ກອງ​ປະ­ຊຸມ​ເຊື່ອມ​ຊຶມ​ມະ­ຕິ​ກອງ​ປະ­ຊຸມ​ໃຫຍ່​ຄົບ​ຄະ­ນະ ຄັ້ງ​ທີ 7 ຂອງ​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ສະ­ໄໝ​ທີ 10 ຂອງ​ອົງ­ຄະ​ນະ​ພັກ ນະ­ຄອນ­ຫຼວງ​ວຽງ​ຈັນ (ນວ) ແຂວງ​ວຽງ​ຈັນ ແລະ ແຂວງ​ໄຊ​ສົມ­ບູນ ຈັດ​ຂຶ້ນ​ວັນ​ທີ 14-15 ມັງ­ກອນ 2019 ທີ່​ຫ້ອງ​ວ່າ­ການ​ປົກ­ຄອງ ນວ ໂດຍ​ເປັນ​ປະ­ທານ​ຂອງ​ສະ­ຫາຍ ສິນ​ລະ​ວົງ ຄຸດ​ໄພ­ທູນ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ເລ­ຂາ​ຄະ­ນະ​ພັກ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ບັນ­ດາ​ສະ­ຫາຍ​ກຳ­ມະ­ການ​ສູນ​ກາງ​ພັກ ຄະ­ນະ​ປະ­ຈຳ​ພັກ ຄະ­ນະ​ພັກ ຄະ­ນະ​ນຳ ແລະ ພະ­ນັກ­ງານ​ຫຼັກ​ແຫຼ່ງ​ຈາກ ນວ ແຂວງ​ວຽງ​ຈັນ ແລະ ແຂວງ​ໄຊ​ສົມ­ບູນ​ເຂົ້າ​ຮ່ວມ.

    ສະ­ຫາຍ ສິນ​ລະ​ວົງ ຄຸດ​ໄພ­ທູນ ໄດ້​ກ່າວ​ວ່າ: ກອງ​ປະ­ຊຸມ​ຄັ້ງ​ນີ້ ແນ­ໃສ່​ສ້າງ​ຄວາມ​ຮູ້​ຄວາມ​ເຂົ້າ­ໃຈ​ໃຫ້​ແຈ້ງ​ຕື່ມ​ຕໍ່​ກັບ​ບັນ­ຫາ​ຕ່າງໆ ທີ່​ພວກ​ເຮົາ​ພວມ​ປະ​ເຊີນ​ໜ້າ ແລະ ຕ້ອງ​ສຸມ​ໃສ່​ແກ້​ໄຂ​ຢ່າງ​ຈິງ​ຈັງ ແທດ​ເຖິງ ໂດຍ​ສະ­ເພາະ​ບັນ­ຫາ​ຄວາມ​ຫຍຸ້ງ­ຍາກ​ທາງ​ດ້ານ​ເສດ­ຖະ­ກິດ-ການ​ເງິນ​ຂອງ​ປະ­ເທດ ເວົ້າ​ລວມ ເວົ້າ​ສະ­ເພາະ ຢູ່​ພື້ນ​ທີ່​ທ້ອງ­ຖິ່ນ​ຂອງ​ຕົນ ພ້ອມ​ທັງ​ເຫັນ​ໄດ້​ບັນ­ຫາ​ທີ່​ຍັງ​ອ່ອນ­ແອ​ຂອງ​ລະ­ບົບ​ການ­ເມືອງ​ຢູ່​ຮາກ​ຖານ ຄວາມ​ຫຍຸ້ງ­ຍາກ ແລະ ອ່ອນ­ແອ​ເຫຼົ່າ­ນັ້ນ ເປັນ​ສິ່ງ​ທ້າ​ທາຍ ມີ​ລັກ­ສະ­ນະ​ຫຼໍ່​ແຫຼມ​ຕໍ່​ສະ­ຖຽນ​ລະ​ພາບ​ທາງ​ດ້ານ​ເສດ­ຖະ­ກິດ-ສັງ­ຄົມ ແລະ ການ­ເມືອງ ກໍ່​ຄື ຄວາມ​ໝັ້ນ­ຄົງ​ຂອງ​ລະ­ບອບ​ປະ­ຊາ­ທິ­ປະ­ໄຕ​ປະ­ຊາ­ຊົນ ຕໍ່​ສະ­ພາບ​ດັ່ງ­ກ່າວ ຕ້ອງ​ສະ­ດຸ້ງ​ໄວ​ຖ້າ​ຖື​ເບົາ​ຕໍ່​ບັນ­ຫາ​ເຫຼົ່າ­ນັ້ນ ແນ່­ນອນ​ພວກ​ເຮົາ​ຈະ​ຕົກ​ຢູ່​ໃນ​ທ່າ​ຮັບ​ຢ່າງ​ຫຼີກ​ລ່ຽງ​ບໍ່​ໄດ້.

    ກອງ​ປະ­ຊຸມ​ໄດ້​ສຸມ​ໃສ່​ເຊື່ອມ​ຊຶມ 2 ເອ­ກະ­ສານ​ຄື: ມະ­ຕິ​ວ່າ​ດ້ວຍ​ເພີ່ມ​ທະ­ວີ​ການ​ນຳ­ພາ​ແກ້​ໄຂ​ຄວາມ​ຫຍຸ້ງ­ຍາກ​ດ້ານ​ເສດ­ຖະ­ກິດ-ການ​ເງິນ ແລະ ການ​ສ້າງ​ຄວາມ​ເຂັ້ມ­ແຂງ​ຂອງ​ການ​ຄຸ້ມ​ຄອງ​ມະ­ຫາ​ພາກ ມະ­ຕິ​ວ່າ​ດ້ວຍ​ການ​ປັບ­ປຸງ​ຮາກ​ຖານ​ການ­ເມືອງ​ຂອງ​ລະ­ບອບ​ປະ­ຊາ­ທິ­ປະ­ໄຕ​ປະ­ຊາ­ຊົນ ໃຫ້​ເຂັ້ມ­ແຂງ​ໜັກ​ແໜ້ນ ມະ­ຕິ​ດັ່ງ­ກ່າວ​ນີ້ ເປັນ​ບັນ­ຫາ​ສຳ­ຄັນ​ຫຼາຍ ແລະ ຕິດ​ພັນ​ກັບ​ຄວາມ​ຮັບ​ຜີດ​ຊອບ​ການ­ເມືອງ​ຂອງ​ຄະ­ນະ​ພັກ-ຄະ­ນະ​ນຳ​ແຕ່​ລະ​ຂັ້ນ ສ່ວນ​ວິ­ທີ​ການ​ດຳ­ເນີນ​ຈະ​ຖື​ການ​ອ່ານ​ມະ­ຕິ​ດ້ວຍ​ຕົນ​ເອງ ເຂົ້າ­ໃຈ​ດ້ວຍ​ຕົນ​ເອງ​ເປັນ​ຫຼັກ ເອົາ​ການ​ບັນ­ຍາຍ​ເປັນ​ສຳ­ຄັນ ແລະ ມີ​ການ​ສົນ­ທະ­ນາ​ເປັນ​ໜ່ວຍ ສົມ­ທົບ​ກັບ​ການ​ສົນ­ທະ­ນາ​ລວມ​ຫ້ອງ ໂດຍ​ສົມ​ທຽບ​ກັບ​ສະ­ພາບ​ຄວາມ​ເປັນ​ຈິງ​ຂອງ​ທ້ອງ­ຖິ່ນ ແລະ ຮາກ​ຖານ​ຕົນ​ເປັນ​ສຳ­ຄັນ ເພື່ອ​ມາ​ສະ­ຫຼຸບ​ຕີ​ລາ­ຄາ.

 

ທີ່ມາຂໍ້ມູນຈາກ: ໜັງສືພິມວຽງຈັນໃໝ່.

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 15 guests and no members online