WhatsApp Image 2019 05 09 at 1.29.38 PM

ວັນ​ທີ 8 ພຶດ­ສະ­ພາ 2019 ທ່ານ ອາດ​ສະ­ພັງ​ທອງ ສີ​ພັນ​ດອນຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ (ນວ) ໄດ້​ລົງ​ຊຸກ­ຍູ້ ແລະພົບ​ປະ​ພະ­ນັກ­ງານ​ພະ​ແນກ​ແຜນ­ການ ແລະ ການ​ລົງ­ທຶນ ນວໃຫ້​ກຽດ​ຕ້ອນ­ຮັບ​ໂດຍ​ທ່ານ ພູ​ຂົງ ບັນ­ດາ​ວົງ ຫົວ­ໜ້າ​ພະ​ແນກ​ແຜນ­ການ ແລະການ​ລົງ­ທຶນ ນວ ພ້ອມ​ດ້ວຍ​ຄະ­ນະ​ພະ​ແນກ ຫົວ­ໜ້າ​ສູນ​ສະ­ຖິ­ຕິ​ປະ­ຈຳ ນວ ແລະພະ­ນັກ­ງານ​ເຂົ້າ​ຮ່ວມ.

 

    ໂອ­ກາດ​ນີ້ ທ່ານ ພູ​ຂົງ ບັນ­ດາ​ວົງໄດ້​ລາຍ​ງານ​ຫຍໍ້​ກ່ຽວ​ກັບ​ສະ­ພາບ​ການ​ລົງ­ທຶນ​ຢູ່ ນວ ໃນ​ໄລ­ຍະ 1 ປີ­ຜ່ານ­ມາ ໃຫ້​ທ່ານ​ຮອງ​ເຈົ້າ​ຄອງ​ຊາບ​ວ່າ:ໄດ້​ຄົ້ນ­ຄວ້າ​ເອ­ກະ­ສານ​ສັນ­ຍາ ອະ­ນຸ​ສັນ­ຍາຈ່າຍ​ເງິນ​ໂຄງ­ການ​ລົງ­ທຶນ​ຂອງ​ລັດພ້ອມ​ທັງ​ຢັ້ງ­ຢືນ​ທຶນ​ຕິດ­ຕາມ​ການ​ຊຳ­ລະ ແລະຄຸ້ມ​ຄອງ​ສັນ­ຍາ​ໂຄງ­ການ​ລົງ­ທຶນ​ຂອງ​ລັດ ປະ­ຈຳ​ປີ 2018 ໄດ້​ທັງ​ໝົດ 693 ໂຄງ­ການ ລວມ​ມູນ​ຄ່າ​ທັງ​ໝົດ 95,48 ຕື້​ກີບ ມາ​ຮອດ​ປັດ­ຈຸ­ບັນ ນວມີ​ໜີ້​ສິນ​ສາ­ທາ­ລະ­ນະ​ທັງ​ໝົດ 7.119,67 ຕື້​ກີບ ເທົ່າ​ກັບ 15,69% ຂອງ​ລວມ​ຍອດ​ຜະ­ລິດ​ຕະ​ພັນ​ພາຍ​ໃນ GDP ຂອງ ນວ (44.620 ຕື້​ກີບ) ຫຼືເທົ່າ​ກັບ 4,67% ຂອງ​ລວມ​ຍອດ​ຜະ­ລິດ​ຕະ​ພັນ​ພາຍ​ໃນ​ຂອງ​ທົ່ວ​ປະ­ເທດ (152.425 ຕື້​ກີບ)ສັງ​ລວມ​ແລ້ວ​ໜີ້​ສິນ​ທີ່​ກວມ​ເອົາ​ອັດ­ຕາ​ສ່ວນ​ຫຼາຍ​ກວ່າ​ໝູ່​ແມ່ນໜີ້​ສິນ​ໂຄງ­ການ​ລົງ­ທຶນ​ຂອງ​ລັດ ກວມ​ເອົາ 95,02% ຂອງ​ໜີ້​ສິນ​ສາ­ທາ­ລະ­ນະ​ທັງ​ໝົດ ເທົ່າ​ກັບ 15,16% ຂອງ​ລວມ​ຍອດ​ຜະ­ລິດ​ຕະ​ພັນ​ພາຍ​ໃນ​ຂອງ ນວ (44.620 ຕື້​ກີບ) ຫຼື ເທົ່າ​ກັບ 4,44% ຂອງ​ລວມ​ຍອດ​ຜະ­ລິດ​ຕະ​ພັນ​ພາຍ​ໃນ​ທົ່ວ​ປະ­ເທດ (152.425 ຕື້​ກີບ)ປັດ­ຈຸ­ບັນ​ມີ​ໂຄງ­ການ​ສະ­ເໜີ​ຂໍ​ລົງ­ທຶນ​ໃໝ່ ແລະ ໂຄງ­ການ​ລົງ­ທຶນ​ເກົ່າສະ­ເໜີ​ຂໍ​ດັດ­ແກ້​ທີ່​ສະ­ເໜີ​ຜ່ານ​ກອງ​ປະ­ຊຸມ​ຄະ­ນະ​ສົ່ງ­ເສີມ ແລະຄຸ້ມ​ຄອງ​ການ​ລົງ­ທຶນ​ຂັ້ນ ນວ (ຄລທ ນວ) ພິ­ຈາ­ລະ­ນາ​ລວມ​ທັງ​ໝົດ 105 ໂຄງ­ການ ໃນ​ນັ້ນ ໂຄງ­ການ​ທີ່­ຢູ່​ໃນ​ຂັ້ນ ນວ ຄົ້ນ­ຄວ້າ 88 ໂຄງ­ການ ແລະໂຄງ­ການ​ປະ­ກອບ​ຄຳ​ເຫັນ​ໃຫ້​ສູນ​ກາງ 17 ໂຄງ­ການໃນ​ຈຳ­ນວນ​ໂຄງ­ການ​ທີ່​ພິ­ຈາ­ລະ­ນາ​ທັງ​ໝົດ​ເຫັນ​ດີ​ມີ 60 ໂຄງ­ການລວມ​ມູນ​ຄ່າ​ການ​ລົງ­ທຶນ 900 ກວ່າ​ລ້ານ​ໂດ​ລາ ຫຼື ປະ­ມານ 7.770 ຕື້​ກີບບໍ່​ເຫັນ​ດີ​ມີ 18 ໂຄງ­ການ ແລະມອບ​ໃຫ້​ພາກ­ສ່ວນ​ທີ່​ກ່ຽວ­ຂ້ອງ​ຄົ້ນ­ຄວ້າ​ຄືນ 27 ໂຄງ­ການ ສັງ​ລວມ​ແລ້ວນັບ​ແຕ່​ປີ 2010 ມາ​ຮອດ​ປັດ­ຈຸ­ບັນ ອົງ­ການ​ປົກ­ຄອງ ນວ (ຕາງ­ໜ້າ​ໂດຍ​ພະ​ແນກ​ແຜນ­ການ ແລະ ການ​ລົງ­ທຶນ ນວ)ໄດ້​ເຊັນ​ສັນ­ຍາ​ສຳ​ປະ­ທານ ແລະ ສັນ­ຍາ​ພັດ­ທະ­ນາ​ໂຄງ­ການ​ມີ 46 ໂຄງ­ການລວມ​ທຶນ​ທັງ​ໝົດ 1 ຕື້​ໂດ​ລາ ຫຼື ປະ­ມານ 8.600 ຕື້​ກີບນອກ​ນັ້ນ​ຍັງ​ໄດ້​ເຊັນ​ບົດ​ບັນ­ທຶກ​ຄວາມ​ເຂົ້າ­ໃຈເພື່ອ​ສຶກ​ສາ​ຄວາມ​ເປັນ​ໄປ​ໄດ້​ໃນ​ການ​ລົງ­ທຶນ​ຢູ່​ໃນ ນວ ຈຳ­ນວນ 19 ໂຄງ­ການ.

ພາຍ­ຫຼັງ​ຮັບ​ຟັງ​ການ​ລາຍ​ງານ​ທີ່​ເຫັນ​ທັງ​ດ້ານ​ດີ ຂໍ້​ສະ­ດວກ ແລະຂໍ້​ຫຍຸ້ງ­ຍາກ ໃນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ການ​ລົງ­ທຶນໃນ​ໄລ­ຍະ​ຜ່ານ​ມາ ຈາກ​ທ່ານ​ຫົວ­ໜ້າ​ພະ​ແນກ​ແຜນ­ການ ແລະ ການ​ລົງ­ທຶນ ນວທ່ານ​ຮອງ​ເຈົ້າ​ຄອງ ນວໄດ້​ສະ­ແດງ​ຄວາມ​ຍ້ອງ­ຍໍ​ຊົມ­ເຊີຍ​ຕໍ່​ຜົນ­ງານ​ທີ່​ພະ​ແນກ​ແຜນ­ການ ແລະການ​ລົງ­ທຶນ ນວ ຍາດ​ມາ​ໄດ້​ໃນ​ໄລ­ຍະ​ທີ່​ຜ່ານ​ມາ ພ້ອມ​ທັງ​ເນັ້ນ​ບາງ​ບັນ­ຫາໂດຍ​ສະ­ເໜີ​ໃຫ້​ສືບ­ຕໍ່​ເອົາ­ໃຈ­ໃສ່​ວຽກ​ພັກ-ພະ­ນັກ­ງານໂດຍ​ສະ­ເພາະ​ການ​ສຶກ​ສາ​ອົບ­ຮົມ​ແນວ​ຄິດ-ການ­ເມືອງໃຫ້​ບັນ­ດາ​ພະ­ນັກ­ງານ-ລັດ­ຖະ­ກອນ ໃຫ້​ມີ​ຄວາມ​ສາ­ມັກ­ຄີອຸ່ນ​ອ່ຽນ​ທຸ່ນ​ທ່ຽງ​ຕໍ່​ການ​ຊີ້​ນຳ-ນຳ­ພາຕໍ່​ແນວ­ທາງ​ນະ­ໂຍ­ບາຍ​ຂອງ​ພັກ-ລະ­ບຽບ​ກົດ­ໝາຍ​ຂອງ​ລັດມີ​ຄວາມ​ຫ້າວ­ຫັນ​ໃນ​ການ​ປະ­ຕິ­ບັດ​ວຽກ​ງານ​ຢ່າງ​ສຸດ​ກົກ​ສຸດ​ປາຍ ເພາະ­ວ່າພະ­ນັກ­ງານ​ທີ່​ເຮັດ​ວຽກ​ນີ້​ແມ່ນ​ຫົວ​ຈັກ​ຫຼັກ​ແຫຼ່ງ​ທີ່​ສຳ­ຄັນ​ໃນ​ການ​ຄົ້ນ­ຄວ້າແລະ ວາງ​ແຜນ​ພັດ­ທະ­ນາ ນວ ພ້ອມ​ທັງ​ສືບ­ຕໍ່​ດຶງ​ດູດ ແລະສົ່ງ­ເສີມ​ການ​ລົງ­ທຶນ​ເອ­ກະ​ຊົນ​ພາຍ​ໃນ ແລະ ຕ່າງ­ປະ­ເທດເອົາ­ໃຈ­ໃສ່​ຄົ້ນ­ຄວ້າ​ປະ​ເມີນ​ໂຄງ­ການ​ໃຫ້​ມີ​ຄຸນ​ນະ​ພາບ ໂດຍ​ສະ­ເພາະການ​ປະ​ເມີນ​ໂຄງ­ການ​ຂອງ​ລັດກ່ອນ​ສະ­ເໜີ​ເອົາ​ເຂົ້າ​ແຜນ​ຕ້ອງ​ໄດ້​ປະ­ຕິ­ບັດ​ຕາມ​ກົດ­ໝາຍ ແລະລະ­ບຽບ​ການ​ຢ່າງ​ເຂັ້ມ​ງວດ ການ​ປະ​ເມີນ​ຕ້ອງ​ຮັບ­ປະ­ກັນ​ໄດ້​ຄວາມ​ຖືກ­ຕ້ອງແລະ ຍຸ­ຕິ​ທຳເພື່ອ​ໃຫ້​ໂຄງ­ການ​ມີ​ຄວາມ​ສອດ­ຄ່ອງ​ກັບ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມມີ​ປະ­ສິດ­ທິ­ພາບ ປະ​ສິດ­ທິ​ຜົນ ແລະ ມີ​ຄວາມ​ຍືນ​ຍົງບັນ­ຈຸ​ເຂົ້າ​ໃນ​ແຜນ­ການ​ລົງ­ທຶນ​ຂອງ​ລັດເພື່ອ​ແນ­ໃສ່​ບັນ­ລຸ​ບັນ­ດາ​ເປົ້າ​ໝາຍ​ຂອງ​ການ​ພັດ­ທະ­ນາ ນວ.

 

 

ຂໍ້ມູນຈາກ: ໜັງສືພິມວຽງຈັນໃໝ່.

ຂໍ້ມູນ ແລະ ຮູບພາບຈາກ: ໂຕະປະຊາສຳພັນ ການເຄື່ອນໄຫວພົ້ນເດັ່ນ ຂອງການນຳ ນວ.

ຄົ້ນຫາ

ປະຕິທິນ

December 2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 17

ຈຳນວນຜູ້ເຂົ້າຊົມວານນີ້ 189

ຈຳນວນຜູ້ເຂົ້າຊົມອາທິດນີ້ 206

ຈຳນວນຜູ້ເຂົ້າຊົມເດືອນນີ້ 869

ຈຳນວນຜູ້ເຂົ້າຊົມທັງໝົດ 54806

Currently are 76 guests and no members online