69877230 938728729808987 5116976186223755264 n

      ໃນໂອກາດທີ່ີທ່ານ ປອ ສິນລະວົງ ຄຸດໄພທູນ, ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ ລົງຢ້ຽມຢາມ ແລະ ຊຸກຍູ້ການຜະລິດ ຢູ່ເມືອງໄຊທານີ ນວ, ພາຍຫຼັ້ງສຳເລັດການເຄື່ອນໄຫວຕາມແຜນການ, ຄະນະດັ່ງກ່າວ ກໍໄດ້ລົງຢ້ຽມຢາມ ແລະ ສະແດງຄວາມເຫັນໃຈ ຄອບຄົວປະຊາຊົນ ທີ່ອາໄສຢູ່ແຄມຕະຝັ່ງແມ່ນ້ຳງື່ມ ແລະ ແມ່ນ້ຳໂຄນ ເຂດບ້ານທ່າສະຫວ່າງ ເມືອງໄຊທານີ ທີ່ຖືກຜົນກະທົບຈາກຕາຝັ່ງເຈືອນ.

           

                           70509462 938728836475643 8596337451935465472 n69629813 938729043142289 4659591851718737920 n

 

    ເຫດການດັ່ງກ່າວເກີດຂື້ນໃນເວລາ 16:00 ໂມງ ຂອງວັນທີ 21 ສິງຫາ ຈົນເຖີງວັນທີ 28 ສິງຫາ 2019 ທີ່ຜ່ານມາ ໄດ້ເກີດດິນເຊາະເຈື່ອນ ຢູ່ເຂດບ້ານທ່າສະຫວ່າງ ເມືອງໄຊທານີ ນວ ເຮັດໃຫ້ແຄມຕະຝັ່ງເຂົ້າມາປະມານ 5-10 ແມັດ ແລະ ມີຄວາມຍາວລຽບແຄມຕະຝັ່ງ ປະມານ 400 ແມັດ, ເຊົີ່ງສົ່ງຜົນກະທົບຕໍ່ເຮືອນຊານຂອງປະຊາຊົນເຂດດັ່ງກ່າວຈຳນວນ 8 ຄອບຄົວ, ເຊີ່ງປະຈຸບັນ ອົງການປົກຄອງເມືອງໄຊທານີ ສົມທົບກັບ ອຳນາດການປົກຄອງບ້ານ ທ່າສະຫວ່າງ ໄດ້ແຈ້ງ ເຕືອນເຂດອັນຕະລາຍ ແລະ ໄດ້ລະດົມປະຊາຊາທີ່ອາໄສໃນເຂດທີ່ມີຄວາມສ່ຽງ ຍົກຍ້າຍ ແລະ ຂົນເອົາສີ່ງຂອງຈຳເປັນອອກຈາກເຮືອນຂອງຕົນ ມາຢູ່ບ່ອນປອດໄພແລ້ວ, ເນື່ອງຈາກເຂດດັ່ງກ່າວແມ່ນ ຍັງມີຄວາມສ່ຽງຈະສືບຕໍ່ເຊາະເຈື່ອນ ໃນຊ່ວງໄລຍະລະດູຝົນນີ້.

  ສຳລັບສາເຫດ ທີ່ພາໃຫ້ເກີດດິນເຊາະເຈື່ອນໃນຄັ້ງນີ້ ຍ້ອນມີຝົນຕົກໜັກຕິດຕໍ່ກັນຫຼາຍວັນ ເຮັດໃຫ້ປະລິມານນ້ຳຂອງທີ່ໄຫຼເຂົ້າສູ່ແມ່ນ້ຳໂຄນມີປະລິມານຫຼາຍ ແລະ ກະສນ້ຳໄຫຼຂອງນ້ຳແມ່ນມີຄວາມໄວສູງ, ກະທົບໃສ່ຕະຝັ່ງໂດຍກົງ ແລະ ຈຸດດັ່ງກ່າວແມ່ນແລວໂຄງຂອງແມ່ນ້ຳຈື່ງໄດ້ຮັບຜົນກະທົບໜັກ.

     ຕໍ່ບັນຫາດັ່ງກ່າວ ທ່ານເຈົ້າຄອງນະຄອນຫຼວງວຽງຈັນ ໄດ້ແນະນຳໃຫ້ປະຊາຊົນເຂດດັ່ງກ່າວ ເອົາໃຈໃສ່ຕິດຕາມ ແລະ ລະວັງຄວາມປອດໄພຂອງຕົນເອງ ແລະ ຄອບຄົວເປັນ ສຳຄັນທີ່ສຸດ, ເບື້ອງຕົ້ນແມ່ນໃຫ້ລະດົມກັນນຳເອົາເປົ່າຊາຍ ມາສ້າງເປັນຄູ່ປ້ານນ້ຳກ່ອນ ເພື່ອບໍ່ໃຫ້ການເຊາະເຈື່ອນຂະຫຍາຍເປັນວົງກ້ວາງໄປອີກ, ແລະ ມອບໃຫ້ ອົງການປົກຄອງເມືອງໄຊທານີ ແລະ ພະແນກໂຍທາທິການ-ຂົນສົ່ງ ສົມທົບກັນ ລົງຕິດຕາມຊ່ວຍເຫຼືອປະຊາຊົນທີ່ໄດ້ຮັບຜົນກະທົບ ຢ່າງໃກ້ສິດ. ສຳລັບແຜນໄລຍະຍາວ ນະຄອນຫຼວງວຽງຈັນ ຈະເລັ່ງວາງຜັງພັດທະນາ ສຳຫຼວດ ແລະ ອອກແບບ ກໍ່ສ້າງປ້ອງກັນຕະຝັ່ງເຈື່ອນ ເຂດດັ່ງກ່າວໃຫ້ໝັ້ນຄົງ ແລະ ຍາວນານ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 2

ຈຳນວນຜູ້ເຂົ້າຊົມວານນີ້ 11

ຈຳນວນຜູ້ເຂົ້າຊົມອາທິດນີ້ 13

ຈຳນວນຜູ້ເຂົ້າຊົມເດືອນນີ້ 968

ຈຳນວນຜູ້ເຂົ້າຊົມທັງໝົດ 64482

Currently are 12 guests and no members online