WhatsApp Image 2019 09 19 at 16.58.42

 

         ຕອນແລງ ຂອງວັນທີ 19 ກັນຍາ 2019, ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ ໄດ້ສືບຕໍ່ມອບເຄື່ອງຊ່ວຍເຫຼືອໃຫ້ແກ່ຜູ້ປະສົບໄພນ້ຳຖ້ວມແຂວງສະຫວັນນະເຂດ ປະກອບມີ ເຄື່ອງອຸປະໂພກ-ບໍລິໂພກ ລວມເປັນ ເງິນ 86,6 ລ້ານກີບ ພ້ອມດ້ວຍເງິນສົດ ຈຳນວນ 145 ລ້ານກີບ ລວມທັງໝົດ 231.600.000 ກີບ. ຕາງໜ້າອົງການປົກຄອງແຂວງສະຫວັນນະເຂດ ຮັບໂດຍ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມດ້ວຍຄະນະ.

 

 

WhatsApp Image 2019 09 20 at 10.16.50

      ຕໍ່ມາ ໃນຕອນເຊົ້າ ຂອງວັນ 20 ກັນຍາ 2019 ທ່ານ ເຈົ້າຄອງນະຄອນຫຼວງວຽງຈັນ ພ້ອມຄະນະ ໄດ້ເດີນທາງໄປສຳນັກງານປົກຄອງເມືອງຈຳພອນ ແຂວງສະຫວັນນະເຂດ ເພື່ອເຂົ້າຮ່ວມມອບເຄື່ອງຊ່ວຍເຫຼືອໃຫ້ແກ່ຜູ້ປະສົບໄພນ້ຳຖ້ວມ ຮ່ວມກັບ ຄະນະນຳແຂວງສະຫວັນນະເຂດ ເຊິ່ງປະກອບມີ ເຄື່ອງອຸປະໂພກ- ບໍລິໂພກ ພ້ອມດ້ວຍເງິນສົດ ທີ່ໄດ້ມອບຮັບກັນໃນຕອນແລງວັນທີ 19 ຜ່ານມານັ້ນ.

            WhatsApp Image 2019 09 20 at 10.47.02WhatsApp Image 2019 09 20 at 10.47.05WhatsApp Image 2019 09 20 at 10.47.06

       ຈາກນັ້ນ ທ່ານເຈົ້າຄອງນະຄອນຫຼວງວຽງຈັນ ຍັງໄດ້ລົງພື້ນທີ່ ບ້ານແກັງກອກ ເມືອງຈຳພອນ ເຊີ່ງເປັນພື້ນທີ່ໜື່ງທີ່ໄດ້ຮັບຜົນກະທົບໜັກ ແລະ ນ້ຳຖ້ວມສູງ ເພື່ອຢ້ຽມຢາມ ແລະ ໃຫ້ກຳລັງໃຈປະຊາຊົນຜູ້ທີ່ປະສົບໄພ ພໍດີກັບເວລາທີ່ປະຊາຊົນບ້ານແກັງກອກ ແລະ ບ້ານໃກ້ຄຽງພວມພາກັນອະນາໄມຕົວເມືອງຫຼັງຈາກນໍ້າຖ້ວມໃນຄັ້ງນີ້.

 

      ຕາງໜ້າຄະນະບໍລິຫານງານພັກ, ອົງການປົກຄອງ, ສະພາປະຊາຊົນ ແລະ ປະຊາຊົນຊາວ ນະຄອນຫຼວງວຽງຈັນ, ຂໍສະແດງຄວາມເຫັນອົກເຫັນໃຈ ເປັນຢ່າງຍິ່ງ ມາຍັງອົງຄະນະພັກອົງການປົກຄອງ ແຂວງສະຫວັນນະເຂດ ໂດຍສະເພາະ ຄອບຄົວຜູ້ທີ່ຖືກຜົນກະທົບຈາກໄພນໍ້າຖ້ວມໃນຄັ້ງນີ້ ແລະ ກໍ່ເຊື່ອໝັ້ນວ່າ ພາຍໃຕ້ການນຳພາ ຂອງອົງຄະນະພັກ, ອົງການປົກຄອງ ແຂວງສະຫວັນນະເຂດ ໃນການຮັບມືກັບໄພພິບັດໃນຄັ້ງນີ້ ຈະສາມາດຜ່ານເວລາອັນຫຍຸ້ງຍາກ ແລະ ຊີວິດການ ເປັນຢູ່ຂອງປະຊາຊົນ ຈະໄດ້ຮັບການຟື້ນຟູກັບສູ່ສະພາບປົກກະຕິໂດຍໄວ.

index

     ໃນຕອນບ່າຍ ຂອງວັນທີ 21 ກັນຍາ 2019 ທ່ານ ເຈົ້າຄອງນະຄອນຫຼວງວຽງຈັນ ພ້ອມຄະນະ ໄດ້ເດີນທາງໄປສຳນັກງານປົກຄອງເມືອງເຊໂປນ ແຂວງສະຫວັນນະເຂດ ເພື່ອເຂົ້າຮ່ວມມອບເຄື່ອງຊ່ວຍເຫຼືອ ໃຫ້ແກ່ຜູ້ປະສົບໄພນ້ຳຖ້ວມ ເຊິ່ງປະກອບມີ ເຄື່ອງອຸປະໂພກ- ບໍລິໂພກ ພ້ອມດ້ວຍເງິນສົດ 42.800.000 ກີບ ຕາງໜ້າອົງການປົກຄອງເມືອງເຊໂປນ ຮັບໂດຍ ທ່ານ ອຸ່ນໄຊ ໄຊຍະຈັກ ເຈົ້າເມືອງເຊໂປນ ພ້ອມດ້ວຍຄະນະ.

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 36

ຈຳນວນຜູ້ເຂົ້າຊົມວານນີ້ 99

ຈຳນວນຜູ້ເຂົ້າຊົມອາທິດນີ້ 392

ຈຳນວນຜູ້ເຂົ້າຊົມເດືອນນີ້ 409

ຈຳນວນຜູ້ເຂົ້າຊົມທັງໝົດ 54346

Currently are 11 guests and no members online