68733243 861768670869759 4193159468525027328 n67950788 861769334203026 7032967994686832640 o
    ຕອນເຊົ້າຂອງວັນທີ 8 ສິງຫາ 2019 ທີ່ສະໂມສອນສຳນັກງານປົກຄອງເມືອງສັງທອງ ນະຄອນຫຼວງວຽງຈັນ, ໄດ້ເປີດກອງປະຊຸມຊຸກຍູ້ຂະບວນການແຂ່ງຂັນ "ຮັກຊາດ ແລະ ພັດທະນາ" ຂອງນັກທຸລະກິດ ເຂົ້າສູ່ເມືອງສັງທອງ ໂດຍການເປັນປະທານຂອງ ທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນ, ມີທ່ານ ດາວເພັດ ອາລຸນ ເຈົ້າເມືອງໆສັງທອງ, ທ່ານ ບຸນໜາ ຜາທຸມມະວົງ ຫົວໜ້າພະແນກພາຍໃນ ນວ. ເຂົ້າຮ່ວມມີ ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ, ບັນດາທ່ານເຈົ້າເມືອງ, ຫົວໜ້າພະແນກການ ແລະ ອົງການຈັດຕັ້ງອ້ອມຂ້າງ, ມີບັນດາຫົວໜ່ວຍທຸລະກິດຕ່າງໆຂອງ ນວ ແລະ ຫົວໜ່ວຍທຸລະກິດ ທີ່ກຳລັງດຳເນີນກິດຈະການຢູ່ພາຍໃນເມືອງສັງທອງ ແລະ ພາກສ່ວນກ່ຽວຂ້ອງເຂົ້າຮ່ວມ.

 

   ຈຸດປະສົງຂອງການເປີດກອງປະຊຸມຄັ້ງນີ້ ໂດຍປະຕິບັດລັດຖະດໍາລັດ ສະບັບເລກທີ 001/ປປທ. ລົງວັນທີ 23 ມັງກອນ 2010 ວ່າດ້ວຍການແຂ່ງຂັນ-ຍ້ອງຍໍ ທົ່ວປະເທດໄລຍະໃໝ່ ແລະ ມະຕິຕົກລົງ ສະບັບເລກທີ 302/ຄພ.ນວ ວ່າດ້ວຍການເປີດຂະບວນການແຂ່ງຂັນ “ຮັກຊາດ ແລະ ພັດທະນາ” ຢູ່ສໍານັກງານ, ອົງການ, ຫົວໜ່ວຍທູລະກິດ, ຜູ້ປະກອບການອ້ອມຂ້າງນະຄອນຫລວງ ແລະ ຂໍ້ຕົກລົງ ເລກທີ 0939/ຈນວ, ລົງວັນທີ 27 ພະຈິກ 2017 ວ່າດ້ວຍ ການເປີດຂະ ບວນການແຂ່ງຂັນ “ຮັກຊາດ ແລະ ພັດທະນາ” ຕິດພັນກັບຮັກນະຄອນຫຼວງວຽງຈັນ ແລະ ຄຳສັ່ງເພີ່ມຕື່ມ ສະບັບເລກທີ 003/ຈນວ, ລົງວັນທີ 7 ມິຖຸນາ 2019 ກ່ຽວກັບຫົວຂໍ້ແຂ່ງຂັນຮັກຊາດ ແລະ ພັດທະນາ ຕິດພັນ ກັບຮັກນະຄອນຫຼວງ ໄລຍະຮອດປີ 2020 ແລະ ເພື່ອຊຸກຍູ້ຂະບວນການແຂ່ງຂັນຮັກຊາດ-ພັດທະນາ ຂອງພາກທຸລະກິດ ເຂົ້າສູ່ເມືອງສັງທອງ, ເປັນການຂະຫຍາຍຈິດໃຈຊີ້ນຳຂອງກອງປະຊຸມຊຸກຍູ້ຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບການພັດທະນາເຂດຊານເມືອງ (ຊົນນະບົດ) ເພື່ອແກ້ໄຂຄວາມທຸກຍາກຂອງປະຊາຊົນ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 58

ຈຳນວນຜູ້ເຂົ້າຊົມວານນີ້ 99

ຈຳນວນຜູ້ເຂົ້າຊົມອາທິດນີ້ 414

ຈຳນວນຜູ້ເຂົ້າຊົມເດືອນນີ້ 431

ຈຳນວນຜູ້ເຂົ້າຊົມທັງໝົດ 54368

Currently are 24 guests and no members online