66783148 644078419407546 7489022482762956800 n

ກອງປະຊຸມຄົບຄະນະບໍລິຫານງານພັກ ນະຄອນຫຼວງວຽງຈັນ ຄັ້ງທີ 18 ສະໄໝທີ VI ໄດ້ສໍາເລັດລົງໃນຕອນບ່າຍມື້ນີ້ (16 ກໍລະກົດ 2019) ຢູ່ສໍາໜັກງານປົກຄອງນະຄອນຫຼວງວຽງຈັນ, ພາຍຫຼັງດໍາເນີນມາເປັນເວລາ 2 ວັນ; ໂດຍການເປັນປະທານຂອງ ທ່ານ ປອ ສິນລະວົງ ຄຸດໄພທູນກໍາມະການກົມການເມືອງສູນກາງພັກ, ເລຂາຄະນະພັກ, ເຈົ້າຄອງນະຄອນຫຼວງວຽງຈັນ, ໃຫ້ກຽດເຂົ້າຮ່ວມໂດຍ ທ່ານ ສົມສະຫວາດ ເລັ່ງສະຫວັດທີ່ປຶກສາກົມການເມືອງສູນກາງພັກ, ມີບັນດາລັດຖະມົນຕີ-ຮອງລັດຖະມົນຕີ, ການນໍາພັກ-ລັດຂັ້ນສູງ, ແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນກອງປະຊຸມແມ່ນໄດ້ຮັບຟັງລາຍງານຮ່າງມະຕິຂອງກົມການເມືອງສູນກາງພັກວ່າດ້ວຍການພັດທະນາ ນະຄອນຫຼວງວຽງຈັນ ໃນໄລຍະໃໝ່; ເປັນກຽດລາຍງານໂດຍ ທ່ານ ພູວົງວົງຄໍາຊາວ ຫົວໜ້າຫ້ອງວ່າການ ນະຄອນຫຼວງວຽງຈັນ ໃນຮ່າງມະຕິດັ່ງກ່າວໄດ້ຍົກໃຫ້ເຫັນວ່າ: ໜ້າທີ່ ແລະ ແຜນວຽກຈຸດສຸມໄລຍະແຕ່ນີ້ຮອດປີ 2030 ຈະສຸມໃສ່ 6 ດ້ານຄື:
1.
ດ້ານຄວາມໝັ້ນຄົງ, ການເມືອງການປົກຄອງ:ເປັນຫົວໜ່ວຍຍຸດທະສາດໜຶ່ງທີ່ມີລະບົບການເມືອງປະຊາທິປະໄຕປະຊາຊົນທີ່ມີພັກນໍາພາແຕ່ຂັ້ນນະຄອນຮອດຂັ້ນຄຸ້ມຄອງບ້ານຢ່າງເປັນລະບົບຄົບສຸດ, ໂປ່ງໃສ, ເຂັ້ມແຂງໜັກແໜ້ນ, ສາມາດຮັບປະກັນຄວາມໝັ້ນຄົງທາງດ້ານການເມືອງ, ຄວາມເປັນລະບຽບຮຽບຮ້ອຍທາງດ້ານສັງຄົມ, ລະບົບການບໍລິຫານການປົກຄອງ, ການຄຸ້ມຄອງເສດຖະກິດ-ສັງຄົມ, ວັດທະນະທໍານໍາໃຊ້ ICT ຢ່າງແຜ່ຜາຍ (E-goverment).
2.
ດ້ານເສດຖະກິດ: ສໍາລັບປີ 2030 ໃຫ້ບັນລຸສາມເທົ່າ ຫຼືປະມານ 15.000-18.000 ໂດລາສະຫະລັດ, ປະຊາຊົນສ່ວນໃຫຍ່ດໍາລົງຊີວິດດ້ວຍຄວາມຜາສຸກຢູ່ດີກິນດີ ບູລະນະກົນໄກເສດຖະກິດ ເອກະເທດ, ເອກະຊົນເຂົ້າສູ່ລະບົບຮ່ວມມືສ້າງເປັນກຸ່ມບໍລິສັດ, ບໍລິສັດຈໍາກັດ, ບໍລິສັດມະຫາຊົນເພື່ອສາມາດແຂ່ງຂັນກັບບໍລິສັດຕ່າງປະເທດ ແລະ ໄປຖືກທິດສູ່ສັງຄົມນິຍົມ.
3.
ດ້ານວັດທະນະທໍາ-ສັງຄົມ: ຮັກສາ ແລະ ເຊີດຊູບົດບາດນະຄອນຫຼວງວຽງຈັນໃຫ້ເປັນໃຈກາງທາງດ້ານວັດທະນະທໍາຂອງຊາດ, ເປັນສູນລວມຈິດໃຈ ແລະ ອະລິຍະທໍາຂອງຊາດລາວເອກະພາບມາກ່ອນ ໃຫ້ນັບມື້ອຸດົມໜຽວແໜ້ນ; ສ້າງເງື່ອນໄຂໃຫ້ຄົນໃນສັງຄົມໄດ້ຮຽນຮູ້ ແລະຝຶກຝົນທາງດ້ານຄຸນສົມບັດສິນທໍາປະຕິວັດ ແລະ ອະລິຍະທໍາ, ມີຊີວະທັດ ແລະໂລກາທັດທີ່ກ້າວໜ້າ, ພົນລະເມືອງສ່ວນໃຫຍ່ມີວຽກເຮັດງານທໍາ ແລະສາມາດເຂົ້າເຖິງລະບົບສະຫວັດດີການສັງຄົມ.
4.
ດ້ານການສຶກສາ ແລະ ວິທະຍາສາດ:ຮັກສາ ແລະ ຢຶດໝັ້ນຖານະເປັນໃຈກາງທາງດ້ານການສຶກສາ, ວິທະຍາສາດ-ເຕັກໂນໂລຊີ ແລະເລີ່ມໄວກວ່າໝູ່ຫັນສູ່ຄວາມເປັນທັນສະໄໝ ແລະ ເສດຖະກິດພູມປັນຍາ, ສ້າງພົນລະເມືອງໃນເກນອາຍຸຮຽນ ໄດ້ມີລະບົບການສຶກສາຈົບມັດທະຍົມຕອນປາຍ; ຖັນແຖວນັກວິຊາການ, ຊ່ຽວຊານແມ່ນຕອບສະໜອງໂດຍພຶ້ນຖານກັບຍຸດທະສາດການພັດທະນະເສດຖະກິດ-ສັງຄົມ, ສາມາດຄົ້ນຄວ້າ, ນໍາໃຊ້ ແລະ ບໍລິການຜົນສໍາເລັດໃໝ່ທາງດ້ານວິທະຍາສາດ, ວິທະຍາການເຂົ້າໃນການຜະລິດ ທຸລະກິດ.
5.
ດ້ານສິ່ງແວດລ້ອມ:ສ້າງເຂດເທດສະບານນະຄອນຫຼວງວຽງຈັນໃຫ້ເປັນພື້ນທີ່ໜຶ່ງທີ່ເປັນຕົວຢ່າງຂອງເມືອງອັດສະລິຍະທັງປົກປັກຮັກສາສິ່ງແວດລ້ອມ, ທໍາມະຊາດ ແລະ ສັງຄົມຢ່າງກົມກຽວ, ມີສໍາປະສິດພື້ນທີ່ສີຂຽວ, ອາກາດສົດໃສ ແລະ ຮັກສາໃຫ້ກາຍເປັນເມືອງນິເວດ, ພັດທະນາຄອງນໍ້າວຽງຈັນ ຕາມແຜນຜັງຢ່າງເຂັ້ມງວດ ແລະ ໃຫ້ຄົງຢູ່ຢ່າງຢືນຍາວ.
6.
ດ້ານການພົວພັນຮ່ວມມືກັບສາກົນ: ເສີມຂະຫຍາຍຄຸນປະໂຫຍດທາງດ້ານທີ່ຕັ້ງພູມສາດແລະ ທີ່ຕັ້ງເປັນໃຈກາງຂອງການພົວພັນຮ່ວມມືເຊື່ອມໂຍງກັບສາກົນ ແລະອະນຸພາກພື້ນທີ່ມີມາແລ້ວ ໃຫ້ໄດ້ໃນລະດັບສູງ, ປັບປຸງ ແລະນໍາໃຊ້ລະບົບການບໍລິການຂົນສົ່ງທາງອາກາດ, ທາງບົກ, ທາງລົດໄຟ, ລະບົບສື່ສານ, ດາວທຽມ ຍົກລະດັບເຊື່ອມໂຍງກັບສາກົນນໍາໜ້າແຂວງອື່ນ ແລະຫຍັບໃກ້ເຂົ້າກັບນະຄອນຫຼວງຂອງອາຊຽນ. ພົວພັນຮ່ວມມືກັບບັນດານະຄອນຫຼວງ, ນະຄອນແລະ ແຂວງຂອງປະເທດເພື່ອນມິດ ຢ່າງເປັນເຈົ້າການ.

ຂ່າວໂດຍ: ບ່າວເມືອງເໜືອ

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 49 guests and no members online