ພິ­ທີ​ໄຂ​ນຳ​ໃຊ້​ໂຮງ­ງານ​ຜະ­ລິດ​ນ້ຳ​ປະ­ປາ​ໂຄກ​ແຮ່ ເມືອງ​ສັງ​ທອງ ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 11 ມັງ­ກອນ 2019 ຢູ່​ບ້ານ​ດັ່ງ­ກ່າວ ໂດຍ​ມີ​ທ່ານ ແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ ນວ ທ່ານ ຄຳ​ເຜີຍ ວົງ­ສາ​ຄຳ​ຜຸຍ ຜູ້­ອຳ­ນວຍ­ການ​ໃຫຍ່​ລັດ​ວິ​ສາ​ຫະ​ກິດ​ນ້ຳ​ປະ­ປາ ນວ ທ່ານ ດາວ​ເພັດ ອາ​ລຸນ ເຈົ້າ­ເມືອງ​ສັງ​ທອງ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ຄຳ​ເຜີຍ ວົງ­ສາ​ຄຳ​ຜຸຍ ກ່າວ​ວ່າ: ອີງ­ໃສ່​ຄວາມ​ຈຳ­ເປັນ ແລະ ຄວາມ​ຕ້ອງ­ການ​ດ້ານ​ນ້ຳ​ທີ່​ເປັນ​ປັດ​ໄຈ​ພື້ນ­ຖານ ​ໃຫ້­ການ​ດຳ­ລົງ​ຊີ­ວິດ​ຂອງ​ປະ­ຊາ­ຊົນ​ຢູ່ ນວ ເວົ້າ​ສະ­ເພາະ ປະ­ຊາ­ຊົນ​ທີ່​ອາ­ໄສ​ຢູ່​ແຄມ​ນ້ຳ­ຂອງ​ບ້ານ​ໂຄກ​ແຮ່ ແລະ ບ້ານ​ອ້ອມ​ຂ້າງ​ທີ່​ຂາດ­ເຂີນ​ນ້ຳ​ໃຊ້​ທີ່​ສະ­ອາດ ປອດ​ໄພ ເຊິ່ງ​ຜ່ານ​ການ​ນຳ​ໃຊ້​ນ້ຳ​ຍັງ​ບໍ່​ທັນ​ໄດ້​ມາດ­ຕະ­ຖານ​ຂອງ​ນ້ຳ​ທີ່​ສະ­ອາດ​ຢ່າງ​ແທ້​ຈິງ ການ​ນຳ ນວ ຈຶ່ງ​ເຫັນ​ຄວາມ​ສຳ­ຄັນ-ຄວາມ​ຈຳ­ເປັນ ຈຶ່ງ​ໄດ້​ກູ້​ຢືມ​ແຫຼ່ງ​ທຶນ​ຈາກ ສປ ຈີນ (NORINCO) ມູນ​ຄ່າ 100 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 856,76 ຕື້​ກີບ ແລະ ມອບ​ໃຫ້​ລັດ​ວິ​ສາ​ຫະ​ກິດ​ນ້ຳ​ປະ­ປາ ນວ ເປັນ​ຜູ້​ຈັດ​ຕັ້ງ​ປະ­ຕິ­ບັດ ເຊິ່ງ​ໂຄງ­ການ​ນ້ຳ​ປະ­ປາ​ໂຄກ​ແຮ່ ແມ່ນ​ໜຶ່ງ​ໃນ​ຈຳ­ນວນ​ຫຼາຍ​ໜ້າ​ວຽກ​ຂອງ​ໂຄງ­ການ​ຂະ­ຫຍາຍ​ລະ­ບົບ​ທໍ່​ຢູ່ ນວ ຜ່ານ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ນີ້ ນວ ຈະ​ມີ​ລະ­ບົບ​ນ້ຳ​ປະ­ປາ​ຂະ­ຫຍາຍ­ຕົວ​ຂຶ້ນ​ຫຼາຍ​ສົມ­ຄວນ ຕາມ​ແຜນ​ສູ້​ຊົນ​ຮອດ​ປີ 2020 ປະ­ຊາ­ຊົນ​ອາ­ໄສ​ຢູ່​ບໍ­ລິ­ການ​ຈະ​ມີ​ນ້ຳ​ໃຊ້ 90-95% ເຊິ່ງ​ປັດ­ຈຸ­ບັນ​ມີ​ພຽງ​ແຕ່​ປະ­ມານ 85% ເຊິ່ງ​ຈະ​ເປັນ​ພື້ນ­ຖານ​ໃຫ້​ປະ­ຊາ­ຊົນ​ມີ​ສິ່ງ​ອຳ­ນວຍ​ຄວາມ​ສະ­ດວກ​ໃນ​ການ​ດຳ­ລົງ​ຊີ­ວິດ​ປະ­ຈຳ​ວັນ ແລະ ເປັນ​ທ່າ­ແຮງ​ໃນ​ການ​ທຳ​ມາ​ຫາ​ກິນ​ເຮັດ​ທຸ­ລະ​ກິດ.

    ໂຄງ­ການ​ດັ່ງ­ກ່າວ ມີ​ກຳ­ລັງ​ການ​ຜະ­ລິດ 1.000 ແມັດ​ກ້ອນ​ຕໍ່​ວັນ ໂດຍ​ມີ​ລະ­ບົບ​ທໍ່​ສົ່ງ ແລະ ທໍ່​ແຈກ ຫຼາຍ​ກວ່າ 50 ກິ­ໂລ­ແມັດ ສາ­ມາດ​ສະ­ໜອງ​ນ້ຳ​ໃຫ້​ປະ­ຊາ­ຊົນ​ໄດ້​ຫຼາຍ​ກວ່າ 4.830 ຄົນ ໃນ 5 ບ້ານ​ຄື: ບ້ານ​ສະ​ໄກ ບ້ານ​ອ່າງ​ນ້ອຍ ບ້ານ​ໂຄກ​ແຮ່ ບ້ານ​ສະ​ນອດ ແລະ ບ້ານ​ທ່າ​ນາ­ສາ.

 

ທີ່ມາຂໍ້ມູນຈາກ: ໜັງສືພິມວຽງຈັນໃໝ່.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 20 guests and no members online