7F74D505DBBC4C138DD6E29CE68717F4.ashx


          ທ່ານ ທອງສິງ ທຳມະວົງ ອະດີດນາຍົກລັດຖະມົນຕີ ທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີ ພ້ອມການນຳຂັ້ນສູງຂອງນະຄອນຫຼວງວຽງຈັນ ແລະ ພະແນກການກ່ຽວຂ້ອງ ໄດ້ເຂົ້າຮ່ວມປູກຕົ້ນໄມ້ຢູ່ລຽບຖະໜົນ 450 ປີ ເພື່ອເພີ່ມພື້ນທີ່ສີຂຽວໃຫ້ຫຼາຍຂຶ້ນ ປະກອບສ່ວນຫຼຸດຜ່ອນຄວາມຮ້ອນ ແລະ ແຫ້ງແລ້ງໃນອະນາຄົດ ເນື່ອງໃນໂອກາດສະເຫຼີມສະຫຼອງວັນປູກຕົ້ນໄມ້ແຫ່ງຊາດ 

(1 ມິຖຸນາ)  ໃນວັນທີ 11 ມິຖຸນາ 2016 ເຊິ່ງສະໜັບສະໜູນຕົ້ນໄມ້ໂດຍ ກຸ່ມບໍລິສັດ ດວງຈະເລີນພັດທະນາກໍ່ສ້າງ ຈຳກັດ.

ຖະໜົນ 450 ປີ ມີຄວາມຍາວ 20 ກວ່າກິໂລແມັດ ກວ້າງ 30 ແມັດ ໃນປີ 2015 ໄດ້ປູກຕົ້ນໄມ້ຄວາມສູງ 1,52 ແມັດ ໄດ້ 1.815 ຕົ້ນ (ແຕ່ສາງທ່ານາແລ້ງ-4 ແຍກໄຟແດງນາຄວາຍ ຍາວ 11 ກິໂລແມັດ) ໂດຍການສົມທົບທຶນຈາກພາກລັດ ແລະ ຜູ້ປະກອບການ 152,85 ລ້ານກີບ ສຳລັບປີ 2016 ໄດ້ມອບໃຫ້ພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ກະກຽມຕົ້ນໄມ້ ເພື່ອໃຫ້ພາກສ່ວນຕ່າງໆປະກອບ ສ່ວນສະໜັບສະໜູນ ເຊິ່ງປະເພດໄມ້ແຄນ ແລະ ໄມ້ຫຳງົວ ທີ່ມີຄວາມສູງ 2,53 ແມັດຂຶ້ນໄປ ປູກໃສ່ສອງຟາກຂອງເສັ້ນທາງດັ່ງກ່າວ ແຕ່ 4 ແຍກໄຟແດງນາຄວາຍ-ໄຟແດງດົງໂດກ ຍາວ 9 ກິໂລແມັດ ທັງໝົດ 1.430 ຕົ້ນ ມູນຄ່າ 886,6 ລ້ານກີບ (ລາຄາ 620.000 ກີບຕໍ່ຕົ້ນ ລວມທັງຄ່າຂຸດຂຸມ ໃສ່ຝຸ່ນ ປັກຫຼັກຄ້ຳ ແລະ ບົວລະບັດຮັກສາ 2 ປີ) ໂດຍຂະບວນການປູກຕົ້ນໄມ້ຢູ່ລຽບຖະໜົນ 450 ປີ ຄັ້ງທຳອິດແມ່ນວັນທີ 13 ພຶດສະພາ ຈຳນວນ 250 ຕົ້ນ ເຊິ່ງນຳໃຊ້ເງິນຂອງພະແນກກະສິກຳ ແລະ ປ່າໄມ້ນະຄອນຫຼວງ ຈຳນວນ 40 ລ້ານກີບ ແລະ ມີຜູ້ສະໜັບສະໜູນ 42 ພາກສ່ວນ ມູນຄ່າ 81,72 ລ້ານກີບ ຄັ້ງທີ 2 ວັນທີ 4 ມິຖຸນາ ໄດ້ປູກ 400 ຕົ້ນ ມີຜູ້ສະໜັບສະໜູນ 54 ພາກສ່ວນ ມູນຄ່າ 397,62 ລ້ານກີບ ສຳລັບຄັ້ງທີ 3 ນີ້ ໄດ້ກະກຽມປູກ 150 ຕົ້ນ ນອກນີ້ຍັງຈະສືບຕໍ່ປຸກລະດົມການສະໜັບສະໜູນ ເພື່ອປູກແຕ່ລະວັນເສົາຂອງເດືອນມິຖຸນາ 2016.

ຄົ້ນຫາ

ປະຕິທິນ

May 2021
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 4

ຈຳນວນຜູ້ເຂົ້າຊົມວານນີ້ 37

ຈຳນວນຜູ້ເຂົ້າຊົມອາທິດນີ້ 180

ຈຳນວນຜູ້ເຂົ້າຊົມເດືອນນີ້ 220

ຈຳນວນຜູ້ເຂົ້າຊົມທັງໝົດ 79929

Currently are 16 guests and no members online