນຫຼວງວຽງຈັນ ໄດ້ມີຄຳເຫັນວ່າໂອ້ລົມ ໃນເວທີສົນທະນາດັ່ງດ່າວ ໃນຫົວຂໍ້ທີ່ວ່າ: ພາຍໃຕ້ຫົວຂໍ້: “ຊາວໜຸ່ມ, ນັກຮຽນ, ນັກສຶກສາຈົ່ງຮ່ວມມືກັນພັດທະນາ ນະຄອນຫຼວງວຽງຈັນ ໃນໄລຍະໃໝ່ ໃຫ້ຈະເລີນວັດທະນາຍິ່ງໆຂື້ນ” ໂດຍໄດ້ບັນຍາຍ ແລະ ຊີແຈງໃຫ້ເຫັນເຖີງສະພາວະຂອງນະຄອນຫຼວງວຽງຈັນ ໃນປະຈຸບັນ, ວິໄສທັດການພັດທະນາ ສູ່ຄວາມຍືນຍົງ ທຽບກັບບັນດານະຄອນຫຼວງຂອງອາຊຽນ ແລະ ບັນດາແຂວງຕ່າງໆ ຂອງ ສ ປປລາວ ແລະ ໄດ້ເນັ້ນໜັກໃຫ້ ນັກຮຽນ, ນັກສຶກສາ ຊາວໜຸ່ມທຸກສາຍຫາຍ ຈົ່ງພ້ອມກັນຈັດຕັ້ງປະຕິບັດ ດ້ວຍຄຳເວົ້າທີ່ວ່າ: “ ຊາວໜຸ່ມ, ນັກຮຽນ, ນັກສຶກສາ ຈົ່ງກາຍເປັນນົກອິນຊີຍຸກໃໝ່ທີ່ພຽບພ້ອມໄປດ້ວຍພະລັງກາຍ, ພະລັງໃຈ, ພະລັງປັນຍາປະດິດ, ປະກອບສ່ວນພັດທະນານະຄອນຫຼວງ ໃຫ້ຈະເລີນວັດທະນາຍິ່ງໆຂື້ນ”

         ການມາເຕົ້າໂຮມຄັ້ງນີ້ຈະເປັນການປຶກສາຮ່ວມກັນ ເຊິ່ງປີນີ້ອົງການສະຫະປະຊາຊາດເພື່ອການພັດທະນາ (UNDP) ໄດ້ໃຫ້ຫົວຂໍ້ໃຫ້ພວກເຮົາຮ່ວມກັນຈັດຕັ້ງປະຕິບັດ ຄື: ນຳໃຊ້ວິທະຍາການແຖວໜ້າເປັນເຄື່ອງມືປະດິດສ້າງຢ່າງໜຶ່ງ ເພື່ອຫັນປ່ຽນສິ່ງເສດເຫຼືອໃຫ້ເປັນສົມບັດອັນລ້ຳຄ່າ ພວກເຮົາຈົ່ງພ້ອມກັນອຸທິດໃຫ້ສັບປະດາດັ່ງກ່າວ ເພື່ອໃຫ້ຜູ້ອອກແຮງງານມີຄວາມຜາສຸກ ມີຄຸນນະພາບຊີວິດທີ່ດີຂຶ້ນ ເຊິ່ງສະຖາບັນການສຶກສາກໍແມ່ນບ່ອນສຳຄັນທີ່ສຸດໃນການສ້າງຊັບພະຍາກອນມະນຸດ ຜູ້ສືບທອດໃນການພັດທະນາສັງຄົມ ກໍຄື ທຸກຄົນໃນທົ່ວປະເທດ ເພື່ອການພັດທະນາໃຫ້ມີຄວາມຍືນຍົງ ແລະ ຈະເລີນກ້າວໜ້າ.

         ພ້ອມດຽວກັນນີ້ ທ່ານຍັງໄດ້ສະແດງຄວາມຍ້ອງຍໍຊົມເຊີຍຕໍ່ຫົວຄິດປະດິດສ້າງຂອງຄະນະບໍລິຫານງານຊາວໜຸ່ມ 3 ພາກສ່ວນໃນການຈັດກິດຈະກຳຄັ້ງນີ້ ເປັນການເຕົ້າໂຮມຖັນແຖວຊາວໜຸ່ມໃຫ້ໄດ້ມາພົບພໍ້ກັນ ແລະ ທັງເປັນການສ້າງບັນຍາກາດສະເຫຼີມສະຫຼອງວັນປະກາດເອກະລາດ 12 ຕຸລາໃຫ້ມີຄວາມໝາຍສຳຄັນອັນເລິກເຊິ່ງຍິ່ງຂຶ້ນ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 58

ຈຳນວນຜູ້ເຂົ້າຊົມວານນີ້ 99

ຈຳນວນຜູ້ເຂົ້າຊົມອາທິດນີ້ 414

ຈຳນວນຜູ້ເຂົ້າຊົມເດືອນນີ້ 431

ຈຳນວນຜູ້ເຂົ້າຊົມທັງໝົດ 54368

Currently are 24 guests and no members online