Get Adobe Flash player

ຂ່າວເດັ່ນ

ຂໍ້ຕົກລົງ ວ່າດ້ວຍມາດຕະການຫຼຸດຜ່ອນອຸປະຕິເຫດ ແລະ ການຮັກສາຄວາມປອດໄພຕາມຖະໜົນ ທົ່ວນະຄອນຫຼວງວຽງຈັນ
ດໍາລັດ 177 ວ່າດ້ວຍການປະສານງານ ລະຫວ່າງກະຊວງ, ອົງການລັດທຽບເທົ່າກະຊວງ, ແຂວງ, ນະຄອນຫຼວງ ກັບສໍານັກງານນາຍົກລັດຖະມົນຕີ
3 ຫຼຸດ 3 ເພີ່ມ 3 ຂະບວນການ
ຍິນດີຕ້ອນຮັບ ສູ່ປີທ່ອງທ່ຽວລາວ ປີ 2018, Welcome to Visit LAOS Year 2018

     ຕອນບ່າຍຂອງວັນທີ 19 ມີນາ 2019 ທີ່ ພະແນກຊັບພະຍາກອນທຳມະຊາດ ແລະ ສີ່ງແວດລ້ອມນະຄອນຫຼວງວຽງຈັນ. ໄດ້ຈັດກອງປະຊຸມສຳມະນາການກະກຽມດຳເນີນມາດຕະການ ເພື່ອຮັບມືກັບການແຜ່ກະຈາຍຂອງຝຸ່ນລະອອງ PM 2.5 ທີ່ເກີນຄ່າມາດຕະຖານ ໃນນະຄອນຫຼວງວຽງຈັນ. ພາຍໃຕ້ການເປັນປະທານ ຂອງ ທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ, ເຂົ້າຮ່ວມມີ ບັນດາກົມ-ຫ້ອງການ ກ່ຽວຂ້ອງ ຂອງກະຊວງຊັບພະຍາກອນທຳມະຊາດ ແລະ ສີ່ງແວດລ້ອມ ພ້ອມດ້ວຍ ບັນດາພະແນກການ ແລະ ພາກສ່ວນທີ່ກ່ຽວຂ້ອງ ຂອງ ນວ ເຂົ້າຮ່ວມ.

     ທ່ານ ແກ້ວພິລາວັນ ອາໄພລາດ ໄດ້ມີຄຳເຫັນຕໍ່ກອງປະຊຸມດັ່ງກ່າວ ເຊີ່ງມີເນື້ອໃນບາງຕອນວ່າ: ປະຈຸບັນ, ບັນຫາຝຸ່ນລະອອງທາງອາກາດໃນນະຄອນຫຼວງວຽງຈັນ ກໍ່ເປັນບັນຫານຶ່ງທີ່ມີຄວາມສຳຄັນ ແລະ ຕ້ອງໄດ້ຮີບດ່ວນແກ້ໄຂຊ່ວຍກັນ ເພາະໃນ 1 ອາທິດ ທີ່ຜ່ານມານີ້ ໄດ້ເລີ້ມມີຝຸ່ນລະອອງເປັນຈຳນວນຫຼາຍມາປົກຄຸມທ້ອງຟ້າ ເນື່ອງມາຈາກສະພາບອາດກາດທີ່ຮ້ອນອົບເອົ້າ, ມີລົມພັດຝຸ່ນລະອອງ PM 2.5 ມາຈາກບ່ອນອື່ນ, ທັງມີການກໍ່ຕົວຂອງຝຸ່ນລະອອງເອງພາຍໃນນະຄອນຫຼວງວຽງຈັນ ອັນເກີດມາຈາກການປ່ອຍຄວັນຂອງໂຮງງານອຸດສາຫະກຳ, ການຈູດເຜົາສິ່ງເສດເຫຼືອຕ່າງໆ ແລະ ໄຟໄໝ້ລາມປ່າ ໃນ 3 ເມືອງ ( ເມືອງນາຊາຍທອງ, ສີໂຄດຕະບອງ ແລະ ເມືອງສັງທອງ )

     ສະນັ້ນ, ການຈັດກອງປະຊຸມສຳມະນາຂື້ນໃນມື້ນີ້ ຈຶ່ງມີຄວາມສຳຄັນຫຼາຍ ເພື່ອເປັນການກະກຽມດຳເນີນມາດຕະການ ເພື່ອຮັບມືກັບການແຜ່ກະຈາຍຂອງຝຸ່ນລະອອງ PM 2.5 ທີ່ເກີນຄ່າມາດຕະຖານໃນນະຄອນຫຼວງວຽງຈັນ ໃຫ້ໄດ້ຮັບການແກ້ໄຂ ແລະ ມີປະສິດທິຜົນ.

ຂ້າພະເຈົ້າຂໍໃຫ້ທຸກພາກສ່ວນເອົາໃຈໃສ່ຕື່ມ:
- ໃນການຮັບມືກັບບັນຫາຝຸ່ນລະອອງເບື້ອງຕົ້ນແມ່ນ ໃຫ້ຫຼີກລ້ຽງການເຄື່ອນໄຫວກິດຈະກຳກາງແຈ້ງ ຫຼື ນອກອາຄານບ້ານເຮືອນ; ປິດປະຕູບໍ່ໃຫ້ຝຸ່ນລະອອງປິວເຂົ້າ; ໃຊ້ຜ້າອັດປາກອັດດັງທີ່ໄດ້ມາດຕະຖານຕອນອອກຈາກບ້ານ; ໃຫ້ລະມັດລະວັງການຂັບຂີ່ຍານພາຫະນະ; ຫ້າມຈູດຂີ້ເຫຍື້ອ ແລະ ປ່າຊະຊາຍ ແລະ ໃຫ້ຕິດຕາມການລາຍງານສະພາບມົນລະພິດຝຸ່ນລະອອງ ຢ່າງເປັນປະຈຳ. ເຊີ່ງວິທີການປ້ອງກັນ ໃຫ້ບັນດາທ່ານ ອ່ານຕື່ມ ໃນແຈ້ງການຂອງ ກະຊວງສາທາລະນະສຸກ ສະບັບເລກທີ 0317/ສທ, ລົງວັນທີ 15 ມີນາ 2019 ວ່າດ້ວຍການປ້ອງກັນເພື່ອຫຼຸດຜ່ອນຜົນກະທົບຕໍ່ສຸຂະພາບ ທີ່ເກີດຈາກມົນລະຜິດທາງອາກາດ ຢູ່ເຂດນະຄອນຫຼວງວຽງຈັນ ແລະ ບັນດາແຂວງໃກ້ຄຽງ.

- ໃຫ້ພາກສ່ວນທີ່ກ່ຽວຂ້ອງຄົ້ນຄ້ວາມາດຕະການແກ້ໄຂ ແລະ ວິທີການປ້ອງກັນຕື່ມ ໂດຍສະເພາະແມ່ນການສ້າງເປັນນິຕິກຳຕ່າງໆ ເພື່ອຄຸ້ມຄອງບັນຫາດັ່ງກ່າວ ( ໃຫ້ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ສົມທົບກັບພາກສ່ວນທີ່ກ່ຽວຂ້ອງ, ກົມຄວບຄຸມມົນລະພິດ ແລະ ສະຖາບັນສິ່ງແວດລ້ອມ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ )

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 38

ຈຳນວນຜູ້ເຂົ້າຊົມວານນີ້ 48

ຈຳນວນຜູ້ເຂົ້າຊົມອາທິດນີ້ 165

ຈຳນວນຜູ້ເຂົ້າຊົມເດືອນນີ້ 641

ຈຳນວນຜູ້ເຂົ້າຊົມທັງໝົດ 49636

Currently are 61 guests and no members online

ແຜນທີ່ນະຄອນຫຼວງວຽງຈັນ