DSC01075DSC01070DSC01074

ກອງ​ປະຊຸມ​ທົບ​ທວນ ແລະ ຮ່ວມ​ໃຈ​ເປັນ​ເຈົ້າພາບ​ທີ່​ດີ ​ເພື່ອ​ຄຳນັບ​ຮັບ​ຕ້ອນ​ກອງ​ປະຊຸມ​ສຸດ​ຍອດອາ​ຊຽນ ​ຄັ້ງ​ທີ 28-29 ກອງ​ປະຊຸມ​ເຈົ້າ​ຄອງ​ນະຄອນຫຼວງອາຊຽນ​ ຄັ້ງ​ທີ 4 ແລະ ກອງ​ປະຊຸມອື່ນໆ​ທີ່​ກ່ຽວຂ້ອງ​ ຢູ່​ນະຄອນຫຼວງວຽງ​ຈັນ ​ປີ 2016 ຈັດ​ຂຶ້ນ​ໃນ​ວັນ​ທີ 13 ກໍລະກົດ 2016 ທີ່​ຫ້ອງ​ວ່າການ​ປົກຄອງ​ນະຄອນຫຼວງ​ວຽງຈັນ ເປັນ​ປະທານ​ຂອງ​ທ່ານ ​ປອ. ສິນ​ລະ​ວົງ ຄຸດ​ໄພທູນ ເຈົ້າ​ຄອງນະຄອນຫຼວງ ແລະ ເປັນ​ກຽດເຜີຍແຜ່​ຄວາມ​ໝາຍ​ຄວາມ​ສຳຄັນ​ຂອງ​ກອງ​ປະຊຸມ​ສຸດ​ຍອດ​ອາຊຽນ ​ຄັ້ງ​ທີ 28-29 ທີ່ ​ສປປ ລາວ ເປັນ​ເຈົ້າພາບ ໂດຍ​ທ່ານ ອາ​ລຸນ ແກ້ວກິດ​ຕິ​ຄຸນ ລັດຖະມົນຕີ​ປະຈຳ​ສຳນັກງານ​ນາຍົກ​ລັດ​ຖະ​ມົນຕີ ຫົວໜ້າ​ເຈົ້າ​ໜ້າທີ່​ອາວຸໂສອາຊຽນຂອງ ​ສປປ ລາວ ມີ​ບັນດາຮອງ​ເຈົ້າ​ຄອງ ເຈົ້າເມືອງ ຫົວໜ້າ​ພະ​ແນກ-ອົງການ ນວ ແລະ ກະຊວງ​ອ້ອມ​ຂ້າງ​ເຂົ້າ​ຮ່ວມ.

ກອງ​ປະຊຸມ​ໃນ​ຄັ້ງ​ນີ້ ຜູ້​ເຂົ້າຮ່ວມ​ໄດ້​ຮັບ​ຟັງ​ປະຫວັດ​ຄວາມເປັນ​ມາ ແລະ ຄວາມ​ໝາຍຄວາມ​ສຳຄັນ​ຂອງ​ກອງ​ປະຊຸມສຸດ​ຍອດ​ອາ​ຊຽນ ຄັ້ງ​ທີ 28-29 ທີ່ ​ສປປ ລາວ ເປັນ​ເຈົ້າພາບ ພ້ອມທັງ​ໄດ້​ຮັບ​ຟັງ​ການ​ລາຍ​ງານ​ການກະກຽມ​ຄວາມ​ພ້ອມ​ຂອງ​ແຕ່​ລະພາກສ່ວນ ເປັນຕົ້ນ ໜ່ວຍ​ງານປັບປຸງ​ເສັ້ນທາງ ໜ່ວຍ​ງານ​ຈັດສັນ​ຄວາມ​ເປັນ​ລະບຽບ​ຮຽບຮ້ອຍ ໜ່ວຍ​ງານ​ໂຮງແຮມ ທີ່​ພັກ ຮ້ານ​ອາຫານ ໜ່ວຍ​ງານ​ປະດັບປະດາ​ຕົວ​ເມືອງ ໜ່ວຍ​ງານ​ໄຟຟ້າ ນ້ຳ​ປະປາ ຫ້ອງການ​ພັດ​ທະນາ​ຊົນນະບົດ ແລະ ລຶບລ້າງຄວາມທຸກ​ຍາກ ເຊິ່ງ​ທັງ​ໝົດ​ນີ້ ແມ່ນ​ໄດ້​ລາຍ​ງານ​ກ່ຽວ​ກັບ​ສະພາບ​ການຈັດຕັ້ງ​ປະຕິບັດ ​ວຽກງານ​ໃນ​ໄລຍະ​ຜ່ານ​ມາ ແລະ ວຽກ​ຈຸດ​ສຸມ​ໃນຕໍ່ໜ້າ.

ໃນ​ພິທີ ທ່ານ​ເຈົ້າ​ຄອງ​ໄດ້​ມີຄຳ​ເຫັນ​ຊີ້​ນຳ​ກ່ຽວ​ກັບ​ຄວາມ​ຮັບຜິດ​ຊອບ​ ໃນ​ຖານະ​ຜູ້​ເປັນ​ເຈົ້າພາບທີ່​ດີ​ ຕ້ອງ​ໃຫ້​ບັນລຸ​ໄດ້ຄື: ຕ້ອງ​ຮັບປະກັນ​ຄວາມ​ສະຫງົບ ຄວາມເປັນ​ລະບຽບ​ຮຽບ​ຮ້ອຍດ້ານ​ການເມືອງ ຮັບປະກັນ​ຄວາມ​ປອດ​ໄພ ໃຫ້​ຄວາມ​ສະດວກ​ສະບາຍ​ແກ່ທຸກ​ຄະນະ​ຜູ້​ແທນ ແລະ ແຂກເມືອງ​ເປັນ​ຢ່າງ​ດີ ພະນັກງານ ຜູ້ປະກອບ​ການ ແລະ ປະຊາຊົນທຸກ​ຄົນ ຕ້ອງ​ມີ​ມະນຸດ​ສຳພັນ​ທີ່​ດີຕໍ່​ແຂກ ມີ​ຈິດໃຈ​ຮັກ​ແຂກ ຮັບຜິດ​ຊອບ​ຕໍ່​ແຂກ​ບ້ານ​ເມືອງ​ເປັນຢ່າງ​ດີ ແລະ ສຳລັບ ນວ ຕ້ອງ​ສະແດງ​ອອກ​ໃຫ້​ເຫັນ​ເຖິງ​ການ​ເປັນເມືອງ​ໜ້າ​ຢູ່ ຫຼື 6 ສ ໂດຍ​ມອບ​ໃຫ້​ອຳນາດ​ການ​ປົກຄອງ​ທຸກ​ຂັ້ນ​ເອົາໃຈໃສ່​ຕິດຕາມ ແລະ ກຳ​ສະພາບ​ໃນ​ຂອບ​ເຂດພື້ນ​ທີ່​ຮັບຜິດຊອບ ເອົາໃຈໃສ່​ແກ້ໄຂ​ການ​ສັນຈອນ​ແອ​ອັດ ເອົາໃຈໃສ່​ປະດັບ​ປະດາ​ຕາມ​ສຳນັກງານ-ອົງການ ແລະ ສູນ​ກາງ ທ້ອງຖິ່ນ ພ້ອມ​ທັງ​ບັນດາ​ພະແນກການອົງການ​ທຽບ​ເທົ່າ ​ຕ້ອງ​ເປັນ​ເຈົ້າການຈັດຕັ້ງ​ຜັນ​ຂະຫຍາຍ​ຮ່ວມກັນ ຜູ້​ປະກອບ​ການ ແລະ ປະຊາຊົນ​ຮ່ວມ​ມື​ກັນ ​ສ້າງ​ຂະ​ບວນ​ການຮັບ​ຕ້ອນ​ກອງ​ປະຊຸມ​ດັ່ງກ່າວ ດ້ວຍ​ອອກແຮງ​ງານ​ອະນາໄມ ແລະ ປະດັບ​ປະດາ​ບ້ານ​ເຮືອນຂອງ​ຕົນ​ໃຫ້​ສະອາດ​ຈົບງາມ.

 

ຂໍ້ມູນຈາກ: ໜັງສືພິມວຽງຈັນໃໝ່.

ຄົ້ນຫາ

ປະຕິທິນ

May 2021
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 4

ຈຳນວນຜູ້ເຂົ້າຊົມວານນີ້ 37

ຈຳນວນຜູ້ເຂົ້າຊົມອາທິດນີ້ 180

ຈຳນວນຜູ້ເຂົ້າຊົມເດືອນນີ້ 220

ຈຳນວນຜູ້ເຂົ້າຊົມທັງໝົດ 79929

Currently are 29 guests and no members online